თენგიზ ცერცვაძე

სასტუმრო, საკარანტინო ფუნქციების გარდა, სამკურნალო დაწესებულების როლსაც შეასრულებს

138
ცერცვაძის განმარტებით, სასტუმრო, საკარანტინო ფუნქციების გარდა, შეასრულებს შუალედურ რგოლს მაღალკვალიფიციურ კლინიკასა და ბინას შორის

თბილისი, 6 ნოემბერი - Sputnik. საქართველოში სასტუმროების როლი გაძლიერდება და სასტუმრო, საკარანტინო ფუნქციების გარდა, სამკურნალო დაწესებულების როლსაც შეასრულებს, განაცხადა თბილისის ინფექციური პათოლოგიისა და შიდსის ცენტრის ხელმძღვანელმა, თენგიზ ცერცვაძემ.

ცერცვაძის განმარტებით, აბსოლუტურად უსიმპტომო პაციენტები ბინაზე დარჩებიან, ხოლო სასტუმროში მოთავსდებიან ისეთი ინფიცირებულები, რომლებიც ჰოსპიტალიზებას არ საჭიროებენ, თუმცა გარკვეული რისკის ფაქტორები არსებობს და სამედიცინო დაკვირვება აუცილებელია.

„აქამდე სასტუმროებში პაციენტების განაწილება ხდებოდა იმის გათვალისწინებით, ვის არ ჰქონდა პირობები ბინაში თვითიზოლაციის, პაციენტები ამიტომ მიჰყავდათ სასტუმროში. ახლა კი სასტუმრო იქნება შუალედური რგოლი ბინასა და ჰოსპიტალს შორის არა მარტო იზოლაციის მაჩვენებლით, არამედ მოვლისა და მკურნალობის მაჩვენებლითაც“, - განაცხადა ცერცვაძემ.

ინფექციური საავადმყოფოს დირექტორის განმარტებით, სასტუმროში გაძლიერდება სამედიცინო პერსონალი, პაციენტს ჩაუტარდება გამოკვლევებიც და, თუ საჭიროა, მსუბუქი მკურნალობაც.

„რა თქმა უნდა, სერიოზული მკურნალობა სასტუმროში ვერ ჩატარდება, ამისთვის რჩება ჰოსპიტალი. ესეც არის საქარველოს ნოუ-ჰაუ. არც ერთ ევროპის და ამერიკის ქვეყანაში არ არსებობს სასტუმროების, როგორც სამკურნალო დაწესებულების როლი. იქ სასტუმროები მხოლოდ საკარანტინო ფუნქციებს ასრულებს. ჩვენთან საკარანტინო ფუნქციების გარდა, სასტუმრო შეასრულებს შუალედურ რგოლს მაღალკვალიფიციურ კლინიკასა და ბინას შორის“, – განაცხადა თენგიზ ცერცვაძემ.

დღეს ასევე ცნობილი გახდა, რომ კოვიდ-სასტუმროში მყოფ ყველა და ბინაზე მყოფ პაციენტთა ნაწილს სამი სავალდებულო გამოკვლევა ჩაუტარდება: სისხლის საერთო ანალიზი, D დიმერი და სატურაციის განსაზღვრა. სავალდებულო გამოკვლევებით დადგინდება, რამდენად მძიმეა პაციენტი და შესაბამისი ჩარევით  გართულებები თავიდან იქნება აცილებული.

ამ დროის მონაცემებით, საქართველოში კორონავირუსით ინფიცირების 14 525 აქტიური შემთხვევაა. კოვიდ-კლინიკებში მოთავსებულია 4 618, კოვიდ-სასტუმროში - 2 438, ხოლო 7 469 პაციენტი ბინაზე მკურნალობს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2775-ით გაიზარდა და ინფიცირებულთა საერთო რიცხვმა 51993-ს მიაღწია. ამ დროისათვის სულ გამოჯანმრთელდა 37019 ადამიანი, გარდაიცვალა 423 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

138
თემები:
COVID-19 საქართველოში (2563)
დაკეტილი რესტორნები შარდენის ქუჩაზე

„რესტორატორთა ასოციაციის“ პრეზიდენტი : „ეპიდემიოლოგები საკუთარ კომპეტენციას გაცდნენ...“

33
28 ნოემბერს ქვეყანაში შექმნილი ეპიდვითარების გამო დაწესებული შეზღუდვების მიხედვით, რესტორნები და კვების ობიექტები მთლიანად მიტანის სერვისზე გადავიდნენ

თბილისი, 28 ნოემბერი - Sputnik. შექმნილი ეპიდემიოლოგიური ვითარებიდან გამოსავალი იყო ოქროს შუალედი, რითაც შეიძლებოდა პანდემიის მართვა და ამდენი ადამიანიც არ დარჩენილიყო უმუშევარი. განაცხადა რესტორატორთა ასოციაციის დამფუძნებელმა, შოთა ბურჯანაძემ ჟურნალისტებთან საუბრისას.

ბურჯანაძის აზრით, რეგულაციები, რომელიც საკოორდინაციო საბჭომ სარესტორნო ბიზნესის კუთხით დააწესა, უნდა ყოფილიყო უფრო მეტად დაბალანსებული. სწორედ ეს იქნებოდა ოქროს შუალედი.

„აქ გამოსავალი იყო ოქროს შუალედი, ეს არის ის, რითაც შეგვეძლო გვემართა კოვიდიც და ამდენი ადამიანიც არ დარჩენილიყო უმუშევარი. ეს უფრო რთული გზაა, რადგან მეტი ადამიანური და სახელმწიფოებრივი რესურსი სჭირდება“, - განაცხადა ბურჯანაძემ.

მისი თქმით, ეპიდემიოლოგებმა, რომლებიც ვერ მართავენ სიტუაციას, ყველაზე მარტივი გადაწყვეტილება მიიღეს.

„რეალურად, ეპიდემიოლოგები არ არიან იმ კომპეტენციაში, რომ ორივე მხარე მართონ, ამიტომ თავის ჩარჩოში უნდა ჩაეტიონ. ისინი გადიან ამ ჩარჩოდან და ისეთ მითითებებს იძლევიან, რომლებიც ქვეყანას უდიდეს პრობლემამდე მიიყვანს“, - განაცხადა შოთა ბურჯანაძემ.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

33
თემები:
COVID-19 საქართველოში (2563)
თამო ვაშალომიძე

„დაიბადა ჩემი ბიჭი“ - თამო ვაშალომიძე მამა-შვილის ემოციურ ფოტოს აქვეყნებს

89
(განახლებულია 20:50 28.11.2020)
ცნობილი ფოტომოდელი დედა გახდა. ნახეთ ემოციური ფოტო, რომელიც თამო ვაშალომიძემ რამდენიმე წუთის წინ სოციალურ ქსელში განათავსა

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა - მისი პირველი პარტნიორის ვინაობაა. მოდელმა რამდენიმე წუთის წინ ახალშობილი ვაჟის ფოტო გამოაქვეყნა და დაწერა, რომ სიტყვებით ვერ გადმოსცემს, როგორი ბედნიერია.

თამომ მამა-შვილის ფოტოც გამოაქვეყნა, სადაც მის რჩეულს, ბიზნესმენ აკა სამხარაძეს შვილი ხელში უჭირავს და სიყვარულით სავსე თვალებით დაჰყურებს.

რამდენიმე თვეა თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია, რაც ერთმანეთს ხვდებიან. ეს ერთი ნახვით შეყვარებას ჰგავს.

ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო საინტერესოა. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

89
თემები:
სელებრითების ცხოვრება