ვიტამინები

კულუმბეგოვი COVI-19-ის მსუბუქად დაძლევის გზებზე: საკვები, გენეტიკური ფაქტორები, ვიტამინები

230
(განახლებულია 20:22 11.11.2020)
ალერგოლოგის განცხადებით, დაბალანსებული კვებითი რაციონი, ჯანსაღი ცხოვრების წესი, ფიზიკური აქტივობა ადამიანებს კორონავირუსის მსუბუქად დაძლევაში ეხმარება.

თბილისი, 11 ნოემბერი – Sputnik. არც ერთი მიკროელემენტი ან ვიტამინი არ არის გარანტია, რომ ჩვენ კოვიდ-ინფექცია არ შეგვხვდება, განაცხადა იმუნოლოგ-ალერგოლოგმა ბიძინა კულუმბეგოვმა ტელეკომპანია „იმედის“ ეთერში.

კულუმბეგოვმა ისაუბრა, თუ როგორ უნდა გაიძლიეროს ადამიანმა იმუნური სისტემა, რომ არ შეხვდეს კორონავირუსი, ან  დადასტურების შემთხვევაში მარტივად დაძლიოს ის.

„კოვიდ–პანდემიის დროს სერიოზულ გამოწვევად რჩება ადამიანის იმუნური სისტემის წახალისება და გაძლიერება. სრულფასოვანი იმუნური სისტემის მიღწევა მარტო საკვებით განპირობებული ფაქტი არ არის. ეს არის გენეტიკური ფაქტორებით განპირობებული და კიდევ სხვა ბევრი ფაქტორია. ძალიან მნიშვნელოვანია შემდეგი გარემო-ფაქტორები: კვების დაბალანსება, ფიზიკური აქტივობა, ძილის მოწესრიგება“, – ამბობს კულუმბეგოვი.

კულუმბეგოვის განცხადებით, მიუხედავად ყველაფრისა, ეს ფაქტორები არ არის იმის გარანტია, რომ ადამიანს კორონავირუსი არ შეხვდება.

თუმცა, როგორც ალერგოლოგმა აღნიშნა, არსებობს კვლევები, რომლებმაც დაადასტურა, რომ ამა თუ იმ მიკროელემენტის ან ვიტამინის დეფიციტის დროს ადგილი ჰქონდა გართულებებს, ან დაავადების მძიმედ მიმდინარეობას.

ხახვი – ვირუსებთან ბრძოლის საუკეთესო საშუალება>>

მაგალითად, ადამიანებთან, რომლებსაც ორგანიზმში D ვიტამინისა და თუთიის დაბალი შემცველობა ჰქონდათ, კოვიდის მიმდინარეობა შედარებით რთულად წარიმართა.

„ის კვლევები, რომლებიც დღეს ჩვენ გვაქვს, იგივე D ვიტამინის შემთხვევაში, იგივე თუთიასთან მიმართებით, არ არის ძალიან მასშტაბური, მაგრამ ძალიან პატივსაცემი ჯგუფების და ქვეყნების მიერ არის შესრულებული. ამ კვლევებმა აჩვენა, რომ ადამიანებთან, რომლებსაც ჰქონდათ დაბალი D ვიტამინის და თუთიის შემცველობა საკონტროლო ჯგუფთან შედარებით, კოვიდის მიმდინარეობა იყო შედარებით უფრო რთული“, – განაცხადა ბიძინა კულუმბეგოვმა.

შესაბამისად, იმ რეკომენდაციების დაცვა, რომლებსაც მედიკოსები იძლევიან იგივე კვებითი რაციონის, ჯანსაღი ცხოვრების წესის, ფიზიკური აქტივობის შესახებ, დაგვეხმარება შევამციროთ კორონავირუსით გამოწვეული გართულებები.

ბოლო ორ თვეში საქართველოში ეპიდემიოლოგიური ვითარება მნიშვნელოვნად გაუარესდა. კორონავირუსის პირველი ტალღის დროს – 26 თებერვლიდან 1 სექტემბრამდე – ინფიცირებულთა რაოდენობა მთლიანობაში 1500-ს არ აჭარბებდა. ბოლო დღეების მონაცემებით კი დღიურმა მაჩვენებელმა 3 ათასს მიაღწია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2911-ით გაიზარდა და ინფიცირებულთა საერთო რიცხვმა 66561-ს მიაღწია.

230
თემები:
COVID-19 საქართველოში (2507)
სალომე ჭაჭუა

„მინდა, რომ გავფრინდე“ - სალომე ჭაჭუა თვალწარმტაცი ვარდისფერი ფრთებით გამოჩნდა

7
(განახლებულია 12:04 25.11.2020)
ქორეოგრაფმა ულამაზესი, ვარდისფერი ბუმბულებით მორთული ფრთები მოირგო. რატომ გადაწყვიტა სალომემ გაფრენა?

ვირტუალური ფრთებით მოხიბლულმა არაორდინალურმა მოცეკვავემ გაფრენა „გადაწყვიტა“. ამის შესახებ მან საკუთარ გვერდზე დაწერა. მან საკუთარ ფოტოს წარწერა „მინდა რომ გავფრინდე დაურთო“. ეს კი იმან განაპირობა, რომ სექსუალური ლათინო-ამერიკული ცეკვების სპეციალისტი ფრთებით აღფრთოვანდა.

