Тестирование на коронавирус COVID-19 в столице Грузии

მეცნიერები: PCR-ტესტი სანდო არ არის, შეცვალეთ დიაგნოზის დასმის მეთოდი

169
(განახლებულია 20:21 09.11.2020)
მეცნიერთა საერთაშორისო ჯგუფმა მასშტაბური კვლევა ჩაატარა და დაადგინა, რომ კორონავირუსზე PCR-ტესტის პასუხები ნახევარზე მეტ შემთხვევაში ცრუ შედეგს აჩვენებს.

თბილისი, 9 ნოემბერი — Sputnik. კორონავირუსის გამოსავლენმა PCR–ტესტებმა ცრუ უარყოფითი შედეგების მაღალი პროცენტი გამოავლინა, ნათქვამია მეცნიერთა საერთაშორისო ჯგუფის კვლევაში, რომელიც გამოქვეყნებულია ჟურნალში Clinical Infectious Diseases. აღნიშნულ კვლევას სეჩენოვის სახელობის მოსკოვის პირველი სახელმწიფო სამედიცინო უნივერსიტეტი ხელმძღვანელობდა.

მეცნიერების თქმით, იმის გამო, რომ PCR–ტესტები ნახევარზე მეტ შემთხვევაში ცდება, დიაგნოზის დასასმელად ალტერნატიული მეთოდების მოძებნაა აუცილებელი. სწავლულები ამბობენ, რომ კორონავირუსით ინფიცირების დიაგნოზის დასასმელად ექიმებმა უპირველესად ფილტვების დაზიანების ხასიათი და სიმპტომები უნდა გაითვალისწინონ.

გავრცელებული ინფორმაციით, მეცნიერებმა 3,5 ათასი დაავადებული შეისწავლეს და გაარკვიეს, რომ მათ ნახევარს ლაბორტორიული ტესტით ჰქონდა დადასტურებული ვირუსის არსებობა, ხოლო დანარჩენების პასუხები უარყოფითი იყო. თუმცა მათ ასევე აღენიშნებოდათ სპეციფიკური სიმპტომები, ხოლო ფილტვების მდგომარეობა COVID-19-ზე მეტყველებდა.

გრიპია თუ COVID-19? მთავარი განსხვავება სიმპტომების თანმიმდევრობაა – ქვეყნდება კვლევ>>

გამომდინარე იქიდან, რომ სიმპტომატიკასა და ინფექციური პროცესის სირთულეში მნიშვნელოვანი განსხვავება არ გამოვლენილა, მეცნიერები მივიდნენ დასკვნამდე, რომ ტესტირების პასუხებზე დაყრდნობა გამართლებული არ არის — დიაგნოზი კლინიკური სურათის საფუძველზე უნდა დაისვას.

„ქვეყნების უმრავლესობაში სტატისტიკა არ ითვალისწინებს ადამიანებს, რომლებსაც COVID-19 ლაბორატორიულად არ დაუდასტურდათ. ამიტომ შეიძლება ვივარაუდოთ, რომ იმ ადამიანების რაოდენობა, რომლებმაც კორონავირუსი გადაიტანეს, ან COVID-19-ით დაიღუპნენ, მნიშვნელოვნად მეტია“, — აცხადებს კვლევის წამყვანი ავტორი დანიილ მუნბლიტი.  

მანამდე ტესტების არასანდოობის საკითხზე ისაუბრა უმაღლესი კატეგორიის პედიატრმა ევგენი კომაროვსკიმაც, რომლის თქმით, კორონავირუსის მკაფიოდ გამოხატული კლინიკური სიმპტომების მქონე ადამიანებს ტესტები ხშირად უარყოფით პასუხს აძლევს. ამასთან არსებობს ისეთი შემთხვევებიც, როცა ადამიანს ინფექციის არანაირი გამოვლინება არ აღენიშნება, თუმცა ერთი ლაბორატორიის ტესტი ანტისხეულების მაღალ დონეს აჩვენებს, მეორე ლაბორატორიისა – ნულოვანს.

