საოგადოებრივი მაუწყებელი

საზოგადოებრივი მაუწყებლის ახალი შენობის მშენებლობის პირველი ეტაპი იწყება

46
(განახლებულია 20:32 16.10.2020)
„პირველი არხის“ მენეჯმენტმა ახალი შენობის იერსახისა და დიზაინის შერჩევა საზოგადოებას შესთავაზა და პირველად ქართულ რეალობაში საპროექტო წინადადება Facebook-ში კენჭისყრით შეირჩა.

თბილისი, 16 ოქტომბერი – Sputnik. საქართველოს საზოგადოებრივი მაუწყებლის ახალი შენობის მშენებლობის პირველი ეტაპის დაწყებასთან დაკავშირებით ხელშეკრულება გაფორმდა, იუწყება „პირველი არხი“.

კოსტავას ქუჩაზე მდებარე საზოგადოებრივი მაუწყებლის ახლანდელი შენობა ავარიულ მდგომარეობაშია. სამეურვეო საბჭომ ჯერ კიდევ 2017 წელს მიმართა ეკონომიკის სამინისტროს, რომელმაც მშენებლობისთვის მიწის ნაკვეთი გამოყო. ხოლო ძველი შენობის თაობაზე გაყიდვის გადაწყვეტილება იქნა მიღებული.

ხელშეკრულებას საქართველოს საზოგადოებრივი მაუწყებლის გენერალურმა დირექტორმა თინათინ ბერძენიშვილმა და შპს „დაგის“ დირექტორმა მიხეილ შარანგიამ მოაწერეს ხელი. პირველი ეტაპი მშენებლობის კონსტრუქციულ და არქიტექტურულ ნაწილს მოიცავს.

ბერძენიშვილის განცხადებით, არხის განახლების პირველი, ძალიან რეალური ეტაპი სწორედ დღეს დაიწყო.

„პირველი არხის არქიტექტურული მშენებლობა არ არის მხოლოდ ტექნიკური ნაწილი, შინაარსობრივ ნაწილსაც მოიცავს და, ზოგადად, ორგანიზაციის განახლების გრძელვადიან გეგმას უკავშირდება. ამიტომ ძალიან ოპტიმისტურად ვართ განწყობილი და იმედი გვაქვს, რომ „პირველი არხის“ განახლების პირველი, ძალიან რეალური ეტაპი სწორედ დღეს დაიწყო“, – განაცხადა თინათინ ბერძენიშვილმა.

მიხეილ შარანგიამ, თავის მხრივ, აღნიშნა, რომ სამუშაოები დროულად და ხარისხიანად ჩატარდება.

„დღეს გავაფორმეთ ისტორიული ხელშეკრულება, კეთდება თაობების საქმე, რომელსაც ახლა ეყრება საფუძველი. გავიმარჯვეთ ტენდერში, რომელიც გამჭვირვალედ ჩატარდა, გამოვლინდა გამარჯვებული – ჩვენი კომპანია, რომელსაც აქვს 15-წლიანი გამოცდილება და, რაც მთავარია, სამუშაოები ხარისხიანად და დროულად ჩატარდება“, – განაცხადა მიხეილ შარანგიამ.

საქართველოს საზოგადოებრივი მაუწყებლის მიერ 2020 წლის ივნისში გამოცხადებულ ტენდერში შპს „დაგმა“ გაიმარჯვა. 

მაუწყებლის ახალი შენობა პოლიტკოვსკაიას N31-ში დაახლოებით ორ ჰექტარ მიწის ნაკვეთზე განთავსდება. მშენებლობის შესაბამისი ნებართვა თბილისის მერიის არქიტექტურის სამსახურმა 2020 წლის მაისში გასცა, ახალი შენობის დიზაინისა და ვიზუალის შერჩევა კი მაუწყებელმა საზოგადოებას შესთავაზა.