View this post on Instagram

A post shared by Salome (@salome_chachuaa)

ცნობილი ქართველი ქორეოგრაფი და პროექტ „ცეკვავენ ვარსკვლავების“ ერთ-ერთი თვალშისაცემი მოცეკვავე სალომე ჭაჭუა სკანდალებითაც გამოირჩევა. ცნობილ ტელესახეს ერთი ურთიერთობა არ ჰქონდა დასრულებული, როდესაც ჭორები გავრცელდა მისი და გიორგი ვარდოსანიძის სიყვარულზე. ეს ჭორები მათმა ქორწილმა ჩაანაცვლა, მოგვიანებით კი მორიგი ჭორები უკვე წყვილის დაშორებას მოჰყვა.

მოგეხსენებათ, მანამდე სალომე სამეჯლისო ცეკვების სტუდია „თელას“ წამყვან მოცეკვავეზე გიგი გაჩეჩილაძეზე იყო შეყვარებული. მათი გზები „ცეკვავენ ვარსკვლავების“ დაწყებისას გაიყო. მსახიობ გიორგი ვარდოსანიძესთან დაშორების მერე ქორეოგრაფი პირად ცხოვრებაზე აღარ საუბრობს. ამიტომ უცნობია, თავისუფალია თუ არა ამჟამად მოცეკვავის გული.

View this post on Instagram

A post shared by Salome (@salome_chachuaa)

მოცეკვავემ საკუთარ გვერდზე რამდენიმე შთამბეჭდავი სურათი გამოაქვეყნა. ასე გამოიყურება ენერგიული ქორეოგრაფის ერთი ჩვეულბრივი დღე. სალომე ჭაჭუა გაოცებას სულ უფრო და უფრო ხშირად იწვევს. ამ ყველაფერს წინ ვიდეო უძღოდა, რომელმაც მისი თაყვანისმცემლები შეაშინა. მოცეკვავემ Instagram-ზე ვიდეო გამოაქვეყნა, სადაც აივნის მოაჯირზე „შპაგატში“ ჩამჯდარი ყავას მიირთმევს.

View this post on Instagram

A post shared by Salome (@salome_chachuaa)

ვიდეოს არაერთგვაროვანი გამოხმაურება მოჰყვა. სოციალური ქსელის ერთ-ერთ მომხმარებელს სალომეს ამ ვიდეოზე ცნობილი მსახიობის ვან დამის „შპაგატიც“ კი გაახსენდა. არც უკანასკნელი ფოტოსესია აღმოჩნდა გამონაკლისი. რომელშიც სალომე განსაკუთრებულად ნაზია.

7
თემები:
სელებრითების ცხოვრება
პრემიერი გიორგი გახარია

პრემიერმა ეკონომიკურ გუნდთან სამუშაო შეხვედრა გამართა

25
(განახლებულია 14:27 25.11.2020)
უწყების ცნობით, უახლოეს მომავალში გამკაცრდება და გაფართოვდება წერტილოვანი შეზღუდვები, თუმცა, მაქსიმალურად იქნება გათვალისწინებული კერძო სექტორის ინტერესები.

თბილისი, 25 ნოემბერი - Sputnik. მოქალაქეების სოციალური დახმარებისა და კერძო სექტორის მხარდასაჭერ დამატებით ღონისძიებებზე საქართველოს პრემიერ-მინისტრმა გიორგი გახარიამ  ეკონომიკურ გუნდთან მორიგი სამუშაო შეხვედრა გამართა, ნათქვამია საქართველოს მთავრობის ადმინისტრაციის მიერ გავრცელებულ განცხადებაში.

საქართველოს მთავრობა მოქალაქეებისა და ბიზნესის დახმარების დამატებით პაკეტზე მუშაობს>>

უწყების ცნობით, Covid-19-ის გლობალური პანდემიის მეორე ტალღისა და ეკონომიკური კრიზისის პირობებში, საქართველოს მთავრობა მოქალაქეების სოციალური დახმარებისა და კერძო სექტორის მხარდაჭერის ღონისძიებების პაკეტზე მუშაობას განაგრძობს.

„ბოლო დღეების განმავლობაში მთავრობის ეკონომიკური გუნდი აქტიურ შეხვედრებს მართავს კერძო სექტორის წარმომადგენლებთან, რათა სწორედ მათთან მჭიდრო კომუნიკაციით დაიგეგმოს ის მხარდასაჭერი ღონისძიებები, რომლის შესახებაც უახლოეს დღეებში გახდება ცნობილი“, - აღნიშნულია განცხადებაში.

უწყების ინფორმაციით, ის წერტილოვანი შეზღუდვებიც, რომლებიც უახლოეს პერიოდში გამკაცრდება და გაფართოვდება, მაქსიმალურად იქნება დაბალასებული კერძო სექტორის ინტერესების გათვალისწინებით. 

შეხვედრაზე განიხილეს ეკონომიკაში არსებული ტენდენციები და ქვეყანაში არსებული რთული ეპიდემიოლოგიური ვითარებაც. ასევე აღინიშნა, რომ ხელისუფლების მთავარი ამოცანებია როგორც ინფიცირების ზრდის შენელება და მოქალაქეთა ჯანმრთელობაზე ზრუნვა, ისე სამუშაო ადგილების შენარჩუნება.

პრესსამსახურის ცნობით, მთავრობა მუშაობს მოქალაქეების მიზნობრივი სოციალური დახმარებების პაკეტზეც და ის ნაბიჯები, რომელსაც ამ კუთხით ხელისუფლება კორონავირუსის მეორე ტალღის პირობებში გადადგამს, მალე გახდება ცნობილი.

25
თემები:
COVID-19 საქართველოში (2507)