აცრა

გამყრელიძე მოსახლეობას გრიპის საწინააღმდეგო დროული ვაქცინაციისკენ მოუწოდებს

81
(განახლებულია 21:28 02.11.2020)
ეპიდემიოლოგი მოსახლეობას, განსაკუთრებით, რისკ–ჯგუფებში შემავალ პირებს გრიპის საწინააღმდეგო ვაქცინაციისკენ მოუწოდებს.

თბილისი, 2 ნოემბერი – Sputnik. დღეიდან ყველა პოლიკლინიკაში, სადაც აცრის კაბინეტები მუშაობს, რისკ-ჯგუფებისთვის გრიპის ვაქცინაცია იქნება შესაძლებელი, ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა.

რომელი სეზონური ვირუსები ცირკულირებს ამ ეტაპზე საქართველოში: გამყრელიძის განმარტება>>

გამყრელიძის თქმით, ვაქცინის მარაგები მთელი კვირის განმავლობაში შეივსება და გრიპის ვაქცინაცია რისკ-ჯგუფებისთვის იქნება შესაძლებელი.

„დღემდე ამ სეზონზე ყველაზე ძლიერი ვირუსი გრიპი იყო, თუმცა უკვე თითქმის ერთი წელიწადია, კაცობრიობას ახალი კორონავირუსი აწუხებს, რომელიც უფრო დიდ ავადობასა და სიკვდილიანობას იწვევს, ვიდრე აქამდე ცნობილი კორონავირუსები“, – აღნიშნა ამირან გამყრელიძემ.

მისი განცხადებით, ჯერჯერობით გრიპის ვირუსი ქვეყანაში არ ცირკულირებს, თუმცა ის აქვე აღნიშნავს, რომ გრიპის ვირუსი ნოემბერში გამოჩნდება და თანდათანობით იქნება მისი და ახალი კორონავირუსული ინფექციის ზედდება.

ეპიდემიოლოგი მოსახლეობას გრიპის საწინააღმდეგო ვაქცინაციის ჩატარებისკენ მოუწოდებს, განსაკუთრებით ახლა, როდესაც კორონავირუსის თვალსაზრისით ქვეყანაში რთული ეპიდემიური ვითარებაა და ამას მალე თან სეზონური გრიპებიც დაერთვება.

„ძალიან დიდი მნიშვნელობა აქვს მოსახლეობის დროულ ვაქცინაციას გრიპის საწინააღმდეგოდ. ჩვენთან წელს სახელმწიფომ 2,5-ჯერ მეტი ვაქცინა შეიძინა, ვიდრე შარშან და უკვე ორ კვირაზე მეტია, აცრები უკეთდება მაღალ რისკ-ჯგუფებს“, – ამბობს გამყრელიძე.

დაავადებათა კონტროლის ეროვნული ცენტრის ხელმძღვანელი რისკ-ჯგუფებში შემავალ პირებს მიმართავს და სთხოვს, რომ მათ აცრები 20 ნოემბრამდე გაიკეთონ, რადგან იმუნიტეტის გამომუშავებას აცრის შემდეგ დაახლოებით 10–14 დღე სჭირდება. მისი თქმით, ვირუსი ცირკულირებას ნოემბრის მეორე ნახევარში ან ნოემბრის ბოლოს დაიწყებს, მისი პიკი დეკემბერში იქნება და აუცილებელია, რომ ამ პერიოდისთვის რისკ-ჯგუფებში შემავალი ადამიანები აცრილი იყვნენ.

გრიპის სეზონი: ათი წესი და ორი შეხსენება მშობლებს>>

მან ასევე განსაკუთრებული ყურადღება გაამახვილა ორსულებზე. მისი თქმით, „გრიპის ვირუსი შერჩევით და არჩევით ერჩის ორსულ ქალბატონებს. ამიტომ გთხოვთ უმორჩილესად, გრიპის საწინააღმდეგო ვაქცინის კულტურა ორსულებში გავზარდოთ".

საქართველოში სულ 110 ათასი დოზა ვაქცინა შემოვიდა. ქვეყანა ნოემბრის შუა რიცხვებში კიდევ 23 ათასი დოზა ვაქცინას ელოდება. საჭიროების შემთხვევაში, როგორც გამყრელიძემ აღნიშნა, სახელმწიფო ვაქცინის დამატებით დოზებს შეიძენს. 

