მამუკა ხაზარაძე

მამუკა ხაზარაძეს კორონავირუსი დაუდასტურდა

135
(განახლებულია 15:39 18.10.2020)
მამუკა ხაზარაძე 48 საათში კიდევ ერთ ტესტს გაიკეთებს. ამ დროისათვის ის თვითიზოლაციაში გადავიდა და თავს კარგად გრძნობს

თბილისი, 18 ოქტომბერი – Sputnik. ოპოზიციური პარტიის „ლელო საქართველოსთვის“ ლიდერსა და პრემიერ-მინისტრობის კანდიდატს, ბანკირ მამუკა ხაზარაძეს კორონავირუსი დაუდასტურდა, ინფორმაციას მამუკა ხაზარაძე საკუთარ Facebook-გვერდზე ავრცელებს.

ხაზარაძის განცხადებით, 48 საათში კიდევ ერთ ანალიზს გაიკეთებს, რათა შედეგის სიზუსტეში 100 პროცენტით დარწმუნდნენ.

„ჩემს თანამებრძოლებს, ლელოელ თანაგუნდელებს და ქართულ საზოგადოებას მინდა მოგაწოდოთ ინფორმაცია, რომ გუშინ საღამოს ჩავიტარე PCR (პჯრ) ტესტი, ვინაიდან მქონდა დაბალი სიცხე. ტესტმა covid19-ზე დადებითი პასუხი აჩვენა. საერთაშორისო სტანდარტების და რეგულაციების შესაბამისად, დღეიდან გადასული ვარ თვითიზოლაციაში. ეს პირველი ტესტი იყო, 48 საათში გავიკეთებ კიდევ ერთ ანალიზს, იმისთვის, რომ 100%-ით დავრწმუნდეთ. ამ მომენტისთვის სიცხე აღარ მაქვს, თავს ვგრძნობ კარგად და ვარ საბრძოლო შემართებით“, - წერს ხაზარაძე.

პოლიტიკოსმა „ქართული ოცნების“ მთავრობის ნაბიჯებს არაკომპეტენტური, არაპროფესიონალური და უპასუხისმგებლო უწოდა. რამაც, ხაზარაძის თქმით, მოქალაქეთა ჯანმრთელობა საფრთხის ქვეშ დააყენა და კორონავირუსის აფეთქება გამოიწვია.

„თუმცა, მინდა ყველას მოგიწოდოთ, ნუ შეშინდებით! ნუ აყვებით პანიკას! covid19-თან გამკლავება და მისი დამარცხება მარტივადაა შესაძლებელი. წინ უმნიშვნელოვანესი ორი კვირა გვაქვს, ეს ბრძოლა ჩვენი მოსაგებია, ამ ბრძოლაში უკან დახევა და დანებება წარმოუდგენელია. 31 ოქტომბერს ჩვენ ერთად დავამარცხებთ კოვიდ ინფექციასაც და ოცნების ხელისუფლებასაც“, - აცხადებს მამუკა ხაზარაძე.

სამშაბათს, 13 ოქტომბერს ოპოზიცუურმა პარტია „ლელო საქართველოსთვის“ მამუკა ხაზარაძე პრემიერ-მინისტრობის კანდიდატად დაასახელა, ასევე გამოცხადდა იმ პირთა ვინაობა, ვინც „მარშალის გეგმის“ თანახმად, ახალ მთავრობაში შევა.

მთელი ამ დროის განმავლობაში ხაზარაძე თანამოაზრეებთან ერთად აქტიური წინასაარჩევნო კამპანიით იყო დაკავებული.

135
თემები:
COVID-19 საქართველოში (2228)

საგანგებო სიტუაციების მართვის ცენტრში დეზინფექცია ჩატარდა - ვიდეო

131
საქართველოს შინაგან საქმეთა სამინისტროს საგანგებო სიტუაციების ოპერატიულ ცენტრში კორონავირუსის გავრცელების საფრთხესთან დაკავშირებით დეზინფექცია ჩატარდა. როგორ მიმდინარეობდა პროცედურა - იხილეთ ვიდეოში

ბოლო დღე-ღამეში კორონავირუსით დაინფიცირების შემთხვევებმა 1 731-მდე იმატა. გარდაიცვალა 15 პაციენტი.

ოფიციალური ვებგვერდის StopCov მონაცემებით, პანდემიის დაწყებიდან ქვეყანაში დღემდე 33 858 შემთხვევა გამოვლინდა.

ამასთან, ბოლო 24 საათის განმავლობაში კოვიდ-კლინიკები დატოვა 2 197-მა პაციენტმა, პანდემიის დაწყებიდან განიკურნა 14 829 პაციენტი, გარდაიცვალა 253.

131
არჩევნებზე - როგორც ომში!

არჩევნებზე როგორც ომში!

52
(განახლებულია 21:11 28.10.2020)
შაბათს საპარლამენტო არჩევნები კორონავირუსის პანდემიის ფონზე ჩატარდება. COVID-19-ის გავრცელების საფრთხესთან დაკავშირებით საარჩევნო უბნებზე უსაფრთხოების შესაბამის ზომებს მიიღებენ.
არჩევნებზე - როგორც ომში!

არჩევნებზე ამომრჩევლები აუცილებლად უნდა მივიდნენ პირბადით. საარჩევნო ადმინისტრაციის წევრები და დამკვირვებლები ასევე გამოიყენებენ პირბადეებს.

52
ვალუტის გადამცვლელი პუნქტი

ლარის კურსი 29 ოქტომბერს

0
(განახლებულია 09:04 29.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0103 ლარით გაუფასურდა.

თბილისი, 29 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2345 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0103 ლარით გაუფასურდა.

ლარის კურსი 29 ოქტომბერს
0
თემები:
ლარის კურსი დღეს