საზოგადოებრივი მაუწყებელი

მუქარა და დაშინება ჟურნალისტების მიმართ საზოგადოებრივი მაუწყებელი განგაშს ტეხს

291
(განახლებულია 21:00 09.11.2020)
„პირველი არხი“ ამტკიცებს, რომ 8 ნოემბრის მოვლენებს აშუქებდა უწყვეტი ეთერით და აუდიტორიას აწვდიდა ჟურნალისტური სტანდარტის სრული დაცვით მომზადებულ, ფაქტებზე დამყარებულ ინფორმაციას.

თბილისი, 9 ნოემბერი – Sputnik. საქართველოს საზოგადოებრივი მაუწყებელი საერთაშორისო ორგანიზაციებს და დიპლომატიურ კორპუსს მოუწოდებს, ყურადღებით დააკვირდნენ ქვეყანაში მიმდინარე პროცესების დროს საზოგადოებრივი მაუწყებლის ჟურნალისტებზე ზემოქმედების, დაშინებისა და მათ საქმიანობაში უხეში ჩარევის უტყუარ ფაქტებს, ნათქვამია „პირველი არხის“ ვებ-გვერდზე გავრცელებულ განცხადებაში.

კომპრომისი თუ... ოპოზიცია ხელისუფლებასთან მოლაპარაკებებისთვის მზადაა? >>

საპარლამენტო არჩევნების შედეგებით უკმაყოფილო ოპოზიციამ კვირას მასშტაბური საპროტესტო აქცია გამართა ჯერ პარლამენტთან, შემდეგ კი ცესკოსთან, სადაც პოლიციასთან დაპირისპირება მოხდა. მომიტინგეების დასაშლელად პოლიციამ წყლის ჭავლი და ე.წ. წიწაკის სპრეი გამოიყენა. ორივე მხრიდან არიან დაშავებულები.

საზოგადოებრივი მაუწყებლის განცხადებაში, კერძოდ, საუბარია იმაზე, რომ ცესკოს შენობასთან აქციის დროს „ევროპული საქართველოს“ ერთ-ერთმა ლიდერმა გიგი უგულავამ, რომელიც გააღიზიანა „პირველი არხის“ ჟურნალისტის მიერ დასმულმა კითხვამ - ვინ მოაწყო არეულობები, ყველაფერში სუსი დაადანაშაულა, ხოლო თავად ჟურნალისტს პროვოკატორების ხელშემწყობი უწოდა.

„გვინდა აღვნიშნოთ, რომ კატეგორიულად მიუღებელია მედიის წარმომადგენლების მიმართ ის ზემოქმედება, რასაც 8 ნოემბრის აქციის მიმდინარეობისას მიმართა „ევროპული საქართველოს“ ერთ-ერთმა ლიდერმა გიგი უგულავამ. ნათელია, რომ მისი უსაფუძვლო მძიმე ბრალდებები და საუბრის ტონი მიზნად ისახავს ჟურნალისტების დაშინებასა და მათი საქმიანობისთვის ხელის შეშლას“, – ნათქვამია განცხადებაში.

გავრცელებულ განცხადებაში ასევე აღნიშნულია, რომ იმ პირობებში, როდესაც, „სამწუხაროდ, ქართული მედია მნიშვნელოვნად განიცდის პოლიტიკურ გავლენებს, მკვეთრად პოლარიზებულია“, ზოგიერთი პარტიისთვის მიუღებელია მათი გავლენისგან თავისუფალი მედიის არსებობა. „სწორედ ამ მიზნით მიმდინარეობს მუქარისა და დაშინების კამპანია, რათა მორალურად დაიქვემდებარონ ჟურნალისტები და შექმნან მათთვის სასურველი საინფორმაციო ველი“, – ნათქვამია განცხადებაში.

დავით უსუფაშვილი: როგორმე უნდა შევჩერდეთ და გამოსავალი ვიპოვოთ >>

„პირველი არხი“ ამტკიცებს, რომ 8 ნოემბერს განვითარებულ მოვლენებს აშუქებდა უწყვეტი ეთერით – როგორც სატელევიზიო, რადიო, ასევე ონლაინ–პლატფორმაზე. მაყურებელს აწვდიდა ჟურნალისტური სტანდარტის სრული დაცვით მომზადებულ, ფაქტებზე დამყარებულ და გადამოწმებულ ინფორმაციას.

საზოგადოებრივი მაუწყებელი ასევე შეშფოთებას გამოხატავს იმასთან დაკავშირებით, რომ სახალხო დამცველის აპარატი, მათი თქმით, არ რეაგირებს ჟურნალისტების მიმართ ძალადობის ფაქტებზე.

