კახა ოქრიაშვილი

კახა ოქრიაშვილს კორონავირუსი დაუდასტურდა

78
(განახლებულია 17:27 02.11.2020)
ოქრიაშვილის ჯანმრთელობის მდგომარეობა ამ დროისათვის დამაკმაყოფილებელია. იგი მკურნალობის კურსს სახლში გადის.

თბილისი, 2 ნოემბერი – Sputnik. კახა ოქრიაშვილს, რომელიც ოპოზიციური პარტია „ერთიანი ნაციონალური მოძრაობის“ მაჟორიტარი დეპუტატობის კანდიდატია დმანისი-წალკა-ბოლნისი-თეთრიწყაროს საარჩევნო ოლქში, კორონავირუსი დაუდასტურდა. 

გავრცელებული ინფორმაციით, ოქრიაშვილის ჯანმრთელობის მდგომარეობა ამ დროისათვის დამაკმაყოფილებელია. იგი მკურნალობის კურსს სახლში გადის.

„კახა ოქრიაშვილს დაუდასტურდა COVID-19, ის სახლის პირობებში მკურნალობს, თავს კარგად გრძნობს და გეგმავს ბრძოლის გაგრძელებას“, – დაიწერა სოციალურ ქსელში ოქრიაშვილის გვერდზე.

ცესკოს ბოლო მონაცემებით, 31 ოქტომბრის საპარლამენტო არჩევნებში კახა ოქრიაშვილმა სამაჟორიტარო ოლქში ამომრჩეველთა ხმების 39,51% მიიღო, „ქართული ოცნების“ კანდიდატმა გოგი მეშველიანმა კი 55,43%.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1852-ით გაიზარდა და ინფიცირებულთა საერთო რიცხვმა 42579-ს მიაღწია.

ამ დროისათვის სულ გამოჯანმრთელდა 26 800 ადამიანი, გარდაიცვალა – 342, კარანტინის რეჟიმშია 2 977, სტაციონარებში ექიმების დაკვირვების ქვეშ 4 293 პაციენტია, ხოლო კოვიდ–სასტუმროებში 2 236 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

78
თემები:
COVID-19 საქართველოში (2498)
ფემინისტების მარში საქართველოში

როგორია იყო ქალი საქართველოში: სახალხო დამცველმა ქვეყანაში ფემიციდის სტატისტიკა მოიყვანა

73
გენდერული თანასწორობა, გენდერულ ნიადაგზე ჩადენილი დანაშაულები, ქალთა უფლებების დაცვის მექანიზმები - ამ და სხვა საკითხებზე საქართველოს, არგენტინის და სერბეთის უფლებადამცველებმა ერთმანეთს გაეროს შუამდგომლობით გამოცდილება გაუზიარეს.

თბილისი, 23 ნოემბერი – Sputnik. 2020 წლის 9 თვის განმავლობაში (იანვარი-სექტემბერი)  საქართველოში გენდერული ნიშნით 19 ქალის მკვლელობა და 20 ქალის მკვლელობის მცდელობის ფაქტი მოხდა, ეს რიცხვები დასახელდა შემაჯამებელ ონლაინ-პრესკონფერენციაზე, რომელიც გენდერული ძალადობის წინააღმდეგ 16-დღიანი კამპანიის ფარგლებში სახალხო დამცველის ნინო ლომჯარიას მონაწილეობით გაიმართა.

არა ძალადობას – ზუგდიდში ქალთა დღეს ფემიციდის შემთხვევები გააპროტესტეს >>

ფემიციდის ან გენდერულად მოტივირებული მკვლელობების მონიტორინგს საქართველოს სახალხო დამცველის აპარატი 2016 წლიდან, გაეროს ქალთა ორგანიზაციის მხარდაჭერით ახორციელებს. მონიტორინგის მიზანი პრობლემის რეალური მასშტაბის, გამოყენებული დაცვისა თუ პრევენციული ღონისძიებების კუთხით არსებული ხარვეზების შეფასებაა.

