ისრაელმა საქართველოს COVID-19-თან ბრძოლისთვის ჰუმანიტარული დახმარება გადასცა

ისრაელმა საქართველოს COVID-19-თან ბრძოლისთვის ჰუმანიტარული დახმარება გადასცა

70
ისრაელის საელჩო აღნიშნავს იმ მაღალ პროფესიონალიზმს, რომელსაც ქვეყნისათვის უაღრესად კრიტიკულ სიტუაციაში დაავადებათა კონტროლისა და საზოგადოებრივი ჯანმრთელობის ეროვნული ცენტრი და პირადად მისი ხელმძღვანელი, ბატონი ამირან გამყრელიძე ამჟღავნებენ.

თბილისი, 3 ნოემბერი  – Sputnik. დაახლოებით ნახევარი ტონის აღჭურვილობა გადასცეს საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს (NCDC) ისრაელის საელჩომ და MASHAV-მა (ისრაელის საერთაშორისო თანამშრომლობის განვითარების სააგენტო), ნათქვამია ისრაელის საელჩოს განცხადებაში.

„აღნიშნული ჟესტი არის ისრაელ-საქართველოს ორმხრივი თანამშრომლობის გაგრძელება Covid-19-ის პანდემიასთან ბრძოლაში, იმ მრავალ ჰუმანიტარულ მხარდაჭერასთან და ერთობლივ ლექციებსა და სემინარებთან ერთად, რომლებიც აქამდე განხორციელდა. 1992 წლიდან MASHAV-ის კურსებისა და ტრენინგების მონაწილე 1500-ზე მეტი პირი გახდა საქართველოდან და მათი დიდი ნაწილი საჯარო სექტორში, მათ შორის ჯანდაცვასა და დაავადებათა პრევენციის სფეროში მოღვაწეობენ“, - ნათქვამია საელჩოს ვებგვერდზე გავრცელებულ განცხადებაში.

ისრაელის საელჩო აღნიშნავს იმ მაღალ პროფესიონალიზმს, რომელსაც ქვეყნისათვის უაღრესად კრიტიკულ სიტუაციაში დაავადებათა კონტროლისა და საზოგადოებრივი ჯანმრთელობის ეროვნული ცენტრი და მისი ხელმძღვანელი, ბატონი ამირან გამყრელიძე ამჟღავნებენ.

მარტვილში კორონავირუსით ინფიცირებული 31 წლის ქალი გარდაიცვალა >>

ბოლო ორ თვეში საქართველოში მნიშვნელოვნად გაუარესდა ეპიდემიოლოგიური ვითარება. თუ კორონავირუსის პირველი ტალღა (26 თებერვლიდან 1 სექტემბრამდე ინფიცირებულთა რაოდენობა 1500–ს არ აჭარბებდა) ქვეყანამ მშვიდად გადაიტანა, ახლა ინფიცირების დღიური მაჩვენებელი 2 ათასს აღწევს.

საქართველოში კორონავირუსის პირველი შემთხვევა 26 თებერვალს დაფიქსირდა. პანდემიის დასაწყისიდან დღემდე ქვეყანაში კორონავირუსი 44 522 შემთხვევაა გამოვლენილი. გამოჯანმრთელდა 28 633 ადამიანი, გარდაიცვალა 362. ეპიდემიოლოგების პროგნოზით,  ინფიცირების დღიურმა მაჩვენებელმა, შესაძლოა, სამიდან ხუთი ათასამდე მიაღწიოს.

70
თემები:
COVID-19 საქართველოში (2553)
მთავრობის საპარლამენტო მდივანი ბექა დოჭვირი

სავაჭრო ცენტრების გახსნის საკითხი, შესაძლოა, გადაიხედოს

99
საკოორდინაციო საბჭოს გადაწყვეტილებით, კორონავირუსის ინფიცირების გაზდილი შემთხვევების პრევენციის მიზნით, ხვალიდან 24-დეკემბრამდე სავაჭრო ობიექტები მუშაობას აჩერებენ

თბილისი, 27 ნოემბერი - Sputnik. თუ მთავრობას ეპიდემიოლოგიური ვითარება ამის საშუალებას მისცემს, მაშინ დიდი სავაჭრო ცენტრების გახსნის საკითხი გადაიხედება, განაცხადა საქართველოს მთავრობის ადმინისტრაციის უფროსის მოადგილემ, მთავრობის საპარლამენტო მდივანმა ბექა დოჭვირმა ტელეკომპანია „რუსთავი2“-ის ეთერში.

