მზის პანელები

საქართველოს სკოლების სახურავებზე მზის პანელებს დაამონტაჟებენ

58
(განახლებულია 13:40 29.10.2020)
პროექტი ბათუმში მოიცავს 13 სკოლას, ასევე სხვა რეგიონებში რამდენიმე სკოლას, იგეგმება სისტემის დანერგვა თბილისშიც.

თბილისი, 29 ოქტომბერი – Sputnik. საქართველოს 20 სკოლის სახურავზე მზის პანელებს დაამონტაჟებენ, რაც სასწავლო დაწესებულებებს ელექტროენერგიის ხარჯების დაზოგვის შესაძლებლობას მისცემს, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

თურნავამ ბათუმში მზის ელექტროსადგურით აღჭურვილი ერთ-ერთი საჯარო სკოლა მოინახულა. ელექტროსისტემების დადგმული სიმძლავრე 333 კვტ-ს შეადგენს. პროექტის ჯამური ღირებულება კი ნახევარ მილიონ ევროს აღემატება. 

„ერთი მხრივ, ეს სკოლებს ელექტროენერგიის საფასურს დაუზოგავს, ხოლო მეორე მხრივ, ჭარბი ენერგიის გამომუშავების შემთხვევაში, სკოლას შესაძლებლობას მისცემს ელექტროენერგია სისტემას მიაწოდოს და დამატებითი შემოსავალი მიიღოს... მწვანე განახლებადი ენერგიის განვითარება ჩვენი ენერგეტიკული პოლიტიკის პრიორიტეტია. ეს პრიორიტეტი გულისხმობს ისეთი პროექტების განვითარებასაც, რომელიც ახალი განახლებადი ენერგიის წყაროებს, ამ შემთხვევაში მზის ენერგიას ამუშავებს ჩვენი განათლების სისტემის სასარგებლოდ“, – აღნიშნა ნათია თურნავამ.

პროექტი ხორციელდება ენერგეტიკის განვითარების ფონდისა და აჭარის მთავრობის ხელშეწყობით. პროექტი მარტო ბათუმში მოიცავს 13 სკოლას, ასევე სხვა რეგიონებში რამდენიმე სკოლას. ამასთან, იგეგმება სისტემის დანერგვა თბილისშიც.

სპეციალისტების ვარაუდით, ათი წლის შემდეგ საქართველო შეიძლება სერიოზული ენერგოდეფიციტის წინაშე დადგეს. პროგნოზების თანახმად, ქვეყანაში 2030 წლისთვის ელექტროენერგიის მოხმარება 22 მლრდ კილოვატ/საათს მიაღწევს, მაშინ, როდესაც დღეს მოხმარება 13 მლრდ-ის დონეზეა.

მეზობელ ქვეყნებზე ენერგოდამოკიდებულების შემცირების მიზნით საქართველოს ხელისუფლება ცდილობს მაქსიმალურად გამოიყენოს ადგილობრივი განახლებადი რესურსები, ასევე ენერგიის ალტერნატიული წყაროები.

58
თემები:
საქართველოს ენერგეტიკა (101)
თმის შეჭრა

გამყრელიძე: რატომ არ იკეტება სილამაზის სალონები

193
სილამაზის სალონებსა და ესთეტიკის ცენტრებში ზედმიწევნით ასრულებენ ჯანდაცვის სამინისტროს რეკომენდაციებს, აღნიშნა ეპიდემიოლოგმა

თბილისი, 26 ნოემბერი – Sputnik. დაავადებათა კონტროლის ეროვნული ცენტრის გენერალურმა დირექტორმა, ამირან გამყრელიძემ განმარტა, რატომ მიიღო კორონავირუსთან ბრძოლის საკოორდინაციო საბჭომ გადაწყვეტილება, არ დაკეტოს სილამაზის სალონები.

