მერაბ სეფაშვილი

„გამოუსწორებელი ქაჯები ხართ...“- მერაბ სეფაშვილის დაბადების დღის სკანდალი - ვიდეო

28799
(განახლებულია 12:09 16.10.2020)
ცნობილი ქართველი მომღერლის მერაბ სეფაშვილის იუბილეზე მეგობრებმა კარგად მოილხინეს. ნახეთ როგორ შეაფასეს მათი ქმედება სოციალურ ქსელში

თბილისი, 16 ოქტომბერი – Sputnik. მომღერალი მერაბ სეფაშვილი 15 ოქტომბერს 59 წლის გახდა და საკუთარი დაბადების დღე მცხეთაში ერთ-ერთ რესტორანში აღნიშნა, სადაც უახლოესი მეგობრები და ოჯახის წევრები ჰყავდა მიწვეული.

View this post on Instagram

HBD N 1 🍷🎉🎁🎈💖

A post shared by Khatia Shamugia (@khatia_shamugia_official) on

სტუმრებს შორის იყვნენ ცნობილი რადიოწამყვანი ხატია შამუგია და გვანცა კილასონია. ჟურნალისტებს მერაბ სეფაშვილთან ახლო მეგობრული ურთიერთობა აკავშირებთ. სწორედ ხატია შამუგიას სოციალურ ქსელში გამოქვეყნებულ ვიდეოს მოჰყვა სკანდალი.

View this post on Instagram

A post shared by Khatia Shamugia (@khatia_shamugia_official) on

„პანდემიის დროს როგორ იქცევით? თუ სხვებს ეხებათ შეზღუდვები და თქვენ ვირუსი არ დაგემართებათ და ვერც სხვებს გადასდებთ?”, „919 ახალი შემთხვევაა ვირუსის, თქვე მართლა მაიმუნებო! გამოუსწორებელი ქაჯები ხართ!” –წერენ სოციალური ქსელის მომხმარებლები.

ბოლო 24 საათში საქართველოში ახალი კორონავირუსით დაავადებულთა რაოდენობა კიდევ 887-ით გაიზარდა და 15327-ს მიაღწია.

ამ დროისათვის სულ გამოჯანმრთელდა 7613 ადამიანი, გარდაიცვალა – 124, კარანტინის რეჟიმში იმყოფება 5721, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1090 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

28799
თემები:
სელებრითების ცხოვრება (2235)
ნინო ნადირაძე

„3 თაობა“- ნინო ნადირაძე დედამთილთან და ქალიშვილთან ერთად პოზირებს - ოჯახური პორტრეტი

14
ცნობილმა ტელესახემ გუგა კუზანოვის დედასთან და ბაია კუზანოვთან ერთად გადაღებული თბილი ფოტო გამოაქვეყნა. „3 თაობა“ - წერს ნინო ნადირაძე. ოჯახური იდილია ერთ სურათზე...

ბაია კუზანოვის დაოჯახებისა და დედობის შემდეგ, კუზანოვი-ნადირაძეების ოჯახი განსაკუთრებულად გაერთიანდა. პატარა შვილიშვილს ყველა ერთად უვლის, რადგან ბაია სწავლასა და შვილის მოვლის პარალელურად ქირურგ მამასთან და ბაბუასთან ერთად ოპერაციებს ესწრება. როგორც ნინოს გვერდიდან ირკვევა, უკვე თავადაც არის ოპერაციების გაკეთებაში აქტიურად ჩართული.

View this post on Instagram

ოჯახური პორტრეტი ინტერიერში❤

A post shared by nino (@ninonadiradze) on

საქართველოში კუზანოვების ოჯახი პროფესიიდან გამომდინარე ძალიან პოპულარულია. მათი ოჯახის თითოეულ წევრს უამრავი ადამიანი იცნობს. ექიმების ოპერაციების შესახებ ლეგენდები დადის. ოჯახის უმცროსი წევრებიც ბაბუის ნაბიჯებს მიჰყვებიან და მომავალი ექიმები არიან. მათ შორის არის ბაია კუზანოვიც, გუგას და ნინოს ქალიშვილი.

ნინო ნადირაძემ მორიგი ოჯახური ფოტო გამოაქვეყნა, რომლითაც გუგა კუზანოვის დედამ განსაკუთრებული ყურადღება მიიპყრო. ნინოს გვერდით გუგა კუზანოვის დედა ზის. რამდენიმე თვის წინ ნინომ მშვენიერი დედის სურათიც გამოაქვეყნა და ასე დაასათაურა: „ჩემი ყველაზე მკაცრი ცენზორი“. მიუხედავად იმისა, რომ დედა-შვილს საკმაოდ მეგობრული დამოკიდებულება აქვთ, ნინოს ყველაზე დიდი გულშემატკივარი და კრიტიკოსიც მისი დედაა. დედამთილთან კი, წლების მანძილზე თბილი დამოკიდებულება ჩამოუყალიბდა.

View this post on Instagram

ჩემი ბრილიანტები🥰🥰🥰

A post shared by nino (@ninonadiradze) on

„3 თაობა“- ასე დაასათაურა ნინომ უახლესი სურათი, რომელზეც კარდიოლოგი, მისი დედამთილი და მომავალი პლასტიკური ქირურგი და ახალბედა დედა არიან გამოსახულნი. გოგონები საღამოს იდილიით ტკბებიან და ერთმანეთს დღის მიმდინარე მოვლენებს უზიარებენ.

14
თემები:
სელებრითების ცხოვრება (2235)
ციხის დერეფანი

პენიტენციური სისტემის ყველა თანამშრომელი PCR ტესტირებას კვირაში ერთხელ გაივლის

44
დღეს ცნობილი გახდა, რომ კორონავირუსი N8 პენიტენციური დაწესებულების საკარანტინო-საიზოლაციო სივრცეში მოთავსებულ ორ ბრალდებულს დაუდასტურდა

თბილისი, 24 ოქტომბერი – Sputnik. პენიტენციური სისტემის ყველა თანამშრომელი PCR-ტესტირებას ნაცვლად ორკვირიანი შუალედისა, კვირაში ერთხელ გაივლის, ხოლო ანტიგენ-ანტისხეულზე სწრაფი ტესტით ყოველ 72 საათში ერთხელ შემოწმდება, ნათქვამია პენიტენციური სამსახურის განცხადებაში.

აღნიშნული ცვლილება კიდევ ერთი პრევენციული ზომაა იმისთვის, რომ პენიტენციურ სისტემაში განთავსებული ბრალდებულ/მსჯავრდებულები გარედან ვირუსის იმპორტისგან იყვნენ დაცულები, აცხადებენ უწყებაში.

დღეს ცნობილი გახდა, რომ კორონავირუსი N8 პენიტენციური დაწესებულების საკარანტინო-საიზოლაციო სივრცეში მოთავსებულ ორ ბრალდებულს დაუდასტურდა.

შეგახსენებთ, პენიტენციური დაწესებულებების ის თანამშრომლები, რომლებიც მიმდინარე წლის 29 მარტიდან ყაზარმულ რეჟიმში მუშაობენ, ყაზარმული რეჟიმით დაწესებულებებში შესვლამდე PCR ტესტით მოწმდებიან. ჯამში მაისის ბოლოდან სექტემბრის ჩათვლით პენიტენციურ სისტემაში 13 253 PCR-ტესტი გაკეთდა. ამიერიდან კი ყველა თანამშრომელისთვის ტესტირების ახალი სისტემა ამოქმედდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1941-ით გაიზარდა და საერთო რიცხვმა 26503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

44
თემები:
COVID-19 საქართველოში