გაზქურა

მთავრობა ზამთრის პერიოდში მოსახლეობის კომუნალურ ხარჯებს დაფარავს

89
(განახლებულია 14:56 29.10.2020)
საქართველოს მთავრობის ანტიკრიზისული გეგმის მესამე ეტაპი, რომელიც მოიცავს როგორც ბიზნესის დახმარებას, ისე სოციალურ მხარდაჭერას, 1 ნოემბრიდან იწყება.

თბილისი, 29 ოქტომბერი – Sputnik. საქართველოს ხელისუფლება მოქალაქეებს ელექტროენერგიისა და ბუნებრივი აირის კომუნალურ ხარჯებს ოთხი თვის მანძილზე დაუფარავს, განაცხადა საქართველოს პრემიერ-მინისტრმა გიორგი გახარიამ ხუთშაბათს გამართულ მთავრობის სხდომაზე. 

გახარიას თქმით, მთავრობის ანტიკრიზისული გეგმის მესამე ეტაპზე სახელმწიფო მოსახლეობის კომუნალურ ხარჯებს ნოემბერში, დეკემბერში, იანვარსა და თებერვალში სრულად დაფარავს.

„ჩვენ უკვე დავაანონსეთ მთავრობის ანტიკრიზისული გეგმის მესამე ტალღა, რომელიც მოიცავს როგორც ბიზნესის დახმარებას, ისე სოციალურ მხარდაჭერას. 1 ნოემბრიდან იწყება ჩვენი მოქალაქეებისთვის ზამთრის პერიოდში კომუნალური მომსახურების ანაზღაურება. ეს დახმარება შეეხება თითოეულ ოჯახს, რომელიც მოიხმარს 200 კილოვატამდე ელექტროენერგიას და ასევე 200 კუბურ მეტრამდე გაზს. რა თქმა უნდა, აქ შედის როგორც დასუფთავების, ასევე წყლის გადასახადიც“, – განაცხადა გახარიამ.

როგორც პრემიერმა აღნიშნა, იმ მოქალაქეებს, რომლებიც მსგავს დახმარებას არ საჭიროებენ, საკუთარი განცხადების საფუძველზე შეუძლიათ უარი თქვან მასზე.

იმ აბონენტების რაოდენობა, ვინც ყოველთვიურად 200 კილოვატზე ნაკლებ ელექტროენერგიას მოიხმარს, 1,2 მილიონს შეადგენს და სახელმწიფო დაახლოებით 17 მლნ ლარს გამოყოფს ამ მოქალაქეებისთვის კომუნალური გადასახადების დასაფარად.

ასევე საქართველოში 670 ათასი აბონენტია, რომელიც თვეში 200 კუბურ მეტრამდე ბუნებრივ აირს მოიხმარს – სახელმწიფო ამ გადასახადების დასაფარად 27 მლნ ლარს გამოყოფს.

89
თემები:
საქართველოს მთავრობა (123)
ყვავილებით ვაჭრობა

თაიგული სარვამარტოდ - ქსელური მაღაზიები და პატარა ჯიხურები დღესასწაულის მოლოდინში

34
(განახლებულია 19:45 07.03.2021)
ქალთა საერთაშორისო დღისთვის ყვავილების გამყიდვლები განსაკუთრებით ემზადებიან, ასორტიმენტი ისეთია, რომ ადამიანი დაიბნევა, მაგრამ გინდა არ გინდა თვალი ფასებისკენაც გაგირბის, - რას „მოერევა“ ოჯახის ბიუჯეტი - იების მოკრძალებულ კონას თუ მდიდრული ვარდების თაიგულს

თბილისი, 7 მარტი – Sputnik. ტიტების მომცრო თაიგული ან ძვირფასი ვარდების დიდი კალათა - ყვავილები დიდი ხანია 8 მარტის განუყოფელ ატრიბუტად იქცა.

რვა შვილის დედა და მისი „სხვა შვილები“... >>

ქალთა საერთაშორისო დღისთვის ყვავილებზე მოთხოვნა რამდენჯერმე იზრდება, მოთხოვნასთან ერთად იზრდება ფასებიც.

„წელს 8 მარტისთვის განსაკუთრებული მოთხოვნაა წითელ ვარდებზე და წინწკალებზე. არის შეკვეთები, სადაც ეგზოტიკური თაიგულების გაკეთებას ან იშვიათად ლურჯ ვარდებს ითხოვენ. საშუალოდ, ერთ ვარდს 5 ლარად შეიძენთ, საშუალო სადა თაიგული მომხმარებელს 80 ლარი დაუჯდება“, - უამბეს Sputnik-საქართველოს თბილისის ერთ-ერთ ყვავილების მაღაზიაში.

