ანუკი არეშიძე

„შენითაც მოიფიქრე რამე“ ანუკი არეშიძეს პლაგიატობაში სდებენ ბრალს დიზაინერის პასუხი

22913
(განახლებულია 19:41 04.11.2020)
ცნობილი დიზაინერის გემოვნება ბევრისთვის მისაბაძია. მისი სტილით ხშირად ინტერესდებიან როგორც ქართველი, ისე უცხოელი მოდის მიმდევრები.

დიზაინერმა ანუკი არეშიძემ „ინსტაგრამის“ „ფოლოვერებს“ საკუთარი ახალი კოლექცია წარუდგინა, რასაც სოციალურ ქსელში არაერთგვაროვანი გამოხმაურებები მოჰყვა. „ანუკი, შენითაც მოიფიქრე რამე“, – დაუწერა დიზაინერს ერთ-ერთმა მომხმარებელმა, რომელმაც აღნიშნა, რომ პიჯაკები, ქსოვილიც და სტილიც „ბალენსიაგას“ 2018 წლის კოლექციის ასლია.

View this post on Instagram

A post shared by ANOUKI ARESHIDZE (@anoukigold) on

დიზაინერმა სოციალური ქსელის მომხმარებელს უპასუხა და აღნიშნა, რომ პლაგიატორი არ არის, იდეებსაც არ იპარავს და ქსოვილები უბრალოდ ძველი კოლექციიდანაც არის, რადგან ქსოვილებს ოთხი სეზონით ადრე ყიდულობს და ძალიანაც რომ მოინდომოს, საკუთარ ბრენდს „ბალენსიაგას“ ვერ შეადარებს.

„საერთოდ გრამითაც კი ვერ ვხედავ, საერთოდ სხვადასხვა სულის პატრონია, ასე რომ უადგილოა ეს შედარება, თითქოს “ლიჟბი” დაწერო ბალენსიაგას ბაძავო ეგეთი თემაა“, – წერს დიზაინერი.

View this post on Instagram

Front side of the rose dress💕

A post shared by ANOUKI ARESHIDZE (@anoukigold) on

თბილისის მერის მეუღლე წარმატებული დიზაინერია. ANOUKI ერთ-ერთი ყველაზე ცნობილი და წარმატებული ქართული ბრენდია, რომელიც არაერთ ქვეყანაში დიდი პოპულარობით სარგებლობს. ბრენდი 2013 წელს ქართველმა დიზაინერმა ანუკი არეშიძემ შექმნა. ანუკის განათლება ევროპის სხვადასხვა უნივერსიტეტში აქვს მიღებული, თუმცა, როგორც თვითონ ამბობს, მილანის დიზაინის სკოლაში ჩაბარება დაეხმარა მას გაეგო, რა მიმართულებით სურდა მუშაობა. დიზაინერობის სურვილი და საკუთარი ბრენდის შექმნის იდეა კი მას ბავშვობიდან ჰქონდა.

View this post on Instagram

Denim in beige or in blue? 💕

A post shared by ANOUKI ARESHIDZE (@anoukigold) on

თავდაპირველად დიზაინერმა თავისი კარიერა უკრაინაში დაიწყო, თუმცა საბოლოოდ სამშობლოში დამკვიდრდა და უკვე მრავალი წელია ბრენდით ANOUKI ახალ კოლექციებს სთავაზობს მომხმარებელს. ბრენდი განსაკუთრებით დიდი პოპულარობით სარგებლობს სოციალურ ქსელებში და მომხმარებელთა უმრავლესობა სოციალური ქსელის საშუალებით ეცნობა მიმდინარე სიახლეებს. ანუკის ბრენდი ტანსაცმელს, ფეხსაცმელს და სხვადასხვა აქსესუარს გვთავაზობს.

View this post on Instagram

My personal capsule collection is coming soon 🔥🧡🥰

A post shared by ANOUKI ARESHIDZE (@anoukigold) on

ბრენდი თავიდანვე აქტიურად იყო წარდგენილი ევროპულ გამოფენებსა და პარიზის შოურუმებში, რაც ზრდიდა როგორც ანუკის, ასევე მისი ბრენდის პოპულარობას. ბრენდის ტანსაცმელი წარდგენილია ისეთ ცნობილ მაღაზიებში, როგორიც არის: Harvey Nichols Hong Kong, D-Mop Hong-Kong, Isetan Japan, Rare Market Korea, Lyyk (4 მაღაზია რუსეთში) More is Love. 2017 წელს ქართული ბრენდი ANOUKI მილანის მოდის კვირეულის ოფიციალური წევრი გახდა.

