კომაროვის სახელობის სკოლა თბილისში

ახალგაზრდა ნატურალისტთა საერთაშორისო ტურნირზე ქართველმა მოსწავლეებმა ოქროს მედლები მიიღეს

44
(განახლებულია 19:10 05.11.2020)
ეს ტურნირი 2013 წლიდან ტარდება და ამ დროის განმავლობაში ქართულ გუნდებს ყველაზე მეტი ოქროს მედალი აქვთ მოპოვებული.

თბილისი, 5 ნოემბერი – Sputnik. ახალგაზრდა ნატურალისტთა საერთაშორისო ტურნირზე (IYNT) საქართველოს ნაკრების წევრებმა წარმატებით იასპარეზეს და ოქროს მედლებით დაჯილდოვდნენ. ნათქვამია საქართველოს საგანმანათლებლო ვებ-გვერდზე edu.aris.ge.

საქართველოს გუნდს კომაროვისა და ვეკუას სკოლის მოსწავლეები წარმოადგენდნენ. ნიკა მალცევის კაპიტნობით ქართველმა მოსწავლეებმა ფინალში ხორვატიისა და შვეიცარიის გუნდებს სძლიეს, რის შედეგადაც სანკტ-პეტერბურგში ჩატარებული რიგით მე-8 ტურნირის გამარჯვებულები გახდნენ.

ოქროს მედალოსანთა შემადგენლობაში ვეკუას სკოლიდან ნენე ჟვანია, ანრი დარცმელია და ლევან ლოლაშვილი ირიცხებოდნენ, ხოლო კომაროვის სკოლიდან შეჯიბრებაზე ნიკა მალცევი, ირაკლი მიროტაძე და სანდრო ვაჩნაძე გამოდიოდნენ.

აღნიშნული ტურნირი ხელს უწყობს ახალგაზრდებს, წარმოაჩინონ ცოდნა ზუსტ და საბუნებისმეტყველო მეცნიერებებში (ფიზიკა, ქიმია, ბიოლოგია), წარმატებით გადაჭრან დასმული პრობლემები და წარმოადგინონ ჩატარებული კვლევის შედეგები. ამასთან, მათ უნდა შეძლონ შედეგების დაცვა მოწინააღმდეგე გუნდებთან გამართულ სამეცნიერო დისკუსიებში.

წელს ღონისძიებაში, რომელიც 2013 წლიდან ტარდება, მონაწილეობას საქართველოდან, ყაზახეთიდან, რუსეთიდან, საბერძნეთიდან, შვეიცარიიდან, ხორვატიიდან და რუმინეთიდან 12-დან 16 წლამდე მოსწავლეები იღებდნენ.

ქართველი მოსწავლეების პროექტი ესტონეთში ყველაზე ინოვაციურ გამოგონებად აღიარეს>>

საერთაშორისო ნატურალისტთა ტურნირი თბილისში 2018 წელს ჩატარდა, სადაც გამარჯვებულ გუნდად შვეიცარია გამოავლინეს, საქართველოს გუნდებიდან კი მაშინ თავი მხოლოდ კომაროვის სკოლამ გამოიჩინა და მე-3 ადგილი დაიკავა.

აღსანიშნავია, რომ ქართულ გუნდებს ამ ტურნირის არსებობის განმავლობაში ყველაზე მეტი ოქროს მედალი აქვთ მოპოვებული.

44
თემები:
განათლება საქართველოში (345)
ეკატერინე ტიკარაძე

ტიკარაძე: რა თქმა უნდა, პრობლემები და ხარვეზები არის

13
(განახლებულია 14:39 30.11.2020)
ქვეყანაში კორონავირუსის მეორე ტალღაა – ახალი შემთხვევების დღიურმა ზრდამ ბოლო დღეებში 4 ათასს გადააჭარბა, Covid-19-ით დაავადებულთა რაოდენობამ კი 135 584-ს მიაღწია

თბილისი, 30 ნოემბერი - Sputnik. კორონავირუსით ინფიცირებული პაციენტების მართვის კუთხით პრობლემები და ხარვეზები არის, რომლის აღმოფხვრასაც ჯანდაცვის სისტემა ცდილობს, განაცხადა საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ მთავრობის ადმინისტრაციაში გამართულ ბრიფინგზე.

