ახალი სისხლი

სხვების გადასარჩენად: ყოფილმა კოვიდინფიცირებულმა პოლიტიკოსებმა პლაზმა ჩააბარეს

314
მიმდინარე წლის მარტში ამერიკაში სამედიცინო დაწესებულებებს ნება დართეს, კორონავირუსის მკურნალობაში უკვე გამოჯანმრთელებული ადამიანის პლაზმა დაავადებული ადამიანების სამკურნალოდ გამოეყენებინათ

თბილისი, 17 ოქტომბერი - Sputnik. პარტია „ჩვენი საქართველო-სოლიდარობის ალიანსის" ლიდერებმა, რომლებმაც კორონავირუსი დაამარცხეს, სხვების დასახმარებლად სისხლის პლაზმა ჩააბარეს.

ლევან გოგიჩაიშვილი, ჯაბა ჯიშკარიანი და გედევან ფოფხაძე პლაზმის ჩაბარების აქციას კლინიკა „ჰემოპლაზმაში" შეუერთდნენ. ისინი კორონავირუსისგან რამდენიმე კვირის წინ გამოჯანმრთელდნენ.

„ეს ნამდვილად იქნება სასარგებლო იმ პაციენტებისთვის, ვინც დღეს მკურნალობენ. ჩვენ ისეთი დრო გვიდგას, რომ ერთმანეთის მიმართ სოლიდარობა და თანადგომა ყველამ უნდა გამოვიჩინოთ, ვინაიდან ეპიდინფექციონისტები ამაში ხედავენ მკურნალობის ერთ-ერთ ეფექტურ საშუალებას, ალბათ არავინ არ უნდა დაიზაროს", - განაცხადა ფოფხაძემ.

როგორც პარტიის პოლიტიკური საბჭოს წევრმა, ლევან გოგიჩაიშვილმა განაცხადა, დღეს ქვეყანაში ინფექციის მიმართულებით მძიმე მდგომარეობაა და მთავრობამ ადამიანებს გვერდში დგომისკენ უნდა მოუწოდოს.

„დღეს არის მძიმე მდგომარეობა, აჭარაში ფაქტობრივად, სიტუაცია ჩავარდნილია. თითქმის აღარ არსებობს თავისუფალი საწოლები. თბილისში სამწუხაროდ, იზრდება პროცესი. რიცხვი იზრდება, სხვადასხვა რაიონში იზრდება, ხელისუფლება დუმს, არაფერს არ გვეუბნება, გვითხრან სიმართლე, რომ ჩვენ, საზოგადოების წევრებიც, მათ ამოვუდგეთ გვერდში", - განაცხადა ლევან გოგიჩაიშვილმა.

ჯაბა ჯიშკარიანის თქმით, პლაზმის ჩაბარების პროცედურა ადამიანის ჯანმრთელობისთვის სრულიად უსაფრთხოა.

„აგვიღეს 1,5 ლიტრა სისხლი, აქედან დამზადდა 700 გრამამდე პლაზმა, ხოლო გაფილტრული პლაზმაგამოცლილი სისხლი უკან დაგვიბრუნდა. შესაბამისად ეს არის სრულიად უსაფრთხო პროცედურა ადამიანის ჯანმრთელობისთვუს და ყველა ადამიანმა, რომელმაც კორონავირუსი დაამარცხა, პლაზმის ჩაბარების აქციას უნდა შეუერთდეს. რა საკვირველია, სისხლის ჩაბარების დროს გათვალისწინებული იქნება ადამიანის ჯანმრთელობის ზოგადო მდგომარეობა“, - განაცხადა ჯიშკარიანმა.

რამდენიმე დღის წინ ინფექციური საავადმყოფოს დირექტორმა, თენგიზ ცერცვაძემ კორონავირუსით გამოჯანმრთელებულ ადამიანებს სისხლის პლაზმის ჩაბარებისკენ მოუწოდა. მისი განმარტებით, ეს ინოვაციური მეთოდია და პლაზმით მკურნალობა  კორონავირუსის წინააღმდეგ ერთ-ერთ ყველაზე ეფექტურ საშუალებად ითვლება. ცერცვაძის განცხადებით, ექვსი მძიმე პაციენტის შემთხვევაში მკურნალობის აღნიშნული მეთოდი იყო გამოყენებული და ყველა შემთხვევა გამოჯანმრთელებით დასრულდა. თუმცა, როგორც ცერცვაძემ აღნიშნა, პლაზმის გადატანა პანაცეა არაა და, შესაძლოა, რიგ შემთხვევებში ეფექტური არც იყოს.

