ბუბა მირცხულავა

ჩცდ-ის ბაქარი დაქორწინდა ნახეთ ვინ არის მისი რჩეული ფოტოები

10535
(განახლებულია 17:43 16.10.2020)
ბაქარის როლზე როცა დაამტკიცეს, 15 წლის იყო, ახლა 22-ის არის. მსახიობობა სულ უნდოდა, თუმცა პიარ-მენეჯერის პროფესიას ეუფლება...

ჩემი ცოლის დაქალებში” მატებაა – სერიალის მსახიობმა ბუბა მირცხულავამ, იგივე ბაქარ ორჯონიკიძემ იქორწინა.

ბუბას რჩეული უმშვენიერესი გოგონა სოფო ანდღულაძეა. წყვილმა იუსტიციის სახლში მოაწერა ხელი და ფოტოები სოციალურ ქსელში გამოაქვეყნა.

შეგახსენებთ, რომ კორონავირუსის პანდემიის გამო სერიალ “ჩემი ცოლის დაქალების” გადაღებები შეჩერებულია და არავინ იცის როდის განახლდება.

ბაქარის როლზე როცა დაამტკიცეს, 15 წლის იყო, ახლა 22-ის არის. ქალაქში სასწავლებლად ჩამოსული პროვინციელი ბიჭის ცხოვრებაში, რომელმაც თავისი კილოთი და გულუბრყვილობით სერიალის მაყურებელი ეკრანზე გამოჩენისთანავე გაახალისა, ბევრი რამ შეიცვალა. ახლა ბაქარი წარმატებული ბიზნესმენია დიდი გეგმებითა და ბიზნეს-გათვლებით.

მსახიობობა, როგორც ინტერვიუებში ამბობს, სულ უნდოდა, თუმცა ტექნიკურ უნივერსიტეტში პიარის ფაკულტეტზე სწავლობს. „ხასიათითაც „ჩალიჩა“ ტიპი ვარ, აქტიური და ენერგიის დახარჯვა მინდა ხოლმე სულ. ეს პროფესია კი ძალიან ბევრ ენერგიას მოითხოვს. ამიტომაც გადავწყვიტე... ჯერ ვსწავლობ, სამუშაოდ დრო არ მრჩება, ფიზიკურად ვერ გავწვდები“, – ამბობს მსახიობი.

10535
თემები:
სელებრითების ცხოვრება (2232)
ამირან გამყრელიძე

თუ გვაქვს სიმპტომები და არ ვიცით ოჯახის ექიმის ვინაობა - გამყრელიძის რეკომენდაცია

18
თუ მოქალაქემ არ იცის მისი ოჯახის ექომის ვინაობა, ოჯახის ექიმთან მას „112“-ის ოპერატორი გადაამისამართებს. თავის მხრივ ოჯახის ექიმი პაციენტის მართვას იწყებს

თბილისი, 24 ოქტომბერი - Sputnik. კორონავირუსისთვის დამახასიათებელი სიმპტომების - ცხელების, ხველის, სუნთქვის გაძნელების შემთხვევაში მოქალაქე უნდა დაუკავშირდეს საკუთარი ოჯახის ექიმს, ან დარეკოს „112“-ზე, ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, უწყებათაშორისი საბჭოს წევრების სამუშაო შეხვედრის დასრულების შემდეგ ჟურნალისტებს განუცხადა.

„თითოეული ამ სიმპტომის გამოვლენის შემთხვევაში რეკომენდაცია გახლავთ მარტივი – თითოეულმა ჩვენგანმა იცოდეს თავისი ოჯახის ექიმის სახელი, გვარი და ტელეფონის ნომერი. როდესაც ეს სიმპტომი ჩნდება, აუცილებელია ის დარჩეს სახლში, იყოს რაც შეიძლება იზოლირებული, დაურეკოს თავის ოჯახის ექიმს და ექიმი ეტყვის, როგორ მოიქცეს. თუ არ იცის, ვინ არის მისი ოჯახის ექიმი, ის რეკავს „112“-ზე, რომელიც გადაამისამართებს ოჯახის ექიმთან, რომ ექიმის დანიშნულებით ეს ყველაფერი იმართოს“, – განაცხადა ამირან გამყრელიძემ.

