ლაბორატორია

სამეგრელო–ზემო სვანეთის რეგიონში კორონავირუსით ინფიცირების 117 შემთხვევა გამოვლინდა

38
(განახლებულია 17:26 06.11.2020)
გასულ დღე-ღამეში რეგიონის მასშტაბით გამოჯანმრთელდა 108 პაციენტი. სულ საკარანტინო სივრცეში იმყოფება 132 ადამიანი.

თბილისი, 6 ნოემბერი – Sputnik. ბოლო 24 საათში სამეგრელო–ზემო სვანეთის რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 535 ნიმუშიდან 117-ზე დადებითი პასუხია, იუწყება „Sputnik–საქართველოს" კორესპონდენტი. 

რეგიონში დღეს გამოვლენილი ინფიცირების ახალი შემთხვევებიდან 82 დაფიქსირდა ზუგდიდში, 13 – სენაკში, 12 – ჩხოროწყუში, 9 – წალენჯიხაში და 1 – ფოთში.

რუხის კლინიკაში მკურნალობის კურსს გადის 157 კოვიდ–პაციენტი, აქედან 49-ის მდგომარეობა საშუალო სიმძიმისაა. ფოთის ჰოსპიტალში 40 კოვიდ–პაციენტი მკურნალობს, მათ შორის ორი პაციენტის მდგომარეობა მძიმეა.

გასულ დღე-ღამეში რეგიონის მასშტაბით გამოჯანმრთელდა 108 პაციენტი. სულ საკარანტინო სივრცეში იმყოფება 132 ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2775-ით გაიზარდა და ინფიცირებულთა საერთო რიცხვმა 51993-ს მიაღწია. ამ დროისათვის სულ გამოჯანმრთელდა 37 019 ადამიანი, გარდაიცვალა 423 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

38
თემები:
COVID-19 საქართველოში (2632)
პალატა ბათუმის კლინიკაში

ბათუმში კორონავირუსით 31 წლის ქალი გარდაიცვალა

87
პაციენტის მდგომარეობა კლინიკა „მედინაში“ გადაყვანის შემდეგ დამძიმდა. მას სუნთქვის უკმარისობა და ფილტვების დაზიანება დაუდგინდა.

თბილისი, 3 დეკემბერი - Sputnik. ბათუმში, კლინიკა „მედინაში“ კორონავირუსით 31 წლის ქალი გარდაიცვალა. იუწყება პირველი არხი.

არსებული ინფორმაციით, ინფიცირებულ ქალს 25 ნოემბერს საკეისრო კვეთა ბათუმის სამშობიარო სახლში გაუკეთდა, ორი დღის შემდეგ კი გართულებებით კლინიკა „მედინაში“ გადაიყვანეს.

„მედინას“ ექიმის, ჯუმბერ უნგიაძის თქმით, კორონავირუსით ინფიცირებული ორსული პაციენტის მდგომარეობა დამძიმდა, რაც ნაყოფის მდგომარეობაზე მოქმედებდა, რის შემდეგაც მას საკეისრო კვეთა ჩაუტარდა. ექიმის განცხადებით, პაციენტს კლინიკაში მოთავსებისას ფილტვების მძიმე დაზიანება დაუდგინდა.

„მრავალი ადამიანი გვყავს გადარჩენილი, თუმცა დღეს ვერ შევძელით პაციენტის გადარჩენა. მიუხედავად ადეკვატური მკურნალობისა, მისი მდგომარეობა უარესდებოდა, კერძოდ, კლინიკური ცვლილებები ჰქონდა. პაციენტს ასევე აღენიშნებოდა სუნთქვის უკმარისობა. მას კვლევის შედეგად პნევმონია და ფილტვის 23 პროცენტიანი დაზიანება დაუდგინდა. 1-2 დეკემბერს მდგომარეობა შედარებით გაუმჯობესდა, თუმცა გუშინ საღამოს თრომბოემბოლია მოხდა, რამაც გულის გაჩერება გამოიწვია“, - განაცხადა ჯუმბერ უნგიაძემ.