ინფიცირებულებისთვის პლაზმის გადაცემის სურვილი 15-მდე გამოჯანმრთელებულმა უკვე გამოთქვა. იმისთვის, რომ ეს ადამიანები დონორები გახდნენ, მათ სისხლს B და C ჰეპატიტსა და შიდსზე შეამოწმებენ. ასევე დონორობაზე უარს ეტყვიან მათ, ვისაც აქვს ქრონიკული და ონკოლოგიური დაავადებები, შაქრიანი დიაბეტი.

კორონავირუსისგან განკურნებულის სისხლიდან პლაზმის აღება გამოჯანმრთელებიდან 3 კვირის შემდეგ შეიძლება. ამ დროს უკვე საკმარისი რაოდენობის ანტისხეულებია გამომუშავებული, რომელიც ინფიცირებული პაციენტის სხეულში მოხვედრის შემთხვევაში, მას ვირუსის დამარცხებაში დაეხმარება. დონორად მხოლოდ 65 წლამდე ჯანმრთელი პირი განიხილება და მისგან მხოლოდ 800 გრამამდე პლაზმის აღება შეიძლება.

ამ დროისთვის საქართველოში გამოჯანმრთელებულთა რიცხვმა 7827-ს მიაღწია, გარდაიცვალა – 128 პაციენტი.

2020 წლის 24 მარტს ამერიკის შეერთებული შტატების სურსათის და მედიკამენტების ადმინისტრაციამ სამედიცინო დაწესებულებებს დართო ნება, რომ ამერიკაში კორონავირუსის მკურნალობაში უკვე გამოჯანმრთელებული ადამიანის პლაზმა კრიტიკულ მდგომარეობაში მყოფი დაავადებული ადამიანების სამკურნალოდ გამოიყენონ.

გამოჯანმრთელებული ადამიანის პლაზმური მკურნალობა საუკუნეების წინ დაიწყო. მას ჯერ კიდევ 1918 წლის გრიპის პანდემიის დროს იყენებდნენ, თანამედროვე ვაქცინებისა და ანტივირუსული პრეპარატების მიღებამდე. ასევე სწორედ ეს მეთოდი გამოიყენებოდა ისეთ ინფექციურ დაავადებებთან სამკურნალოდ როგორებიცაა ებოლა, SARS, MERS, H1N1 და ცნობილი ესპანკა.

 

314
თემები:
COVID-19 საქართველოში (2132)
საგარეო საქმეთა სამინისტრო

არჩევნები 2020: საზღვარგარეთ საარჩევნო უბნების ელექტრონული რეესტრი შეიქმნა

87
იმისათვის, რომ არჩევნებში მიიღოს მონაწილეობა, აუცილებელია საქართველოს მოქალაქე იმყოფებოდეს საკონსულო აღრიცხვაზე.

თბილისი, 20 ოქტომბერი - Sputnik. საქართველოს საგარეო საქმეთა სამინისტროს საკონსულო დეპარტამენტმა საზღვარგარეთ საარჩევნო უბნების ელექტრონული რეესტრი შექმნა, ნათქვამია უწყების მიერ გავრცელებულ განცხადებაში.

სამინისტროს ცნობით, ელექტრონული რეესტრის მეშვეობით საზღვარგარეთ მყოფ საქართველოს მოქალაქეებს საშუალება აქვთ, მოიძიონ საზღვარგარეთ გახსნილი საარჩევნო უბანი, სადაც შეძლებენ 2020 წლის 31 ოქტომბრის საპარლამენტო არჩევნებში ხმის მიცემას.

