გიორგი გახარია

გიორგი გახარიას კორონავირუსი დაუდასტურდა

162
გიორგი გახარია თვითიზოლაციაში 31 ოქტომბერს გადავიდა - მისი დაცვის სამ წევრსაც კორონავირუსი დაუდასტურდა. გარდა ამისა, თვითიზოლაციაში იმყოფებიან ეკონომიკის მინისტრი ნათია თურნავა და მთავრობის ადმინისტრაციის ხელმძღვანელი ნათია მეზვრიშვილი

თბილისი, 2 ნოემბერი - Sputnik. საქართველოს პრემიერ-მინისტრ გიორგი გახარიას კორონავირუსი დაუდასტურდა, იუწყება პირველი არხი.

არსებული ონფორმაციით, გიორგი გახარია თავს კარგად გრძნობს და მკურნალობას სახლში გააგრძელებს.

პრემიერ-მინისტრი თვითიზოლაციაში 31 ოქტომბერს გადავიდა, ვინაიდან მას ხანგრძლივი კომუნიკაცია ჰქონდა დაცვის თანამშრომელთან, რომელსაც მიზნობრივი შერჩევითი ტესტირებით კორონავირუსი დაუდგინდა.

კორონავირუსი პრემიერის დაცვის სამ წევრსაც დაუდასტურდა. გარდა ამისა, თვითიზოლაციაში იმყოფებიან ეკონომიკის მინისტრი ნათია თურნავა და მთავრობის ადმინისტრაციის ხელმძღვანელი ნათია მეზვრიშვილი.

პანდემიის დაწყებიდან დღემდე ქვეყანაში კორონავირუსის 42 579 შემთხვევა გამოვლინდა, გამოჯანმრთელდა 26 800 ადამიანი.

ამ დროისათვის საქართველოში 14 411 აქტიური შემთხვევაა. მძიმე პაციენტების რაოდენობა 519-ს შეადგენს, მათგან ხელოვნური სუნთქვის აპარატზე 230 ადამიანი ჩართული. პანდემიის დაწყებიდან დღემდე კორონავირუსს 342 ადამიანი ემსხვერპლა.

162
თემები:
COVID-19 საქართველოში (2560)

საქართველო და ახალი შეზღუდვები: რას ფიქრობს საზოგადოება? - ვიდეო

24
დღეიდან საქართველოში ძალაში შედის შეზღუდვები. Sputnik-საქართველომ მოსახლეობა გამოკითხვა რეგულაციებთან დაკავშირებით, რომლებიც ხელისუფლებამ კორონავირუსით ინფიცირების შემთხვევების ზრდის გამო დააწესა

აღმოჩნდა, რომ ყველაზე დიდი უკმაყოფილება მოსახლეობაში საზოგადოებრივი ტრანსპორტის ფუნქციონირების შეჩერებამ გამოიწვია.

თბილისელების თქმით, ბევრ მათგანს არ ექნება საშუალება ტაქსით გადაადგილებისათვის. გამოკითხულთა დიდ ნაწილს სჯერა, რომ მკაცრი შეზღუდვები შედეგიანი აღმოჩნდება და ეპიდსიტუაციის გაუმჯობესებას შეუწყობს ხელს.

24
ლუგარის ცენტრი

კორონავირუსით დაავადებათა კონტროლის ცენტრის თანამშრომელი გარდაიცვალა

18
(განახლებულია 12:43 28.11.2020)
დაავადებათა კონტროლის ეროვნული ცენტრის თანამშრომელი ქუთაისში ექიმების მეთვალყურეობის ქვეშ რამდენიმე დღის განმავლობაში იმყოფებოდა.

თბილისი, 28 ნოემბერი - Sputnik. ქუთაისში კორონავირუსით ეპიდემიოლოგი, დაავადებათა კონტროლის ცენტრის თანამშრომელი ლია შეყილაძე გარდაიცვალა. ინფორმაციას ტელეკომპანია „რუსთავი 2“ ავრცელებს.