ამირან გამყრელიძემ აღნიშნა, რომ საკოორდინაციო საბჭოს სამუშაო შეხვედრაზე მსოფლიოში, რეგიონსა და საქართველოში არსებული ეპიდემიოლოგიური მდგომარეობა განიხილეს.

„ეპიდსიტუაცია გლობალურად დაიძაბა განსაკუთრებით ჩვენს რეგიონში, ევროპაში, სადაც დაახლოებით 200 000 ახალი შემთხვევა ფიქსირდება. მსოფლიომ კი უკვე გადააჭარბა 42 მილიონ ინფიცირებულს, დღეს კი მსოფლიო მასშტაბით დაახლოებით 490 000 შემთხვევა გამოვლინდა, რაც ანტირეკორდია“, - განაცხადა გამყრელიძემ.

მისი თქმით, საქართველოში ცხელ წერტილებად კვლავ სამი რეგიონი რჩება, თბილისი სადაც ახალი შემთხვევების რეკორდული მაჩვენებელი დაფიქსირდა - 1034 ახალი შემთხვევა, აჭარა სადაც 320 შემთხვევა იყო და იმერეთი, სადაც ვირუსი 258 ადამიანს გამოუვლინდა.

ასევე მნიშვნელოვნად იმატებს რიცხვები ქვემო ქართლში, გამყრელიძის მტკიცებით, ეს კვლავ დიდ შეკრებებს უკავშირდება.

„იყო საქორწილო სუფრა ერთ-ერთ სოფელში, სწორედ ამან გამოიწვია ეპიდაფეთქება და შესაბამისად მისი გავრცელება სასწავლო დაწესებულებებში“, - აღნიშნა ამირან გამყრელიძემ.

მან კიდევ ერთხელ მოუწოდა მოქალაქეებს, დაიცვან რეკომენდაციები: ეს არის დისტანციის დაცვა და პირბადის ტარება დახურულ და ღია სივრცეებშიც, სადაც დისტანციის დაცვა ვერ ხერხდება.

„უმორჩილესად გთხოვთ, დავემორჩილოთ რეგულაციებს, რაც დაწესებულია სახელმწიფოს მიერ, რადგან სხვანაირად პანდემია უკან არ იხევს“, - განაცხადა ამირან გამყრელიძემ.

საქართველო ფაქტობრივად უკვე გადავიდა ისეთ რეჟიმში, როდესაც ინფიცირებულთა ყოველი მომდევნო სტატისტიკა რეკორდულია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1 941-ით გაიზარდა და საერთო რიცხვმა 26 503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10 163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

18
თემები:
COVID-19 საქართველოში
კახა მამულაშვილი ნიკოლოზ მამულაშვილი

„მე მგონი დროა ავიყვანოთ“- „მამულიჩას“ და ლელას შვილიშვილი სინთეზატორზე დაკვრას ცდილობს

103
კახა მამულაშვილმა სოციალური ქსელის ოფიციალურ გვერდზე სახალისო ვიდეო გამოაქვეყნა. ლელა წურწუმიას გერს ერთი ვაჟი ჰყავს, რომელსაც მუსიკალური ნიჭი გამოუვლინდა. ნახეთ მხიარული ვიდეო „მამულიჩას“ Instagram- ის გვერდიდან

კახა მამულაშვილს პირველი შვილიშვილი 48 წლის ასაკში შეეძინა. ლელა წურწუმია და მამულიჩა საუკეთესო ბებია და ბაბუა აღმოჩნდნენ. კონცერტების გარდა, მათ ცხოვრების უმეტესი ნაწილი ალექსანდრე ნიკოლოზის ძე მამულაშვილს დაუთმეს. კახა ბაბუა თავისუფალ დროს შვილიშვილს უთმობს და პოზიტიურ ვიდეოს სოციალურ ქსელში აქვეყნებს. როგორც კომენტარებიდან ირკვევა, პატარა ბიჭს ბევრი მაყურებელი ჰყავს. აი, რას წერენ ისინი: „ალეს უფრო ხანგრძლივი ვიდეოები რომ დადოთ არ შეიძლება? ვერ ვძღები მისი ყურებით...“; „ვაიმე, რა სიცოცხლე ხარ!“; „როგორც საინტერესო სერიალის სერიებს, ისე ველოდები ალეს გამოჩენას. უსაოცრესი ბიჭია“.

