სოციალური ქსელი „ფეისბუქი“

„ჩემი ინტერესი უნაკლო სხეულმაც გამოიწვია“ „ვოლტის“ კურიერის პირველი საჯარო განმარტება

742
(განახლებულია 16:32 30.10.2020)
ამ დრომდე მომხდარი სკანდალის ირგვლივ მხოლოდ გოგონას და თავად კომპანია „ვოლტის“ პოზიცია იყო ცნობილი. ახლა კი საჯაროდ თავად კურიერი ალაპარაკდა.

თბილისი, 30 ოქტომბერი – Sputnik. გახმაურებული სკანდალი, რომელიც „ვოლტის“ კურიერს და მომხმარებელ გოგონას ეხება, „ფეისბუქზე“ ქალების ერთ-ერთი დახურული ჯგუფიდან გავრცელდა. ამ ამბავს საზოგადოების მხრიდან მითქმა-მოთქმა მოჰყვა. შეიძლება ითქვას, რომ ამ თემამ ფეისბუქ-განხილვებში საარჩევნო დისკუსიებიც კი გადაფარა.

ამ დრომდე მომხდარი სკანდალის ირგვლივ მხოლოდ გოგონას და თავად კომპანია „ვოლტის” პოზიცია იყო ცნობილი. ახლა კი საჯაროდ თავად კურიერი ალაპარაკდა. მან რამდენიმე საათის წინ ვიდეომიმართვა გამოაქვეყნა, რომელიც მალევე წაშალა. ამის შემდეგ ის მომხდართან დაკავშირებით ვრცელ სტატუსს აქვეყნებს, რომელშიც წერს, რომ ბევრმა ადამიანმა არასწორად გაიგო, თუ რას გულისხმობდა, რადგან არ უთქვამს, რომ გოგონას იმის გამო მისწერა, რომ ის ნახევრად ჩაცმული იყო და ამან მოახდინა მისი პროვოცირება.

„მე იმის აღნიშვნა მინდოდა, რომ ჩემი ინტერესი ულამაზეს სახესთან ერთად მისმა უნაკლო სხეულმაც გამოიწვია. ვხვდები და ვაანალიზებ, რომ სამსახურებრივ მოვალეობას გადავაჭარბე, მაგრამ ეს გოგო იმდენად მომეწონა, თავს უფლებას ვერ მივცემდი კომპლიმენტი არ მეთქვა. მე მაპატიეთ. მეგონა, უწყინარი კომპლიმენტით არაფერს დავაშავებდი, მაგრამ აღმოჩნდა, რომ ცუდად გამომივიდა“, – წერს კურიერი.

გოგონა წერდა, რომ ღამის საათებში გამოიძახა საკვები, პანდემიიდან გამომდინარე მიუთითა, რომ კართან დაეტოვებინათ შეკვეთა, თუმცა კურიერმა ზარი დარეკა, მან კი კარი გაუღო, შეკვეთა აიღო და დაემშვიდობა.

„ვიყავი სახლის ფორმაში, მოუშორებელი – სახეზე გადაშლილი მაკიაჟით, შორტით და თეთრი პერანგით. გასვლიდან რამდენიმე წუთში ჩემს პირად მობილურის ნომერზე მომდის შეტყობინება „სხვათა შორის ძალიან კარგად გამოიყურებოდით“, – წერდა გოგონა, რომელიც აღნიშნავდა, რომ პირველ რიგში ყველამ უნდა შეინარჩუნოს თავისი სამსახურებრივი ნორმები და კურიერმა, ტაქსის მძღოლმა, ბანკის თანამშრომელმა და სხვა მომუშავე პირებმა არ უნდა ისარგებლონ მათთვის მისაწვდომი საკონტაქტო ინფორმაციით როგორც სამსახურში, ასევე სამსახურს გარეთ, რადგან ეს ელემენტარული სამსახურებრივი ეთიკაა.

ამ ინციდენტის გამო „ვოლტმა“ კურიერს 10 დღით მიტანის სერვისის განხორციელების უფლება შეუჩერა.