„არჩევნებში მონაწილეობის მისაღებად აუცილებელია საქართველოს მოქალაქე იმყოფებოდეს საკონსულო აღრიცხვაზე.
საკონსულო აღრიცხვაზე შეიძლება დადგეს მხოლოდ საზღვარგარეთ მყოფი საქართველოს მოქალაქე, არაუგვიანეს მიმდინარე წლის 10 ოქტომბრისა. საკონსულო აღრიცხვაზე დადგომა უფასოა და სამი გზით არის შესაძლებელი“, - ნათქვამია უწყების განცხადებაში.

საზღვარგარეთ საარჩევნო უბნების ელექტრონული რეესტრი განთავსებულია საგარეო საქმეთა სამინისტროს საკონსულო დეპარტამენტის ელექტრონულ მისამართზე.

2020 წლის საპარლამენტო არჩევნებისთვის მსოფლიოს 38 ქვეყანაში 57 უბანი გაიხსნება. ყველაზე მეტი – ხუთი უბანი გაიხსნება საბერძნეთში, აშშ–ში – ოთხი, უკრაინაში, აზერბაიჯანში, გერმანიასა და თურქეთში – სამ–სამი.

საქართველოში საპარლამენტო არჩევნები 31 ოქტომბერს ჩატარდება. მასში მონაწილეობას მიიღებს 50 პარტია და ორი ბლოკი. მოსახლეობა აირჩევს 150 დეპუტატს – 120–ს პროპორციული და 30–ს – მაჟორიტარული სისტემით. საზღვარგარეთ მყოფი საქართველოს მოქალაქეები მხოლოდ პროპორციული სისტემით შეძლებენ ხმის მიცემას.

 

87
თემები:
საქართველოს საპარლამენტო არჩევნები 2020
მედიკოსი

სასტუმრო Holiday Inn თბილისში კოვიდ-სასტუმროდ გადაკეთდა

58
სასტუმრო შეასრულებს მიკროსაავადმყოფოს ფუნქციას იმ ინფიცირებული პაციენტებისათვის, რომლებსაც დაავადება მსუბუქი ფორმით აქვთ

თბილისი, 20 ოქტომბერი – Sputnik. თბილისის სასტუმრო Holiday Inn კორონავირუსით ინფიცირებულ პაციენტებს მიიღებს, განუცხადა ჟურნალისტებს „აჭარა ჯგუფის" დირექტორთა საბჭოს წევრმა ნინო ზამბახიძემ.

ზამბახიძემ ეს განცხადება გააკეთა შეხვედრის შემდეგ, რომელიც პრემიერ-მინისტრმა გიორგი გახარიამ კერძო სექტორის წარმომადგენლებთან გამართა.

„ეს ჩვენის მხრივ, როგორც ბიზნესისთვის ძალიან კარგია და ამავდროულად კომფორტულ ზონას უქმნის ადამიანებს, რომელთაც უსიმპტომოდ ან სუსტად აქვთ ეს დაავადება გამოვლენილი და არ შეუძლიათ თვითიზოლაციაში წასვლა, მათ საშუალება აქვთ, კომფორტულ გარემოში გადაიტანონ ეს დაავადება“, - განაცხადა ზამბახიძემ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1194-ით გაიზარდა და 19857-ს მიაღწია, გარდაიცვალა 15 ადამიანი, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 8666 ადამიანი, გარდაიცვალა – 158, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო

58
თემები:
COVID-19 საქართველოში (2132)
გიორგი გამთენაძის და გიორგი ყვავაძის მიერ მოხატული ტყიბულის წმინდა გიორგის სახელობის ეკლესია

საეკლესიო კალენდარი: 21 ოქტომბერი

0
(განახლებულია 02:22 21.10.2020)
საქართველოს მართლმადიდებელი ეკლესია 21 ოქტომბერს ღირსი პელაგიას, ღირსი ტაისიას და წმიდა მოწამე პელაგია ქალწულის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