კონფერენციის შეჯამებისას საქართველოს სახალხო დამცველმა ნინო ლომჯარიამ აღნიშნა, რომ ფემიციდის შემთხვევების მონაცემების შეგროვების გაუმჯობესების მიუხედავად, თემატურ კვლევებში სისტემური ხარვეზების აღმოსაფხვრელად, საქმეების შესწავლისას კომპლექსური მუშაობაა მნიშვნელოვანი.

„5 წლის განმავლობაში უკვე 5 სპეციალური ანგარიში მოვამზადეთ და არაერთი რეკომენდაცია გავეცით, რომელთა ნაწილი შესრულდა“, - აღნიშნა მისასალმებელ სიტყვაში საქართველოს სახალხო დამცველმა ნინო ლომჯარიამ.

მისი თქმით, სახალხო დამცველის მიერ ფემიციდის შემთხვევების მონიტორინგის შედეგად, კვლავაც იკვეთება მსხვერპლის მიმართ სტერეოტიპული დამოკიდებულების, საქმეთა სათანადო კვალიფიკაციისა და გენდერული ნიშნით მოტივირებული დანაშაულის სახელდების პრობლემები.

გაეროს სპეციალური მომხსენებელმა ქალთა მიმართ ძალადობის საკითხებში დუბრავკა სიმონოვიჩმა ფემიციდთან ბრძოლის საერთაშორისო მექანიზმები და სხვადასხვა ქვეყნის წარმატებული პრაქტიკები მიმოიხილა.

ამას გარდა, კონფერენციაზე სიტყვით გამოვიდნენ გაეროს მუდმივი კოორდინატორი საქართველოში საბინე მაჰლი, შვედეთის ელჩი საქართველოში ულრიკ თიდესტრომი და საქართველოს პრემიერ-მინისტრის მრჩეველი ადამიანის უფლებებისა და გენდერული თანასწორობის საკითხებში ლელა აქიაშვილი. ადგილობრივი და საერთაშორისო პრაქტიკის შესახებ ისაუბრეს ექსპერტებმა საქართველოდან, არგენტინიდან და სერბეთიდან.

გამომსვლელებმა ხაზი გაუსვეს ფემიციდის მონიტორინგის მექანიზმისა და პრევენციული ღონისძიებების განხორციელების მნიშვნელობას.

73
თემები:
ადამიანის უფლებები საქართველოში
ანა დოლიძე

საქართველოში აზარტული თამაშების აკრძალვას მოითხოვენ

82
(განახლებულია 21:39 24.11.2020)
მოძრაობის „ხალხისთვის“ ლიდერი მოითხოვს, შემუშავდეს გეგმა ყველა ონლაინ-კაზინოს დასაკეტად, როგორც ეს მსოფლიოს ბევრ ქვეყანაში გაკეთდა.

თბილისი, 24 ნოემბერი – Sputnik. ოპოზიციური მოძრაობის „ხალხისთვის“ ლიდერი ანა დოლიძე მთავრობისგან აზარტული ონლაინ-თამაშების აკრძალვას მოითხოვს.

ახალგაზრდებს ნარკოდამოკიდებულებასთან და ლუდომანიასთან გამკლავებაში დაეხმარებიან >>

„დღევანდელ პირობებში, როდესაც ჩვენს მოქალაქეებს თითოეული ლარი საშოვარი აქვთ, როდესაც ჩვენ ძალიან სერიოზულ ეკონომიკურ სიდუხჭირეს განვიცდით, ონლაინ აზარტული თამაშები ხელისუფლებამ მოსახლეობას განგებ დაუტოვა, როგორც „გადარჩენის“ ერთ-ერთი მთავარი საშუალება“, – განუცხადა ჟურნალისტებს დოლიძემ.

მოძრაობის ლიდერის თქმით, დღეს ონლაინ-თამაშები საქართველოში არ არის მხოლოდ გართობა, როგორც ეს სხვა ქვეყნებშია მიღებული. დოლიძე მოითხოვს ხელისუფლებისგან, შემუშავდეს გეგმა, რომლის მიხედვით ქვეყანაში ერთი წლის განმავლობაში ყველა ონლაინ-კაზინო დაიკეტება, როგორც ეს მსოფლიოს ბევრ ქვეყანაში გაკეთდა.

