საპროტესტო აქცია ზუგდიდში საარჩევნო კომისიასთან

აქეთ ხელისუფლების მუქარა, იქით - „გაბრაზებული ხალხის“ აქციები, შუაში კი კორონავირუსი

119
(განახლებულია 13:43 07.11.2020)
რამდენად შესაძლებელია ასობით ადამიანმა აქციებზე, ერთ სივრცეში  რეგულაციების დაცვა შეძლოს საეჭვოა. თამამად შეიძლება ითქვას, რომ მცდელობის მიუხედავად დღემდე ამ კუთხით სრული განუკითხაობაა

კორონავირუსისა და მრავალი შეზღუდვის მიუხედავად საქართველოში პოლიტიკური ცხოვრება არ შეჩერებულა. მიმდინარე აქტიური პოლიტიკური პროცესი ინფიცირებულების რაოდენობის ზრდაზე აისახა. ქვეყანაში კორონავირუსით დაავადებულთა დღიური მაჩვენებელი 2 800 აჭარბებს. ხშირ შემთხვევაში ელემენტარული რეკომენდაციებიც კი, რომლებსაც ეპიდემიოლოგები ავრცელებენ (დისტანცია, პირბადეების გამოყენება, სადეზინფექციო ხსნარით ხელების დამუშავება და ა.შ.), აქციების დროს ირღვევა, მით უფრო 31 ოქტომბრის არჩევნების შემდეგ გამართული საპროტესტო მსვლელობების ფონზე.

არჩევნებიდან მეორე დღეს არა ერთი ოპოზიციური პარტიის ორგანიზებით ჯერ პარლამენტთან, შემდეგ კი ბიძინა ივანიშვილის ბიზნესცენტრთან გაიმართა მრავალრიცხოვანი საპროტესტო აქცია, სადაც არჩევნების შედეგების გაბათილება მოითხოვეს. კიდევ ერთი მასშტაბური აქცია კი კვირას, 8 ნოემბერს დაიგეგმა.

მმართველ პარტიაში ოპოზიციის ქმედებებს განზრახ დესტრუქციულს, დესტაბილიზაციისკენ მიმართულს უწოდებენ და აცხადებენ, რომ არჩევნები იყო სამართლიანი და თავისუფალი, რასაც საერთაშორისო სადამკვირვებლო მისიები მოწმობენ.

მმართველმა პარტია „ქართულმა ოცნებამ“ ამომრჩეველთა ხმების 48,23% მიიღო და 13 მაჟორიტარულ ოლქში არჩევნების მოგების შედეგად მას პარლამენტში უმრავლესობა ეყოლება.

მთავრობა პოლიტიკურ პროცესებში მონაწილე პირებს საკუთარი პასუხისმგებლობის გაზრდისკენ და წესების დაცვისკენ მოუწოდებს, რადგან ახლანდელი პოლიტიკური აქტივობები ეპიდემიის დამძიმებასა და პიკის მოახლოებას უწყობს ხელს.

„რა თქმა უნდა, ის პოლიტიკური აქტივობა, რაც ქუჩაში ხდება, ძალზედ დააჩქარებს ჩვენთან პიკის მოსვლას. უფრო მძიმე სიტუაცია იქნება, ვიდრე ველოდით, რადგან მობილობა, რომელსაც ქუჩის აქციები იწვევს, რა თქმა უნდა პირდაპირ კავშირშია ინფიცირების სწრაფ ზრდასთან. ამიტომ, საჭიროა აბსოლუტურად ყველა სამინისტროს და შესაბამისი უწყებების სრული მობილიზაცია“ - განაცხადა საქართველოს პრემიერ-მინისტრმა გიორგი გახარიამ.

პრემიერ-მინისტრის განცხადებით, მოსახლეობის მაღალი აქტივობის გამო ქვეყანაში დაწესებულ შეზღუდვებს მთავრობაში კიდევ ერთხელ გადახედავენ.

ჯანდაცვის მინისტრის ეკატერინე ტიკარაძის განცხადებით, მზად არის, დაჯდეს ოპოზიციასთან მოლაპარაკების მაგიდასთან, რათა სადავო საკითხები ამ გზით გადაწყდეს და არა აქციებზე, სადაც კორონავირუსის გავრცელების მაღალი საფრთხეა.