ღირსი პელაგია

ღირსი პელაგია ედესელმა ეპისკოპოსმა ნონემ მოაქცია ქრისტიანობაზე. ნათლისღებამდე იგი პალესტინის ანტიოქიის მოცეკვავეებს ხელმძღვანელობდა, ძალიან მდიდარი იყო და თავაშვებულად ცხოვრობდა.
ერთხელ მდიდრულად ჩაცმულმა პელაგიამ ჭაბუკებისა და ყმაწვილქალების გუნდთან ერთად ჩაიარა ტაძრის წინ, რომლის კარებთანაც მღვდელმთავარი ნონე იჯდა და ხალხს მოძღვრავდა. მორწმუნეებმა თვალი აარიდეს ქალაქში ცნობილ მეძავს, ნონე კი დიდხანს გასცქეროდა მას. წმიდანმა შემოკრებილებს მიანიშნა იმაზე, თუ როგორ გულმოდგინედ ზრუნავდა ეს ქალი საკუთარ გარეგნობაზე და სხეულის მორთვა-მოკაზმვაზე, თან მწუხარედ დაამატა, ჩვენ, ქრისტიანები ნაკლებად ვესწრაფვით ჩვენი სულების სინანულის ცრემლებით განბანას და სათნოებებით შემკობასო.

ნონემ შეიცნო პელაგიას სულის სიმაღლე და შემდგომ თავის სენაკში დიდხანს ლოცულობდა წარწყმედისაგან მის დასახსნელად.

მეორე დღეს, როცა მღვდელმთავარი ამბიონიდან საშინელ სამსჯავროსა და ცოდვილთა და მართალთა სულების საუკუნო მისაგებელზე ქადაგებდა, ტაძარში პელაგია შევიდა. ნონეს სიტყვებმა ნეტარი ღვთის შიშით აღავსო, გულშემუსვრილი და აცრემლებული მიეახლა მას და ნათლისღება სთხოვა. მონანულის გულწრფელობაში დარწმუნებულმა ეპისკოპოსმა მონათლა პელაგია და თან იმ საცთურებისა და ბრძოლების შესახებაც ესაუბრა რომელიც წინ ელოდება სიწმინდისაკენ მიმავალ ყოველ ადამიანს.

ღამით დემონი წარსდგა პელაგიას წინაშე და ცდილობდა, იგი უწინდელი ცხოვრებისკენ მიბრუნებაზე დაეყოლიებინა, მაგრამ წმიდანმა ილოცა, პირჯვარი გადაისახა და ეშმაკიც გაქრა. ნეტარმა დედამ მთელი თავისი ქონება შეკრიბა და მღვდელმთავარს მიუტანა, ამ უკანასკნელმა კი ურჩია, საუნჯე გლახაკებისთვის დაერიგებინა: „გონივრულად დაიხარჯოს ავად მოხვეჭილი“. ამის შემდეგ პელაგიამ იერუსალიმს მიაშურა და ელეონის მთაზე დამკვიდრდა. აქ წმიდანი დაყუდებით მოღვაწეობდა ბერი პელაგიუსის სახელით და მშვიდობით მიიცვალა დაახლოებით 457 წელს.

ღირსი ტაისია

ღირსი ტაისია მეძავის შვილი იყო და თვითონაც სიყმაწვილიდანვე ჩაეფლო გარყვნილებაში. საოცრად მომხიბლავი გარეგნობის წყალობით იგი მრავალს აცდუნებდა. ამ დროს ეგვიპტეში, ჰერაკლიის მონასტერში ცხოვრობდა ბერი პაფნუტი, რომელიც ბევრ შეცდომილს აყენებდა ცხონების გზაზე. როცა მან ტაისიას შესახებ შეიტყო, საერო ტანსაცმელი შეიმოსა, მივიდა მეძავთან და სთხოვა, ისეთ განკრძალულ ადგილას დაენიშნა მისთვის შეხვედრა, სადაც ვერც კაცი ნახავდა მათ და ვერც ღმერთი. ტაისიამ, რომლის სულში ჯერაც არ მინავლებულიყო ფიქრები უფალზე, ღიმილით უპასუხა, ეს შეუძლებელია, რადგან ღმერთი ყველგან არის და ყველაფერს ხედავსო. მაშინ ღირსმა მამამ გააცხადა თავისი ვინაობა, უფლის რჩეულს ცხადად წარმოუდგინა მისი ცოდვების სიმძიმე და ის აუტანელი სატანჯველები, რომელიც საუკუნო ცხოვრებაში მოელოდა მის მიერ ცდუნებული და წარწყმედილი ყოველი ადამიანის სულის სანაცვლოდ. ბერის სიტყვებმა შეძრა ცოდვილი ქალის სული, მის გულს კი ზეციური ნათელი მოეფინა. მან თავი მოუყარა მთელ თავის სიმდიდრეს, ქალაქის მოედანზე დაახვავა და საკუთარი ხელით დაწვა ნიშნად იმისა, რომ საჯაროდ აღიარებდა თავისი უწინდელი ცხოვრების სისაძაგლეს და ეს საუნჯე, როგორც გარყვნილების გზით მოგებული, გლახაკთათვის დარიგების ღირსადაც არ მიაჩნდა.