პირველად ქართულ რეალობაში შენობის დიზაინი და ვიზუალი ფეისბუქით შეირჩა. ღია კონკურსის გამარჯვებული შპს „თბილქალაქპროექტის“ მიერ წარმოდგენილი საპროექტო წინადადება გახდა. თანამედროვე დიზაინმა 14 227 ხმა და სპეციალური კომისიის უმაღლესი შეფასება მიიღო.

მშენებლობის მეთვალყურეობისთვის „პირველმა არხმა“ ასევე ტენდერის მეშვეობით დაიქირავა საერთაშორისო პროექტების მართვის მრავალწლიანი გამოცდილების მქონე რეგიონში ლიდერი კომპანია „სიემსი“ (СМС), რომელიც აქტიურად იქნება ჩართული პროექტის მართვაში.

46
ზუგდიდის რეფერალური საავადმყოფო

სამეგრელო-ზემო სვანეთის რეგიონში კორონავირუსის 93 შემთხვევა გამოვლინდა

6
(განახლებულია 14:09 25.10.2020)
რეგიონში დადასტურებული შემთვევების უმრავლესობა ზუგდიდში გამოვლინდა, ყველაზე მეტი პაციენტები რუხის კლინიკაში მკურნალობს

თბილისი, 25 ოქტომბერი — Sputnik. სამეგრელო-ზემო სვანეთის რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 276 ნიმუშებიდან 93-ზე დადებითი პასუხია, იუწყება Sputnik-საქართველოს კორესპონდენტი.

სამეგრელო-ზემო სვანეთის სახელმწიფო რწმუნებულის მოვალეობის შემსრულებლის მალხაზ თორიას გამცხადებით, აქედან 59 შემთხვევა დაფიქსირდა ზუგდიდში. 10 შემთხვევა - ფოთში, 7 შემთხვევა - წალენჯიხაში. ასევე 7 შემთხვევა ჩხოროწყუში, 6 შემთხვევა  სენაკში, 3 შემთხვევა დაფიქსირდა ხობში, 1 ოკუპირებული აფხაზეთის ტეროტორიიდან. მათი ნაწილი უკვე დადასტურებული კონტაქტები არიან, ხოლო ნაწილი კი ახალი შემთხვევებია და ისინი ცხელებით შესული პაციენტები არიან.

რუხის კლინიკაში მკურნალობის კურსს გადის 119 კოვიდ პაციენტი, აქედან 15-ის მდგომარეობა შედარებით მძიმეა. ფოთის ჰოსპიტალში 40 კოვიდპაციენტი მკურნალობს.

ბოლო 24 საათის განმავლობაში რეგიონის მასშტაბით გამოჯანმრთელდა 9 პირი, მათ შორის 5 რუხის კლინიკიდან და 4 ფოთის კლინიკაში მკურნალობდა. (3 ზუგდიდი, 3 ოკუპირებული აფხაზეთის ტერიტორიიდან, 1 წალენჯიხა, 1 სამტრედია, 3 ქუთაისი).

რეგიონის მასშტაბით სულ საკარანტინე სივრცეში იმყოფება - 174 ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1928-ით გაიზარდა და საერთო რიცხვმა 28 431-ს მიაღწია, გამოჯანმრთელებულთა რიცხვს 604 ადამიანი შეემატა, გარდაიცვალა 8 ადამიანი.

ამ დროისათვის სულ გამოჯანმრთელდა 10767 ადამიანი, გარდაიცვალა – 201, კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

„დაბურული მინის“ ნიშანი : რა ცვლილებები აღმოაჩნდათ უსიმპტომო პაციენტებს >>

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

6
თემები:
COVID-19 საქართველოში
ბათუმის კლინიკაში

რა თანმხლები დავადებები ჰქონდათ აჭარაში კორონავირუსით გარდაცვლილ პაციენტებს

25
(განახლებულია 13:53 25.10.2020)
ბოლო 24 საათში საქართველოში კორონავირუსით სულ 8 ადამიანი გარდაიცვალა, თუმცა ინფორმაცია გარდაცვლილ პაციენტებზე  ჯერჯერობით მხოლოდ აჭარის ჯანდაცვის სამინისტრომ გაასაჯაროვა.