ახალი შეზღუდვების სრული სია: რისი გაკეთება შეიძლება და რისი – არა >>

გამყრელიძის თქმით, აღმოჩნდა, რომ სილამაზის სალონებში უსაფრთხოების ზომებს კარგად იცავენ.

„არის მეორე რისკი, რომ დაკეტო სილამაზის სალონი და შეზღუდო, ეს ბიზნესი ინაცვლებს ჩრდილში, ადამიანები სახლებში დადიან და შესაძლებელია უფრო მეტი იყო გავრცელების რისკი“, - განაცხადა გამყრელიძემ.

ხუთშაბათს საქართველოს მთავრობამ დაამტკიცა კორონავირუსთან ბრძოლის ორთვიანი გეგმა, რომლის თანახმად ამ პერიოდში ქვეყანაში რიგი შეზღუდვები იმოქმედებს.

28 ნოემბრიდან საქართველოს რვა დიდ ქალაქში მუშაობას აჩერებს საზოგადოებრივი ტრანსპორტი. მთელი ქვეყნის მასშტაბით იხურება სპორტკლუბები და აუზები, რესტორნები მხოლოდ გარეთ გატანის მომსახურებაზე გადავლენ, დაიკეტება ღია და დახურული ტიპის ყველა სავაჭრო წერტილები, გარდა პირველადი საჭიროების საქონლის სარეალიზაციო წერტილების.

აიკრძალება გადაადგილება 21:00 საათიდან 05:00 საათამდე. ჩერდება საქალაქთაშორისო ტრანსპორტი, თუმცა კერძო ავტომობილით გადაადგილება დაშვებულია.

 

 

193
თემები:
COVID-19 საქართველოში
ქუთაისი. სასტუმრო „არგო“, რომელიც კოვიდ-კლინიკად აქციეს

კოვიდ-სასტუმროებს ჟანგბადის კონცენტრატორები გადაეცათ

64
პაციენტების კვალიფიციური მომსახურებისთვის კოვიდ-სასტუმროები თანდათანობით საჭირო აღჭურვილობას იღებენ.

თბილისი, 26 ნოემბერი – Sputnik. საქართველოს კოვიდ-სასტუმროებს პაციენტების უკეთესი მომსახურებისთვის 100 ჟანგბადის კონცენტრატორი დაურიგდა, განაცხადა ბრიფინგზე ჯანდაცვის მინისტრმა ეკატერინე ტიკარაძემ.

როდის მიიღებს საქართველო COVID-19-ის საწინააღმდეგო ვაქცინას: ოპტიმისტური პროგნოზი >>

პირველ დეკემბერს საქართველო დამატებით 900 ჟანგბადის კონცენტრატორს მიიღებს.

„ეს ასევე გვაძლევს იმის საშუალებას, რომ სასტუმროების ბაზაზე პაციენტების მეტად უკეთესი მართვა შევძლოთ“, - განაცხადა ტიკარაძემ.

ტიკარაძემ აღნიშნა, რომ კლინიკებმა უნდა მიიღონ მხოლოდ ის პაციენტები, რომლებიც ნამდვილად საჭიროებენ ჰოსპიტალიზაციას, და არა ისეთები, რომლებსაც „კოვიდ-სასტუმროდან ხედი არ მოსწონთ“.

„გარწმუნებთ, კოვიდ-სასტუმროში მყოფი ყველა პაციენტი იღებს საჭირო დახმარებას და ექიმების მეთვალყურეობის ქვეშ იმყოფება“, - აღნიშნა ტიკარაძემ.

მისი თქმით, ყველა კოვიდ-სასტუმრო არის მიმაგრებული თავის კლინიკაზე და 18:00 საათის შემდეგ იქ ხდება პაციენტების კვლევებზე გადაყვანა. იმ შემთხვევაში თუ პაციენტს ესაჭიროება კლინიკაში დარჩენა, პასუხისმგებელი კლინიკა მას იტოვებს.

