ხატია წერეთელი

ხატია წერეთელს ვეღარ იცნობთ მომღერალმა პლასტიკურ ქირურგიას მიმართა ფოტოები

25761
(განახლებულია 19:47 03.11.2020)
შეყვარებულთან დაშორების შემდეგ მომღერალმა პლასტიკურ ქირურგიას მიმართა. ნახეთ როგორ შეიცვალა ხატია წერეთელი.

მომღერალმა ხატია წერეთელმა დაახლოებით ერთი თვის წინ დაწერა სოციალურ ქსელში, რომ ცხვირის ოპერაცია გაიკეთა და შესაბამისი ფოტოც გამოაქვეყნა. მომღერალი წერდა, რომ ცხვირის ის 2 მილიმეტრი მოიჭრა, რომელიც საზოგადოებას ასე აწუხებდა, ახლა კი ის ცხვირები აწუხებს, რომლებსაც მის პირად ცხოვრებაში ყოფენ.

ხატია წერეთელმა ოპერაციის შემდგომი ფოტოებიც გამოაქვეყნა. სოციალური ქსელის მომხმარებლები ერთხმად აღნიშნავენ, რომ რინოპლასტიკა მომღერალს განსაკუთრებით მოუხდა.

ცოტა ხნის წინ მომღერალმა კიდევ ერთი თამამი განცხადება გააკეთა და სოციალურ ქსელში დაწერა, რომ ანორექსიას ებრძვის. მომღერალმა აღნიშნა, რომ უჭირს წონასწორობის დაცვა და მხედველობაც უქვეითდება და ბევრჯერ ჰქონდა ამ დაავადების გამო მძიმე წუთები ცხოვრებაში.

ხატია წერეთელი საზოგადოებამ მას შემდეგ გაიცნო, რაც მსმენელმა იხილა მისი ეროტიკული ხასიათის კლიპი ქართული ბაზრისთვის - „შენთან სექსი მაგარია“. კლიპი მართლაც რომ პროვოკაციული აღმოჩნდა, ხატია კი ერთ-ერთ ინტერვიუში ამბობდა, რომ ის საყვარელ „ვალენტინს“ მიუძღვნა, რომელზეც ყურებამდეა შეყვარებული.

კლიპში მონაწილე იმედა ვახტანგიშვილმა და ხატია წერეთელმა დაადასტურეს, რომ პარტნიორები იყვნენ და ერთად ყოფნა მოსწონდათ, თუმცა ამ ურთიერთობას შეყვარებულების სახელს მაინცდამაინც არ არქმევდნენ. თუმცა რამდენიმე დღის წინ გაირკვა, რომ წყვილი სკანდალურად დაშორდა.

მომღერალი ხატია წერეთელი ამბობს, რომ მისი საყვარელი მამაკაცი ალფონსი აღმოჩნდა და ამის გამო დაშორდნენ. აღმოჩნდა, რომ მომღერლის პარალელურად კაცი სხვა ქალსაც ხვდებოდა, რომელზეც, როგორც სოციალურ ქსელში გავრცელებული ფოტოებიდან ჩანს, დაქორწინდა კიდეც.

25761
თენგიზ ცერცვაძე

თენგიზ ცერცვაძე სტაციონარიდან სახლში გაეწერა

135
(განახლებულია 16:41 28.11.2020)
კლინიკის გენერალურ დირექტორს კორონავირუსი 17 ნოემბერს დაუდასტურდა, 19 ნოემბერს კი გართულებული ჯანმრთელობის მდგომარეობის გამო მისი ჰოსპიტალიზაცია მოხდა.

თბილისი, 28 ნოემბერი - Sputnik. ინფექციური პათოლოგიისა და შიდსის ცენტრის გენერალური დირექტორი, თენგიზ ცერცვაძე სტაციონარიდან სახლში გაეწერა. ინფორმაციას ინფექციური პათოლოგიისა და შიდსის ცენტრი ავრცელებს.

კლინიკის ცნობით, თენგიზ ცერცვაძის მდგომარეობა სტაბილურია, ის თავს კარგად გრძნობს და მადლობას უხდის ყველას, ვინც მის მიმართ ყურადღება გამოხატა.

თენგიზ ცერცვაძეს კორონავირუსი მიმდინარე წლის 17 ნოემბერს დაუდასტურდა. საწყის ეტაპზე მისი ჯანმრთელობის მდგომარეობა დამაკმაყოფილებელი გახლდათ.