რაღა თქმა უნდა, ამ დემოკრატიულ ქვეყანაში, ოპოზიცია და მთავრობა არც ახლა უსმენენ ერთმანეთს და ოპოზიციური პარტიების ლიდერები მოსახლეობას მოუწოდებენ აქციაზე მისვლისკენ. ოპოზიცია საზოგადოებას მიმართავს, რომ კვირას აქციაზე მივიდნენ და საპარლამენტო არჩევნების შედეგები გააპროტესტონ. მათი აზრით განცხადება კორონავირუსის გავრცელების პრევენციის მიზნით დაწესებული შეზღუდვების შესაძლო გამკაცრების შესახებ, მიზნად ისახავს ოპოზიის მხრიდან პროტესტის გამოხატვის ხელშეშლის მცდელობას.

როგორც „Sputnik საქართველოსთან“ საუბრისას პარტია „კანონი და სამართლიანობის“ ლიდერმა თაკო ჩარკვიანმა განაცხადა, აქციები აქტიურად გაგრძელდება, თუმცა რეგულაციების მაქსიმალური დაცვით.

„მომხრე ვარ კანონმორჩილების. ახლახანს ოპოზიციური პარტიების ლიდერებს გვქონდა შეხვედრა, სადაც ვბჭობდით როგორ შეიძლება დავიცვათ რეგულაციები აქციებზე და მსვლელობისას. ჩვენ ყველანი ვღელავთ. სასწაულად გაყალბდა 31 ოქტომბრის არჩევნები და აღარ აწყობთ, რომ ხალხს ამაზე რეაგირება ჰქონდეს. კარგად იციან, რომ ამას არავინ მოითმენს. როცა სახელმწიფოს მიტაცებაზეა საუბარი მართლა ვღელავთ. დისტანციით, პირბადეებით შევეცდებით დავიცვათ ერთმანეთი, მაგრამ არ გავჩერდებით“, - განაცხადა თაკო ჩარკვიანმა.

რამდენად შესაძლებელია ასობით ადამიანმა ერთ სივრცეში  რეგულაციების დაცვა შეძლოს საეჭვოა. თამამად შეიძლება ითქვას, რომ მცდელობის მიუხედავად დღემდე ამ კუთხით სრული განუკითხაობაა.

საინტერესოა სად გადის ზღვარი მოქალაქეობრივ პასუხისმგებლობასა და სიტყვის თავისუფლებას შორის...

„Sputnik საქართველოსთან“ საუბრისას ჯანდაცვის დეპარტამენტის საზოგადოებრივი ჯანმრთელობის დაცვისა და პროგრამების სამმართველოს უფროსმა, ეკატერინე ადამიამ განაცხადა, რომ მნიშვნელობა არ აქვს პოლიტიკურ მრწამსს, როდესაც პანდემიის დროს მოქალაქეების ჯანმრთელობასა და უსაფრთხოებაზეა საუბარი.

„კორონავირუსი მარტივად ვრცელდება და გადადის ახლო კონტაქტის დროს. დრამატული მატება უნდა ავირიდოთ თავიდან, რომელიც ამ დღეებში არის. დავიცვათ წესები, დავიცვათ ჩვენს გვერდით მყოფი ადამიანი და ზოგადად საქართველოს მოქალაქეები და შევიკავოთ თავი მსგავსი თავშეყრისგან. ჩემი დიდი სურვილია მოქალაქობრივი თვითშეგნება იყოს მაღალი და რა მნიშვნელობა აქვს როგორი პოლიტიკური შეხედულება გვექნება. რაც არ უნდა მზად იყოს ჯანდაცვის სისტემა, საბოლოო ჯამში ყველაფერი ამოწურვადია“, - განაცხადა ეკა ადამიამ.

ქვეყანაში, სადაც დემოკრატია ზოგჯერ გადამეტებულად ესმით, ვთანხმდებით იმაზე, რომ მნიშვნელოვანია ამ ყველაფრის გააზრება და მაღალი მოქალაქეობრივი პასუხისმგებლობა თითოეულის მხრიდან. ყველა წესისა და რეკომენდაციის დაცვა, რომელიც მოქმედებს საგანგებო ვითარებაში, კონკრეტულ რაიონებსა თუ დასახლებებში და თანამშრომლობა თუ პატივისცემა ადამიანებისა, ინსტიტუტების მიმართ, რომლებიც აღასრულებენ წესებსა და რეკომენდაციებს.