რისკ-ჯგუფებისთვის ვაქცინაცია უფასოა. რისკ-ჯგუფს მიეკუთვნებიან ორსულები, მოხუცებულთა და ბავშვთა სახლების ბენეფიციარები, ბაღების პედაგოგები და მომვლელი პერსონალი, აივ-ინფექციით და C ჰეპატიტით დაავადებული პირები და ა.შ.

საქართველოში ყველაზე ხშირად B ტიპის ვირუსი ფიქსირდება, რომელიც ხასიათდება კლინიკურად შედარებით მსუბუქი და საშუალო სიმძიმის მიმდინარეობით. ასევე ხვდება A ტიპის – H3 და H1 ვირუსები, აგრეთვე რინოვირუსები.

ეპიდემიოლოგები: აუცილებლად გამოიყენეთ პირბადე როგორც დახურულ, ისე ღია სივრცეებში>>

სპეციალისტების აზრით, გრიპის საწინააღმდეგო ვაქცინაცია არის გრიპის პრევენციის და მისგან გამოწვეული მძიმე შედეგების ყველაზე ეფექტური სპეციფიკური საშუალება. სამეცნიერო კვლევებით დადგენილია, რომ ვაქცინაციას შეუძლია გრიპით დაავადების რისკი შეამციროს 60%-ით მთელ მოსახლეობაში გრიპის სეზონის განმავლობაში.

81
თემები:
ჯანდაცვა საქართველოში (261)
ილო ბეროშვილი

„ჩელესთან ვმეგობრობდი და...“ - ილო ბეროშვილის ყოფილი ცოლი ქმრის მეგობარზე გათხოვდა

16
(განახლებულია 14:37 11.06.2021)
მსახიობ ილო ბეროშვილის ყოფილი ცოლი ქმრის მეგობარზე გათხოვდა და ამის გამო ცნობილი სერიალის „ჩემი ცოლის დაქალების“ ერთ-ერთ მთავარ გმირს უსიამოვნო განცდა ჰქონდა

ილო ბეროშვილი თათია შარანგიას „სთორიში“ თავისი პირველი ქორწინების შესახებ ალაპარაკდა, რომელიც ტელეწამყვან ნელიკო აგირბასთან აკავშირებდა. წყვილს ორი ქალიშვილი ჰყავს.

აღმოჩნდა, რომ ილოსთვის ნელის მიერ მეორე ოჯახის შექმნა არც ისე მარტივი გადასატანი იყო, რადგან ნელის მეორე მეუღლე მისი მეგობარი იყო და მისთვის პირველ რიგში შვილების განწყობა იყო მთავარი.

ბეროშვილის თქმით, მნიშვნელოვანი იყო, როგორ გარემოში იქნებოდნენ ბავშვები და მისი მეუღლე ანი ბებია იყო პირველი ადამიანი, რომელსაც ბავშვები გააცანო.

„ჩემს შვილებს უყვარდათ ჩელე და ეს იყო ჩემთვის მთავარი, მშობელი ხარ და გინდა, შენი შვილები ბედნიერები იყვნენ. უსიამოვნო იყო ის, როცა ადამიანთან მეგობრობ და მერე… კი, უკვე ორი წლის გაშორებულები ვიყავით, როცა მან მითხრა, ნელისთან ურთიერთობა მაქვსო… მე ვუთხარი მაშინვე, რაზეა ლაპარაკი-მეთქი. ყველა ვარიანტში, როცა ორი შვილი გყავთ და ოჯახი იშლება, ეს მტკივნეული პროცესია“, - აცხადებს მსახიობი.

ნელი მეორე ქორწინებაშიც იყო, თუმცა ეს ისტორია ტრაგიკულად დასრულდა. ოთხი წლის წინ, რამდენიმე თვეში დაქორწინების შემდეგ, მისი მეუღლე ირაკ­ლი ძი­მის­ტა­რიშ­ვი­ლი ან­ტა­ლი­ა­ში და­ი­ღუ­პა, სა­დაც მისი 13 წლის შვი­ლი სა­ჩოგ­ბურ­თო ტურ­ნირ­ზე ჰყავ­და წაყ­ვა­ნი­ლი.

„კუ­რი­ე­რის“ ყოფილმა წამ­ყვან­მა და მის­მა რჩე­ულ­მა 2016 წლის ოქ­ტომ­ბერ­ში იქორ­წი­ნეს. 34 წლის ძი­მის­ტა­რიშ­ვილს პირ­ვე­ლი ქორ­წი­ნე­ბი­დან ერთი ვაჟი ჰყავდა, რო­მელ­საც მარ­ტო ზრდი­და. ცოტ­ნე ძი­მის­ტა­რიშ­ვი­ლი ჩოგ­ბურ­თე­ლია და წარ­მა­ტე­ბუ­ლად მო­ნა­წი­ლე­ობს სხვა­დას­ხვა ტურ­ნირ­ში.

