იუსტიციის სახლი ბათუმში

თბილისის, ქუთაისისა და ბათუმის იუსტიციის სახლები სამუშაო საათებს ამცირებენ

521
სახელმწიფო სერვისების განვითარების სააგენტომ ასეთი გადაწყვეტილება 9 ნოემბრიდან ამოქმედებული ახალი შეზღუდვების გამო მიიღო

თბილისი, 8 ნოემბერი – Sputnik. თბილისში, ქუთაისსა და ბათუმში 9 ნოემბრიდან იუსტიციის სახლები მოქალაქეებს 09:00 საათიდან 21:00 საათამდე მოემსახურებიან, ინფორმაციას სახელმწიფო სერვისების განვითარების სააგენტო ავრცელებს.

როგორც განცხადებაშია აღნიშნული, იუსტიციის სახლები 1 ივლისიდან მუშაობის საგანგებო რეჟიმზე გადავიდნენ და მოქალაქეთა მიღების საათები 18:00 საათიდან 24:00 საათამდე გაზარდეს. თუმცა საქართველოს დიდ ქალაქებში 22:00 საათის მერე გადაადგილების შეზღუდვის გამო, რომელიც 9 ნოემბრიდან ამოქმედდება, მიღებულია სამუშაო საათების შემცირების გადაწყვეტილება.

„რაც შეეხებათ იმ მოქალაქეებს, რომლებსაც იუსტიციის სახლის თბილისის, ბათუმის და ქუთაისის ფილიალებში 9 ნოემბერს და შემდგომ დღეებში 21:00-დან 00:00 საათამდე პერიოდში ჰქონდათ ვიზიტი დაჯავშნილი, სერვისის მიღების შესაძლებლობა მიეცემათ იმავე დღეს, მაგრამ ნაცვლად ღამის საათებისა, უნდა მობრძანდნენ დილის 09:00-დან 11:00 საათამდე; იმ შემთხვევაში კი, თუ ეს დრო მათთვის მისაღები არ არის, მომხმარებლები უნდა დაუკავშირდნენ სატელეფონო ცენტრს (2 405 405) და იუსტიციის სახლი მათ ვიზიტისათვის ალტერნატიულ დროს შესთავაზებს“, - ნათქვამია განცხადებაში.

სამუშაო საათებში ვიზიტს, შენობაში შესვლას და სერვისის მიღებას დაინტერესებული პირი კვლავ წინასწარი დაჯავშნის პრინციპით შეძლებს. ამისათვის ვიზიტი უნდა დაიჯავშნოს პორტალზე, სპეციალური კალენდრის მეშვეობით. დაჯავშნის შემდეგ მომხმარებელი ტელეფონის მითითებულ ნომერზე მოკლე ტესტურ შეტყობინებას მიიღებს, რომელშიც იქნება აღნიშნული ვიზიტის თარიღი, დრო და ადგილი და მომსახურების კოდი, რომელიც კლიენტმა იუსტიციის სახლში შესვლისას უნდა წარადგინოს.

დაინტერესებულ პირებს ვიზიტის დაჯავშნა ქართულ, აფხაზურ, ინგლისურ, სომხურ და აზერბაიჯანულ ენებზე შეუძლიათ.

521
თემები:
COVID-19 საქართველოში (2540)
თმის შეჭრა

გამყრელიძე: რატომ არ იკეტება სილამაზის სალონები

172
სილამაზის სალონებსა და ესთეტიკის ცენტრებში ზედმიწევნით ასრულებენ ჯანდაცვის სამინისტროს რეკომენდაციებს, აღნიშნა ეპიდემიოლოგმა

თბილისი, 26 ნოემბერი – Sputnik. დაავადებათა კონტროლის ეროვნული ცენტრის გენერალურმა დირექტორმა, ამირან გამყრელიძემ განმარტა, რატომ მიიღო კორონავირუსთან ბრძოლის საკოორდინაციო საბჭომ გადაწყვეტილება, არ დაკეტოს სილამაზის სალონები.

ახალი შეზღუდვების სრული სია: რისი გაკეთება შეიძლება და რისი – არა >>

გამყრელიძის თქმით, აღმოჩნდა, რომ სილამაზის სალონებში უსაფრთხოების ზომებს კარგად იცავენ.

„არის მეორე რისკი, რომ დაკეტო სილამაზის სალონი და შეზღუდო, ეს ბიზნესი ინაცვლებს ჩრდილში, ადამიანები სახლებში დადიან და შესაძლებელია უფრო მეტი იყო გავრცელების რისკი“, - განაცხადა გამყრელიძემ.

ხუთშაბათს საქართველოს მთავრობამ დაამტკიცა კორონავირუსთან ბრძოლის ორთვიანი გეგმა, რომლის თანახმად ამ პერიოდში ქვეყანაში რიგი შეზღუდვები იმოქმედებს.

