ლელა წურწუმია

ლელა წურწუმია ქალაქში უცნაური ტრანსპორტით გამოჩნდა პოზიტიური ვიდეო

30043
(განახლებულია 19:53 27.10.2020)
მომღერალმა პანდემიის პირობებში სხვადასხვა სატრანსპორტო საშუალებით გადაადგილება ისწავლა. მათ შორის არის ე.წ. „სქროლი“. ნახეთ როგორ მოძრაობს მხიარული მომღერალი.

პოპულარული მომღერალი ექსტრემალური სპორტის მიმდევარი აღმოჩნდა. ლელა წურწუმიას მძაფრი ემოციები ხიბლავს და ადრენალინის მოყვარულია. ამჯერად მომღერალი ქალაქში გამოჩენილ გადაადგილების ახალ საშუალებას ეუფლება. ნახეთ უახლესი ვიდეო მომღერლის სოციალური ქსელიდან.

რამდენიმე თვის წინ პოპ-დივას პროდიუსერმა კახა მამულაშვილმა საკუთარი Instagram-ის ოფიციალურ გვერდზე მეუღლის გამაოგნებელი ვიდეო გამოაქვეყნა. ლელა წურწუმია ასეთ ვითარებში არასდროს გამოჩენილა. აღმოჩნდა, რომ შოუბიზნესის ერთ-ერთი ყველაზე პოპულარული შემსრულებელი ექსტრემალური მოტოციკლის მოყვარულია. ლელა წურწუმია „მამულიჩას“ მიერ გადაღებულ ვიდეოზე მოპედს მოხდენილად ატარებდა. როგორც ჩანს, პოპ-დივა რამდენიმე ხნის წინ დაეუფლა გადაადგილების ამ საშუალების ტარებას და ახლა მისთვის ეს სირთულეს აღარ წარმოადგენს.

ელეგანტური, ეშხიანი, განსაკუთრებული ტემბრისა და ხმის მქონე მომღერალი წლებია პოპულარობას არ კარგავს. უშუქობაში დაწერილი სიმღერები დღემდე ჰიტია. მისი შემოქმედება ლელა წურწუმიას ქალიშვილის თანატოლებმაც კი ზეპირად იციან და ყოველ სოლო კონცერტს დიდი ინტერესით ელოდებიან.

View this post on Instagram

#lelatsurtsumia #georgia#tbilisi#ლელაწურწუმია ფოტო @tornike_tsereteli ❤️

A post shared by Lela Tsurtsumia (@lelatsurtsumia_official_page) on

საქართველოში ერთადერთი ქალი შემსრულებელია, რომელმაც სოლო-კარიერის მანძილზე 12 ალბომი გამოუშვა. ბნელი 90-იანების დასაწყისში დაწყებული ბრწყინვალე კარიერა დღემდე წარმატებით მიმდინარეობს.

30043
თემები:
სელებრითების ცხოვრება (2391)
ექიმი პაციენტს ფილტვებს უმოწმებს

ცნობილია ხელისშემშლელი მიზეზი: კორონავირუსის შემდეგ ფილტვები თავისით აღდგება, თუ...

5
(განახლებულია 12:54 01.12.2020)
კორონავირუსისგან განკურნების შემდეგ ფილტვები თავისთავად აღდგება, თუ ადამიანი თვითონ არ შეშლის ხელს ორგანიზმს რეგენერაციის პროცესში

თბილისი, 1 დეკემბერი — Sputnik. ადამიანის ფილტვები კორონავირუსის გადატანის შემდეგ თავისით აღდგება, თუ ადამიანი ხელს არ შეუშლის, განაცხადა რადიო Sputnik-თან ინტერვიუში პულმონოლოგმა ალექსანდრ კარაბინენკომ.