იმავე ქვეყანაში, სადაც დემოკრატია ზოგჯერ გადამეტებულად ესმით, ვერ ვთანხმდებით იმაზე, რომ ასობით და ათასობით ადამიანი პანდემიის დროს ერთად არ უნდა შეიკრიბოს...

იქნებ, დემოკრატიის ბრალია? ან, იქნებ მერყევი მოქალაქეობრივი პასუხისმგებლობის?

ამასობაში კი დიდი ხანია გადავაბიჯეთ „წითელ ზონაში“... პანდემია ომზე ნაკლები არ არის. ამ ეტაპზე მზარდია სტატისტიკა, ეს პროცესი დღემდე მეტ-ნაკლებად მართვადია მაგრამ დიდხანს დარჩება კი მართვადი...

 

119
პატრული

„თუ არ ვიმუშავებთ, შიმშილით მოვკვდებით" რუსთავში გარემოვაჭრეებმა აქცია გამართეს

0
(განახლებულია 14:09 30.11.2020)
კორონავირუსის პანდემიის გავრცელების პრევენციის მიზნით ხელისუფლების მიერ დაწესებულმა ახალმა შეზღუდვებმა საზოგადოების გარკვეულ ნაწილში უკმაყოფილება გამოიწვია

თბილისი, 30 ნოემბერი – Sputnik. რუსთავის მუნიციპალიტეტში  გარემოვაჭრეებმა საავტომობილო გზა გადაკეტეს და საქმიანობის გაგრძელების უფლებას მოითხოვეს.

ე.წ „სტამბულის ბაზრობის“ მოვაჭრეები სახელმწიფოსგან დახმარებას მოითხოვენ. აქციის მონაწილეების თქმით, მათი ერთადერთი შემოსავლის წყარო გარევაჭრობაა, რისი უფლებაც პანდემიის გამო აღარ ეძლევათ. მოვაჭრეები საქმიანობის გაგრძელებას, წინააღმდეგ შემთხვევაში ფულად დახმარებას ითხოვენ. 

„ჩვენ გვეუბნებიან – ორი თვე იჯექით სახლებში და შიმშილით მოკვდით. მე არ შემიძლია სახლში ჯდომა, შვილი მყავს, რომელიც უნდა ვარჩინო. ახალ წლამდე ღია სივრცეში მუშაობის უფლება მაინც მომცენ, დისტანციასაც დავიცავ, ოღონდ სახლში რამე მივიტანო. ისინი ჩვენ ადამიანებად არ გვთვლიან, ყურადღებას არ გვაქცევენ... თუ არ ვიმუშავებ, შიმშილით მოვკვდები“, – განაცხადა აქციის ერთ–ერთმა მონაწილემ.

აქციაზე რუსთავის მერი ირაკლი ტაბაღუა მივიდა. მისი თქმით, ქვეყანაში შექმნილი ეპიდვითარებიდან გამომდინარე დაწესებული ახალი შეზღუდვების გამო, გარემოვაჭრეებს ვაჭრობის უფლება არ აქვთ, რის შესახებაც ისინი გაფრთხილებული არიან.

მოვაჭრეები საპროტესტო აქციების გამართვას იმ დრომდე აპირებენ, ვიდრე მათი მოთხოვნები არ დაკმაყოფილდება.

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი ოთხი ათასს აღწევს.

ინფიცირების ზრდის მაჩვენებლის შეკავების მიზნით, საქართველოში 28 ნოემბრიდან რიგი შეზღუდვები ამოქმედდა. ყველაზე სერიოზული შეზღუდვები მოქმედებს ქვეყნის დიდ ქალაქებში, მათ შორის, რუსთავში – შეჩერებულია ტრანსპორტის გადააადგილება, დაკეტილია სავაჭრო ცენტრები, ბაზრობები (გარდა აგრარული ბაზრისა)  სპორტ–დარბაზები და აუზები და ა.შ.

0
თემები:
COVID-19 საქართველოში
ფიტნეს-ცენტრი „რეფორმერი“

რატომ დალუქეს ფიტნეს-ცენტრი „რეფორმერი“: შსს–ს განმარტება

15
(განახლებულია 13:58 30.11.2020)
„რეფორმერის“ ხელმძღვანელობა შრომის ინსპექციამ კარანტინისა და იზოლაციის წესების დარღვევისთვის დააჯარიმა, მაგრამ ფიტნეს-დარბაზმა ფუნქციონირება განაგრძო

თბილისი, 30 ნოემბერი – Sputnik. სამართალდამცველებმა შპს „ონლაინ მეჯიქში“  (ე.წ. რეფორმერი ფიტნესი) საგამოძიებო მოქმედებები გადაუდებელი აუცილებლობიდან გამომდინარე განახორციელეს,  რის შედეგადაც  აღნიშნული ფიტნეს–კლუბი დალუქეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში. 