169
თემები:
მსოფლიო და მეცნიერება (578)
ლაბორატორია

როდის ხდება სიმპტომიანი და უსიმპტომო პაციენტი უსაფრთხო საზოგადოებისთვის

81
(განახლებულია 22:42 04.12.2020)
დღევანდელი მონაცემებით, საქართველოში ახალი კორონავირუსით ინფიცირებულთაგან 13.779 პირი მკურნალობის კურსს ოჯახის ექიმის მეთვალყურეობის ქვეშ სახლის პირობებშ გადის

 

თბილისი, 4 დეკემბერი - Sputnik. უსიმპტომო პაციენტი 10 დღის შემდეგ გადამდები აღარ არის და ინფექციის გავრცელების კუთხით საზოგადოებისთვის საფრთხეს არ წარმოადგენს, განაცხადა თბილისის ინფექციური პათოლოგიის და შიდსის ცენტრის გენერალურმა დირექტორმა თენგიზ ცერცვაძემ ტელეკომპანია „რუსთავი2“-ის ეთერში. 

რაც შეეხება საშუალო და მსუბუქი სიმპტომების მქონე პაციენტებს, ვირუსის დადასტურებიდან 13 დღის შემდეგ ისინი უსაფრთხო არიან.

„ადრე  კლინიკიდან ან კოვიდ–სასტუმროდან პაციენტის გაწერის კრიტერიუმი იყო განმეორებითი PCR–ტესტი, თუმცა, მას შემდეგ, რაც მსოფლიოში კორონავირუსის პანდემიამ აგრესიული ფორმა მიიღო, განმეორებითი ტესტის გაკეთების საშუალება ფიზიკურად აღარ არსებობს. ამიტომაც დადგინდა კონკრეტული დღეების ის მონაკვეთი, რომლის შემდეგაც პაციენტი გადამდები არ არის, თუ არ ჩავთვლით რაღაც იშვიათ გამონაკლისს“, - განაცხადა ცერცვაძემ.

აღსანიშნავია, რომ საქართველოში კორონავირუსით ინფიცირებულთა უმრავლესობა ოჯახის ექიმის მეთვალყურეობის ქვეშ ბინაზე მკურნალობს. ბოლო მონაცემებით, 24.349 აქტიური შემთხვევიდან საავადმყოფოებში მკურნალობს 6.671პაციენტი, კოვიდ-სასტუმროში იმყოფება 3.899 პირი, 13.779 კი მკურნალობის კურსს ბინაზე გადის.

ქვეყანაში კორონავირუსის პირველი შემთხვევიდან დღემდე კორონავირუსით ინფიცირების 152.704 შემთხვევა დადასტურდა, გამოჯანმრთელდა 126.904, გარდაცვლილია 1.425 პაციენტი.

81
თემები:
COVID-19 საქართველოში
ზურაბ ჟვანია

ზურაბ ჟვანიას დედა გარდაიცვალა

66
(განახლებულია 22:05 04.12.2020)
2003 წლის „ვარდების რევოლუციის" ერთ-ერთი ლიდერი ზურაბ ჟვანია თანამედროვე ქართული პოლიტიკის ერთ-ერთი საკვანძო ფიგურა იყო. ის 2005 წელს გაურკვეველ ვითარებაში დაიღუპა

თბილისი, 4 დეკემბერი - Sputnik. საქართველოს ყოფილი პრემიერ-მინისტრ  ზურაბ ჟვანიას დედა, რემა ჟვანია გარდაიცვალა. ამის შესახებ ინფორმაციას ზურაბ ჟვანიას მეუღლე, ნინო ჟვანია სოციალურ ქსელში ავრცელებს.

„ზურას დედა გარდაიცვალა“, - წერს ნინო ჟვანია.

ზურაბ ჟვანია თანამედროვე ქართული პოლიტიკის ერთ-ერთი საკვანძო ფიგურა იყო. 1995-2001 წლებში იყო პარლამენტის სპიკერი, იყო 2003 წლის „ვარდების რევოლუციის“ ერთ-ერთი ლიდერი, რომლის შედეგად პრემიერ-მინისტრი გახდა.

