პოლიცია პირბადის ტარებას აკონტროლებს

ბრძოლა COVID-19-თან: უსაფრთხოების წესების დაცვაზე კონტროლი მკაცრდება

95
(განახლებულია 15:09 05.11.2020)
ეპიდემიოლოგები მოქალაქეებს დაჟინებით სთხოვენ ხუთი ძირითადი წესის დაცვას: ატარონ პირბადე ყველგან, ხშირად დაიბანონ ხელები, დაიცვან სოციალური დისტანცია, არ შეიკრიბოს ათზე მეტი ადამიანი და მოერიდონ ხალხმრავალ ადგილებს.

თბილისი, 5 ნოემბერი – Sputnik. უწყებათშორისი საკოორდინაციო საბჭოს რეკომენდაციების შესაბამისად, პოლიცია აქტიურ რეჟიმში აკონტროლებს საზოგადოებრივი თავშეყრის ადგილებს კორონავირუსის გავრცელების წინააღმდეგ მიმართული წესებისა და რეკომენდაციების დაცვის მიზნით.

როგორც საქართველოს შინაგან საქმეთა სამინისტროს განცხადებაშია აღნიშნული, პატრულ–ინსპექტორები თბილისის მეტროს ყველა სადგურთან არიან მობილიზებული. ისინი აკონტროლებენ დადგენილი წესების დაცვას, მათ შორის – პირბადის სწორად ტარებას.

გარდა ამისა, საზოგადოებრივი წესრიგის დაცვისა და უსაფრთხოებისთვის აქტიური პატრულირება მიმდინარეობს აგრარული ბაზრებისა და ბაზრობების ტერიტორიებზე როგორც თბილისში, ისე საქართველოს სხვა დიდ ქალაქებში.

„შინაგან საქმეთა სამინისტრო კვლავ მოუწოდებს მოქალაქეებს, დაიცვან სოციალური დისტანცია, სწორად ატარონ პირბადე და დაემორჩილონ პოლიციელთა მითითებებს, წინააღმდეგ შემთხვევაში მათ მიმართ კანონით გათვალისწინებული ღონისძიებები გატარდება“, – აღნიშნულია უწყების განცხადებაში.

საკოორდინაციო საბჭოს გადაწყვეტილებით 4 ნოემბრიდან საქართველოში პირბადის ტარება აუცილებელი გახდა არა მხოლოდ დახურულ, არამედ ღია სივრცეშიც.

პირბადის ტარების წესის დარღვევისთვის 20 ლარის ოდენობის ჯარიმაა დაწესებული.

ეპიდემიოლოგები მოქალაქეებს დაჟინებით სთხოვენ ხუთი ძირითადი წესის დაცვას: ატარონ პირბადე ყველგან, ხშირად დაიბანონ ხელები, დაიცვან სოციალური დისტანცია, არ შეიკრიბოს ათზე მეტი ადამიანი და მოერიდონ ხალხმრავალ ადგილებს. იმ შემთხვევაში, თუ დახურულ სივრცეში მცირე შეკრება იმართება (მაქსიმუმ ექვსი ადამიანი), აუცილებელია მისი ხშირად განიავება.

ბოლო პერიოდში ეპიდემიური ვითარება ქვეყანაში საკმაოდ დამძიმდა. ყოველდღიურად ვლინდებოდა ინფიცირების 2 ათასამდე შემთხვევა, გუშინ კი 2,2 ათასზე მეტი დაფიქსირდა. ინფიცირებულების საერთო რაოდენობამ 46.8 ათასს მიაღწია.

95
თემები:
COVID-19 საქართველოში (2562)
თამო ვაშალომიძე

„დაიბადა ჩემი ბიჭი“ - თამო ვაშალომიძე მამა-შვილის ემოციურ ფოტოს აქვეყნებს

26
(განახლებულია 20:23 28.11.2020)
ცნობილი ფოტომოდელი დედა გახდა. ნახეთ ემოციური ფოტო, რომელიც თამო ვაშალომიძემ რამდენიმე წუთის წინ სოციალურ ქსელში განათავსა

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა - მისი პირველი პარტნიორის ვინაობაა. მოდელმა რამდენიმე წუთის წინ ახალშობილი ვაჟის ფოტო გამოაქვეყნა და დაწერა, რომ სიტყვებით ვერ გადმოსცემს, როგორი ბედნიერია.

თამომ მამა-შვილის ფოტოც გამოაქვეყნა, სადაც მის რჩეულს, ბიზნესმენ აკა სამხარაძეს შვილი ხელში უჭირავს და სიყვარულით სავსე თვალებით დაჰყურებს.

რამდენიმე თვეა თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია, რაც ერთმანეთს ხვდებიან. ეს ერთი ნახვით შეყვარებას ჰგავს.

ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო საინტერესოა. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

26
თენგიზ ცერცვაძე

თენგიზ ცერცვაძე სტაციონარიდან სახლში გაეწერა

137
(განახლებულია 16:41 28.11.2020)
კლინიკის გენერალურ დირექტორს კორონავირუსი 17 ნოემბერს დაუდასტურდა, 19 ნოემბერს კი გართულებული ჯანმრთელობის მდგომარეობის გამო მისი ჰოსპიტალიზაცია მოხდა.

თბილისი, 28 ნოემბერი - Sputnik. ინფექციური პათოლოგიისა და შიდსის ცენტრის გენერალური დირექტორი, თენგიზ ცერცვაძე სტაციონარიდან სახლში გაეწერა. ინფორმაციას ინფექციური პათოლოგიისა და შიდსის ცენტრი ავრცელებს.

კლინიკის ცნობით, თენგიზ ცერცვაძის მდგომარეობა სტაბილურია, ის თავს კარგად გრძნობს და მადლობას უხდის ყველას, ვინც მის მიმართ ყურადღება გამოხატა.

თენგიზ ცერცვაძეს კორონავირუსი მიმდინარე წლის 17 ნოემბერს დაუდასტურდა. საწყის ეტაპზე მისი ჯანმრთელობის მდგომარეობა დამაკმაყოფილებელი გახლდათ.

ორი დღის შემდეგ კი მას სიცხემ აუწია და ფილტვებზე პნევმონია დაუდგინდა. თენგიზ ცერცვაძის ჰოსპიტალიზაცია ასევე განაპირობა იმან, რომ ის მაღალი რისკის ჯგუფს განეკუთვნებოდა.

შეგახსენებთ, თბილისის ინფექციურმა საავადმყოფომ, რომელსაც მრავალი წელია თენგიზ ცერცვაძე ხელმძღვანელობს, კოვიდ–ინფიცირებული პაციენტების მიღება ერთ-ერთმა პირველმა დაიწყო.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

137
თემები:
COVID-19 საქართველოში (2562)