ექიმის ინფორმაციით, ახალშობილი ჯანმრთელია და კლინიკიდან სახლში გაეწერა.

საქართველოში ბოლო დღე-ღამეში ახალი კორონავირუსით კიდევ 45 ადამიანი გარდაიცვალა და გარდაცვლილთა საერთო რაოდენობამ 1.387-ს მიაღწია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4.260-ით გაიზარდა და ინფიცირებულთა საერთო რიცხვმა 147.636-ს მიაღწია. მათ შორის ბოლო 24 საათში აჭარის რეგიონში 525 შემთხვევა გამოვლინდა.

საქართველოში კორონავირუსის პირველი შემთხვევა 26 თებერვალს დაფიქსირდა.

87
თემები:
COVID-19 საქართველოში (2632)
კლინიკა

რამდენი უჯდება სახელმწიფოს ერთი კოვიდ–პაციენტის მკურნალობა: ჯანდაცვის უწყების განმარტება

122
(განახლებულია 19:47 03.12.2020)
თამარ გაბუნიას განცხადებით, სიმპტომებიანი პაციენტებისთვის ანტიგენზე დამყარებული სწრაფი ტესტებით გაფართოებული კვლევის მიზანი ინფიცირებულთა დროულად გამოვლენაა.

თბილისი, 3 დეკემბერი – Sputnik. საქართველოს მთავრობას კლინიკაში ერთი კოვიდ–პაციენტის მკურნალობა საშუალოდ 2 ათასი ლარი უჯდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

ამასთან, მისი თქმით, კოვიდ-ინფიცირებულის მკურნალობის ხარჯები შეიძლება 500 ლარიდან 10 ათას ლარამდე მერყეობდეს – ყოველივე დაავადების სიმძიმეზეა დამოკიდებული. 

„საშუალოდ, შეფასებისთვის ჩვენ ვიყენებთ 2000-ლარიან ნიშნულს ჰოსპიტალური შემთხვევის მართვისთვის. ეს, რა თქმა უნდა, არ ითვალისწინებს იმ ხარჯებს, რომელიც ხმარდება, მაგალითად, ჟანგბადით უზრუნველყოფას, სუნთქვის აპარატების მობილიზებას და პერსონალის ტრენინგს. სისტემის მომზადების საინვესტიციო ხარჯები ცალკე თემაა“, – განაცხადა თამარ გაბუნიამ.

მინისტრის მოადგილის თქმით, საქართველოში კორონავირუსზე ტესტირების პროცესში დაახლოებით 300 დაწესებულებაა ჩართული. ინტენსიური ტესტირება, რომელიც ქვეყანაში დაიწყო და დღეში 20 ათასამდე ტესტის ჩატარებას ითვალისწინებს, ხელს შეუწყობს ვირუსის გავრცელების შემცირებას, დასძინა გაბუნიამ.

როგორც მან აღნიშნა, ანტიგენზე დაფუძნებული სწრაფი ტესტების ხარისხი საკმაოდ მაღალია, „ტესტის ხარისხი და სანდოობა ძალზე დიდია. ვფიქრობ, რომ ეს მნიშვნელოვნად შეამცირებს რიგებს და მოსახლეობას და ექიმებს მკურნალობის სწრაფად დაწყების შესაძლებლობას მისცემს“, – განაცხადა გაბუნიამ.

122
თემები:
COVID-19 საქართველოში (2632)
საბადურის ტყე

4 დეკემბერს დაბადებულები ზოდიაქო, დახასიათება, რჩევები

0
(განახლებულია 14:17 02.12.2020)
გაეცანით 4 დეკემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

3-12 დეკემბრის პერიოდი

3-12 დეკემბერის პერიოდი მშვილდოსნის მეორე დეკადას განეკუთვნება.

