პი-სი-არ ტესტირება

კორონავირუსი ქართულ ოპოზიციაში: „ლელოს“ ლიდერი კვლავ საავადმყოფოშია

147
საქართველოში კორონავირუსით ინფიცირებულ პოლიტიკოსთა რიცხვი მატულობს. ოპოზიციის გარდა, კორონავირუსმა მთავრობის წევრებამდეც მიაღწია

თბილისი, 4 ნოემბერი - Sputnik. ოპოზიციური პარტია „ლელოს“ ლიდერი და პრემიერ-მინისტრობის კანდიდატი მამუკა ხაზარაძე, რომელიც  კორონავირუსითაა ავად, ჯერ კიდევ საავადმყოფოში იმყოფება და მკურნალობას განაგრძობს, განუცხადეს Sputnik-საქართველოს პარტიის პრესსამსახურში.

კორონავირუსი პოლიტიკოსს 18 ოქტომბერს დაუდგინდა, რის შემდეგაც ის თვითიზოლაციაში გადავიდა. რამდენიმე დღის შემდეგ მისი მდგომარეობა გაუარესდა და ხაზარაძე მაღალი ტემპერატურით კლინიკაში გადაიყვანეს. მას შემდეგ იგი თბილისის ინფექციურ საავადმყოფოში მკურნალობს.

დღესვე გახდა ცნობილი, რომ კორონავირუსის ინფექცია დაუდგინდა „ერთიანი ნაციონალური მოძრაობის“ წევრ სალომე სამადაშვილს.

რამდენიმე დღის წინ კიდევ ერთი ოპოზიციონერი დაინფიცირდა - „ნაციონალური მოძრაობის“ მაჟორიტარი დეპუტატობის კანდიდატი დმანისში, წალკაში, ბოლნისსა და თეთრიწყაროში - კახა ოქრიაშვილი. მას ინფექცია მსუბუქი ფორმით აქვს, ამიტომ სახლში მკურნალობს.

„კოვიდ-19“-ით დაინფიცირდა ასევე საქართველოს ექსპრეზიდენტი მიხეილ სააკაშვილი. მისი სიტყვებით, კორონავირუსი მსუბუქ ფორმაში ჰქონდა და ამის შესახებ მხოლოდ ანტისხეულებზე ტესტის შემდეგ გაიგო.

კორონავირუსი გადაიტანეს პარლამენტის დეპუტატებმაც: პარტია „ჩვენი საქართველო - სოლიდარობის ალიანსის“ პოლიტიკურმა მდივანმა ლევან გოგიჩაიშვილმა და აღმასრულებელმა მდივანმა გედევან ფოფხაძემ, ასევე მათი პარტიის წევრმა, საკრებულოს დეპუტატმა ჯაბა ჯიშკარიანმა.

ვირუსი დაამარცხა პარტია „კანონი და სამართლის“ ლიდერმა თაკო ჩარკვიანმა, რომელსაც გართულებების გამო გარკვეული პერიოდის განმავლობაში კლინიკაში ყოფნა მოუწია.

ბოლო დღეების განმავლობაში ვირუსი მთავრობის რამდენიმე წევრსაც დაუდასტურდა. მათ შორის საქართველოს პრემიერ-მინისტრ გიორგი გახარიას და მთავრობის ადმინისტრაციის უფროსს ნათია მეზვრიშვილს. კოვიდინფექცია გუშინ გამოუვლინდა ეკონომიკისა და მდგრაგი განვითარების მინისტრს ნათია თურნავასაც.

ისინი ამ დროისთვის თვითიზოლაციაში იმყოფებიან.

ბოლო ორ თვეში საქართველოში ეპიდემიოლოგიური ვითარება მნიშვნელოვნად გაუარესდა. კორონავირუსის პირველი ტალღის დროს 26 თებერვლიდან 1 სექტემბრამდე ინფიცირებულთა რაოდენობა მთლიანობაში 1500-ს არ აჭარბებდა. ამჟამად კი 1500–2000 ათასის ფარგლებში უკვე ინფიცირების დღიური მაჩვენებელი მერყეობს, ბოლო დღე-ღამეში კი 2 ათასსაც გადააჭარბა – კორონავირუსით დაავადებულთა რაოდენობა 2 295-ით გაიზარდა და საერთო რიცხვმა 46817-ს მიაღწია.

