ოპოზიციის მსვლელობა

ცქიტიშვილი: საპროტესტო აქციების გამართვას ხელს არავინ არ უშლის

79
ვიცე-პრემიერის-თქმით, მომიტინგეებმა უნდა გაითვალისწინონ, რომ აქციები კორონავირუსის სწრაფი გავრცელების კიდევ ერთ წყაროს წარმოადგენს

თბილისი, 7 ნოემბერი – Sputnik. საქართველოს მოქალაქეებს აქვთ უფლება ჩაატარონ საპროტესტო აქციები, მაგრამ ეს ყველა იმ რეკომენდაციის დაცვით უნდა მოხდეს, რომელიც კორონავირუსთან დაკავშირებით ჯანდაცვის სამინისტრომ დააწესა, განაცხადა ვიცე-პრემიერმა მაია ცქიტიშვილმა.

ლომჯარია: საპროტესტო აქციებზე ვერ ხერხდება სოციალური დისტანციისა და წესების დაცვა >>

თბილისსა და ბათუმში 8 ნოემბერს ოპოზიციური პარტიები საპროტესტო აქციების გამართვას გეგმავენ. უკვე 9 ნოემბრიდან ამ და კიდევ ხუთ ქალაქში ღამის საათებში გადაადგილება შეიზღუდება.

„ჩვენ არ ვუშლით არავის ხელს, რომ გამოხატონ თავისი მოქალაქეობრივი პოზიცია, მაგრამ ეს ყველაფერი უნდა გაკეთდეს ყველა წესის დაცვით. უნდა ვატაროთ პირბადე სულ, გარე სივრცეშიც და შიდა სივრცეშიც, დავიცვათ დისტანცია და აქციაზე ამ წესების დაცვა არის რთული“, – განაცხადა მაია ცქიტიშვილმა.

ამასთან მან აღნიშნა, რომ აქციები კორონავირუსის სწრაფი გავრცელების დამატებითი მიზეზია.

„აქციები არის დადებითი მხარე ვირუსისთვის, დამატებითი შესაძლებლობაა ვირუსისთვის, რომ გავრცელდეს. როდესაც ჩვენ ვსაუბრობთ ასეთი ტიპის აქტზე, სადაც დამატებითი ემოციები ჭარბობს, არაა დაცული პირბადის ტარების წესი, არაა პირბადე სწორად გამოყენებული, ეს ყველაფერი არის დამატებითი საფრთხე. დიდია ალბათობა, რომ შემდეგი კვირების განმავლობაში მნიშვნელოვანი ზრდა გვექნება“,- განაცხადა ცქიტიშვილმა.

1 ნოემბრიდან თბილისში, რომელიც აქციების ეპიცენტრად იქცა, დაავადებულთა რაოდენობა 6 038-ით გაიზარდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში  2 859-ით გაიზარდა და ინფიცირებულთა საერთო რიცხვმა 54 852-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 39 773 ადამიანი, გარდაიცვალა – 441, კარანტინის რეჟიმშია 3 015, სტაციონარებში ექიმების დაკვირვების ქვეშ 4 670 პაციენტია, ხოლო კოვიდ–სასტუმროებში 2 599 ადამიანი იმყოფება.

79
თემები:
COVID-19 საქართველოში (2560)

საქართველო და ახალი შეზღუდვები: რას ფიქრობს საზოგადოება? - ვიდეო

24
დღეიდან საქართველოში ძალაში შედის შეზღუდვები. Sputnik-საქართველომ მოსახლეობა გამოკითხვა რეგულაციებთან დაკავშირებით, რომლებიც ხელისუფლებამ კორონავირუსით ინფიცირების შემთხვევების ზრდის გამო დააწესა

აღმოჩნდა, რომ ყველაზე დიდი უკმაყოფილება მოსახლეობაში საზოგადოებრივი ტრანსპორტის ფუნქციონირების შეჩერებამ გამოიწვია.

თბილისელების თქმით, ბევრ მათგანს არ ექნება საშუალება ტაქსით გადაადგილებისათვის. გამოკითხულთა დიდ ნაწილს სჯერა, რომ მკაცრი შეზღუდვები შედეგიანი აღმოჩნდება და ეპიდსიტუაციის გაუმჯობესებას შეუწყობს ხელს.

24
ლუგარის ცენტრი

კორონავირუსით დაავადებათა კონტროლის ცენტრის თანამშრომელი გარდაიცვალა

18
(განახლებულია 12:43 28.11.2020)
დაავადებათა კონტროლის ეროვნული ცენტრის თანამშრომელი ქუთაისში ექიმების მეთვალყურეობის ქვეშ რამდენიმე დღის განმავლობაში იმყოფებოდა.