28 ნოემბრიდან საქართველოს რვა დიდ ქალაქში მუშაობას აჩერებს საზოგადოებრივი ტრანსპორტი. მთელი ქვეყნის მასშტაბით იხურება სპორტკლუბები და აუზები, რესტორნები მხოლოდ გარეთ გატანის მომსახურებაზე გადავლენ, დაიკეტება ღია და დახურული ტიპის ყველა სავაჭრო წერტილები, გარდა პირველადი საჭიროების საქონლის სარეალიზაციო წერტილების.

აიკრძალება გადაადგილება 21:00 საათიდან 05:00 საათამდე. ჩერდება საქალაქთაშორისო ტრანსპორტი, თუმცა კერძო ავტომობილით გადაადგილება დაშვებულია.

 

 

172
თემები:
COVID-19 საქართველოში (2540)
ქუთაისი. სასტუმრო „არგო“, რომელიც კოვიდ-კლინიკად აქციეს

კოვიდ-სასტუმროებს ჟანგბადის კონცენტრატორები გადაეცათ

55
პაციენტების კვალიფიციური მომსახურებისთვის კოვიდ-სასტუმროები თანდათანობით საჭირო აღჭურვილობას იღებენ.

თბილისი, 26 ნოემბერი – Sputnik. საქართველოს კოვიდ-სასტუმროებს პაციენტების უკეთესი მომსახურებისთვის 100 ჟანგბადის კონცენტრატორი დაურიგდა, განაცხადა ბრიფინგზე ჯანდაცვის მინისტრმა ეკატერინე ტიკარაძემ.

როდის მიიღებს საქართველო COVID-19-ის საწინააღმდეგო ვაქცინას: ოპტიმისტური პროგნოზი >>

პირველ დეკემბერს საქართველო დამატებით 900 ჟანგბადის კონცენტრატორს მიიღებს.

„ეს ასევე გვაძლევს იმის საშუალებას, რომ სასტუმროების ბაზაზე პაციენტების მეტად უკეთესი მართვა შევძლოთ“, - განაცხადა ტიკარაძემ.

ტიკარაძემ აღნიშნა, რომ კლინიკებმა უნდა მიიღონ მხოლოდ ის პაციენტები, რომლებიც ნამდვილად საჭიროებენ ჰოსპიტალიზაციას, და არა ისეთები, რომლებსაც „კოვიდ-სასტუმროდან ხედი არ მოსწონთ“.

„გარწმუნებთ, კოვიდ-სასტუმროში მყოფი ყველა პაციენტი იღებს საჭირო დახმარებას და ექიმების მეთვალყურეობის ქვეშ იმყოფება“, - აღნიშნა ტიკარაძემ.

მისი თქმით, ყველა კოვიდ-სასტუმრო არის მიმაგრებული თავის კლინიკაზე და 18:00 საათის შემდეგ იქ ხდება პაციენტების კვლევებზე გადაყვანა. იმ შემთხვევაში თუ პაციენტს ესაჭიროება კლინიკაში დარჩენა, პასუხისმგებელი კლინიკა მას იტოვებს.

„თუ ეს საჭიროება არ დგას, ის დაბრუნდება სასტუმროში და გააგრძელებს იქ ადგილზე მყოფი ექიმის მეთვალყურეობის ქვეშ მკურნალობას“, - აღნიშნა ტიკარაძემ.

ჯანდაცვის მინისტრი ასევე შეეხო მედპერსონალის ინფიცირების თემას. მან აღნიშნა, რომ ბევრ კლინიკებში აიკრძალა ერთობლივი სადილობა, რადგან სწორედ ერთობლივად საკვების მირთმევა ხშირად გამხდარა ინფიცირების მიზეზი. ასევე, მედპერსონალი ინფიცირდება როგორც პაციენტებისგან, ასევე სამუშაოს გარეთ.

საქართველოში კორონავირუსის მეორე ტალღა მძვინვარებს. ყოველდღიურად სამი ათასზე მეტი ახალი შემთხვევა ფიქსირდება. 26 ნოემბრის მონაცემებით, საქართველოში დადასტურებული შემთხვევების რაოდენობა უკვე 118 ათასს აღემატება.

ეპიდვითარების გაუარესების გამო საკოორდინაციო საბჭომ 28 ნოემბრიდან 1 თებერვლამდე დამატებითი შეზღუდვების დაწესების გადაწყვეტილება მიიღო.

ქვეყანაში რიგი შეზღუდვები მოქმედებს, როგორიცაა, მაგალითად, პირბადის ტარების აუცილებლობა როგორც დახურულ, ისე ღია სივრცეში, დიდ ქალაქებში სწავლა დისტანციურად მიმდინარეობს, ღამით აკრძალულია გადაადგილება და ა.შ.

55
თემები:
COVID-19 საქართველოში (2540)
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 10:07 25.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0