742
პაატა იმნაძე

პაატა იმნაძე: „ვინმემ გამახსენოს გრიპი, რომელიც ორ თვეში ათას ადამიანს მოკლავს...“

46
(განახლებულია 12:13 28.11.2020)
დაავადებათა კონტროლის ცენტრის ხელმძღვანელის მოადგილემ, პაატა იმნაძემ განაცხადა, რომ საკოორდინაციო საბჭოზე გადაწყვეტილების მიღება შეზღუდვებთან დაკავშირებით ძალიან რთული იყო, მაგრამ ამას უაღრესად რთული ეპიდვითარება მოითხოვდა

თბილისი, 28 ნოემბერი - Sputnik. საქართველოში შეზღუდვების გამკაცრების შესახებ გადაწყვეტილება რთული მისაღები იყო, მაგრამ კორონავირუსით ინფიცირების რიცხვები უკვე კატასტროფულია, განაცხადა დაავადებათა კონტროლის ცენტრის ხელმძღვანელის მოადგილემ, პაატა იმნაძემ პირველი არხის ეთერში.

საქართველოში 28 ნოემბრიდან რთული ეპიდვითარების გამო ხელისუფლებამ ახალი შეზღუდვები აამოქმედა, რომლებიც 2021 წლის 31 იანვრამდე იქნება ძალაში.

„არიან ადამიანები, რომლებიც ყოველდღიურად ლუკმაპურს გამოიმუშავებენ. ძალიან მძიმეა ეს. ამიტომ ყველაფერი უნდა აიწონოს. ჩვენ რა თქმა უნდა, ჩვენი პოზიციები გვაქვს და გაცილებით უფრო მკაცრ და ხანგრძლივ შეზღუდვებს ვითხოვთ, მაგრამ ამ ადამიანებს, რომლებიც ყოველდღიურ შემოსავლებზე არიან დამოკიდებული, მათაც სიცოცხლისა და ჯანმრთელობის საშუალება უნდა მისცე. ძალიან მძიმეა გადაწყვეტილებების მიღება, რომელსაც საკოორდინაციო საბჭო იღებს“, - განაცხადა იმნაძემ.

მან ასევე გადაცემაში საუბრისას იმ ადამიანთა ჯგუფებზე ისაუბრა, ვისაც კოვიდინფექციის არსებობის არ სჯერათ და ამის აგიტაციას საჯაროდ ახდენენ.

„არიან ადამიანთა ჯგუფები, რომლებიც ხალხს ჩასჩიჩინებენ, რომ ეს ტყუილია, კორონა არაფერია და მსუბუქი გრიპია. მგონია რომ ეს მართული ჯგუფებია, რომლებიც ქვეყნის წინააღმდეგ დივერსიას ეწევიან და ცდილობენ, რომ ქვეყანა ჩამოიქცეს. ერთი, გრიპი გამახსენოს ვინმემ და თქვას, ხომ ქვეყნდება ხოლმე გრიპისგანაც სტატისტიკა, გრიპი, რომელიც ორ თვეში ათას ადამიანს მოკლავს, ასეთი გრიპი თუ უნახავთ“, - განაცხადა იმნაძემ.

ლუგარის საზოგადოებრივი ჯანმრთელობის კვლევითი ცენტრის ხელმძღვანელმა ლაბორატორიულ შეცდომებსა და ტესტირების მხრივ არსებულ ხარვეზებზეც ისაუბრა. მან ღიად აღნიშნა, რომ მედიცინაში გარანტირებული არაფერია და ტესტირების დროს ხდება ცდომილებები, რაც ნაწილობრივ მკვეთრი მატებითაც არის განპირობებული.

პაატა იმნაძემ კოვიდინფექციის მუტაციაზეც ისაუბრა. მან განაცხადა, რომ ჯერჯერობით არ ჩანს ისეთი მუტაციები, რომელიც ვირუსის სიძლიერეს შეცვლიდა, ხოლო ვირუსის აგრესიულობისა და ლეტალობის შემცირება სხვა ფაქტორებზეა დამოკიდებული.