22913
თემები:
სელებრითების ცხოვრება (2390)
COVID 19-ის პანდემია

„დარწმუნებული ვარ“: კორონავირუსის ვაქცინის შემქმნელი პანდემიის დასრულების თარიღს ასახელებს

6
(განახლებულია 10:31 01.12.2020)
კორონავირუსის საწინააღმდეგო ვაქცინის შემქმნელი სამეცნიერო ცენტრის ხელმძღვანელი დარწმუნებულია, რომ პანდემია სწორედ ამ დროსა და ამ ორი გზით დასრულდება

თბილისი, 1 დეკემბერი — Sputnik. კორონავირუსული პანდემია 2021 წელს დასრულდება, თუმცა თავად ვირუსი არსად გაქრება, განაცხადა სამეცნიერო ცენტრ „ვექტორის“ ხელმძღვანელმა რინატ მაქსიუტოვმა.

„ვირუსი შენარჩუნდება, მაგრა პანდემია წავა. დარწმუნებული ვარ, რომ ეს 2021 წელს მოხდება“, — აღნიშნა მან Science Bar Hopping–ის ონლაინ–ფესტივალზე.

მაქსიუტოვის თქმით, პანდემია კლებაში მხოლოდ ორი გზით შეიძლება წავიდეს: ან მას შემდეგ, რაც მსოფლიოს მოსახლეობის მნიშვნელოვანი ნაწილი გადაიტანს დაავადებას, ან მასობრივი ვაქცინაციის შემდეგ. ეს ორივე შემთხვევა ხელს შეუწყობს კოლექტიური იმუნიტეტის  ჩამოყალიბებას.

ცენტრ „ვექტორის“ ხელმძღვანელის თქმით, სადაც შეიქმნა კიდეც ერთ–ერთი რუსული ანტიკორონავირუსული ვაქცინა, საუბარი იმაზე, რომ კორონავირუსი რაღაც მომენტში „ჯადოსნური ჯოხის აქნევით“ გაქრება, არ შეიძლება.

 

6
თემები:
COVID-19-ის პანდემია მსოფლიოში

უნივერსიტეტის ქუჩაზე მეყვავილეებმა საპროტესტო აქცია გამართეს - ვიდეო

16
გუშინ უნივერსიტეტის ქუჩა ყვაცილების მაღაზიების მეპატრონეებმა გადაკეტეს. მოვაჭრეები მთავრობის შეზღუდვებს აპროტესტებდენ

მათი თქმით, ისინი დღიურ შემოსავლებზე არიან დამოკიდებულები და მაღაზიების დაკეტვას არ აპირებენ. ადგილზე მივიდნენ საპატრულო პოლიციის თანამშრომლები, რომლებმაც საავტომობილო მოძრაობა აღადგინეს. ამ ეტაპზე სავაჭრო ობიექტები კვლავ ღია რჩება. უნივერისტეტის ქუჩის პროტესტს კოლმეურნეობის მოედანზე მოვაჭრე მეყვავილეებიც შეუერთდნენ.

16
ვაშლი

„არასტანდარტული ვაშლის რეალიზაციის ხელშეწყობის“ სახელმწიფო პროგრამა გარძელდა

0
(განახლებულია 10:59 01.12.2020)
წელს საქართველოში  ვაშლის უხვი მოსავალი იყო  – 120 ათას ტონაზე მეტი. მისი ძირითადი ნაწილი შიდა ქართლის რეგიონზე მოდის.

 

თბილისი, 1 დეკემბერი – Sputnik. მოსავლის დაბინავების პროცესში ფერმერების მაქსიმალური ხელშეწყობის მიზნით, „არასტანდარტული ვაშლის რეალიზაციის ხელშეწყობის“ სახელმწიფო პროგრამის მოქმედების ვადა 15 დეკემბრამდე გახანგრძლივდა, იუწყება სოფლის განვითარების სააგენტო. 

სახელმწიფო პროგრამის ფარგლებში, სოფლის განვითარების სააგენტო 1 კგ არასტანდარტულ ვაშლზე 10 თეთრის ოდენობის სუბსიდიას გასცემს.

უწყების ცნობით, არასტანდარტული ვაშლის რეალიზაციის ხელშეწყობის სახელმწიფო პროგრამის ფარგლებში უკვე ჩაბარებულია 47 ათას ტონაზე მეტი  ვაშლი. შედეგად, ფერმერებმა 10 მლნ ლარზე მეტი შემოსავალი მიიღეს.

სახელმწიფო სუბსიდიას იღებენ ხილის გადამამუშავებელი ის კომპანიები, რომლებიც მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 0.22 ლარად შეისყიდიან.

არასტანდარტული ვაშლის რეალიზაციის ხელშეწყობის პროგრამაში 14 კომპანიაა ჩართული.

წელს საქართველოში  ვაშლის უხვი მოსავალი იყო  – 120 ათას ტონაზე მეტი. მისი ძირითადი ნაწილი შიდა ქართლის რეგიონზე მოდის. თუმცა, კორონავირუსის პანდემიის გამო მსოფლიო ბაზარზე ვაშლზე ფასი დაეცა, ამიტომაც მთავრობა გარკვეულ ინტერვენციებს ახორციელებს იმ ფერმერებისა და კომპანიების მხარდასაჭერად, რომლებიც ხილის გადამუშავების სფეროში მუშაობენ.





 

0
თემები:
საქართველოს სოფლის მეურნეობა