16
თემები:
ქართველი სელებრითები
სასწრაფო დახმარება

COVID-19 საქართველოში 13 ივნისის მონაცემები

15
ამ დროისათვის სულ გამოჯანმრთელდა 339.392  ადამიანი (ბოლო 24 საათში – 1074), გარდაიცვალა – 5.048  (ბოლო 24 საათში – 14), კარანტინის რეჟიმშია 41, სტაციონარებში ექიმების დაკვირვების ქვეშ 3.155 პაციენტი, ხოლო კოვიდ–სასტუმროებში 610 ადამიანი იმყოფება.

თბილისი, 13 ივნისი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 522-ით გაიზარდა და ინფიცირებულთა საერთო რიცხვმა 353.965-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 339.392  ადამიანი (ბოლო 24 საათში – 1074), გარდაიცვალა – 5.048  (ბოლო 24 საათში – 14), კარანტინის რეჟიმშია 41, სტაციონარებში ექიმების დაკვირვების ქვეშ 3.155 პაციენტი, ხოლო კოვიდ–სასტუმროებში 610 ადამიანი იმყოფება.

ბოლო 24 საათში ჩატარებულია 21.922 კვლევა ტესტით, მათ შორის ანტიგენის სწრაფი ტესტით - 11.016, PCR ტესტით - 10.906.

დადებითობის მაჩვენებელი: დღიური – 2,38%, ბოლო 14 დღის - 2,61%, ბოლო 7 დღის - 2,29%.

სულ აცრილია 206.742 პირი, ერთ დღეში აცრილია 4.425 ადამიანი.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

15
ნინო სამხარაძე

როცა შვილს ექიმის სახელს არქმევენ - მადლიანი ხელების სიკეთე

0
(განახლებულია 05:42 12.06.2021)
„წარმოუდგენელია, მოვეფერო ჩემს პაწაწინას და არ გამახსენდეს, რომ ღვთის წყალობასთან ერთად შენი პროფესიონალიზმის დამსახურებაა ის, რომ დედის სტატუსს ვატარებ.“

„მაკვირვებს, თითქოს ასაკისთვის შეუფერებელი შენი პროფესიული ცოდნა, ადამიანური სიბრძნე, თავშეკავება და თავმდაბლობა, რომელიც მთავარი შტრიხია შენი ხასიათის.“

„ვიცი, ყველას უყვარხარ შენი უშუალობის, სიკეთის, მშვენიერებისა და ჰუმანურობისთვის. ეს ის თვისებებია, რაც აუცილებლად უნდა გააჩნდეს მოწოდებით და მით უფრო, შენი სპეციალობის ექიმს. უფალმა დალოცოს შენი მადლიანი ხელები და ბუნების სიხალასე.“

ამ წერილების ადრესატის სადღეგრძელო დღეს ბევრ ოჯახში ტრადიციად დამკვიდრდა, მისი სახელი ნანატს შვილს, უკვე ბევრმა დაარქვა. საუბარია „იმედის კლინიკის“ მეან-გინეკოლოგ ნინო სამხარაძეზე, რომელიც საქართველოს ჯანმრთელობის ფედერაციის წევრია. ამ მასალის დაწერა პირველ რიგში, მისი პაციენტების ინიციატივა და ექიმის მიმართ გულწრფელი მადლიერების გამოხატულებაა.

ნინო სამხარაძე
ნინო სამხარაძე

- ქალბატონო ნინო, თავად ჯერ არ ხართ დედა, მაგრამ კარგად იცით როგორ ცვლის ქალს დედობა...

- მე დაოჯახებული არ ვარ, შვილი არ მყავს, მაგრამ იმდენჯერ ვარ დედა-შვილის პირველი შეხვედრის მომსწრე, რომ ზუსტად ვიცი, ეს რა გრძნობაა. დედობა სრულიად ცვლის ქალს, როგორც შინაგანად, ისე გარეგნულად.  იცვლება ადამიანის მიზნები და მისწაფებებიც. დედობის მერე ქალი გრძნობს, რომ შვილისთვის შეუძლებელსაც შეძლებს.