View this post on Instagram

ალე❤️

A post shared by Kakhi Mamulashvili.Mamulicha (@mamulicha888) on

2 წლის ალექსანდრე სინთეზატორზე დაკვრას მოხერხებულად ცდილობს და რაც ყველაზე მთავარია, ამით მეგობარ ბაბუის ყურადღება მიიქცია. „მე მგონია დროა ავიყვანოთ“, - წერს მამულიჩა Instagram-ზე. ალექსანდრე მამულაშვილი კი, თავის მხრივ სახლში ან ძაღლთან თამაშით, ან მუსიკალური ინსტრუმენტებით ერთობა. როგორც ჩანს, პროდიუსერის ოჯახში მორიგი მუსიკოსი იზრდება.

კახა მამულაშვილს ორი შვილი ჰყავს. პირველი ქორწინებიდან უფროსი ვაჟი და ქალიშვილი ლელა წურწუმიასგან. ქართველი პოპ-დივა და მისი პროდიუსერი მრავალი წელია დაქორწინებული არიან.

View this post on Instagram

A post shared by Kakhi Mamulashvili.Mamulicha (@mamulicha888) on

ალექსანდრე მამულიჩას უფროს ვაჟს ნიკოლოზ მამულაშვილს შეეძინა, რომელიც პროდიუსერს პირველი მეუღლისგან ჰყავს. „09.08.2018 ალექსა¬დრე ნიკოლოზის ძე მამულაშვილი. ამ ქვეყანას პატარა მამულიჩა მოევლინა“, – წერდა კახა მამულაშვილი. ალექსანდრეს მოფერებით ალეს ეძახიან.

103
თემები:
სელებრითების ცხოვრება (2232)
საპატრულო პოლიცია

ყაჩაღური თავდასხმა თეთრწყაროში: დაზარალებულია უცხოელი ბიზნესმენი

0
თავდამსხმელებმა გაკოჭეს ოჯახის წევრები, მოიპარეს ტელეფონები, ნოუთბუქები და 11 ათასი ლარი, ასევე გაიტაცეს ავტომობილი

თბილისი, 24 ოქტომბერი – Sputnik თეთრიწყაროს მუნიციპალიტეტში ახალზელანდიელი ბიზნესმენი და მისი ოჯახი დააყაჩაღეს, განაცხადა წალკის მუნიციპალიტეტის მერის წარმომადგენელმა ზვიად ხაფავამ ტელეარხ TV Formula-ს ეთერში.

მერის წარმომადგენლის მონაცემებით, ყაჩაღები თავს დაესხნენ ბიზნესმენსა და მის მეუღლეს, რომელიც ჩინეთის მოქალაქეა.

„ორი კაცი შევიდა მათთან. შავებში ჩაცმულები იყვნენ, პოლიციის კეპები ეკეთათ და გაეცნენ წალკის პოლიციის წარმომადგენლებად. შემდეგ ამოიღეს იარაღი და მოსთხოვეს ფული. გაკოჭეს ბიზნესმენი, მისი ცოლი და შვილი. ბიზნესმენს წაართვეს მანქანა, ტელეფონები, ნოუთბუქი და 11 000 ლარი. ფიზიკურად არავინ დაშავებულა“, – განაცხადა ხაფავამ.

შსს-ში ყაჩაღური თავდასხმის შესახებ ინფორმაცია დაადასტურეს და განაცხადეს, რომ სისხლის სამართლის საქმე უკვე აღიძრა.

0
თემები:
კრიმინალი საქართველოში