„თუ ეს საჭიროება არ დგას, ის დაბრუნდება სასტუმროში და გააგრძელებს იქ ადგილზე მყოფი ექიმის მეთვალყურეობის ქვეშ მკურნალობას“, - აღნიშნა ტიკარაძემ.

ჯანდაცვის მინისტრი ასევე შეეხო მედპერსონალის ინფიცირების თემას. მან აღნიშნა, რომ ბევრ კლინიკებში აიკრძალა ერთობლივი სადილობა, რადგან სწორედ ერთობლივად საკვების მირთმევა ხშირად გამხდარა ინფიცირების მიზეზი. ასევე, მედპერსონალი ინფიცირდება როგორც პაციენტებისგან, ასევე სამუშაოს გარეთ.

საქართველოში კორონავირუსის მეორე ტალღა მძვინვარებს. ყოველდღიურად სამი ათასზე მეტი ახალი შემთხვევა ფიქსირდება. 26 ნოემბრის მონაცემებით, საქართველოში დადასტურებული შემთხვევების რაოდენობა უკვე 118 ათასს აღემატება.

ეპიდვითარების გაუარესების გამო საკოორდინაციო საბჭომ 28 ნოემბრიდან 1 თებერვლამდე დამატებითი შეზღუდვების დაწესების გადაწყვეტილება მიიღო.

ქვეყანაში რიგი შეზღუდვები მოქმედებს, როგორიცაა, მაგალითად, პირბადის ტარების აუცილებლობა როგორც დახურულ, ისე ღია სივრცეში, დიდ ქალაქებში სწავლა დისტანციურად მიმდინარეობს, ღამით აკრძალულია გადაადგილება და ა.შ.

64
თემები:
COVID-19 საქართველოში
დონალდ ტრამპი

დონალდ ტრამპმა თეთრი სახლიდან წასვლის პირობა დაასახელა

0
(განახლებულია 09:09 27.11.2020)
აშშ-ის მოქმედი პრეზიდენტის აზრით, შეერთებული შტატების საარჩევნო ინფრასტრუქტურა მესამე სამყაროს ქვეყნებისას ჰგავს

თბილისი, 27 ნოემბერი — Sputnik. თეთრ სახლს მასინ დავტოვებ, როდესაც ამომრჩეველთა კოლეგია ჯო ბაიდენს მისცემს ხმას, განაცხადა აშშ–ის მოქმედმა პრეზიდენტმა დონალდ ტრამპმა.

„რა თქმა უნდა, თქვენ ეს ისედაც იცით“, — ასე უპასუხა ტრამპმა ჟურნალისტის შესაბამის შეკითხვას.

პრეზიდენტმა იქვე დაამატა, რომ ამომრჩეველთა კოლეგია „შეცდომას დაუშვებს“, თუ ბაიდენს დაუჭერს მხარს.

დონალდ ტრამპის თქმით, მას „ძალიან გაუჭირდება დამარცხების აღიარება“, ვინაიდან დარწმუნებულია, რომ არჩევნებზე მასობრივი ფალსიფიკაცია მოხდა.

აღსანიშნავია ისიც, რომ მოქმედმა პრეზიდენტმა აშშ–ის საარჩევნო ინფრასტრუქტურა მესამე სამყაროს ქვეყნებს შეადარა.

აშშ–ში არჩევნები 3 ნოემბერს ჩატარდა, მაგრამ მისი საბოლოო შედეგები ჯერჯერობით ოფიციალურად არ გამოცხადებულა. მედიის ინფორმაციით დემოკრატმა კანდიდატმა ჯო ბაიდენმა გამარჯვებისთვის საკმარისი ელექტორალური ხმა მოაგროვა. მსოფლიოს ბევრმა ლიდერმა უკვე მიულოცა მას პრეზიდენტად არჩევა.

აშშ–ის მომდევნო პრეზიდენტის ინაუგურაცია 2021 წლის 20 იანვარს უნდა გაიმართოს.

 

0
თემები:
მსოფლიო დღეს