არსებობს მდიდრული თაიგულებიც, რომელთა შეკვეთა სახლიდან გაუსვლელად არის შესაძლებელი. ასეთი თაიგულების ფასი იწყება 60 ლარიდან და 900 ლარს აღწევს. შროშანების დიდი კოლოფი 330 ლარი დაჯდება.  

კონსულტანტის თქმით, საქართველოსთვის მაღალი ფასების მიუხედავად, მომხმარებელს შეუძლია დარწმუნებული იყოს, რომ მაღალი ხარისხის პროდუქციას, ლამაზი შეფუთვით მიიღებს. ამაში ისინი ხედავენ თავიანთ უპირატესობას ქუჩაში მდგომ ყვავილებით მოვაჭრეებთან შედარებით.

ბუნებრივია, სპეციალიზებულ მაღაზიაში ყვავილების შესაძენად ძირითადად შეძლებული მოქალაქეები შედიან, რომლებსაც ადრესატის გაკვირვება ეგზოტიკური და იშვიათი თაიგულებით სურთ.

ხოლო ვინც ყვავილებს ბაზარში ან მეტროსთან შეიძენს, მას ვარდების საშუალო თაიგული 15-20 ლარი დაუჯდება. მოკრძალებული ბიუჯეტის შემთხვევაში შეიძლება 3-4 ლარად იების ან ყოჩივარდების პატარა თაიგულის შეძენა.

ბოლო წლებში მოდური გახდა ქოთნის ყვავილების ჩუქება. თუმცა ისინიც წყლის ლარნაკში ჩადებულ ყვავილებთან შედარებით არც ისე დიდ ხანს ძლებენ. ასეთი საჩუქრის ფასი 5-10 ლარიდან იწყება.

34
მუსიკოსები რესტორანში

როდის აღდგება რესტორნების შიდა სივრცეებში ცოცხალი მუსიკის შესრულება

34
საქართველოს ხელისუფლება ეტაპობრივად ამსუბუქებს შეზღუდვებს, რომლებიც კორონავირუსის პანდემიის გამო დაწესდა

 თბილისი, 7 მარტი - Sputnik. 1 აპრილამდე საზოგადოებრივი კვების ობიექტების შიდა სივრცეებში ცოცხალი მუსიკის შესრულება კვლავ შეზღუდული იქნება. ამის შესახებ შრომის პირობების ინსპექტირების დეპარტამენტის უფროსმა, ბექა ფერაძემ განაცხადა.

უწყებათაშორისი საბჭოს გადაწყვეტილებით, საქართველოში ორშაბათიდან, 8 მარტიდან კიდევ რამდენიმე შეზღუდვა იხსნება, რომლებიც გასული წლის ნოემბერში ქვეყანაში ეპიდემიოლოგიური ვითარების გაუარესების გამო დაწესდა. კერძოდ, ხვალიდან ქვეყნის მასშტაბით რესტორნები მუშაობას შიდა სივრცეებში განაახლებენ (შაბათ-კვირის გარდა).

გარდა ცოცხალი მუსიკის შესრულების შეზღუდვისა, კვლავ აკრძალული იქნება სოციალური ღონისძიებების გამართვაც.

ხვალიდან აგრეთვე სამთო კურორტებზე გაიხსნება საბაგიროები, სავაჭრო ცენტრები და ბაზრობები შაბათ-კვირასაც განაახლებენ მუშაობას.

საქართველოში 1 მარტს გაიხსნა მუზეუმები და ბიბლიოთეკები, ბათუმის რესტორნებში მუშაობა შიდა სივრცეებში განახლდა (გარდა შაბათ-კვირისა), ნებადართულია კონფერენციებისა და ტრენინგების ჩატარება, ფუნქციონირება დაიწყეს საბავშვო ბაღებმა, უმაღლეს სასწავლებლებსა და პროფსასწავლებლებში ნებადართულია კლინიკური, პრაქტიკული, ლაბორატორიული საქმიანობა და გამოცდების ჩაბარება.

ქვეყანაში 25 თებერვლიდან აღდგა სასტუმროების მუშაობა სამთო-სათხილამურო კურორტებზე და საქალაქთაშორისო ტრანსპორტის მოძრაობა.

შეზღუდვები, რომლებიც 25 თებერვლიდან  შემსუბუქდება - სრული ჩამონათვალი >>

ამას გარდა, საზოგადოებრივი ტრანსპორტი ამუშავდა უქმე დღეებშიც.

ჯერჯერობით უცნობია, როდის მოიხსნება 21:00 საათიდან 05:00 საათამდე გადაადგილების შეზღუდვა. ის ერთ-ერთია იმ შეზღუდვებიდან, რომელიც პირბადეების ტარებასთან და მასობრივი ღონისძიებების ჩატარების აკრძალვასთან ერთად საქართველოში გაურკვეველი ვადით იმოქმედებს. ეპიდემიოლოგები ამ შეზღუდვას მოქალაქეთა მობილობის შემცირების სურვილით ხსნიან.