ამ პერიოდს მთვარე მართავს. ის ამ პერიოდში დაბადებულებს რბილ ხასიათს, შემოქმედებით წარმოსახვასა და მშვენიერის შესანიშნავ აღქმას ანიჭებს.

მნიშვნელოვანია წლებია 15, 30, 40, 45, 60.

ამ პერიოდში დაბადებულთა სიმბოლოა ბაბუაწვერა.

3-12 დეკემბრის პერიოდში დაბადებულები გამოირჩევიან მხიარული ხასიათით, სულ მოძრაობაში არიან, უყვართ ხალხში ყოფნა, არიან კომუნიკაბელური, ენერგიული. სამუშაოს შესრულებისას ძალზე პასუხისმგებლიანი.

4 დეკემბერს დაბადებულები

4 დეკემბერს დაბადებულები ერთი შეხედვით გულღია ადამიანები ჩანან, მაგრამ სინამდვილეში ისინი მიზანსწრაფული, ამბიციური ადამიანები არიან, ასევე, შესაძლოა, შურიანი და შურისმაძიებელი. მათ უყვართ სხვისი იდეების მკაცრი კრიტიკა. ეს ადამიანები შეიძლება იყვნენ მოუთმენელი, იმპულსური, მაგრამ თუ ყველაფერი მათი გეგმის მიხედვით მიდის, ისინი იცვლებიან და კეთილმოსურნენი ხდებიან.

4 დეკემბერს დაბადებულებისთვის ძალიან ბევრს ნიშნავს აღიარება. ისინი ისწრაფვიან დიდებისკენ, მაღალი სოციალური სტატუსის მიღებისკენ. ამისთვის მზად არიან, ბევრი რამ გაიღონ მსხვერპლად. ხშირად მათი პირველი მსხვერპლი ოჯახი ხდება.

4 დეკემბერს ტიპური მშვილდოსნები იბადებიან. არიან აქტიური, მოძრავი; ამბიციები და დასახული მაღალი ამოცანები მათი წარმატების 50%-ს განაპირობებს. ისინი ძალზე შრომისმოყვარენი არიან და მათი მუშაობა, პირველ რიგში, საკუთარ ინტერესებს ემსახურება და არა კომპანიის ან საზოგადოების.

4 დეკემბერს დაბადებულებს სტრატეგიული აზროვნება აქვთ; ახასიათებთ სიმტკიცე, გამოირჩევიან კარგი მანერებით. არიან კომუნიკაბელური, შეუძლიათ ადამიანების წინ გაძღოლა.

სამსახურში ამ დღეს დაბადებულებს აფასებენ გამჭრიახობის, შორსმჭვრეტელობისთვის. დაბადებით სტრატეგები არიან. ეს შესანიშნავი საფუძველია მმართველი პოზიციების დაკავებისთვის. მაგრამ წარმატებული საქმიანობისთვის უნდა ისწავლონ ემოციების კონტროლი, კოლეგების, სამუშაო სიტუაციის ობიექტური შეფასება.

ჯანმრთელობა

4 დეკემბერს დაბადებულების მტერი მათი აგრესიაა. მნიშვნელოვანია, რომ მათ აგრესიაზე კონტროლი შეინარჩუნონ, მაგრამ ემოციების დახშობა და ენერგიისთვის გამოსავლის გადაკეტვა ასევე არ შეიძლება. ამ პრობლემის გადაჭრის ყველაზე მარტივი ხერხია შეჯიბრებითი სპორტი, როგორიცაა, მაგალითად, ჭიდაობა, გუნდური თამაშები. ფიზიკური თვალსაზრისით, 4 დეკემბერს დაბადებულების სუსტი წერტილია ნერვული სისტემა.

რჩევა:

თქვენთვის მთავარია, ძალიან არ დაიძაბოთ. განსაკუთრებით ყურადღება მიაქციეთ ამას სამუშაოზე.

0