იმუნოლოგი ასევე თვითმკურნალობისა და ანტიბიოტიკების მოხმარების შემთხვევებსაც შეეხო. იმნაძემ განაცხადა, რომ მედიკამენტების თვითნებურად მიღება კატეგორიულად მიუღებელია.

„ანტიობიოტიკი არც ერთ ვირუსზე არ მოქმედებს. ანტიბიოტიკმა შეიძლება ორგანიზმს მხოლოდ ცუდი გაუკეთოს, ხოლო ვირუსს არაფერს უზამს. რაც შეეხება სისხლის გამათხელებლებს, მათი მიღება მხოლოდ ექიმის დანიშნულებით შეიძლება, არავითარ შემთხვევაში თვითნებურად და მით უმეტეს, როცა ადამიანი კოვიდისგან უკვე გამოჯანმრთელებულია“, - აღნიშნა პაატა იმნაძემ.

დაავადებათა კონტროლის ცენტრის ხელმძღვანელის მოადგილემ კომენტარი გააკეთა გადაცემის წამყვანის დასმულ შეკითხვაზე, თუ როგორ მოვიდა ქვეყანა ამ ვითარებამდე.

„ვიდრე დედამიწაზე პანდემიაა, საქართველოში ვერავინ ვერ გააჩერებს ბოლომდე კორონას. ჩვენც ამისი იმედი გვქონდა, რომ რიცხვები ასეთი კატასტროფული არ იქნებოდა, რაზეც დღეს გასულები ვართ. თითქმის 5 000 რეგისტრირებული შემთხვევა, რაც იმას ნიშნავს, რომ დღეში ახლა 10 000 მაინც არის, ამას კიდევ ერთხელ ხაზგასმით ვამბობ, რადგან 5 000 არის, რაც ჩვენ დავადასტურეთ“, – განაცხადა პაატა იმნაძემ.

შეგახსენებთ, საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში კორონავირუსის პირველი შემთხვევა 26 თებერვალს დაფიქსირდა.

46
თემები:
COVID-19 საქართველოში
გამვლელები პირბადეებით

პლუს 34: რამდენია გარდაცვლილთა საერთო რაოდენობა

31
საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

თბილისი, 28 ნოემბერი – Sputnik. საქართველოში ბოლო დღე-ღამეში ახალი კორონავირუსით კიდევ 34 ადამიანი გარდაიცვალა და გარდაცვლილთა საერთო რაოდენობამ 1 195-ს მიაღწია, ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

ამ დროისათვის სულ გამოჯანმრთელდა 106 328 ადამიანი (ბოლო 24 საათში - 4058), კარანტინის რეჟიმშია 2 076, სტაციონარებში ექიმების დაკვირვების ქვეშ 6 286 პაციენტია, ხოლო კოვიდ–სასტუმროებში 3 844 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

31
თემები:
COVID-19 საქართველოში
გაზქურა

აჭარისა და გურიის რეგიონებს ბუნებრივი გაზის მიწოდება შეუწყდათ

0
(განახლებულია 11:37 28.11.2020)
დაზიანების აღსადგენად ადგილზე ყველა შესაბამისი სამსახურის ტექნიკური ჯგუფები მაქსიმალურად არიან მობილიზებული, აცხადებენ სამინისტროში

თბილისი, 28 ნოემბერი - Sputnik. ბუნებრივი გაზის მიწოდება შეუწყდათ აჭარისა და გურიის რეგიონებს, ინფორმაციას საქართველოს გაზის ტრანსპორტირების კომპანია ავრცელებს.

უწყების ინფორმაციით, დაზიანება „ქუთაისი-სოხუმის“ მაგისტრალური გაზსადენის ქობულეთის 500 მმ განშტოებაზე მოხდა.

ინფორმაციაში ნათქვამია, რომ დაზიანების აღსადგენად ადგილზე მობილიზებულია ტექნიკური ჯგუფები და მიმდინარეობს გადაუდებელი სამუშაოები.

სამუშაოებს საქართველოს გაზის ტრანსპორტირების კომპანია ახორციელებს.

 

0
თემები:
შემთხვევები საქართველოში