ამის პარალელურად საქართველოში პოლიტიკური ვნებათა ღელვა კულმინაციას აღწევს. საპარლამენტო არჩევნების შედეგებით უკმაყოფილო ოპოზიციის ლიდერები ხელახალი არჩევნების დანიშვნის მოთხოვნით მასშტაბური საპროტესტო აქციისთვის ემზადებიან.

147
თემები:
COVID-19 საქართველოში (2557)
პაატა იმნაძე

პაატა იმნაძე: „ვინმემ გამახსენოს გრიპი, რომელიც ორ თვეში ათას ადამიანს მოკლავს...“

31
დაავადებათა კონტროლის ცენტრის ხელმძღვანელის მოადგილემ, პაატა იმნაძემ განაცხადა, რომ საკოორდინაციო საბჭოზე გადაწყვეტილების მიღება შეზღუდვებთან დაკავშირებით ძალიან რთული იყო, მაგრამ ამას უაღრესად რთული ეპიდვითარება მოითხოვდა

თბილისი, 28 ნოემბერი - Sputnik. საქართველოში შეზღუდვების გამკაცრების შესახებ გადაწყვეტილება რთული მისაღები იყო, მაგრამ კორონავირუსით ინფიცირების რიცხვები უკვე კატასტროფულია, განაცხადა დაავადებათა კონტროლის ცენტრის ხელმძღვანელის მოადგილემ, პაატა იმნაძემ პირველი არხის ეთერში.

საქართველოში შაბათს 28 ნოემბრიდან რთული ეპიდვითარების გამო ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

„არიან ადამიანები, რომლებიც ყოველდღიურად ლუკმაპურს გამოიმუშავებენ. ძალიან მძიმეა ეს. ამიტომ ყველაფერი უნდა აიწონოს. ჩვენ რა თქმა უნდა, ჩვენი პოზიციები გვაქვს და გაცილებით უფრო მკაცრ და ხანგრძლივ შეზღუდვებს ვითხოვთ, მაგრამ ამ ადამიანებს, რომლებიც ყოველდღიურ შემოსავლებზე არიან დამოკიდებული, მათაც სიცოცხლისა და ჯანმრთელობის საშუალება უნდა მისცე. ძალიან მძიმეა გადაწყვეტილებების მიღება, რომელსაც საკოორდინაციო საბჭო იღებს“, - განაცხადა იმნაძემ.

მან ასევე გადაცემაში საუბრისას იმ ადამიანთა ჯგუფებზე ისაუბრა, ვისაც კოვიდინფექციის არსებობის არ სჯერათ და ამის აგიტაციას საჯაროდ ახდენენ.

„არიან ადამიანთა ჯგუფები, რომლებიც ხალხს ჩასჩიჩინებენ, რომ ეს ტყუილია, კორონა არაფერია და მსუბუქი გრიპია. მგონია რომ ეს მართული ჯგუფებია, რომლებიც ქვეყნის წინააღმდეგ დივერსიას ეწევიან და ცდილობენ, რომ ქვეყანა ჩამოიქცეს. ერთი, გრიპი გამახსენოს ვინმემ და თქვას, ხომ ქვეყნდება ხოლმე გრიპისგანაც სტატისტიკა, გრიპი, რომელიც ორ თვეში ათას ადამიანს მოკლავს, ასეთი გრიპი თუ უნახავთ“, - განაცხადა იმნაძემ.

ლუგარის საზოგადოებრივი ჯანმრთელობის კვლევითი ცენტრის ხელმძღვანელმა ლაბორატორიულ შეცდომებსა და ტესტირების მხრივ არსებულ ხარვეზებზეც ისაუბრა. მან ღიად აღნიშნა, რომ მედიცინაში გარანტირებული არაფერია და ტესტირების დროს ხდება ცდომილებები, რაც ნაწილობრივ მკვეთრი მატებითაც არის განპირობებული.

პაატა იმნაძემ კოვიდინფექციის მუტაციაზეც ისაუბრა. მან განაცხადა, რომ ჯერჯერობით არ ჩანს ისეთი მუტაციები, რომელიც ვირუსის სიძლიერეს შეცვლიდა, ხოლო ვირუსის აგრესიულობისა და ლეტალობის შემცირება სხვა ფაქტორებზეა დამოკიდებული.

