ქართველი ბიზნესმენი ყაზახეთში მილიარდერი გახდა

© photo: Sputnik / Vitaliy Belousov / გადასვლა მედიაბანკშიყაზახეთი
ყაზახეთი - Sputnik საქართველო
გამოწერა
მიხეილ ლომთაძის ქონება 2 მლრდ დოლარად ფასდება. ქართველი ბიზნესმენი ყაზახეთში საფინანსო ტექნოლოგიებითაა დაკავებული.

თბილისი, 28 ოქტომბერი — Sputnik. ყაზახური კომპანია Kaspi.kz-ის მმართველობის თავმჯდომარე მიხეილ ლომთაძე და დირექტორთა საბჭოს თავმჯდომარე ვიაჩესლავ კიმი ლონდონის საფონდო ბირჟაზე აქციების განთავსების შემდეგ მილიარდერები გახდნენ, იუწყება ყაზახური Forbes

აბანოთუბანი - Sputnik საქართველო
Forbes-ის შეფასება: მოხვდა თუ არა საქართველო ტურისტებისთვის უსაფრთხო ქვეყნების სიაში

კომპანიის აქციების საწყისი ფასი 38 აშშ დოლარს შეადგენდა, ბოლოს კი 46,9 დოლარს მიაღწია. სულ გაიყიდა კომპანიის 4,4 მლნ აქცია.

ამის გათვალისწინებით, კიმის ქონება 2,5 მლრდ დოლარად, ლომთაძის კი 2 მლრდ დოლარად შეფასდა.

Kaspi.kz სამ პლატფორმას მართავს – Payments, Marketplace და Fintech, ჯგუფის შემადგენლობაში შედის ასევე სააქციო საზოგადოება Kaspi Bank.

ეკოსისტემა Kaspi.kz აერთიანებს სხვადასხვა სერვისებს ფიზიკური პირებისა და საცალო ვაჭრობის კომპანიებისთვის: ფინანსური მომსახურება, ავტომობილის შესაძენად ონლაინ–სესხები, ბარათების გამოყენებით ონლაინ–გადახდები და ფულადი გადარიცხვები, მობილური აპლიკაციები, სხვადასხვა საქონლის ყიდვა–გაყიდვისთვის ინტერნეტ–სივრცე, პარტნიორთა ქსელში შოპინგისთვის მყიდველთა კლუბი.

ვინ არის მიხეილ ლომთაძე

45 წლის მიხეილ ლომთაძე წარმოშობით ბათუმელია. 1997 წელს დაამთავრა თბილისის ევროპული მართვის სკოლა (European School of Management), 2002 წელს ჰარვარდის ბიზნეს-სკოლაში МВА-ს ხარისხი მიიღო. 

არგენტინის ნაკრებისა და „ბარსელობას“ თავდამსხმელი ლიონელ მესი რეიტინგის სათავეში მოხვდა - Sputnik საქართველო
მდიდრები მოედანზე: ყველაზე მაღალანაზღაურებადი ფეხბურთელები Forbes-ის ვერსიით

სტუდენტობის პერიოდში თბილისში დააფუძნა აუდიტორული და კონსალტინგური კომპანია Georgia Consulting Group Audit, 2002 წელს კომპანიამ შეისყიდა გლობალური ქსელი Ernst&Young. 2002 წელს მუშაობდა პირდაპირი ივესტიციების ფონდ Baring Vostok-ში საინვესტიციო პროექტების მენეჯერად. 2007 წლიდან სააქციო საზოგადოება Kaspi Bank-ის მმართველობის თავმჯდომარეა.

2008 წელს ლომთაძემ განაცხადა: „მე, რა თქმა უნდა, ძალიან მიყვარს საქართველო. ოდესმე, სიცოცხლის ბოლოს აუცილებლად ვიცხოვრებ საქართველოში“.

2017 წელს მან დაადასტურა, რომ ქართული პასპორტი აქვს და ყაზახეთის მოქალაქეობის მიღებას არ გეგმავს.

2020 წლის ივნისში მიხეილ ლომთაძე კორონავირუსის პანდემიის წინააღმდეგ ბრძოლაში შეტანილი წვლილისთვის ყაზახეთის პრეზიდენტის მიერ დაწესებული მედლით დაჯილდოვდა.

ყველა ახალი ამბავი
0