მედიკოსები საავადმყოფოში

საწოლების რაოდენობა საქართველოში შეიძლება გაიზარდოს

57
(განახლებულია 14:46 03.11.2020)
საავადმყოფოებში ყოველდღიურად რეალურად არის თავისუფალი 200-დან 500-მდე საწოლი და ჰოსპიტალური სექტორი მზადაა მძიმე და საშუალო სიმძიმის პაციენტების მისაღებად.

თბილისი, 3 ნოემბერი – Sputnik. ქვეყნის ჰოსპიტალურ სექტორში ამ დროისათვის მობილიზებულია 5 ათასი საწოლი, მაგრამ აუცილებლობის შემთხვევაში მათი რიცხვი გაიზრდება, განუცხადა ჟურნალისტებს ჯანდაცვის სამინისტროს ჯანდაცვის დეპარტამენტის პროგრამების სამმართველოს უფროსმა ეკა ადამიამ.

საქართველოში ეპიდემიური ვითარება კვლავ რთულია. ყოველდღიურად ქვეყანაში კორონავირუსით ინფიცირების 1500-დან 2000-მდე შემთხვევა ვლინდება, საგანგაშოა სიკვდილიანობის სტატისტიკაც. სიტუაციას ისიც ამძიმებს, რომ ინფიცირებულებს შორის მატულობს მედიკოსთა რიცხვიც, რომელთა მხრებზეც გადის ვირუსთან ბრძოლის ძირითადი ტვირთი.

ადამიას განცხადებით, პაციენტების რაოდენობის მატების გამო უახლოეს დღეებში საწოლების რაოდენობა შეიძლება 7 ათასამდე გაიზარდოს.

„ქვეყანაში დღევანდელი მდგომარეობით მობილიზებულია თითქმის 5 ათასი საწოლი და ასევე საჭიროების შემთხვევაში გააქტიურების გეგმაც გვაქვს. 7 ათას საწოლამდე შეიძლება გავზარდოთ უახლოეს დღეებში“, – განაცხადა ადამიამ.

მისი თქმით, რეალურად თავისუფალი 200-დან 500-მდე ადგილი დღესაც არის. ადამიამ აღნიშნა, რომ პაციენტების უმრავლესობას ინფიცირების მსუბუქი ფორმა აღენიშნება და ჰოსპიტალიზაციას არ საჭიროებს.

„კლინიკას საჭიროებს მძიმე ფორმის, საშუალო მიმდინარეობის სიმძიმის კოვიდის მქონე, რომელსაც შეიძლება შესაძლო გართულების რისკი ჰქონდეს“, – განაცხადა ადამიამ.

საქართველოში კორონავირუსით სასწრაფო დახმარების ექიმი გარდაიცვალა>>

პანდემიის დაწყებიდან ქვეყანაში ინფიცირების 42 579 (გუშინდელი მონაცემები) შემთხვევა გამოვლინდა. გამოჯანმრთელდა 26 800, გარდაიცვალა 342 ადამიანი.

ამ დროისთვის არის 15 411 აქტიური შემთხვევა. მძიმე პაციენტია 519, აქედან ხელოვნური სუნთქვის აპარატზეა 230 ადამიანი.

57
თემები:
COVID-19 საქართველოში (2561)
ციხეში

პენიტენციურ დაწესებულებებში ხანმოკლე პაემნები დროებით გაუქმდა

8
(განახლებულია 13:40 28.11.2020)
ქვეყანაში არსებული ეპოდემიოლოგიური სიტუაციიდან გამომდინარე და უწყებათაშორისი საკოორდინაციო საბჭოს გადაწყვეტილების შესაბამისად, დღეიდან პენიტენციურ სისტემაში შეზღუდვები ამოქმედდა.

თბილისი, 28 ნოემბერი - Sputnik. პენიტენციურ დაწესებულებაში განსაკუთრებული პირობების მოქმედების პერიოდში ბრალდებულებსა და მსჯავრდებულებს 2021 წლის პირველ იანვრამდე ხანმოკლე პაემნით სარგებლობა შეუჩერდათ. ინფორმაციას სპეციალური პენიტენციური სამსახური ავრცელებს.

პაემნის შეზღუდვასთან ერთად 28 დეკემბრამდე შეიზღუდება ამანათების მიწოდებაც.

გადაწყვეტილება უწყებაში ქვეყანაში არსებული ეპიდემიოლოგიური სიტუაციიდან გამომდინარე მიიღეს.

გავრცელებულ ინფორმაციაში ნათქვამია, რომ სპეციალური პენიტენციური სამსახურის გენერალური დირექტორის 2020 წლის 5 მარტის N4109 ბრძანებაში „პენიტენციურ დაწესებულებებში განსაკუთრებული პირობების შემოღების შესახებ“ ცვლილებები შევიდა.

„შეზღუდვების მოქმედების ვადის შემდგომ გაგრძელებასთან ან მოხსნასთან დაკავშირებით სპეციალური პენიტენციური სამსახური გადაწყვეტილებებს ეპიდსიტუაციიდან გამომდინარე, უწყებათაშორისი საკოორდინაციო საბჭოს რეკომენდაციების შესაბამისად მიიღებს“, - აღნიშნულია გავრცელებულ ინფორმაციაში.

საქართველოში 28 ნოემბრიდან რთული ეპიდვითარების გამო ხელისუფლებამ ახალი შეზღუდვები აამოქმედა, რომლებიც 2021 წლის 31 იანვრამდე იქნება ძალაში.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

8
თემები:
COVID-19 საქართველოში (2561)

საქართველო და ახალი შეზღუდვები: რას ფიქრობს საზოგადოება? - ვიდეო

32
დღეიდან საქართველოში ძალაში შედის შეზღუდვები. Sputnik-საქართველომ მოსახლეობა გამოკითხვა რეგულაციებთან დაკავშირებით, რომლებიც ხელისუფლებამ კორონავირუსით ინფიცირების შემთხვევების ზრდის გამო დააწესა

აღმოჩნდა, რომ ყველაზე დიდი უკმაყოფილება მოსახლეობაში საზოგადოებრივი ტრანსპორტის ფუნქციონირების შეჩერებამ გამოიწვია.

თბილისელების თქმით, ბევრ მათგანს არ ექნება საშუალება ტაქსით გადაადგილებისათვის. გამოკითხულთა დიდ ნაწილს სჯერა, რომ მკაცრი შეზღუდვები შედეგიანი აღმოჩნდება და ეპიდსიტუაციის გაუმჯობესებას შეუწყობს ხელს.

32

გზა მშივოდბისკენ: როგორ ეხმარება რუსეთი მთიანი ყარაბაღის მკვიდრებს - ვიდეო

0
არაღიარებული მთიანი ყარაბაღის რესპუბლიკის მკვიდრები მშვიდობიან ცხოვრებას უბრუნდებიან. ამაში მათ რუსი სამშვიდობოები და რუსეთის საგანგებო სიტუაციების მართვის სამინისტრო ეხმარებათ

საინჟინრო ჯარები გზებს ასუფთავებენ და სატრნასპორტო მოძრაობას აღადგენენ, გამნაღმველები განაგრძობენ საბრძოლო ქმედებების ზონის განაღმვას და ფეთქებადი საგნებისგან გაწმენდას. მაშველებმა რეგიონში ჩაიტანეს სპეცტექნიკა, სამშენებლო მასალები და ჰუმანიტარული დახმარება. კიდევ რით დაეხმარება რუსეთი ყარაბაღის მცხოვრებებს - იხილეთ ჩვენს ვიდეოში.

0