თბილისი, 28 ნოემბერი - Sputnik. ქუთაისში კორონავირუსით ეპიდემიოლოგი, დაავადებათა კონტროლის ცენტრის თანამშრომელი ლია შეყილაძე გარდაიცვალა. ინფორმაციას ტელეკომპანია „რუსთავი 2“ ავრცელებს.

არსებული ინფორმაციით, 62 წლის ლია შეყილაძე ქუთაისში ექიმების მეთვალყურეობის ქვეშ იმყოფებოდა. მას კოვიდინფექცია რამდენიმე დღის წინ დაუდასტურდა.

ბოლო პერდიოდში მისი ჯანმრთელობის მდგომარეობა დამძიმდა და ექიმებმა მისი სიცოცხლის გადარჩენა ვერ შეძლეს.

შეგახსენებთ, იმერეთში ბოლო 24 საათის განმავლობაში კორონავირუსის 662 ახალი შემთხვევა დადასტურდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

ამ დროისათვის სულ გამოჯანმრთელდა 106 328 ადამიანი (ბოლო 24 საათში - 4 058), გარდაიცვალა – 1 195 (ბოლო 24 საათში - 34)

საქართველოში კორონავირუსის პირველი შემთხვევა 26 თებერვალს დაფიქსირდა.

18
თემები:
COVID-19 საქართველოში (2560)
საქართველოს გენერალური პროკურატურა

საქართველოში დაკავებული ძებნილის ექსტრადიციის საკითხზე იმსჯელებენ

0
(განახლებულია 13:11 28.11.2020)
დამნაშავე ორგანიზებულ ჯგუფთან ერთად, ლუქსემბურგის ტერიტორიაზე ძვირადღირებული ავტომანქანების ქურდობებში იღებდა მონაწილეობას.

თბილისი, 28 ნოემბერი - Sputnik. საქართველოს გენერალური პროკურატურა ლუქსემბურგში ექსტრადიციის მიზნით, ინტერპოლითა და ევროპოლით ძებნილი უკრაინის მოქალაქის დაკავების შესახებ ინფორმაციას ავრცელებს.

უწყების ცნობით, დაკავებულს ბრალად ედება სერიული და ორგანიზებული ქურდობების ჩადენა, ასევე ფულის გათეთრება და ორგანიზებული დანაშაულებრივი ჯგუფის წევრობა.

პროკურატურის მიერ გავრცელებული ინფორმაციით, 48 წლის ბრალდებული დ.კ. 2019 წლის განმავლობაში, ორგანიზებულ ჯგუფთან ერთად, ლუქსემბურგის ტერიტორიაზე ძვირადღირებული ავტომანქანების ქურდობებში იღებდა მონაწილეობას, ხოლო შემდგომში დანაშაულებრივი გზით მიღებულ შემოსავალს სხვადასხვა გზით ათეთრებდა.

აღნიშნული დანაშაულებები 15 წლამდე თავისუფლების აღკვეთას ითვალისწინებს. დ.კ.-ს თანამონაწილეების ნაწილი ლუქსემბურგში პატიმრობაშია, ხოლო იგი ამ დროის განმავლობაში მიმალვაში იმყოფებოდა.

გავრცელებულ განცხადებაში ნათქვამია, რომ ლუქსემბურგის კომპეტენტურ ორგანოებს 40 დღიანი ვადა აქვთ, რათა საექსტრადიციო დოკუმენტები წარმოადგინონ. ამის შემდეგ საქართველოს გენერალური პროკურატურა ექსტრადიციის დასაშვებობის შუამდგომლობით თბილისის საქალაქო სასამართლოს მიმართავს. სასამართლოს მიერ ექსტრადიციის დასაშვებად ცნობის შემთხვევაში, ექსტრადიციის შესახებ საბოლოო გადაწყვეტილებას იუსტიციის მინისტრი მიიღებს.

შეგახსენებთ, 24 ნოემბერს, საქართველოს შინაგან საქმეთა სამინისტროს თანამშრომლებმა, პროკურატურასთან თანამშრომლობის შედეგად, ინტერპოლითა და ევროპოლით ძებნილი დააკავეს, რომელიც ევროპის ყველაზე სერიოზულ ძებნილთა სიაშია.

 

0
თემები:
კრიმინალი საქართველოში