291
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (94)
მამაკაცი ექიმთან მიღებაზე

საქართველოში ეპიდსიტუაციასთან დაკავშირებით ფსიქოლოგიური მხარდაჭერის პროექტი დაიწყო

50
პროექტის მიზანია ონკოპაციენტებში კორონავირუსთან დაკავშირებული ცვლილებებით გამოწვეული ფსიქო-ემოციური ფონის შესწავლა და სტრესულ სიტუაციებთან გამკლავების მექანიზმების სწავლება

თბილისი, 1 დეკემბერი – Sputnik. „საქართველოს ფსიქო-ონკოლოგიის საზოგადოება“ „საქართველოს პაციენტთა კავშირთან“ ერთად ეპიდსიტუაციასთან დაკავშირებით ონლაინ რეჟიმში ფსიქოლოგიური მხარდაჭერის პროექტს იწყებს, განუცხადეს „Sputnik-საქართველოს“ საქართველოს ფსიქო-ონკოლოგიის (სფო) საზოგადოებაში.

პროექტის მიზანია ონკოლოგიურ პაციენტებში COVID-19-თან დაკავშირებული ცვლილებებით გამოწვეული ფსიქო-ემოციური ფონის შესწავლა და სტრესულ სიტუაციებთან გამკლავების მექანიზმების სწავლება.

აქტივობას განახორციელებენ ექიმი-სპეციალისტები და ფსიქოლოგები.

აღსანიშნავია, რომ პროექტის ფარგლებში გაწეული დახმარება უფასოა.

ფსიქოთერაპია გულისხმობს კლიენტსა და ფსიქოთერაპევტს შორის ალიანსის დამყარებას, სხვადასხვა მეთოდების გამოყენებით კლიენტის ფსიქო–ემოციური მდგომარეობის გაჯანსაღებას, შინაგანი რესურსების გაძლიერებას, ცხოვრებისეული ფუნქციონირების ხარისხის ამაღლებას, შინაგანი განწყობების პოზიტიური ცვლილებას, შრომისუნარიანობის აღდგენას და ა.შ.

საქართველოში ფსიქოონკოლოგია ახლად დამკვიდრებულია და ნელ–ნელა უფრო და უფრო აქტუალური ხდება მისი მნიშვნელობა.

50
თემები:
ჯანდაცვა საქართველოში
საქართველოს იუსტიციის უმაღლესი საბჭო

სასამართლოების მუშაობის რეჟიმი იცვლება - იუსტიციის უმაღლესი საბჭოს რეკომენდაციები

24
(განახლებულია 21:51 01.12.2020)
საერთო სასამართლოებმა და პროცესების მონაწილეებმა უნდა გადადონ საქმეების განხილვა, გარდა შემჭიდროებულ ვადებში განსახილველი საქმეებისა

თბილისი, 1 დეკემბერი – Sputnik. საქართველოს იუსტიციის უმაღლესი საბჭო აქვეყნებს რეკომენდაციებს, რომელთა მიღება COVID-19-ის გავრცელების პრევენციის მიზნით საერთო სასამართლოებისთვის არის სავალდებულო.

რეკომენდაციების ძირითადი არსი მდგომარეობს დისტანციურ რეჟიმზე მაქსიმალურ გადასვლასა და პროცესებზე მოქალაქეთა დასწრების მინიმიზაციაში.

იუსტიციის უმაღლესმა საბჭომ COVID-19-ის გავრცელების პრევენციის მიზნით დაადგინა, რომ საერთო სასამართლოებმა

წარმოებაში არსებული საქმეები (გარდა შემჭიდროებულ ვადებში განსახილველი საქმეებისა) უნდა გადადონ, ხოლო განხილვა საქმეთა ზეპირი მოსმენის გარეშე უნდა წარიმართოს (საპროცესო კანონმდებლობით გათვალისწინებულ შემთხვევებში).

პროცესის მონაწილეები სასამართლო განხილვაში მონაწილეობს მიიღებენ დისტანციურად, ტექნიკური საშუალებების გამოყენებით, გზავნილებისა და სასამართლო გადაწყვეტილებების მხარეებისათვის ჩაბარება უნდა მოხდეს საქართველოს სამოქალაქო საპროცესო კოდექსის 70-ე-78-ე მუხლებით დადგენილი წესით;

მოქალაქეთა მისაღებში სასამართლოს მომხმარებელთა რაოდენობა არაუმეტეს 10 ერთეულამდე იზღუდება, ხოლო სარჩელებისა (განცხადებებისა) და სხვა დოკუმენტაციის მიღება მოქალაქეთა მისაღებში განთავსებული სპეციალური ყუთის მეშვეობით მოხდება.

