ტესტირება კორონავირუსზე

ლანჩხუთის მუნიციპალიტეტის მერს კორონავირუსი დაუდასტურდა

80
ლანჩხუთის მერი ირწმუნება, რომ უსაფრთხოების ყველა წესებს იცავდა, ხოლო კორონავირუსის პირველი სიმპტომი - სიცხე შაბათს გამოუვლინდა, შესაბამისად იმ დღეს სამსახურში არ ყოფილა

თბილისი, 18 ოქტომბერი – Sputnik. ლანჩხუთის მუნიციპალიტეტის მერს ალექსანდრე სარიშვილს COVID-19 დაუდასტურდა, იუწყება ქართული მერია.

მერის განცხადებით, ეპიდემიოლოგები მის კონტაქტებს სწავლობენ. ალექსანდრე სარიშვილი თავს კარგად გრძნობს და თვითიზოლაციაში იმყოფება.

„ჩემთან მყოფი პირები ჯერჯერობით კლინიკაში გადაყვანილები არ არიან, ისინი ეპიდემიოლოგების რეკომენდაციით თვითიზოლირებულნი არიან. ამ საღამოს, ტესტზე დადებითი პასუხი მომივიდა. თავს ნორმალურად ვგრძნობ და ტემპერატურაც არ მაქვს. სხვა არანაირი სიმპტომი არ მაქვს. გუშინ დილით ადრე, სამსახურში არც ვიყავი წასული, როდესაც სიცხე მქონდა და თავს შეუძლოდ ვგრძნობდი", - ამბობს ლანჩხუთის მერი.

მისივე განმარტებით, სიმპტომების გამოჩენისთანავე მიმართა კლინიკას და კორონავირუსზე ტესტი ჩააბარა. რეკომენდაციების თანახმად კი, პირბადეს და დაცვის სხვა საშუალებებს ყოველთვის იყენებდა.

„პროტოკოლით როგორც გადაწყდება, იმ წესების შესაბამისად ვიმოქმედებთ. მაქსიმალურად დაცული დავდიოდი. კონტაქტებს რაც შეეხება, ზუსტად არ ვიცი ეპიდემიოლოგები ამ დროისათვის რამდენთან მუშაობენ", - განაცხადა ალექსანდრე სარიშვილმა.

დღეს კორონავირუსი ასევე ოპოზიციური პარტია „ლელო საქართველოსთვის“ ლიდერსა და პრემიერ-მინისტრობის კანდიდატს, ბანკირს მამუკა ხაზარაძეს დაუდგინდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1192-ით გაიზარდა და 17477-ს მიაღწია, გარდაიცვალა 8 ადამიანი, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 8060 ადამიანი, გარდაიცვალა – 136, კარანტინის რეჟიმში იმყოფება 6300, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1388 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

80
თემები:
COVID-19 საქართველოში (2225)
საპროტესტო აქცია სვანეთში

მესტიის მუნიცეპალიტეტში არჩევნების ჩაშლის საფრთხე გაჩნდა?

8
(განახლებულია 15:21 28.10.2020)
მესტიაში, ერთი თვის წინ მარნეულში დაკავებული ოთხი პირის გათავისუფლების მოთხოვნით, საპროტესტო აქციას მართავენ

თბილისი, 28 ოქტომბერი - Sputnik. პარტია „ქართული ოცნების” წევრის, თემურ შუბითიძის ცემის ბრალდებით დააკავებული ოთხი პირის გათავისუფლებას ითხოვენ დილიდან მესტიაში, სადაც ზუგდიდი-მესტიის ცენტრალური გზა ასამდე ადამიანმა გადაკეტა, იტყობინება Sputnik-საქართველოს კორესპონდენტი შემთხვევის ადგილიდან.

