ქეთა თოფურია

ორსული ქეთა თოფურია დუბაიში საცურაო კოსტიუმში დააფიქსირეს პაპარაცული ფოტო

52670
(განახლებულია 17:58 27.10.2020)
სოციალურ ქსელში ორსული ქეთა თოფურიას ფოტო ვრცელდება, სადაც მომღერალი დუბაის სანაპიროზე საყვარელ მამაკაცთან ერთად ირუჯება.

34 წლის ქეთა თოფურიამ რამდენიმე დღის წინ თვითმფრინავში გადაღებული სელფი გამოაქვეყნა. როგორც აღმოჩნდა, მომღერალი დასასვენებლად წავიდა არაბთა გაერთიანებულ საამიროებში. ინტერნეტში უკვე გამოჩნდა ფოტო, რომელშიც მომღერალი დუბაის სანაპიროზე მზის აბაზანას იღებს ახალგაზრდა მამაკაცთან ერთად, რომელიც, ალბათ, ლევ დენგოვია.

View this post on Instagram

Fly high🦅

A post shared by Keti Topuria (@keti_one_official) on

მიუხედავად იმისა, რომ რუსეთში მოღვაწე ქართველი მომღერალი ორსულობას დიდი ხნის განმავლობაში აქტიურად მალავს, ფოტოზე აშკარად ჩანს მისი წამოზრდილი მუცელი. ქეთას თაყვანისმცემელმა ფოტო „ინსტაგრამის“ „სთორიზე“ ატვირთა და აღნიშნა, რომ ქეთა შეუდარებელია.

ტაბლოიდებმა ცოტა ხნის წინ ისიც ივარაუდეს, რომ მომღერალმა უკვე იმშობიარა, რასაც თოფურია სოციალურ ქსელში ვიდეოთი გამოეხმაურა და აღნიშნა, რომ ეს ყველაფერი სიმართლეს არ შეესაბამება. თუმცა მისი ორსულობაზე საუბარი არ წყდება.

View this post on Instagram

Me & Mini 💕 @_ketione_ 💜

A post shared by Keti Topuria (@keti_one_official) on

სანამ პანდემია დაიწყებოდა, ცნობილმა მომღერალმა სტილის შეცვლა დაიწყო. შესამჩნევი ცვლილებები გამოხმაურების გარეშე არ დარჩა. არტისტის გარდერობში მომრავლდა Oversize კაბები და მაისურები, რამაც თაყვანისმცემლებს ეჭვი გაუჩინა. ტაბლოიდები მის ფეხმძიმობაზე აქტიურად წერენ, თაყვანისმცემლები კი ერთხმად აღნიშნავენ, რომ ქეთას მალე ვაჟი ეყოლება. ბოლოდროინდელ ფოტოებსა თუ ვიდეოებზე მომღერლის წამოზრდილი მუცელი ადვილად შესამჩნევია.

View this post on Instagram

💋

A post shared by Keti Topuria (@keti_one_official) on

ქეთა თოფურიას ახალი რჩეული დიპლომატი ლევ დენგოვია. ქეთამ რუსულ გადაცემაში თქვა, რომ ახლანდელი რჩეული მინსკში გაიცნო. თოფურია რამდენიმე თვეა რჩეულ მამაკაცთან ერთად ცხოვრობს, მოგზაურობს და უბრალოდ ცხოვრებით ტკბება. მისი სოციალური ქსელის „სთორები“ ერთობლივი ფოტო-ვიდეოებით არის მოცული. უსიმპათიურესი ბიზნესმენი ქალბატონებში დიდ აჟიოტაჟს იწვევს.

52670
თემები:
სელებრითების ცხოვრება (2383)
კახი კავსაძე

კახი კავსაძე კორონავირუსის დიაგნოზით საავადმყოფოში გადაიყვანეს

164
(განახლებულია 22:37 28.11.2020)
პირ­ველი სა­უ­ნი­ვერ­სი­ტე­ტო კლი­ნი­კის კლინიკური დირექტორის, ლალი ტურძელაძის განცხადებით, მსახიობის ჯანმრთელობის მდგომარეობა მძიმეა.

თბილისი, 28 ნოემბერი - Sputnik. ცნობილი ქართველი მსახიობი კახი კავსაძე კორონავირუსის დიაგნოზით საავადმყოფოში გადაიყვანეს, ამის შესახებ ქართული მედია იუწყება.

მსახიობის ძმის ინფორმაციით, კორონავირუსი მათი ოჯახის ყველა წევრს დაუდასტურდა და ყველანი თვითიზოლაციაში არიან.

თავად კახი კავსაძე პირ­ველ სა­უ­ნი­ვერ­სი­ტე­ტო კლი­ნი­კა­შია გა­დაყ­ვა­ნი­ლი.

სამედიცინო დაწესებულების კლინიკური დირექტორის, ლალი ტურძელაძის განცხადებით, მსახიობის ჯანმრთელობის მდგომარეობა მძიმეა.

