ნინო ლომჯარია

მძევლის დისკრედიტირება დაუშვებელია: სახალხო დამცველმა განცხადება გააკეთა

76
როგორც სახალხო დამცველმა აღნიშნა, ახლა მნიშვნელოვანია მძევლების, სამართალდამცავი ორგანოების თანამშრომლების სიცოცხლე და უსაფრთხოებაა

თბილისი, 21 ოქტომბერი - Sputnik. საქართველოს სახალხო დამცველმა ნინო ლომჯარიამ დაიცვა მძევალი, რომელიც მასმედიას დაუკავშირდა შეიარაღებული დამნაშავის ბრძანებით, რომელმაც დღეს ზუგდიდში „საქართველოს ბანკში“ 17 პირი აიყვანა მძევლად.

ზუგდიდში თავდამსხმელმა კიდევ ერთი მძევალი გაათავისუფლა >>

ომბუდსმენის თქმით, ახლა მისი პოლიტიკურ კუთვნილებაზე საუბრის დრო არაა.

„მძევალი, რომელიც მედია საშუალებებთან კონტაქტზე გამოვიდა, ყველაზე მოწყვლადია ამ ურთულეს სიტუაციაში, რადგან სწორედ მას იყენებს შეიარაღებული პირი საკომუნიკაციოდ, მის მიმართ სხვაზე მეტი "ინტერესი" აქვს. შეიარაღებული პირის ფსიქოპორტრეტი, მისი რეალური მიზნები არავინ იცის, ამიტომ ძალიან სახიფათოა, სხვა რომ არაფერი ვთქვათ, მძევლის დისკრედიტაციის წამოწყებული კამპანია და მის პოლიტიკურ კუთვნილებაზე აქცენტირება“, - დაწერა თავის Facebook -გვერდზე ლომჯარიამ.

როგორც სახალხო დამცველმა აღნიშნა, ახლა ყველაზე მნიშვნელოვანია მძევლების, სამართალდამცველების სიცოცხლე და უსაფრთხოება. მისი აზრით, მოვლენების არასწორ გაშუქებას, არასწორი აქცენტების გაკეთებას მძიმე შედეგები შეიძლება მოჰყვეს.

„ვიყოთ სოლიდარულები უდანაშაულო ადამიანების და მათი ოჯახის წევრების მიმართ, მიუხედავად ჩვენი პოლიტიკური შეხედულებებისა“, - განაცხადა ლომჯარიამ.

ზუგდიდში უკვე ექვს საათზე მეტია, უცნობ შეიარაღებულ პირს „საქართველოს ბანკის“ ფილიალში მძევლები ჰყავს აყვანილი. იგი ხელისუფლებისგან ნახევარ მილიონ დოლარსა და ვერტმფრენს ითხოვს. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრება.

საქართველოს ჟურნალისტური ეთიკის ქარტია მედიასაშუალებებს მიმართავს >>

შსს-ს მონაცემებით, მასთან მოლაპარაკება მიმდინარეობს. ტელეარხ „ფორმულას“ მტკიცებით, შენობაში ოთხი მძევალი რჩება. ეს ინფორმაცია შსს-ს ოფიციალურად არ დაუდასტურებია.

ხელისუფლებამ მასმედიას მიმართა თხოვნით, არ გადასცენ პირდაპირი ეთერით სპეცოპერაციის კადრები და თავშეკავება გამოიჩინონ.

76
თემები:
ზუგდიდში შეიარაღებულმა პირმა მძევლები აიყვანა (61)

თოვლი და ლიპყინული თბილისის გზებზე: მძღოლებს სიფრთხილე მართებთ - ვიდეო

36
თბილისის ქუჩები თოვლით დაიფარა, დაბალი ტემპერატურის გამო კი გზები მოიყინა. იხილეთ Sputnik-საქართველოს ვიდეოში, როგორ გამოიყურებოდა დედაქალაქის ერთ-ერთი ქუჩა ღამით

მძღოლებს ასეთ ამინდში მაქსიმალური სიფრთხილე მართებთ. ლიპყინული და თოვლი გამოცდილი მძღოლებისთვისაც კი საშიშია, საქართველოში კი ზამთრის საბურავებს დიდი ნაწილი არ იყენებს და მთელი წლის განმავლობაში ზაფხულის საბურავებით გადაადგილდება.

ამიტომ ოთხშაბათს საღამოს ქალაქის სხვადასხვა წერტილებში უამრავი ავარია მოხდა. ღამით თბილისში -6 გრადუსი იქნება, ხოლო დღისით 0 - +1, მოსალოდნელია თოვაც. კვირის ბოლოს კი კარგი ამინდია მოსალოდნელი.

 

36
გზის გაწმენდა გუდაური-კობის მონაკვეთზე

ზემო ლარსი დღეს: რუსეთის საზღვრისკენ მიმავალ გზაზე შეზღუდვები მოიხსნა

62
(განახლებულია 23:10 24.02.2021)
საქართველოს საერთაშორისო და შიდასახელმწიფოებრივი მნიშვნელობის გზებზე შეზღუდვები დაბალი ტემპერატურის, თოვისა და ლიპყინულის გამო დაწესდა.

თბილისი, 24 თებერვალი - Sputnik. საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური (ფოსტა)-ლარსის მონაკვეთზე ავტოტრანსპორტის მოძრაობა თავისუფალია, იუწყება საავტომობილო გზების დეპარტამენტი.

კერძოდ, მლეთა-გუდაურის, გუდაური–კობისა და სტეფანწმინდა-ლარსის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში. გუდაური (ფოსტა)-კობის მონაკვეთზე მხოლოდ ზვავდამცავი გვირაბების გავლით. ასევე, მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა გვირაბებში განხორციელდება ცალმხრივად. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.

სტეფანწმინდა-ლარსის მონაკვეთზე  ყველა სახის ავტოტრანსპორტის მოძრაობა ზვავსაშიშროების გამო გუშინ აიკრძალა.

რთული მეტეოროლოგიური პირობების გამო საქართველოს ზოგიერთ გზებზე შეზღუდვები დაწესდა:

კერძოდ, ინტენსიური თოვის და ლიპყინულის გამო, მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია საერთაშორისო მნიშვნელობის ფონიჭალა-მარნეული-გუგუთის (სომხეთის რესპუბლიკის საზღვარი) საავტომობილო გზის 65–98-ე კმ მონაკვეთზე, ხოლო დანარჩენი სახის ავტოტრანსპორტის მოძრაობა თავისუფალია.

გარდა ამისა, გომბორის წრიული-შუა მთის მონასტრის გადასახვევის მონაკვეთზე აკრძალულია ყველა სახის ავტოტრანსპორტის მოძრაობა. გზის აღნიშნულ მონაკვეთზე (ვაზიანი-გომბორი-თელავის საავტომობილო გზის 1-62-ე კმ) აკრძალვები დაბალი ტემპერატურის და ლიპყინულის გამო დაწესდა.

თოვის და ლიპყინულის გამო, თბილისი-ბაკურციხე-ლაგოდეხის ავტომობილო გზის 20-122-ე კმ მონაკვეთზეც აკრძალულია მისაბმელიანი ავტოტრანსპორტის მოძრაობა, დანარჩენი სახის ავტოტრანსპორტის მოძრაობა კი  თავისუფალია. გზის დანარჩენ მონაკვეთებზე ავტოტრანსპორტის მოძრაობა თავისუფალია.

 

 

62