34
„ქართული ოცნების“ ოფისი

„ქართული ოცნება“ ბერა ივანიშვილის მონაწილეობით აუდიოჩანაწერებს ფაბრიკაციას უწოდებს

0
მმართველ პარტიაში დარწმუნებული არიან, რომ ოპოზიცია სკანდალურ აუდიოჩანაწერებს მოლაპარაკებათა პროცესის ჩასაშლელად და ქვეყანაში დაძაბულობის ესკალაციისთვის იყენებს

თბილისი, 7 მარტი – Sputnik. 2010-2011 წლების უკანონო ჩანაწერების უხეში ფაბრიკაცია - ასე შეაფასეს მმართველ პარტიაში „ქართული ოცნება - დემოკრატიული საქართველო“ აუდიოჩანაწერები, რომლებიც ერთ-ერთმა ტელეარხმა გამოაქვეყნა.

თბილისში ირაკლი ღარიბაშვილის გადადგომის მოთხოვნით საპროტესტო მსვლელობა იმართება >>

ოპოზიციურმა ტელეარხმა „ტვ პირველმა“ გამოაქვეყნა სკანდალური აუდიოჩანაწერები, რომლებიც ივანიშვილის ვაჟის - 27 წლის ბერას, ამჟამინდელი პრემიერ-მინისტრ ირაკლი ღარიბაშვილის და სხვა მაღალჩინოსნების მაკომპრომეტირებელ საუბრებს შეიცავს.

როგორც „ქართული ოცნების“ განცხადებაშია აღნიშნული, გამოქვეყნებული ჩანაწერი შედგება ათეულობით ჩანაწერიდან ამოღებული სიტყვებისა და ფრაზებისაგან, რომელიც ბიძინა ივანიშვილის პოლიტიკაში მოსვლამდე რამდენიმე თვის განმავლობაში იწერებოდა.

მმართველ პარტიაში აღნიშნავენ, რომ ჩანაწერის გაკეთების დროს მოქმედი პრემიერ-მინისტრი ირაკლი ღარიბაშვილი საქველმოქმედო ფონდ „ქართუს“ პრეზიდენტის პოსტს იკავებდა, ხოლო ბერა ივანიშვილი არასრულწლოვანი იყო.

„უკანონო მოსმენა, მოსმენილის შენახვა, დამონტაჟება-ფაბრიკაცია, მისი გამოყენება, ძალადობა, მკვლელობა და ა.შ. „ნაციონალური მოძრაობის“ ხელწერაა. რაც შეეხება „ქართულ ოცნებას“ და მათ ლიდერებს, ისინი მსგავს მეთოდებს არ იყენებდნენ არც პოლიტიკაში მოსვლამდე და არც პოლიტიკაში მოსვლის შემდეგ“, - ნათქვამია განცხადებაში.

განცხადებაში ასევე აღნიშნულია, რომ ორი დღის წინ გამოქვეყნდა ეუთო/ოდირის უაღრესად პოზიტიური შეფასება 2020 წლის საპარლამენტო არჩევნების შესახებ, რაც ოპოზიციას არ აწყობს.

„ევროპული საბჭოს პრეზიდენტმა შარლ მიშელმა საკუთარ თავზე აიღო მედიატორის როლი, რაც ბუნებრივია, პროცესის დეესკალაციის და მოლაპარაკებების კონსტრუქციულ რეჟიმში გაგრძელების გარანტი უნდა ყოფილიყო. როგორც ჩანს, სწორედ ამ ფაქტორებმა და მოლაპარაკების ჩაშლის მიზანმა განაპირობა გაყალბებული ჩანაწერების გამოქვეყნება. რადიკალურ ოპოზიციას სურს, ეს ჩანაწერები გამოიყენოს მოლაპარაკებებზე უარის თქმის საბაბად და ვხედავთ მათ მიერ აგორებულ ახალ კამპანიასაც, რომელსაც პერსპექტივა ერთი მარტივი მიზეზის გამო არ გააჩნია – ის სიყალბეზეა დაფუძნებული“, - ნათქვამია განცხადებაში.

საქართველოში ცნობილ პირთა მონაწილეობით ფარული აუდიოჩანაწერების სკანდალი აგორდა >>

ოპოზიციის მოქმედებების მიუხედავად, „ქართული ოცნება“ არ აპირებს უარის თქმას თავის კონსტრუქციულ და სახელმწიფოებრივ პოზიციაზე და მზად არის გააგრძელოს დიალოგი, რომლისკენაც საერთაშორისო პარტნიორები მოუწოდებენ.

0