იმუნოლოგი ასევე თვითმკურნალობისა და ანტიბიოტიკების მოხმარების შემთხვევებსაც შეეხო. იმნაძემ განაცხადა, რომ მედიკამენტების თვითნებურად მიღება კატეგორიულად მიუღებელია.

„ანტიობიოტიკი არც ერთ ვირუსზე არ მოქმედებს. ანტიბიოტიკმა შეიძლება ორგანიზმს მხოლოდ ცუდი გაუკეთოს, ხოლო ვირუსს არაფერს უზამს. რაც შეეხება სისხლის გამათხელებლებს, მათი მიღება მხოლოდ ექიმის დანიშნულებით შეიძლება, არავითარ შემთხვევაში თვითნებურად და მით უმეტეს, როცა ადამიანი კოვიდისგან უკვე გამოჯანმრთელებულია“, - აღნიშნა პაატა იმნაძემ.

დაავადებათა კონტროლის ცენტრის ხელმძღვანელის მოადგილემ კომენტარი გააკეთა გადაცემის წამყვანის დასმულ შეკითხვაზე, თუ როგორ მოვიდა ქვეყანა ამ ვითარებამდე.

„ვიდრე დედამიწაზე პანდემიაა, საქართველოში ვერავინ ვერ გააჩერებს ბოლომდე კორონას. ჩვენც ამისი იმედი გვქონდა, რომ რიცხვები ასეთი კატასტროფული არ იქნებოდა, რაზეც დღეს გასულები ვართ. თითქმის 5 000 რეგისტრირებული შემთხვევა, რაც იმას ნიშნავს, რომ დღეში ახლა 10 000 მაინც არის, ამას კიდევ ერთხელ ხაზგასმით ვამბობ, რადგან 5 000 არის, რაც ჩვენ დავადასტურეთ“, – განაცხადა პაატა იმნაძემ.

შეგახსენებთ, საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში კორონავირუსის პირველი შემთხვევა 26 თებერვალს დაფიქსირდა.

31
თემები:
COVID-19 საქართველოში (2557)
გამვლელები პირბადეებით

პლუს 34: რამდენია გარდაცვლილთა საერთო რაოდენობა

28
საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

თბილისი, 28 ნოემბერი – Sputnik. საქართველოში ბოლო დღე-ღამეში ახალი კორონავირუსით კიდევ 34 ადამიანი გარდაიცვალა და გარდაცვლილთა საერთო რაოდენობამ 1 195-ს მიაღწია, ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

ამ დროისათვის სულ გამოჯანმრთელდა 106 328 ადამიანი (ბოლო 24 საათში - 4058), კარანტინის რეჟიმშია 2 076, სტაციონარებში ექიმების დაკვირვების ქვეშ 6 286 პაციენტია, ხოლო კოვიდ–სასტუმროებში 3 844 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

28
თემები:
COVID-19 საქართველოში (2557)
გაზქურა

აჭარისა და გურიის რეგიონებს ბუნებრივი გაზის მიწოდება შეუწყდათ

0
(განახლებულია 11:37 28.11.2020)
დაზიანების აღსადგენად ადგილზე ყველა შესაბამისი სამსახურის ტექნიკური ჯგუფები მაქსიმალურად არიან მობილიზებული, აცხადებენ სამინისტროში

თბილისი, 28 ნოემბერი - Sputnik. ბუნებრივი გაზის მიწოდება შეუწყდათ აჭარისა და გურიის რეგიონებს, ინფორმაციას საქართველოს გაზის ტრანსპორტირების კომპანია ავრცელებს.

უწყების ინფორმაციით, დაზიანება „ქუთაისი-სოხუმის“ მაგისტრალური გაზსადენის ქობულეთის 500 მმ განშტოებაზე მოხდა.

ინფორმაციაში ნათქვამია, რომ დაზიანების აღსადგენად ადგილზე მობილიზებულია ტექნიკური ჯგუფები და მიმდინარეობს გადაუდებელი სამუშაოები.

სამუშაოებს საქართველოს გაზის ტრანსპორტირების კომპანია ახორციელებს.

 

0
თემები:
შემთხვევები საქართველოში