თბილისი, 25 ოქტომბერი – Sputnik. აჭარაში ბოლო 24 საათში კორონავირუსით გარდაცვალების სამი შემთხვევიდან ორი ბათუმის რესპუბლიკურ საავადმყოფოში, ერთი კი სამედიცინო ცენტრში დაფიქსირდა, იუწყება საქართველოს პირველი არხი.

ტელეკომპანიის ცნობით, გარდაცვლილები არიან 66, 72 და 90 წლის პაციენტები.

აჭარის ჯანდაცვის სამინისტროს ინფორმაციით, 90 წლის ქალი რესპუბლიკურ საავადმყოფოში 12 ოქტომბერს შეიყვანეს და მას კორონავირუსის გარდა, პნევმონია, ქრონიკული გასტრიტი და კონვერსიული აშლილობა უფიქსირდებოდა.

რესპუბლიკური საავადმყოფოში გარდაცვლილ მეორე პაციენტს - 66 წლის ქალს, რომელიც  კლინიკაში 20 ოქტომბერს მოათავსეს,  COVID-19-თან ერთად ასევე ჰქონდა პნევმონია, შაქრიანი დიაბეტი და იყო დიალიზდამოკიდებული.

მესამე პაციენტი კი 72 წლის ქალია, რომელიც  გარდაიცვალა ბათუმის სამედიცინო ცენტრში, კლინიკაში 14 ოქტომბერს, COVID-19-ის, გულის უკმარისობისა და სუნთქვის მწვავე უკმარისობის დიაგნოზით შეიყვანეს. 

ბოლო 24 საათში საქართველოში კორონავირუსით სულ 8 ადამიანი გარდაიცვალა, თუმცა ინფორმაცია გარდაცვლილი პაციენტების შესახებ ჯერჯერობით მხოლოდ აჭარის ჯანდაცვის სამინისტრომ გაასაჯაროვა.

ბოლო 24 საათში აჭარაში კორონავირუსით დაავადებულთა რაოდენობა 551-ით გაიზარდა.  ამ დროისთვის რეგიონში 75 მძიმე პაციენტია, მათგან 25 ხელოვნური სუნთქვის აპარატზეა. ამ დროისთვის ინფიცირებულთა საერთო რაოდენობა 4000-ს აჭარბებს, თვითიზოლაციაშია 12 000-მდე პირი. გასული 24 საათის განმავლობაში გამოჯანმრთელდა 271 კოვიდდადებითი პაციენტი. ჯამში გამოჯანმრთელებულთა რაოდენობა აჭარაში 6 624-ს აღწევს.

აჭარის ჯანდაცვის სამინისტროს ცნობით, კორონავირუსით ინფიცირებული პაციენტების მკურნალობის პროცესში 10 სამედიცინო დაწესებულებაა ჩართული, აქედან ოთხი კლინიკა პაციენტების მიღებას ე.წ. ჰიბრიდული მეთოდით ახორციელებს.

„ანტისხეულები დამიფიქსირდა“ – მომღერალი აცხადებს, რომ კორონა ერთხელ უკვე გადაიტანა >>

პანდემიის დაწყებიდან 25 ოქტომბრის ჩათვლით საქართველოში სულ 28 431 ინფიცირების შემთხვევა გამოვლინდა. პანდემიის დაწყებიდან დღემდე გარდაცვლილთა რიცხვმა საქართველოს მასშტაბით 201-ს მიაღწია. ინფიცირების დღე-ღამური მაჩვენებელი ორი ათასს უახლოვდება. ეპიდემიოლოგების პროგნოზებით, ნოემბერში ახალი შემთხვევების რაოდენობა სამ-ოთხ და ხუთი ათასსაც კი მიაღწევს დღე-ღამეში.

25
თემები:
COVID-19 საქართველოში