გარდა ამისა, სასამართლოში დაგეგმილი საჯარო ღონისძიებები, შეხვედრები, სასწავლო ვიზიტები, მოქალაქეთა მიღებები, ასევე სამსახურებრივი მივლინებები უნდა გადაიდოს.

საჭიროების შემთხვევაში მოსამართლეს აქვს უფლება საქმე განიხილოს დისტანციურად ტექნიკური საშუალებების გამოყენებით, რაც კანონით არის გათვალისწინებული.

სასამართლოს შენობაში შესვლისას ყველამ უნდა გაიაროს თერმოსკრინინგი, ყველა პირს უნდა ეკეთოს პირბადე და იცავდეს ორმეტრიან დისტანციას. თვალსაჩინო ადგილზე უნდა განთავსდეს ბუკლეტები და განცხადებები საპრევენციო ზომების შესახებ. სასამართლოს თანამშრომლები უნდა უზრუნველყონ ხელის პერიოდული დეზინფექციისთვის საჭირო სულ მცირე 70% ალკოჰოლის შემცველი ხელის დასამუშავებელი ხსნარით.

საერთო სასამართლოებში დასაქმებული ორსული, ქრონიკული დაავადების (გულ-სისხლძარღვთა და სასუნთქი სისტემის დაავადებები, დიაბეტი, ონკოლოგიური დაავადებები) მქონე ან/და 60 წელზე მეტი ასაკის პირებს დისტანციური მუშაობის რეჟიმზე გადასვლის რეკომენდაცია მიეცა.

სექტემბრიდან საქართველოში მკვეთრად გაუარესდა ეპიდვითარება. COVID-19-ით გამოწვეული გართულებებისგან უკვე 1303 ადამიანი გარდაიცვალა. მთავრობა იძულებული გახდა შემოეღო მკაცრი შეზღუდვები. დიდ ქალაქებში არ მუშაობს მუნიციპალური ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრებისა), ფიტნეს–დარბაზები და აუზები, სასწავლო დაწესებულებები მუშაობის დისტანციურ რეჟიმზეა გადასული. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

24
თემები:
COVID-19 საქართველოში
სულისა და სხეულის ჰარმონია- ქალი ზღვის პირას

2021 წლის ჰოროსკოპი: სასწორი ფინანსები, სიყვარული, ჯანმრთელობა

0
(განახლებულია 11:11 01.12.2020)
როგორი იქნება 2021 წელი სასწორებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

ასტროლოგების აზრით, 2021 წელს ვითარება გაუმჯობესდება და წელი უფრო მშვიდი იქნება, ვიდრე 2020 ნაკიანი წელიწადი. და მაინც, ხარის წელიწადს მოდუნება არ ივარგებს, რადგან ამ წლის მფარველი კეთილგანწყობილია მათ მიმართ, ვისაც შრომა უყვარს და პასუხისმგებლობას არ გაურბის.

ასე რომ, სასწორის ნიშნით დაბადებულებს 2021 წელს ბევრში შრომა მოგიწევთ. მთავარია, თქვენი ენერგია და ძალა საჭირო მიმართულებით დახარჯოთ.

სასწორები საჭიროებენ განმარტოებას, რათა დაფიქრდნენ ამ ცხოვრებაზე და მშვიდ ვითარებაში შეადგინონ მოქმედებების გეგმა. მაგრამ 2021 წელს ასტროლოგები აქტიურ მოქმედებებს ურჩევენ მათ, წინააღმდეგ შემთხვევაში საკუთარ სამყაროში დიდი ხნით ყოფნა და უმოქმედობა, შესაძლოა, არაერთი უსიამოვნების მიზზი გახდეს.

მამაკაცი სასწორი

სასწორ მამაკაცებს 2021 წელს დაგეხმარებათ სერიოზული საკითხების გადაწყვეტისადმი არასტანდარტული დამოკიდებულების უნარი. ამ წელს ხელს შეგიშლით დიდხანს ფიქრი, ასევე იმპულსურობა და ცვალებადობა. სირთულეებთან გამკლავებაში საკუთარ საქციელზე პასუხისმგებლობის აღება დაგეხმარებათ. თუ ისწავლით უარყოფით ემოციებთან გამკლავებას და ამპარტავნებას მოთოკავთ, თეთრი ხარი თქვენთვის საიმედო მფარველი გახდება.

ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>

ფინანსები და სამუშაო: ასტროლოგები გირჩევენ, მოერიდოთ დაუსრულებელ საქმეებს, რომლებსაც ბევრი ძალა და ენერგია მიაქვს და ხელს გიშლით ახალი იდეების ხორცშესხმაში, რადგან საამისოდ დრო აღარ გყოფნით. ფინანსური მხარე პოზიტიური იქნება, თუ სამუშაოს არ შეუშინდებით და ვალებს მინიმუმამდე დაიყვანთ. მოერიდეთ საეჭვო გარიგებებს – გაქვთ იმის უნარი, რომ ადამიანების ზრახვები ამოიცნოთ.

სიყვარული და ურთიერთობები: სასწორებს ურთიერთობების ახლებურად აწყობა მოგიწევთ – კომპრომისული გადაწყვეტილებების მიღწევითა და იმის აღიარებით, რომ პარტნიორსაც აქვს ხმის უფლება. წარმატება პირად ცხოვრებაში ელოდება მათ, ვინც მზადაა ცვლილებებისთვის და რჩეულთან ერთად კეთილდღეობის გზაზე სიარულისთვის. წინააღმდეგ შემთხვევაში ურთიერთობები შეიძლება დასრულდეს.

განწყობა და ჯანმრთელობა: 2021 წელს თქვენი განწყობაცა და ჯანმრთელობაც სათანადო დონეზე იქნება, მაგრამ ეს არ ნიშნავს, რომ ჯანმრთელობაზე ზრუნვა აღარ გჭრიდებათ. საშიშროება ემუქრება მათ, ვინც ძალიან ბევრს მუშაობს და გადაღლას ყურადღებას არ აქცევს. დროული დასვენება და ფიზიკური დატვირთვები სასარგებლოა როგორც ჯანმრთელობის, ისე კარგი განწყობის შესანარჩუნებლად.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ქალი სასწორი

ასტროლოგები გირჩევენ, „არას“ თქმა ისწავლოთ როგორც საკუთარი წამიერი სურვილების, ისე ტოქსიკური ადამიანებისთვის. ახალ წელს ვინც თავის სისუსტეებს აჰყვება, ფინანსური გაჭირვება ელოდება, ხოლო თუ ტოქსიკურ ადამიანებს დროულად არ შეაჩერებთ, უსიამოვნებების კასკადი გარდაუვალი გახდება. პრობლემებთან გამკლავებაში თავდაჯერებულობა დაგეხმარებათ.

ფინანსები და სამუშაო: ნუ ეცდებით, მთელი ოჯახის ბიუჯეტი თქვენ შეავსოთ. ამ შემთხვევაში ძლიერი გადაღლა და ძალების გამოფიტვა გელოდებათ, ასევე გახდებით გაღიზიანებული. წარმატება ერთბაშად არ მოვა, თუმცა, თუ დროულად დაისვენებთ და ამასთან, ისწავლით ერთპიროვნული გადაწყვეტილებების მიღებას დაყოვნების გარეშე, წარმატებაც მალე გეწვევათ.

სიყვარული და ურთიერთობები: ურთიერთობებში ჰარმონიას ვერ მიაღწევთ, თუ ყველას გულის მოგებას შეეცდებით. მკაფიოდ უნდა გამოკვეთოთ თქვენი პოზიცია, რათა დროულად გაიყვანოთ თქვენი საურთიერთობო წრიდან ის ადამიანები, რომლებსაც თქვენთვის ბედნიერებისა და კეთილდღეობის მოტანა არ შეუძლია. ეს ეხება როგორც ახლობელ ადამიანებთან, ისე კოლეგებთან ურთიერთობებს.

ინდივიდუალური დიეტა ზოდიაქოს ნიშნებისთვის>>

განწყობა და ჯანმრთელობა: ხარის წელიწადში თქვენს განწყობასა და ჯანმრთელობას სერიოზული საფრთხეები არ ელოდება, მაგრამ პოზიტიური განწყობა უნდა შეინარჩუნოთ არა მხოლოდ მაშინ, როცა ყველაფერი კარგად მიდის, არამედ მაშინაც, როცა რთული დრო გიდგათ. ასევე ასტროლოგების რჩევაა, გადახედოთ კვების რაციონს და მასში რაც შეიძლება მეტი სასარგებლო პროდუქტი შეიტანოთ. ეს დაგეხმარებათ, რომ დატკბეთ აქტიური ცხოვრებით და თან ახალგაზრდული იერი შეინარჩუნოთ.

გაეცანით ასევე 2021 წლის ჰოროსკოპს ვერძებისკუროებისტყუპებისკირჩხიბების, ლომებისა და ქალწულებისთვის.

0