„ამ ერთწლიანი გეგმის ფარგლებში უნდა შემოგვთავაზოს თამაშდამოკიდებულ ადამიანთა სარეაბილიტაციო გეგმა. პანდემიამ პირდაპირ დაარტყა ჩვენი მოქალაქეების შემოსავალს და ჩვენი მოსახლეობის უმეტესი ნაწილი გაღარიბებისკენ წაიყვანა, ხოლო ონლაინ აზარტულმა თამაშებმა ვითარება კიდევ უფრო გაამწვავა“, – აღნიშნა დოლიძემ.

აზარტულ თამაშებზე დამოკიდებულების საკითხზე საუბარი განსაკუთრებით აქტუალური საქართველოში გასულ წელს გახდა, როდესაც ორმა ახალგაზრდა ლუდომანმა თავი მოიკლა. მას შემდეგ ქვეყანაში პერიოდულად იმართება საპროტესტო აქციები, სადაც მოითხოვენ ლუდომანიის ფსიქიკურ დაავადებად აღიარებას, აზარტული თამაშების რეკლამის შეწყვეტას, ონლაინ–კაზინოებისადმი ხელმისაწვდომობის შეზღუდვას, მოთამაშეებისთვის ასაკობრივი ზღვრის დაწესებას.

ნოემბერში სახელმწიფო ზრუნვისა და ტრეფიკინგის მსხვერპლთა და დაზარალებულთა დახმარების სააგენტომ განაცხადა ახალი პროგრამის შესახებ, რომელიც სარეაბილიტაციო მომსახურებას ითვალისწინებს. კერძოდ, სააგენტო მზადაა, სარეაბილიტაციო მომსახურება გაუწიოს არასრულწლოვნებს 13-დან 18 წლამდე და ახალგაზრდებს 18-დან 25 წლამდე (მათი ოჯახის წევრების ჩათვლით), რომლებიც მიიჩნევენ, რომ ისინი დამოკიდებული არიან ფსიქოაქტიურ ნივთიერებებზე ან აზარტულ თამაშებზე და სურთ ამ მავნე ჩვევებისგან გათავისუფლება.

დახმარების მიღების მსურველებს შეუძლიათ დარეკვა ნომერზე „111“. ყველა ზემოთ ჩამოთვლილი მომსახურება უფასოა.

ბოლო ათი წლის განმავლობაში აზარტული თამაშების ბიზნესის ბრუნვა თითქმის ორასჯერ გაიზარდა
© photo: Sputnik
ბოლო ათი წლის განმავლობაში აზარტული თამაშების ბიზნესის ბრუნვა თითქმის ორასჯერ გაიზარდა

სპეციალური 24-საათიანი „ცხელი ხაზი“ – „111“ საქართველოს მთავრობამ კორონავირუსის პანდემიის პერიოდში ბავშვების დასახმარებლად შექმნა. ის ხელმისაწვდომია 27 აპრილიდან. მისი მიზანია მშობლების დახმარება ბავშვებთან დაკავშირებულ ყველა პრობლემურ საკითხზე.

აზარტული თამაშების პრობლემებზე კვლავ რამდენიმე დღის წინ ალაპარაკდნენ, როდესაც ერთ-ერთი მიკროსაფინანსო ორგანიზაციის ოფისში შეიჭრა მამაკაცი, რომელმაც ხელყუმბარის აფეთქების მუქარით 19 ადამიანი მძევლად აიყვანა. თავდამსხმელს საკმაოდ უჩვეულო მოთხოვნები ჰქონდა – საბანკო პროცენტების შემცირება, აზარტული თამაშების აკრძალვა და სამკურნალო პრეპარატებზე ფასების შემცირება.

ის შენობაში დაახლოებით სამ-ნახევარი საათი იმყოფებოდა. უკვე ცნობილია, რომ შენობაში შეჭრის დროს ზურაბაშვილს არ ჰქონია იარაღი, ხოლო ხელში ხელყუმბარის ნაცვლად ამ ფორმის სანთებელა ეჭირა.

საქართველოს პროკურატურამ მას ბრალი წაუყენა ორი ან მეტი მძევლის აყვანის მუხლით. ბრალდებული სასამართლოს განაჩენს პატიმრობაში ელოდება.