როგორც მინისტრმა განაცხადა, პრობლემა ძირითადად თავისუფალი საწოლების რაოდენობაშია და ამ საკითხის მოგვარებაში ის პირადად არის ჩართული.

„ყოველდღიურ რეჟიმში „112“-დან დაწყებული ბოლო წერტილამდე, პაციენტის განთავსებამდე, გავდივართ ამ ჯაჭვს თავიდან ბოლომდე, ვაკვირდებით, რა არის პრობლემა და ვცდილობთ, ეს პრობლემები მოვაგვაროთ. პირადად ვარ ჩართული ამაში, ასევე ჩართულია ორივე მოადგილე და ყველა სსიპ-ის ხელმძღვანელი. მუდმივ რეჟიმში ვაკვირდებით ამ ხარვეზებს და შესაბამისად, ვცდილობთ მათ აღმოფხვრას“, - განაცხადა ტიკარაძემ.

ტიკარაძის განმარტებით, ქვეყანაში საწოლფონდი 6 ათასიდან 7 100-მდე გაიზარდა. მისი თქმით, არც ერთი ქვეყნის მიზანი არ არის საწოლფონდების მაქსიმალური რაოდენობის გამოყენება. სწორედ აქედან გამომდინარე, როგორც მინისტრმა აღნიშნა, მნიშვნელოვანია, ჩატარდეს პრევენციული ღონისძიებები და დაწესდეს შეზღუდვები საწოლფონდის განტვირთვის მიზნით.

სექტემბრის დასაწყისიდან ქვეყანაში ინფიცირების ბუმი დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს გადააჭარბა. კორონავირუსით დაავადებულთა რაოდენობა ბოლო დღე-ღამეში კი 3 216-ით გაიზარდა და ინფიცირებულთა საერთო რიცხვმა 135 584-ს მიაღწია. სულ გარდაცვლილია 1267 ადამიანი.

საქართველოში 28 ნოემბრიდან რთული ეპიდვითარების გამო ხელისუფლებამ ახალი შეზღუდვები აამოქმედა, რომლებიც 2021 წლის 31 იანვრამდე იქნება ძალაში.

საქართველოში კორონავირუსის პირველი შემთხვევა 26 თებერვალს დაფიქსირდა.

13
თემები:
COVID-19 საქართველოში
აქცია პარლამენტთან

„არა შეზღუდვებს!“ პარლამენტთან კარვების გაშლას შეეცადნენ

19
(განახლებულია 14:34 30.11.2020)
ქვეყანაში ინფიცირებულთა ზრდის მაჩვენებლის შეკავების მიზნით, ხელისუფლებამ 28 ნოემბრიდან რიგი შეზღუდვები დააწესა, რომელიც პარლამენტთან დღეს გააპროტესტეს

თბილისი, 30 ნოემბერი – Sputnik. კორონავირუსის პანდემიიდან გამომდინარე დაწესებული შეზღუდვების მოხსნის მოთხოვნით, საქართველოს პარლამენტის შენობასთან საპროტესტო აქცია გაიმართა, იუწყება „Sputnik-საქართველოს“ კორესპონდენტი შემთხვევის ადგილიდან.

საპროტესტო აქცია მოძრაობა „საქართველოსთვის“ ორგანიზებით გაიმართა, რომელიც მთავრობის გადაწყვეტილებას დისკრიმინაციულს უწოდებს. აქციის მონაწილეებმა ასევე მოითხოვეს რიგგარეშე საპარლამენტო არჩევნების ჩატარება. 