საპროტესტო აქცის მონაწილეები შერჩევით სამართალზე საუბრობენ და ამბობენ, რომ იმ შემთხვევაში თუ დაკავებულები სასამართლომ არ გაათავისუფლა, ისინი ყველაფერს გააკეთებენ, რომ მესტიის მუნიციპალიტეტის ოლქებში არჩევნები არ ჩატარდეს.

თემურ შუბითიძესთან დაკავშირებულ ინციდენტში მონაწილეობის ბრალდებით დაკავებულებს შორისაა მსოფლიო ჩენპიონი კრივში ლაშა გურგულიანი.

Акция протеста в Сванети. Протестующие перекрыли дорогу и требуют освободить задержанных
© Sputnik / STRINGER
საპროტესტო აქცია სვანეთში

„ქართული ოცნების” წევრის თემურ შუბითიძის ცემის ბრალდებით, შინაგან საქმეთა სამინისტრომ თბილისში 4 პირი 30 სექტემბერს დააკავა. შსს-ს ცნობით, სამივე მათგანი წარსულში სხვადასხვა დანაშაულისთვის არის ნასამართლევი.

„გამოძიებით დადგინდა, რომ პარტია „ქართული ოცნება – დემოკრატიული საქართველოს” წევრი, მარნეულის საკრებულოს თავმჯდომარის მრჩეველი, 1991 წელს დაბადებული თემურ შუბითიძე მიმდინარე წლის 30 სექტემბერს კუთვნილი ავტომობილით ზემო ფონიჭალა-მარნეულის გზატკეცილზე მოძრაობდა, რა დროსაც მის ავტომანქანას უკანა მხრიდან მიზანმიმართულად შეაჯახეს „ოპელის” მარკის ავტომობილი, რომლითაც ბრალდებულები გადაადგილდებოდნენ. მათ თემურ შუბითიძეს ფიზიკური შეურაცხყოფა მიაყენეს და შემთხვევის ადგილიდან მიიმალნენ.
დაშავებული თემურ შუბითიძე გადაყვანილი იქნა საავადმყოფოში, სადაც მას დაუდგინდა სახის ძვლების მრავლობითი ფრაგმენტული მოტეხილობა და ჩაუტარდა გადაუდებელი, სასწრაფო ქირურგიული ოპერაცია”, – წერია შსს-ს მიერ გავრცელებულ განცხადებაში.
სამინისტროს ცნობით, გამოძიება სისხლის სამართლის კოდექსის 117-ე მუხლის მე-5 ნაწილის „ე” ქვეპუნქტით მიმდინარეობს, რაც ჯგუფურად ჩადენილ ჯანმრთელობის განზრახ მძიმე დაზიანებას გულისხმობს. დანაშაული 7-დან 10 წლამდე თავისუფლების აღკვეთას ითვალისწინებს.

 

ნიკა ლატარია

8
ზუგდიდი

ბადრი ესებუას მამა პოლიციაში გამოკითხვაზე დაიბარეს

14
(განახლებულია 14:10 28.10.2020)
ტარიელ ესებუას სჯერა, რომ მისი შვილი მომხდარ ფაქტში უდანაშაულოა და იმედოვნებს, საქმე ობიექტურად იქნება გამოძიებული და სიმართლე გაირკვევა.

თბილისი, 28 ოქტომბერი – Sputnik. ზუგდიდის მუნიციპალიტეტში „საქართველოს ბანკის“ ფილიალზე თავდასხმაში ეჭვმიტანილი ბადრი ესებუას მამა ტარიელ ესებუა სამეგრელო-ზემო სვანეთის სამხარეო პოლიციაში გამოკითხვაზე იმყოფება, იუწყება ტელეკომპანია „რუსთავი 2“. 

„საქართველოს ბანკზე“ თავდამსხმელი ამ დროისთვის იდენტიფიცირებულია. პირი, რომელსაც ბანკის ზუგდიდის ფილიალში მძევლების აყვანა ედება ბრალად, 1988 წელს დაბადებული ბადრი ესებუაა. შსს-ს მიერ გავრცელებული ინფორმაციით, მისი ვინაობის დადგენა თავდასხმის ღამესვე მოხდა.