ნინო სამხარაძე იმედის კლინიკის კოლეგებთან ერთად
ნინო სამხარაძე "იმედის კლინიკის" კოლეგებთან ერთად

- ექიმობაზე ოცნება თქვენი იდეა-ფიქსიც იყო?

- ექიმობა ბავშვობის ოცნება იყო, სხვა პროფესიაზე არც მიფიქრია. ჩემს ცხოვრებაში იყო პოსტდიპლომური, ხუთ წლიანი პრაქტიკული სწავლების პერიოდი, რასაც რეზიდენტურა ჰქვია. ექიმობა სიცოცხლის სამსახურია, მეან-გინეკოლოგობა კი ერთდროულად ორ ან მეტ სიცოცხლეს ემსახურება. ამაზე მადლიანი პროფესია არ არსებობს. დღეს მეან-გინეკოლოგი ვარ, ვამშობიარებ, საკეისრო და გინეკოლიგიურ ოპერაციებს ვაკეთებ. ასევე ამბულატორიულად მყავს ორსულები და გინეკოლიგიური პაციენტები.

ნინო სამხარაძე  კოლეგებთან ერთად
ნინო სამხარაძე კოლეგებთან ერთად

- თქვენ კარგად იცნობთ მედიცინის ამ სფეროს, თუ შეგიძლიათ იმის თქმა, ხშირ შემთხვევაში რა ხდება საქართველოში უნაყოფობის მიზეზი?

- მსოფლიოში, მათ შორის საქართველოში, უნაყოფობის წილი 10-15% -ია. მცდარია შეხედულება, როდესაც უშვილობას მხოლოდ ქალის პრობლემად განიხილავენ, ეს წყვილის პრობლემაა. უნაყოფობა შეიძლება იყოს ორგანული, ფუნქციური, იმუნური, გენეტიკური ან უცნობი გენეზისის. დედობას ყველა ქალი იმსახურებს და დამხმარე რეპროდუქტიულმა საშუალებებმა შვილის ყოლის ბედნიერება ბევრ წყვილს მიანიჭა.

ნინო სამხარაძე
ნინო სამხარაძე

- ფსიქოლოგიურ განწყობას თუ აქვს მნიშვნელობა?

- არც თუ იშვიათია ფსიქოგენური უნაყოფობა. როდესაც ქალის ფიქრები მხოლოდ ორსულობაზე კონცენტრირდება და არ დგება ის ეტაპი, რომელიც ყველაზე სასურველია. ამ შემთხვევაში, ფსიქოთერაპევრის როლი უმნიშვნელოვანესია.

ნინო სამხარაძე ახალშობილთან ერთად
ნინო სამხარაძე ახალშობილთან ერთად

- ვიცი, რომ ბევრი პაციენტი გემადლიერებათ...

- ექიმისთვის მადლიერების გამოხატველი სიტყვები ძალიან დიდი სტიმულია, გავიწყებს დაღლას და გაძლევს იმის ენერგიას, რომ მუშაობა შემართებით გავაგრძელოთ. როცა ქალი მისთვის ძვირფასს არსებას ექიმის სახელს არქმევს, ეს პატივისცემის ყველაზე დიდი გამოვლენაა. ჩემს შემთხვევაში, ასეთი ფაქტი რამდენჯერმე იყო და იმის გარანტია, რომ ყოველთვის ემახსოვრება ექიმის წვლილი მის ბედნიერებაში.

ნინო სამხარაძე
ნინო სამხარაძე

- საქართველოში დღესაც ბიჭს უფრო თვლიან სასურველ შვილად თუ შეიცვალა ამ თემისადმი დამოკიდებულება?

- ჩვენში მართლა იყო პერიოდი, როდესაც ვაჟის დაბადებას მეტი სიხარულით ხვდებოდა ოჯახი, განსაკუთრებით თუ ის პირველი შვილი იყო. საბედნიეროდ ეს დამოკიდებულება დღეისთვის შეცვლილია. წყვილების უმრავლესობა ამბობს, რომ მათთვის შვილის სქესს მნიშვნელობა არ აქვს. ასეც უნდა იყოს... დედობა უმთავრესი სტატუსია, რასაც ქალი ატარებს, დედობრივი სიყვარული ყველაზე ძლიერი გრძნობაა. როდესაც ქალისთვის ამ სტატუსის მინიჭებაში წვლილი შეგაქვს, ეს სიამაყის და სახარულის საოცარი განცდაა. ამ დროს მისი ბედნიერების თანაზიარი ხდები და სურვილი გიჩნდება, რაც შეიძლება მეტი ქალი გააბედნიერო...

 

 

0