 

82
თემები:
სოციალური სფერო საქართველოში
არწივი მთებში

25 ნოემბერს დაბადებულები ზოდიაქო, დახასიათება, რჩევები

0
(განახლებულია 10:05 23.11.2020)
გაეცანით 25 ნოემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ნოემბერი - 2 დეკემბრის პერიოდი

23 ნოემბერი - 2 დეკემბრის პერიოდი მშვილდოსნის ნიშნის პირველ დეკადას განეკუთვნება.

ამ დეკადას მერკური მართავს და ამ პერიოდში დაბადებულებს დამოუკიდებელ ხასიათს ანიჭებს. არიან მრავალმხრივი ნიჭის პატრონები და უკიდეგანო შესაძლებლობების მქონე ადამიანები.

მნიშვნელოვანი წლებია: 36, 40.

ამ პერიოდში დაბადებულთა სიმბოლოა ხმალა (გლადიოლუსი).

ეს ადამიანები არიან მშვიდი, შრომისმოყვარე, ყურადღებიანი, არ ისწრაფვიან ლიდერის პოზიციების დასაკავებლად. გუნდში თანამოაზრეებთან ერთად დიდი წარმატებების მიღწევა შეუძლიათ.

25 ნოემბერს დაბადებულები

25 ნოემბერს ამ ქვეყანას გამოუსწორებელი მეოცნებეები ევლინებიან. მათი შინაგანი ცხოვრება სოციალურზე ბევრად მდიდარია. მათ უყვართ ფანტაზიებში ჩაძირვა, გამოგონილ სტრატეგიებში თამაში. აქვთ გონების ფილოსოფიური წყობა, არტისტული ნიჭი. მათი სულიერება მისტიკას ესაზღვრება. აინტერესებთ ფსევდომეცნიერებები და ფსევდორელიგიური თეორიები.

25 ნოემბერს დაბადებულებს არ უყვართ ხმაურიანი კომპანიები. მეტად კომფორტულად გრძნობენ თავს მარტოობისას. ამასთან, მათი ფილოსოფიური მსჯელობანი ვინმემ უნდა შეაფასოს. ჰყავთ თავიანთი საურთიერთობო წრე.

25 ნოემბერს დაბადებულ მშვილდოსნებს ცოცხალი წარმოსახვა აქვთ. პატარაობისას ყველას თვალწინ ოცნებობენ, ხოლო შემდეგ ოცნებების კონტროლს სწავლობენ. შესაძლოა, გამოავლინონ ნათელმხილველობის, ტელეპათიის უნარი, მაგრამ მათ განვითარებას მაინცდამაინც არ ჩქარობენ.

ამ დღეს დაბადებულები, უმეტესად, ჰუმანისტები არიან; ესმით ადამიანისა და მისი საჭიროებებისა, მაგრამ საზოგადოებრივი საქმიანობისკენ არ მიისწრაფვიან. ჰუმანიზმის ბუნების თემაზე ფილოსოფიური მსჯელობა კი უყვართ.

პროფესიულ საქმიანობაში 25 ნოემბერს დაბადებულები მარათონელები არიან. მათთვის მნიშვნელობა არა აქვს ისეთ ცნებებს, როგორიცაა სწრაფად, მაღლა და ძლიერად. მიზნები მატერიალური არ ამოძრავებთ. ჯილდო მათთვის მხოლოდ სასიამოვნო ბონუსია.

ჯანმრთელობა

ამ დღეს დაბადებულებს ხშირად უჭირთ „არას“ თქმა, რითიც სარგებლობენ სხვა ადამიანები და იყენებენ მათ შესაძლებლობებს, ენერგიას, ფსიქოლოგიურ და ფინანსურ რესურსებს. ამ დროს თავად ამ დღეს დაბადებულები იტანჯებიან. შედეგი შეიძლება დადგეს ნერვული გამოფიტვა, დაძაბულობა, დეპრესია.

რჩევა:

ამ დღეს დაბადებულებისთვის მნიშვნელოვანია აღიარება, მაგრამ თასს, მედალსა და სიგელს ფულზე ვერ გაცვლით, რომელიც ყოველდღიური საჭიროებების დაკმაყოფილებისთვისაა განკუთვნილი. გახსოვდეთ ამის შესახებ!

0