ტარიელ ესებუას განცხადებით, მისი შვილი მომხდარ ფაქტში უდანაშაულოა და იმედოვნებს, საქმე ობიექტურად იქნება გამოძიებული და სიმართლე გაირკვევა. 

როგორც ეჭვმიტანილის ოჯახის წევრებმა მედიასთან  გუშინ განაცხადეს, ბადრი ესებუა სახლიდან 21 ოქტომბერს, დაახლოებით 12:00 საათზე გავიდა და თბილისში ექიმთან გაემგზავრა. თავდასხმის შემდეგ ბადრი ესებუა სახლში აღარ გამოჩენილა. ტარიელ ესებუას განმარტებით, მისი შვილი სახლში დაბრუნებას დღეს გეგმავს. 

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 43 ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. აღნიშნული მოთხოვნების დაკმაყოფილების შემდეგ მან ყველა მძევალი გაათავისუფლა და მიმალვა მოახერხა. მისი ადგილსამყოფელი ამ დრომდე უცნობია.

26 ოქტომბერს, გვიან ღამით პოლიციამ ზუგდიდის მუნიციპალიტეტის სოფელ გრიგოლიშში ბადრი ესებუას და მისი ნათესავების სახლებში, ასევე მიკროსაფინანსო ორგანიზაციის შენობაში, სადაც ეჭვმიტანილი მუშაობდა, ჩხრეკა განახორციელა, თუმცა უწყება არ აზუსტებს, რაიმე სახის მტკიცებულებები ამოიღეს თუ არა.

შინაგან საქმეთა სამინისტრომ ბანკზე თავდასხმის ფაქტს ტერორისტული აქტის კვალიციკაცია მისცა.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

დამნაშავის ძებნის ღონისძიებები ამ დრომდე მიმდინარეობს.

 

 

14
თემები:
ზუგდიდში შეიარაღებულმა პირმა მძევლები აიყვანა
ირაკლი კობახიძე

ირაკლი კობახიძე: რადიკალური ოპოზიცია შეიარაღებული ამბოხების სცენარს განიხილავს

0
(განახლებულია 14:43 28.10.2020)
კობახიძე „ქართული ოცნების“ აქტივისტებსა და მხარდამჭერებს მოუწოდებს, რომ არ აჰყვნენ რადიკალური ოპოზიციის პროვოკაციებს და ამით ხელი არ შეუწყონ მათი დესტრუქციული მიზნების მიღწევას

თბილისი, 28 ოქტომბერი - Sputnik. „ნაციონალურ მოძრაობას“, გარდა ოფიციალური საარჩევნო შტაბისა, გახსნილი აქვს ე.წ. რევოლუციური შტაბი, რომელსაც ყოფილი პრემიერი ვანო მერაბიშვილი ხელმძღვანელობს. ამის შესახებ „ქართული ოცნების“ ცენტრალურ ოფისში გამართულ ბრიფინგზე პარტიის აღმასრულებელმა მდივანმა ირაკლი კობახიძემ ჟურნალისტებთან საუბრისას განაცხადა.

ეს უნდა ნახოთ! ყველაზე უჩვეულო წინასაარჩევნო რგოლები საქართველოში>>

კობახიძის თქმით, ამ შტაბის ამოცანაა მოქალაქეთა პროვოცირება და პოლიტიკური პროცესების რევოლუციური სცენარით განვითარება. ამ თვალსაზრისით ისინი განსაკუთრებულ აქცენტს აკეთებენ რამდენიმე რაიონზე. ესენია მარნეული, ბოლნისი, დმანისი, ბათუმი, ზუგდიდი,  თბილისში კი – გლდანის რაიონი.