არსებული ინფორმაციით, 62 წლის ლია შეყილაძე ქუთაისში ექიმების მეთვალყურეობის ქვეშ იმყოფებოდა. მას კოვიდინფექცია რამდენიმე დღის წინ დაუდასტურდა.

ბოლო პერდიოდში მისი ჯანმრთელობის მდგომარეობა დამძიმდა და ექიმებმა მისი სიცოცხლის გადარჩენა ვერ შეძლეს.

შეგახსენებთ, იმერეთში ბოლო 24 საათის განმავლობაში კორონავირუსის 662 ახალი შემთხვევა დადასტურდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

ამ დროისათვის სულ გამოჯანმრთელდა 106 328 ადამიანი (ბოლო 24 საათში - 4 058), გარდაიცვალა – 1 195 (ბოლო 24 საათში - 34)

საქართველოში კორონავირუსის პირველი შემთხვევა 26 თებერვალს დაფიქსირდა.

18
თემები:
COVID-19 საქართველოში (2560)
საქართველოს გენერალური პროკურატურა

საქართველოში დაკავებული ძებნილის ექსტრადიციის საკითხზე იმსჯელებენ

0
(განახლებულია 13:11 28.11.2020)
დამნაშავე ორგანიზებულ ჯგუფთან ერთად, ლუქსემბურგის ტერიტორიაზე ძვირადღირებული ავტომანქანების ქურდობებში იღებდა მონაწილეობას.

თბილისი, 28 ნოემბერი - Sputnik. საქართველოს გენერალური პროკურატურა ლუქსემბურგში ექსტრადიციის მიზნით, ინტერპოლითა და ევროპოლით ძებნილი უკრაინის მოქალაქის დაკავების შესახებ ინფორმაციას ავრცელებს.

უწყების ცნობით, დაკავებულს ბრალად ედება სერიული და ორგანიზებული ქურდობების ჩადენა, ასევე ფულის გათეთრება და ორგანიზებული დანაშაულებრივი ჯგუფის წევრობა.

პროკურატურის მიერ გავრცელებული ინფორმაციით, 48 წლის ბრალდებული დ.კ. 2019 წლის განმავლობაში, ორგანიზებულ ჯგუფთან ერთად, ლუქსემბურგის ტერიტორიაზე ძვირადღირებული ავტომანქანების ქურდობებში იღებდა მონაწილეობას, ხოლო შემდგომში დანაშაულებრივი გზით მიღებულ შემოსავალს სხვადასხვა გზით ათეთრებდა.

აღნიშნული დანაშაულებები 15 წლამდე თავისუფლების აღკვეთას ითვალისწინებს. დ.კ.-ს თანამონაწილეების ნაწილი ლუქსემბურგში პატიმრობაშია, ხოლო იგი ამ დროის განმავლობაში მიმალვაში იმყოფებოდა.

გავრცელებულ განცხადებაში ნათქვამია, რომ ლუქსემბურგის კომპეტენტურ ორგანოებს 40 დღიანი ვადა აქვთ, რათა საექსტრადიციო დოკუმენტები წარმოადგინონ. ამის შემდეგ საქართველოს გენერალური პროკურატურა ექსტრადიციის დასაშვებობის შუამდგომლობით თბილისის საქალაქო სასამართლოს მიმართავს. სასამართლოს მიერ ექსტრადიციის დასაშვებად ცნობის შემთხვევაში, ექსტრადიციის შესახებ საბოლოო გადაწყვეტილებას იუსტიციის მინისტრი მიიღებს.

შეგახსენებთ, 24 ნოემბერს, საქართველოს შინაგან საქმეთა სამინისტროს თანამშრომლებმა, პროკურატურასთან თანამშრომლობის შედეგად, ინტერპოლითა და ევროპოლით ძებნილი დააკავეს, რომელიც ევროპის ყველაზე სერიოზულ ძებნილთა სიაშია.

 

0
თემები:
კრიმინალი საქართველოში