ილია ჭავჭავაძისა და აკაკი წერეთლის ძეგლი თბილისის პირველ გიმნაზიასთან

სკოლებისა და ბაგა-ბაღების პერსონალის ტესტირება მომავალი კვირიდან დაიწყება

64
(განახლებულია 17:31 16.10.2020)
როგორც დაავადებათა კონტროლის ეროვნული ცენტრის ხელმძღვანელმა ამირან გამყრელიძემ აღნიშნა, ტესტირება ტარდება იმისთვის, რათა ცნობილი იყოს მონაცემი, რა მასშტაბითაა სკოლებსა და ბაგა-ბაღებში ვირუსი გავრცელებული.

თბილისი, 16 ოქტომბერი – Sputnik. სკოლებისა და ბაგა-ბაღების პერსონალის, მათ შორის პედაგოგების, ე.წ. რანდომული, შერჩევითი ტესტირება ქვეყნის მასშტაბით მომავალი კვირიდან დაიწყება, ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

ამირან გამყრელიძის განმარტებით, განათლების სამინისტრო და დაავადებათა კონტროლის ეროვნული ცენტრი კვლევის მეთოდოლოგიაზე უკვე შეჯერებულია. კვლევა სკოლებსა და ბაგა-ბაღებში დასაქმებულთა 16%-ს ორ კვირაში ერთხელ ჩაუტარდება.

„დავიწყებთ ორშაბათიდან, ან სამშაბათიდან. თბილისსა და რეგიონებში როგორც კერძო, ასევე საჯარო სკოლებს მოვიცავთ. სკოლები მიემაგრებიან ლაბორატორიებს. მოგეხსენებათ, ქვეყნის მასშტაბით 26 ლაბორატორია აწარმოებს ტესტირებას", – განაცხადა გამყრელიძემ.

როგორც ამირან გამყრელიძემ აღნიშნა, ტესტირება ტარდება იმისთვის, რათა ცნობილი იყოს მონაცემი, რა მასშტაბითაა სკოლებსა და ბაგა-ბაღებში ვირუსის ცირკულაცია.

ამასთან ერთად, თბილისის საბავშვო ბაღებში ყოველ ორ საათში ერთხელ განიავდება ოთახები, აღმზრდელები კი მთელი დღის განმავლობაში ნიღბებით იმუშავებენ. წესების ახალ ჩამონათვალში შეიცვალა საბავშვო ბაღებში სათამაშოების გამოყენების პირობებიც. კერძოდ, დაუშვებელია ისეთი სათამაშოების გამოყენება, რომელთა დეზინფექცია ან გარეცხვა შეუძლებელია.

თბილისის 14 საბავშვო ბაღში კორონავირუსით ინფიცირების შემთხვევები დაფიქსირდა. 14 ინფიცირებულიდან 12 მათგანი თანამშრომელია, ორი კი საბავშვო ბაღის აღსაზრდელი. იმ შემთხვევაში, თუ საბავშვო ბაღში ინფიცირების თუნდაც ერთი შემთხვევა დაფიქსირდება, დაწესებულება იხურება.

ასე დაიხურა №36, №99, №89, №53, №4, №29, №153, №35, №16, №21, №72, №93, №190 საბავშვო ბაღები და ბაღი „ხუთკუნჭულა“.

მიუხედავად ეპიდვითარების გაუარესებისა, საქართველოს მთავრობა არ გეგმავს ქვეყანაში საგანგებო მდგომარეობისა და კარანტინის გამოცხადებას.

ბოლო მონაცემებით, ქვეყანაში ინფიცირებულთა რაოდენობამ 15327-ს მიაღწია, ამ დროისათვის სულ გამოჯანმრთელდა 7613 ადამიანი, გარდაიცვალა 124 პაციენტი.

64
თემები:
COVID-19 საქართველოში (2230)
წვეთოვანი

პლუს 20: რამდენია კორონავირუსით გარდაცვლილთა საერთო რაოდენობა

2
(განახლებულია 10:54 29.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია.

თბილისი, 29 ოქტომბერი – Sputnik. ბოლო 24 საათში საქართველოში კორონავირუსით 20 პაციენტი გარდაიცვალა და მათი საერთო რაოდენობა 273-მდე გაიზარდა. შესაბამისი ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია.