მისი თქმით, კორონავირუსული პნევმონია ტოვებს ისეთ პრობლემებს, რომელთა მოგვარებასაც გარკვეული დრო სჭირდება. ფიბროზული ცვლილებების ვრცელი ზონა განკურნების შემდეგ კვლავ რჩება ავადმყოფის ფილტვებში, ხველა და ქოშინი დიდი ხნის განმავლობაში — შესაძლოა დაახლოებით თვენახევრამდე გაგრძელდეს. თუმცა აღდგენის სრული პროცესი აუცილებლად გაივლის, თუ თავად არ შევუშლით ხელს ამაში.

„ჩვენს ორგანიზმში  რეგენერაციის პროცესი მიმდინარეობს — როდესაც ზოგი უჯრედი კვდება და ახალი იბადება. შედეგად,  ფილტვების სტრუქტურა აღდგება. მაგრამ ზოგ შემთხვევაში ეს სრულად არ ხდება — ეს იმ შემთხვევებში, როცა ადამიანი საკუთარ თავს თავადვე ანადგურებს“, — თქვა პულმონოლოგმა.

მისი თქმით, ფილტვებს გამოჯანმრთელების საშუალებას მწეველები არ აძლევენ. რის გამოც ეს არის არა მარტო მავნე ჩვევა, არამედ ნელი თვითმკვლელობა.

  • „თუ ადამიანი ეწევა, მისი ფილტვები მძიმე პნევმონიისგან ან კორონავირუსისგან არასდროს გამოჯანმრთელდება. მოწევა ამ დაავადებების შემდეგ — მხოლოდ ნელი თვითმკვლელობაა. თუ არ მოწევთ, ფილტვები თავისთავად აღდგება“, — განმარტა ექიმმა.

ამასთან კარაბინენკომ დააზუსტა, რომ ფილტვების აღდგენის პროცესი ინდივიდუალურია და სხვადასხვა ადამიანს სხვადასხვა დრო სჭირდება ამისთვის. სპეციალისტის თქმით, ფილტვების გამოჯანმრთელება საშუალოდ სამი თვიდან ერთ წლამდე გრძელდება. ამავდროულად ბევრია დამოკიდებული ადამიანის იმუნიტეტის მდგომარეობასა და ფიზიკურ ფორმაზე.

5
თემები:
სასარგებლო რჩევები
საპატრულო პოლიციის ეკიპაჟი კომენდანტის საათის დროს

ბრძოლა COVID-19-თან: პოლიციამ მოქმედი რეგულაციების დარღვევის ფაქტები გამოავლინა

8
რთული ეპიდვითარების გამო საქართველოში 28 ნოემბრიდან ახალი რეგულაციები მოქმედებს, რომლის დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს.

თბილისი, 1 დეკემბერი – Sputnik. სამართალდამცველებმა ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 984 ფაქტი გამოავლინეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.

ბრძოლა COVID-19-თან: ერთ დღეში მოქმედი რეგულაციების დარღვევის 1244 ფაქტი გამოვლინდა>>

რთული ეპიდვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

პოლიციამ იზოლაციის ან/და კარანტინის წესის დარღვევის ფაქტზე 79 ფიზიკური პირი დააჯარიმა. დაჯარიმებული არიან ის მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, ბოლო 24 საათის განმავლობაში პირბადის ტარების წესის დარღვევის ფაქტზე 905 ფიზიკური პირი დაჯარიმდა.

შინაგან საქმეთა სამინისტრო კვლავ მოუწოდებს მოქალაქეებს, დაიცვან დაწესებული შეზღუდვები, წინააღმდეგ შემთხვევაში გამოყენებული იქნება კანონით გათვალისწინებული შესაბამისი ზომები.

პირბადის ტარების წესის დარღვევა იწვევს ადმინისტრაციულ პასუხისმგებლობას და ჯარიმას 20 ლარის ოდენობით. იზოლაციისა და კარანტინის წესის დარღვევა კი იწვევს ადმინისტრაციულ პასუხისმგებლობასა და ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. დარღვევის გამეორება სისხლის სამართლებრივ პასუხისმგებლობას ითვალისწინებს.

8
თემები:
COVID-19 საქართველოში