ორი დღის შემდეგ კი მას სიცხემ აუწია და ფილტვებზე პნევმონია დაუდგინდა. თენგიზ ცერცვაძის ჰოსპიტალიზაცია ასევე განაპირობა იმან, რომ ის მაღალი რისკის ჯგუფს განეკუთვნებოდა.

შეგახსენებთ, თბილისის ინფექციურმა საავადმყოფომ, რომელსაც მრავალი წელია თენგიზ ცერცვაძე ხელმძღვანელობს, კოვიდ–ინფიცირებული პაციენტების მიღება ერთ-ერთმა პირველმა დაიწყო.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

135
თემები:
COVID-19 საქართველოში
ბინის გასაღები

სტიქიის შედეგად დაზარალებულ გოგონას აჭარის მთავრობამ ბინა გადასცა

77
2 ოქტომბერს გოგონას სახლი მშობლებთან და ძმასთან ერთად მრავალტონიანმა მეწყერმა ჩაიტანა. მათი ცხედრების პოვნა მაშველებმა მხოლოდ მეორე დღეს შეძლეს.

თბილისი, 28 ნოემბერი - Sputnik. გოგონას, რომელსაც ხელვაჩაურში სტიქიის შედეგად ოჯახი დაეღუპა, აჭარის მთავრობამ საჩუქრად საცხოვრებელი ბინა გადასცა. ინფორმაციას აჭარის მთავრობა ავრცელებს.

მე-6 კლასელ თიკა თედორაძეს ბინა ბათუმში, ახალაშენებულ საცხოვრებელ კომპლექსში გადაეცა. ის ასევე ბინის რემონტისა და კეთილმოწყობისთვის ფინანსურ დახმარებას მიიღებს.

თიკა თედორაძეს ასევე ყოველთვიურად ფონდ „გურიის დღიურებისგან“ სტიპენდია დაენიშნა.

ხელვაჩაურის მუნიციპალიტეტში მეწყერი 2 ოქტომბრის ღამით ჩამოწვა.

ჩამოწოლილი მეწყერის შედეგად ხელვაჩაურის რაიონის სოფელ ჯოჭოში ხუთი ადამიანი გარდაიცვალა. ორი ავტომობილის მგზავრი იყო, სამი – ერთი ოჯახის წევრი – გოგონას მშობლები და 16 წლის ძმა. თავად გოგონა კი ამ დროს ნათესავთან სტუმრად იმყოფებოდა.

77
ფსიქოლოგი ნანა ჩაჩუა

ნანა ჩაჩუა: ყველაფერი რაც სამყაროს აქვს, ადამიანში დაუბადებელი ცონდის სახითაა

0
(განახლებულია 20:19 28.11.2020)
ნანა ჩაჩუა სიზმრის რაობაზე საუბრობს, ახსენებს ე.წ. ლუციდურ სიზმრებს, რომლის მართვაც ადამიანს შეუძლია.
ნანა ჩაჩუა: ყველაფერი რაც სამყაროს აქვს, ადამიანში დაუბადებელი ცონდის სახითაა
„სიზმარი არის ყოველდღიური შთაბეჭდილებები და განცდები. როგორც სამყაროა უწყვეტი, ასევეა ფსიქიკაც. ჩვენ ყველაფერი ფრაგმენტებად გვეძლევა ცნობიერებაში. ასე მოხდა მაშინ როდესაც მენდელეევი პერიოდული სისტემის საქმეებში იყო ჩართული. აქ ყველაფერი დალაგებულია სამყაროს კანონზომიერების მიხედვით და მენდელეევმა სიზმარში იმიტომ ნახა, რომ ამაში იყო მთლიანად ჩართული“, - ამბობს ნანა ჩაჩუა.

ფსიქოლოგ ნანა ჩაჩუას აზრით: „ადამიანი მთელი სამყაროა. ყველაფერი რაც შეცნობილი გვაქვს თუ რაც ჯერ არ გვაქვს, სანამდეც ჩვენი შემეცნებითი უნარები ჯერ ვერ მივიდა - ეს ყველაფერი ჩვენშია. ბავშვი თამაშის დროს ყველა იმ სტადიას გაივლის რაც კაცობრიობამ თავისი განვითარების გზაზე უკვე გაიარა. ჩვენ სულ ასე ვმეორდებით, ამიტომ ერთი ადამიანი ამ ყველაფრის მატარებელია თავის თავში.“

 

0