ამ დროისათვის სულ გამოჯანმრთელდა 16904 ადამიანი, კარანტინის რეჟიმშია 3324, სტაციონარებში ექიმების დაკვირვების ქვეშ 4209 პაციენტია, ხოლო კოვიდ–სასტუმროებში 2346 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

2
თემები:
COVID-19 საქართველოში (2230)
ბათუმი

ყველაფერი ახალგაზრდობის ინოვაციური განათლებისთვის ბათუმში ახალი ტექნოპარკი გაიხსნა

7
(განახლებულია 10:49 29.10.2020)
ტექნოპარკში წარმოდგენილია სამრეწველო ინოვაციების უნივერსალური, უახლესი დანადგარებით აღჭურვილი ლაბორატორია

თბილისი, 29 ოქტომბერი – Sputnik. ბათუმში საქართველოს ინოვაციებისა და ტექნოლოგიების სააგენტოს (GITA)  ახალი ტექნოპარკი გაიხსნა, ნათქვამია ეკონომიკისა და მდგრადი განვითარების სამინისტროს Facebook–გვერდზე გავრცელებულ განცხადებაში. 

ტექნოპარკში წარმოდგენილია სამრეწველო ინოვაციების უნივერსალური, უახლესი დანადგარებით აღჭურვილი ლაბორატორია (ფაბლაბი). უმაღლესი კვალიფიკაციის მქონე სპეციალისტებით დაკომპლექტებული ლაბორატორია დაინტერესებულ პირებს მოდელირებასა და პროტოტიპირებაში დაეხმარება.

 „მთელი საქართველოს მასშტაბით ასეთი ტექნოპარკების გახსნა ძალზე მნიშვნელოვანია, ეს არის ცოდნის ახალი კერა და ინოვაციური განათლების მიღების ადგილი ახალგაზრდებისთვის“, - აღნიშნა ნათია თურნავამ.

ტექნოპარკი აერთიანებს სასწავლო ცენტრს, საერთო სამუშაო სივრცეს სტარტაპებისა და ე.წ ,,ფრილანსერებისათვის“, სადაც შესაძლებელია გარკვეული პირობებით სამუშაო ადგილის მიღება, საკუთარი იდეის თუ სტარტაპის გასავითარებლად. სივრცე აღჭურვილია ყველა პირობით, რომელიც ხელს უწყობს სტარტაპის განვითარებას.

გარდა ამისა, ბათუმის ტექნოპარკი არა მხოლოდ ადგილობრივ, არამედ რეგიონიდან ჩამოსულ ახალგაზრდებსაც მოემსახურება, ვისაც ინოვაციებისა და ტექნოლოგიების განხრით ახალი ცოდნის შეძენა სურს და უნდა, რომ ამ სფეროში უფრო კონკურენტუნარიანი გახდეს.

პროექტი აჭარის ავტონომიური რესპუბლიკის მთავრობისა და მსოფლიო ბანკის ფინანსური მხარდაჭერით განხორციელდა.

ტექნოპარკის გახსნის ცერემონიაში ნათია თურნავას გარდა, მონაწილეობდნენ ინოვაციებისა და ტექნოლოგიების სააგენტოს ხელმძღვანელი ავთანდილ კასრაძე და ეკონომიკისა და მდგრადი განვითარების მინისტრის მოადგილე ირაკლი ნადარეიშვილი. 

 „ზოგადად ჩვენი ხელისუფლება, სამთავრობო გუნდი ძალიან დიდ ყურადღებას აქცევს განათლებას და დიდ რესურსს ხარჯავს განათლებაში. ცალკე სფერო, რომელსაც განსაკუთრებით ვეხმარებით, არის ინოვაციები და ტექნოლოგიები, IT–განვითარება, კომპიუტერული პროგრამირება, სტარტაპები“, – განაცხადა თურნავა.

მინისტრმა გაიხსენა მთავრობის მიერ ახლახან მიღებული გადაწყვეტილება საერთაშორისო კომპანიებისთვის საგადასახადო შეღავათების შემოღების შესახებ, რომლის მიზანიც ქვეყნის ეკონომიკის განვითარებისთვის ბიზნესის სულ უფრო მეტი წარმომადგენლის მოზიდვაა.

ასე რომ, საერთაშორისო კომპანიების სტატუსის მიღება შეუძლიათ IT–კომპანიებსაც. თურნავას თქმით, საქართველოში უკვე გადმოდიან მსხვილი IT–კომპანიები, რომლებიც ქვეყნის ნიჭიერ და კრეატიულ მოქალაქეებს დაასაქმებენ.

7