„დიახ, ჩვენთან არის მოთავსებული, მძიმეა მდგომარეობა. მეტს ვერაფერს გეტყვით“, – განაცხადა ლალი ტურძელაძემ.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

 

164
თემები:
COVID-19 საქართველოში
დაკეტილი რესტორნები შარდენის ქუჩაზე

„რესტორატორთა ასოციაციის“ პრეზიდენტი : „ეპიდემიოლოგები საკუთარ კომპეტენციას გაცდნენ...“

105
28 ნოემბერს ქვეყანაში შექმნილი ეპიდვითარების გამო დაწესებული შეზღუდვების მიხედვით, რესტორნები და კვების ობიექტები მთლიანად მიტანის სერვისზე გადავიდნენ

თბილისი, 28 ნოემბერი - Sputnik. შექმნილი ეპიდემიოლოგიური ვითარებიდან გამოსავალი იყო ოქროს შუალედი, რითაც შეიძლებოდა პანდემიის მართვა და ამდენი ადამიანიც არ დარჩენილიყო უმუშევარი. განაცხადა რესტორატორთა ასოციაციის დამფუძნებელმა, შოთა ბურჯანაძემ ჟურნალისტებთან საუბრისას.

ბურჯანაძის აზრით, რეგულაციები, რომელიც საკოორდინაციო საბჭომ სარესტორნო ბიზნესის კუთხით დააწესა, უნდა ყოფილიყო უფრო მეტად დაბალანსებული. სწორედ ეს იქნებოდა ოქროს შუალედი.

„აქ გამოსავალი იყო ოქროს შუალედი, ეს არის ის, რითაც შეგვეძლო გვემართა კოვიდიც და ამდენი ადამიანიც არ დარჩენილიყო უმუშევარი. ეს უფრო რთული გზაა, რადგან მეტი ადამიანური და სახელმწიფოებრივი რესურსი სჭირდება“, - განაცხადა ბურჯანაძემ.

მისი თქმით, ეპიდემიოლოგებმა, რომლებიც ვერ მართავენ სიტუაციას, ყველაზე მარტივი გადაწყვეტილება მიიღეს.

„რეალურად, ეპიდემიოლოგები არ არიან იმ კომპეტენციაში, რომ ორივე მხარე მართონ, ამიტომ თავის ჩარჩოში უნდა ჩაეტიონ. ისინი გადიან ამ ჩარჩოდან და ისეთ მითითებებს იძლევიან, რომლებიც ქვეყანას უდიდეს პრობლემამდე მიიყვანს“, - განაცხადა შოთა ბურჯანაძემ.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

105
თემები:
COVID-19 საქართველოში
საქართელოს კალათბურთის ნაკრები

საქართველოს კალათბურთის ნაკრებმა ფინეთი „ევრობასკეტ-2022“-ის შესარჩევ მატჩში დაამარცხდა

0
ამგვარად, საქართველოს ნაკრებმა Е შესარჩევ ჯგუფში მესამე მოგება და ჯგუფის ერთპიროვნული ლიდერობაც მოიპოვა

თბილისი, 28 ნოემბერი - Sputnik. საქართველოს კალათბურთის ეროვნულმა ნაკრებმა ფინეთს 91:85 ანგარიშით ფინეთს მოუგო ევროპის ჩემპიონატის შესარჩევ მატჩში, რომელიც ფინეთის ქალაქ ესპოოში გაიმართა.

მოგებულთა შორის, როგორც მოსალოდნელი იყო, ყველაზე შედეგიანი აღმოჩნდა თორნიკე შენგელია, რომელმაც პარკეტზე ყოფნის 35 წუთში გუნდს 19 ქულა მოუტანა. კაპიტანის ანგარიშზეა ასევე რვა მოხსნა და ოთხი შედეგიანი გადაცემა.

შენგელიას გარდა ათქულიანი ზღვარი გადალახა საქართველოს ნაკრების კიდევ სამმა მოთამაშემ - ტედ მაკფადენმა (14), ალექსანდრე პევაძემ (11) და გივი ბაქრაძემ (10).

ამგვარად, საქართველოს ნაკრებმა Е შესარჩევ ჯგუფში მესამე მოგება და ჯგუფის ერთპიროვნული ლიდერობაც მოიპოვა. ადრე ილიას ზუროსის აღსაზრდელებმა შვეიცარიას (96:88) და სერბეთს (94:90) მოუგეს.

აღსანიშნავია, რომ საქართველოს ნაკრებისთვის ეს შესარჩევი ციკლი სიმბოლურ ხასიათს ატარებს. საქართველომ კონტინენტურ პირველობაში მონაწილეობის უფლება როგორც „ევრობასკეტ-2022“-ის მასპინძელმა ქვეყანამ ავტომატურად მოიპოვა.

მომდევნო მატჩს ჩვენი გუნდი 30 ნოემბერს შვეიცარიის წინააღმდეგ კვლავ ესპოოში გამართავს.

 

0
თემები:
სპორტის ამბები