უწყებათაშორისო საკოორდინაციო საბჭოს გადაწყვეტილებით, მკვეთრად გაუარესებული ეპიდემიოლოგიური ვითარების გამო, 28 ნოემბრიდან საქართველოს ტერიტორიაზე აიკრძალა ფიტნეს-ცენტრების, სპორტული დარბაზების და აუზების ფუნქციონირება. „რეფორმერი“ არ დაემორჩილა ამ შეზღუდვას და ფუნქციონირება განაგრძო, ამის გამო ფიტნეს-ცენტრის ხელმძღვანელობა შრომის ინსპექციამ  28 ნოემბერს 10 ათასი ლარით დააჯარიმა.

უწყების ცნობით, კლუბის მფლობელი გააფრთხილეს, რომ ფაქტის განმეორების შემთხვევაში სისხლის სამართლის საქმე აღიძვრებოდა, თუმცა, ფიტნეს–კლუბი გუშინ ისევ გაიხსნა, რის შემდეგაც სამართალდამცველებმა გამოძიება დაიწყეს.

„29 ნოემბერს შრომის პირობების ინსპექტირების დეპარტამენტმა განმეორებით განახორციელა შპს „ონლაინ მეჯიქის"-ის ინსპექტირება, რა დროსაც აღმოჩნდა, რომ ადმინისტრაციული სახდელის დაკისრების მიუხედავად, კომპანია კვლავ აგრძელებდა საქართველოს მთავრობის დადგენილებით აკრძალულ ეკონომიკურ საქმიანობას“, – აღნიშნულია განცხადებაში.

კლუბის მხარდაჭერა პარტია „გირჩის“ ლიდერმა ზურაბ ჯაფარიძემ გადაწყვიტა. იგი 29 ნოემბერს ბათუმში ჩავიდა, „რეფორმერის“ მფლობელთან ზეპირი შეთანხმება დადო და ფიტნეს-ცენტრი საცხოვრებელ ფართად იქირავა. ჯაფარიძის თქმით, ადამიანებს, ვისაც ვარჯიში სურდათ, შეუძლიათ, მასთან სტუმრად მივიდნენ და ივარჯიშონ. 

პოლიტიკოსის განმარტებით, ბათუმში მდებარე ფიტნეს–კლუბი „რეფორმერი ფიტნესი“ საცხოვრებელ სახლად მას შემდეგ იქირავა, რაც შრომის ინსპექციამ ობიექტი აკრძალული ეკონომიკური საქმიანობის გამო დააჯარიმა.

შემთხვევის ადგილზე მობილიზებულმა სამართალდამცველებმა ფიტნეს–ცენტრის ტერიტორია იქ მყოფ პირებს დაატოვებინეს, დარბაზი დალუქეს და ინვენტარის აღწერა დაიწყეს.

დღეს, აჭარის პოლიციის მთავარ სამმართველოში გამოკითხვაზე დაბარებული არიან პარტია „გირჩის“ ლიდერი ზურაბ ჯაფარიძე და ფიტნეს–ცენტრ „რეფორმერის“ ხელმძღვანელი გიორგი ფუტკარაძე.

საქმეზე  გამოძიება საქართველოს სსკ-ის  248-ე პრიმა მუხლით დაიწყო, რომლის მიხედვით, იზოლაციის ან/და კარანტინის წესის დარღვევისათვის ადმინისტრაციულ სახდელდადებული პირის მიერ იგივე ქმედების განმეორებით ჩადენა იწვევს სისხლის სამართლებრივ პასუხისმგებლობას. კერძოდ, იურიდიული პირის შემთხვევაში დაჯარიმებას, საქმიანობის უფლების ჩამორთმევას, ასევე მის მიმართ ლიკვიდაციისა და დაჯარიმების ღონისძიების ერთობლივად გამოყენების შესაძლებლობას, ხოლო ფიზიკური პირის შემთხვევაში - შინაპატიმრობას ექვსი თვიდან ორ წლამდე ან/და თავისუფლების აღკვეთით ვადით სამ წლამდე ვადით.

15