თბილისი, 15 ოქტომბერი – Sputnik. მთავრობის გეგმებში საველე ჰოსპიტლების მოწყობა არ შედის, რადგან ჯანდაცვის სისტემა დღეს მზადაა მიიღოს ინფიცირებულების გაზრდილი რაოდენობა და ადეკვატურად უმკურნალოს, განაცხადა ბრიფინგზე საქართველოს პრემიერ-მინისტრმა გიორგი გახარიამ.
მისი თქმით, ჯანდაცვის სისტემაში ამ კუთხით დეფიციტი არ არის.
„ჯანდაცვის სიტემა დღეს მზად არის, ჯანდაცვის სისტემაში დღეს არანაირი დეფიციტი არ არსებობს. შეიძლება არსებობდეს გარკვეული დროში ხარვეზები, გადალაგების კომპონენტი, რასაც დასჭირდება ერთი დღე“, – განაცხადა პრემიერმა.
გახარიამ აღნიშნა, რომ ამჟამად ჯანდაცვის სისტემაში დამატებითი საწოლების მობილიზაცია მიმდინარეობს, რაზეც ერთ დღეზე მეტი არ დაიხარჯება.
პრემიერმა ასევე მოსახლეობა მოამზადა იმისთვის, რომ უახლოეს დღეებში კორონავირუსით ინფიცირებულთა რაოდენობამ დღე-ღამეში, შესაძლოა, ათასს გადააჭარბოს. ამასთან, მან აღნიშნა, რომ მთავრობას ვირუსის მართვის თანმიმდევრული გეგმა გააჩნია.