„აშკარაა, რომ რადიკალურ ოპოზიციას არჩევნებში წარმატების ყოველგვარი იმედი აქვს დაკარგული და აქვს ერთადერთი საზრუნავი, რომ კარს მომდგარ არჩევნებს მაქსიმალურად ჩრდილი მიაყენონ“, - განაცხადა ირაკლი კობახიძემ.

მმართველი პარტიის აღმასრულებელმა მდივანმა ასევე ოპოზიციის სადამკვირვებლო ორგანიზაციებზე ისაუბრა და მათ ყალბი ორგანიზაციები უწოდა. მისი თქმით, ასეთი მცდელობები წარუმატებლობისთვისაა განწირული.

ირაკლი კობახიძემ კონკრეტულად „აიპიემისთვის“ (IPM) ოპოზიციის მხრიდან დაკვეთილ კვლევაზე ისაუბრა.

მისი თქმით, ყოველგვარი ჩარჩოებიდან გასვლად უნდა შეფასდეს რადიკალური ოპოზიციის მიერ მათთან მჭიდროდ დაკავშირებული კომპანიისთვის - „აიპიემისთვის” დაკვეთილი კვლევა, რომლის ანკეტაშიც ჩაწერეს კითხვა - პროტესტის რა ფორმა იქნება თქვენთვის მისაღები იმ შემთხვევაში, თუ არჩევნების შედეგებმა არ დაგაკმაყოფილათ.

„და ამ კითხვის პასუხებში მოქალაქეებს სახელმწიფო დაწესებულებების ბლოკირებისა და შიმშილობის კვალდაკვალ, ასარჩევად შესთავაზეს გამაოგნებული პასუხები - სახელმწიფო შენობების დაკავება და მოთხოვნის დაკმაყოფილების მიზნით ფიზიკური ან შეიარაღებული ძალის გამოყენება!“ - განაცხადა კობახიძემ.

მისი თქმით, საზოგადოებამ უკვე იცის, რომ ოპოზიცია კვლევებს არა საზოგადოების განწყობის შესასწავლად, არამედ მათზე ზემოქმედების ინსტრუმენტად იყენებს. კობახიძე ოპოზიციის ამ ქცევას დექსტრუქციულს უწოდებს.

კობახიძე კიდევ ერთხელ მოუწოდებს მმართველი გუნდის აქტივისტებსა და მხარდამჭერებს, არ აჰყვნენ რადიკალური ოპოზიციის პროვოკაციებს და ამით ხელი არ შეუწყონ მათი დესტრუქციული მიზნების მიღწევას.

„გვინდა განვაცხადოთ, რომ საარჩევნო პროცესში არეულობის შეტანის ნებისმიერი მცდელობა უმკაცრესად დაისჯება. აქ არის სახელმწიფო, აქ არის ხელისუფლება და არავის, მით უმეტეს კრიმინალურ ოპოზიციას არ ექნება რაიმე დესტრუქციული ქმედების მკაცრი სასჯელის გარეშე განხორციელების შესაძლებლობა“, – განაცხადა კობახიძემ.

მან პირობა დადო ქვეყნის მოქალაქეებისა და საერთაშორისო პარტნიორების წინაშე, რომ „ქართული ოცნება“ ყველაფერს გააკეთებს არჩევნების უმაღლესი დემოკრატიული სტანდარტით ჩასატარებლად.

Survation-ის გამოკითხვა: მოქალაქეების 71% საპარლამენტო არჩევნებში მონაწილეობას მიიღებს>>

საქართველოში საპარლამენტო არჩევნები 31 ოქტომბერს ტარდება, რომელშიც 48 პარტია და ორი ბლოკი მონაწილეობს. ქვეყნის მოსახლეობა 150 დეპუტატს აირჩევს – 120-ს პროპორციული სისტემით, 30-ს კი მაჟორიტარული წესით.

0
თემები:
საქართველოს საპარლამენტო არჩევნები 2020