გაუძლებს თუ არა ქვეყნის ეკონომიკა ახალ შეზღუდვებს – ექსპერტის მოსაზრება>>

დღეს თბილისში მდებარე ხუთი სავაჭრო ცენტრის წარმომადგენელებმა მთავრობას საგანგებო განცხადებით მიმართეს და სთხოვეს, მუშაობის საშუალება მიეცეთ არა 24 დეკემბრიდან, არამედ 15 დეკემბრიდან 3 იანვრამდე პერიოდში. მათი განცხადებით, სავაჭრო ცენტრების ფუნქციონირება 15 დეკემბრიდან 3 იანვრის ჩათვლით პერიოდში მნიშვნელოვნად შეამცირებს მასობრივი თავყრილობების რისკს (მომხმარებლის დროში გადანაწილების თვალსაზრისით) და ინფექციის გავრცელების ალბათობას.

როგორც დოჭვირმა გადაცხადა, შეზღუდვების დაწესების მთავარი მოტივაცია პანდემიის გავრცელების შეჩერებაა.

„შესაბამისად, ეს რეგულაციები მოქალაქეების მობილობის შემცირებისაკენ არის მიმართული და ბალანსი დაჭერილია როგორც შეზღუდვებთან დაკავშირებით, ასევე ეკონომიკასა და ბიზნესის ინტერესებს შორის. ამიტომ, თუ ეპიდემიური ვითარება ჩვენს საშუალებას მოგვცემს, შესაძლოა ეს საკითხი გადაიხედოს“, - განაცხადა დოჭვირმა.

ხუთშაბათს უწყებათშორისმა საკოორდინაციო საბჭომ ქვეყანაში მოქმედი რეგულაციები უფრო გაამკაცრა. ახალი შეზღუდვების მიხედვით, დიდ ქალაქებსა და ზამთრის კურორტებზე სავაჭრო ობიექტები (გარდა სურსათის, ცხოველების საკვების, აფთიაქების, ვეტაფთიაქების, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) იმუშავებენ მხოლოდ დისტანციურ რეჟიმში, ხოლო 24 დეკემბრიდან 15 იანვრამდე პერიოდში მათთვის შეზღუდვები მოიხსნება. 16-დან 31 იანვრამდე პერიოდში კი სავაჭრო ცენტრები არ იმუშავებენ შაბათ-კვირას.

სექტემბრის დასაწყისიდან ქვეყანაში ინფიცირების მკვეთრი მატება დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს მიაღწია, დღეს კი რეკორდული მაჩვენებელი – 4.780 ახალი დადასტურებული შემთხვევა გამოვლინდა.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

99
თემები:
COVID-19 საქართველოში (2553)
ქალთა მარში თბილისში – აქცია

„იმოქმედე ძალადობის წინააღმდეგ“ საქართველოში ახალი კამპანია დაიწყო

25
(განახლებულია 22:02 27.11.2020)
ოჯახური ძალადობა საქართველოში ერთ–ერთ მთავარ პრობლემად რჩება და ქვეყანაში ყველაზე ხშირად ჩადენილი დანაშაულების ხუთეულში შედის.

თბილისი, 27 ნოემბერი – Sputnik. ყველა მსხვერპლი და პოტენციური მსხვერპლი სახელმწიფოსგან საჭირო დახმარებისა და მხარდაჭერის მიღებას შეძლებს, ნათქვამია სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს განცხადებაში.