Оппозиция устанавливает палатки у здания парламента Грузии 30 ноября 2020 года
© Sputnik / STRINGER
ოპოზიცია პარლამენტის წინ კარვების გაშლას შეეცადა

აქციის მონაწილეებმა საკანონმდებლო ორგანოსთან კარვის გაშლა გადაწყვიტეს, რისი საშუალებაც მათ პოლიციამ არ მისცა.

აქციის მონაწილეებმა, მეათე მოწვევის პარლამენტის პირველი სხდომის დღეს მშვიდობიანი აქციის გამართვა დააანონსეს. 

Оппозиция устанавливает палатки у здания парламента Грузии 30 ноября 2020 года
© Sputnik / STRINGER
ოპოზიცია პარლამენტის წინ კარვების გაშლას შეეცადა

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი ოთხი ათასს აღწევს. ინფიცირებულთა ზრდის მაჩვენებლის შეკავების მიზნით, ხელისუფლებამ 28 ნოემბრიდან რიგი შეზღუდვები დააწესა. ყველაზე სერიოზული შეზღუდვები შვიდ დიდ ქალაქში მოქმედებს – არ მუშაობს მუნიციპალუტი ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრისა), ფიტნეს–დარბაზები და აუზები და ა.შ. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადააადგილება.

19
მაია მახათელი

ქართველი ბალერინა წლის საუკეთესო მოცეკვავე

0
(განახლებულია 14:38 30.11.2020)
ქართველი ბალერინას კონკურენტები „დიდი თეატრის“ რუსი მოცეკვავეები – მარია ალექსანდროვა და ვლადისლავ ლანტრატოვი იყვნენ

თბილისი, 30 ნოემბერი – Sputnik. ქართველი ბალერინა მაია მახათელი, საერთაშორისო ჟურნალ Dance Europe-ის ვერსიით, რომელიც 1995 წლიდან ლონდონში გამოდის, წლის საუკეთესო მოცეკვავედ დასახელდა.

რადგანაც ქართველმა ბალერინამ ყველაზე მეტი ხმა მიიღო, ჟურნალმა Dance Europe მისი ფოტო დეკემბერ/იანვრის გარეკანზე გამოაქვეყნა.

თავის Facebook–გვერდზე ბალერინამ მხარდაჭეისთვის ყველას მადლობა გადაუხადა და აღნიშნა, რომ ბედნიერია, რომ მისი ფოტო Dance Europe–ის გარეკანზეა განთავსებული.

პრეტენდენტისთვის ხმის მიცემა ოქტომბრის ბოლომდე იყო შესაძლებელი. ქართველ ბალერინასთან ერთად საუკეთესოს წოდებისთვის „დიდი თეატრის“ რუსი მოცეკვავეები – მარია ალექსანდროვა და ვლადისლავ ლანტრატოვი იბრძოდნენ.

მაია მახათელი თბილისში დაიბადა, ცეკვა ვახტანგ ჭაბუკიანის სახელობის თბილისის ქორეოგრაფიულ სასწავლებელში დაიწყო. 2002 წელს სწავლა დაამთავრა გერმანიის საერთაშორისო საბალეტო სკოლაში (International Ballet School).

2002 წელს მახათელი კოლორადოს ბალეტში მიიღეს, 2006 წელს გადავიდა ბირმინგემის სამეფო ბალეტში სოლისტის რანგში. 2007 წლიდან ის ნიდერლანდების ეროვნულ ბალეტში მუშაობს, ხოლო 2010 წლიდან თეატრის პრიმა–ბალერინაა.

მაია მახათელს მონაწილეობა აქვს მიღებული არაერთ საერთაშორისო საბალეტო გალა–კონცერტში, მიწვეული ბალერინის სტატუსით გამოდიოდა აშშ-ის, იაპონიის, ჩეხეთისა და რუსეთის თეატრების სპექტაკლებში. არის საქართველოში, რუსეთსა და აშშ-ში გამართული საერთაშორისო კონკურსების ლაურეატი.

0
თემები:
საქართველო და კულტურა