ღირსმა პაფნუტიმ წმიდანი დედათა მონასტერში მიიყვანა, სადაც იგი ვიწრო სენაკში დასახლდა და ყოველდღიურად მცირე სარკმლიდან აწვდიდნენ პურის ნატეხსა და მცირეოდენ წყალს. სამი წელი დაჰყო აქ ნეტარმა დედამ სრულ მარტოობაში. მკაცრი მარხვით გალეული უფლის რჩეული დაუდუმებლად იმეორებდა მოკლე ლოცვას: „შემოქმედო ჩემო, შემიწყალე მე“! ამასობაში პაფნუტიმ საოცარი სიბრალული იგრძნო მის მიმართ და ღირს ანტონი დიდს (ხს. 17 იანვარს) მიაშურა, რომ შეეტყო, შეუნდო თუ არა უფალმა ტაისიას. წმიდა ანტონიმ შეჰყარა თავისი მოწაფეები და მთელი ღამე მათთან ერთად ლოცვად იდგა. ბოლოს ერთ მათგანს - ღირს პავლეს (ხს. 7 მარტს და 4 ოქტომბერს) სასწაულებრივი ხილვით განეცხადა, რომ ტაისიას ცოდვები აღხოცილი იყო. პაფნუტი ჩავიდა სავანეში, სადაც წმიდა დედა მოსაგრეობდა და მას სენაკის კარები გაუღო. ტაისიამ მდაბლად წარმოთქვა, დაყუდებაში მინდა დავრჩეო, მაგრამ ნეტარმა ბერმა გამოსვლა უბრძანა. წმიდანი დამორჩილდა, თან თქვა: „ღმერთია მოწმე, იმ წუთიდან, როცა სენაკში შევედი, ჩემი ყველა ცოდვა თვალწინ მედგა და ცრემლად ვიღვრებოდი მათი შემყურე“. პაფნუტიმ უპასუხა: „სწორედ ამიტომ, და არა შენი დაყუდების სიმკაცრის გამო შეგიწყალა გულმოწყალე უფალმა“. ამის შემდეგ ტაისიამ მხოლოდ თხუთმეტი დღე იცოცხლა. იგი მშვიდობით შეერთო სასუფეველს დაახლოებით 340 წელს. ღირსი დედა უნდა განვასხვაოთ ნეტარი ტაისიასგან რომლის ხსენებას წმინდა ეკლესია 10 მაისს აღნიშნავს.

წმიდა მოწამე პელაგია ქალწული

წმიდა მოწამე პელაგია ქალწული, დიდებული გვარის ჩამომავალი, ანტიოქიაში ცხოვრობდა და მღვდელმოწამე ლუკიანეს (ხს. 15 ოქტომბერს) მოწაფე იყო. როცა, ქრისტიანთა დევნის დროს, მხედრები წმიდანის შესაპყრობად მივიდნენ, იგი მხოლოდ თხუთმეტი წლისა იყო. ნეტარმა მათ სთხოვა, ცოტა ედროვათ, თავად კი ლოცვად დადგა, უსჯულოთა ხელყოფისაგან დაცვა გამოითხოვა უფლისგან, შემდეგ კი სახლის ერდოდან გადმოეშვა და ადგილზევე განუტევა სული. ეს მოხდა IV საუკუნეში, როგორც ვარაუდობენ, 303 წელს.


მასალა მომზადებულია ღია წყაროებზე დაყრდნობით.

 

 

0