ელექტრონული სამაჯური შემაკავებელ ორდერთან ერთად – სიახლე ოჯახში მოძალადის მიმართ>>

სააგენტო გენდერული ძალადობის წინააღმდეგ 16-დღიან კამპანიას შეუერთდა. სააგენტოს ინფორმაციით, მიუხედავად ქვეყანაში კორონავირუსის პანდემიისგან გამოწვეული კრიზისისა, ბრძოლა ქალების მიმართ ძალადობისა და ოჯახში ძალადობის წინააღმდეგ სახელმწიფოსთვის კვლავ პრიორიტეტულია. პრობლემის ეფექტური გადაჭრისთვის ძალზე მნიშვნელოვანი და აუცილებელია სახელმწიფოსა და საზოგადოების ერთობა, თითოეული მოქალაქის აქტიური მხარდაჭერა.

ამჟამად სახელმწიფო დახმარების სააგენტოს ბაზაზე ქვეყნის მასშტაბით ხუთი კრიზისული ცენტრი მოქმედებს. ამ დაწესებულებების მუშაობის შესახებ დეტალური ინფორმაციის მიღება შესაძლებელია ცხელ ხაზზე 116 006. ძალადობის საკითხებზე სატელეფონო კონსულტაციის მიღება ქართულის ჩათვლით რვა ენაზე 24-საათიან რეჟიმშია შესაძლებელი. გარანტირებულია ანონიმურობა.

კრიზისული ცენტრების მომსახურების მიღება შეუძლიათ მსხვერპლს, ოჯახური ძალადობისა და ქალებზე ძალადობის სავარაუდო მსხვერპლს, ტრეფიკინგის, სექსუალური ხასიათის ძალადობის მსხვერპლს.

ყველა დაზარალებულის, ძალადობის მსხვერპლისთვის ცენტრები უზრუნველყოფენ ფსიქოლოგიურ–სოციალურ რეაბილიტაციას, გაუწევენ სამედიცინო მომსახურებას, საჭიროების შემთხვევაში – თარჯიმნის მომსახურებას და ა.შ.

ძალადობის სტატისტიკა: 8 თვეში ოჯახური ტირანების მსხვერპლი 6 ათასზე მეტი ადამიანი გახდა>>

რაც შეეხება ძალადობის სავარაუდო მსხვერპლს, ცენტრი მათ მისცემს დროებით საცხოვრებელს, გაუწევს ფსიქოლოგის, პირველად და გადაუდებელ სამედიცინო, სამართლებრივ დახმარებას, ასევე დაეხმარება თარჯიმნით და ა.შ.

კრიზისული ცენტრების მისამართები:

  • თბილისი – ბუდაპეშტის ქუჩა №28
  • ქუთაისი – დუმბაძის ქუჩა №59–61
  • გორი – ბარნოვის ქუჩა №9ა
  • მარნეული – რუსთაველის ქუჩა №41
  • ოზურგეთი – გრიბოედოვის ქუჩა №21

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. 2020 წლის ცხრა თვეში 4 138 ოჯახური ძალადობის შემთხვევა დაფიქსირდა. შსს-ს სტატისტიკის მიხედვით, ოჯახური ძალადობის მსხვერპლი ყველაზე ხშირად ხდებიან 25–44 წლის ქალები. წლის დასაწყისიდან ამ დანაშაულის შედეგად 19 ქალი დაიღუპა.

ქალთა მიმართ ძალადობის აღმოფხვრის დღესთან დაკავშირებით თბილისის ანძა ნარინჯისფრად განათდა>>

გაეროს გენერალურმა ასამბლეამ 1999 წლის 17 დეკემბრის პლენარულ სხდომაზე მიღებული რეზოლუციით 25 ნოემბერი ქალთა მიმართ ძალადობის აღკვეთის საერთაშორისო დღედ გამოაცხადა. ქალთა მიმართ ძალადობის აღკვეთის საერთაშორისო დღე ქალთა მიმართ ძალადობის პრობლემისადმი საზოგადოების ყურადღების მიპყრობას ისახავს მიზნად.

25

საბავშვო ევროვიზია 2020: ფინალამდე რჩება ორი დღე - ვიდეო

0
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

0