ზურაბ ჟვანია 2005 წლის 3 თებერვალს გაურკვეველ ვითარებაში დაიღუპა.  ოფიციალური ვერსიით, მისი ტრაგიკული გარდაცვალების მიზეზი უბედური შემთხვევა გახდა — გამათბობლიდან გამოყოფილი მხუთავი აირით მოწამვლა.

ზურაბ ჟვანიას ხსოვნის უკვდავსაყოფად მისი სახელი მიენიჭა თბილისის ერთ-ერთ მოედანსა და ქუჩას, ასევე ქუთაისში სახელმწიფო ადმინისტრირების უმაღლეს სკოლას, რომლის გახსნის ინიციატორი თავის დროზე თავად იყო. საქართველოს პარლამენტში, რომელშიც ის 1995 წლიდან 2003 წლამდე მუშაობდა, მისი ბიუსტი დგას. მონუმენტი 2006 წლის 9 დეკემბერს დაიდგა, იმ დღეს ზურაბ ჟვანია 43 წლის გახდებოდა.

66
სავსე მთვარე

მთვარის კალენდარი: 5 დეკემბერი რისი გაკეთება შეიძლება და რისი არა

0
(განახლებულია 15:18 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 5 დეკემბერი, შაბათი. ამ დღეს სატურნი მართავს. კლებადი მთვარე ლომის ნიშანშია.

მთვარე ლომის ნიშანში – ენერგიული. შემოქმედებითი განახლებისა და აღმავლობის დროა. იღვიძებს ოპტიმიზმი, თავდაჯერებულობა, მჭევრმეტყველება, საბრძოლო სული, უმჯობესდება განწყობა, ასევე ჩნდება რისკის სურვილი.

კარგი დღეა პრეზენტაციების, კულტურული, სპორტული და სხვა ღონისძიებების ჩატარებისთვის, ხელმძღვანელობასთან ურთიერთობების გაუმჯობესებისთვის.

მთვარე ლომის ნიშანში საუკეთესო დღეებია სიყვარულისთვის. „ერთი ნახვით შეყვარება" ყველაზე ხშირად სწორედ ლომის ნიშანში ხდება. ხელსაყრელი დღეა სექსუალური ურთიერთობების, ფლირტისთვის. ურთიერთობები ადვილად ყალიბდება და შემდეგ თანდათანობით შეიძლება მტკიცე კავშირში გადაიზარდოს. ამ დღეებში ყალიბდება ერთობლივი შემოქმედების ურთიერთობების მოდელი, ანუ ძალიან კარგია ერთად წასვლა კულტურულ ღონისძიებებზე.

რეკომენდებულია გუნდური მუშაობა, ფინანსური საკითხების გადაჭრა, აქტიური მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი საკითხების მიღება, კავშირების გამტკიცება, ახალი საქმეების დაწყება.

არარეკომენდებულია შურისა და არაკეთილმოსურნეობის გამოჩენა, გარემოებების იმედად ყოფნა, პასიურობა.

ხელსაყრელი დღეა მგზავრობისთვის.

თმის შეჭრა, შეღებვა: წარმატებული და იღბლიანი დროა იმისთვის, რომ სალონს ეწვიოთ. ამ დღეს კარგი იქნება თმის შეღებვაც და დახვევაც, მათ შორის, ქიმიური.

მანიკურის გაკეთებაც შეიძლება, მაგრამ ამ საქმის მიმართ შემოქმედებითი დამოკიდებულება უპრიანი იქნება.

მებაღეობა: ლომი არცთუ ნაყოფიერი ნიშანია. შეიძლება მწვანილეულისა და სამკურნალო მცენარეების გამოშრობა. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

შეიძლება ხმელი ტოტების მოშორება ხეებისა და ბუჩქებისთვის, ნესტიან ადგილებში დათესვა მარცვლოვნების, ბალახის დათესვა გაზონებზე, იმ ხილისა და ბოსტნეულის დათესვა–დარგვა, რომლებსაც სინოტივე არ უყვართ. ასევე კარგი დღეა მოწყვისთვის, მავნებლებთან ბრძოლისთვის.

0