COVID-19-ის რეკორდული მაჩვენებელი საქართველოში: შემთხვევები რეგიონების მიხედვით

© photo: Sputnik / Andranik Ghazaryanთბილისი
თბილისი - Sputnik საქართველო
გამოწერა
დღევანდელი მონაცემებით, კორონავირუსის ყველაზე მეტი რაოდენობა კვლავ თბილისში, აჭარასა და იმერეთში დაფიქსირდა.

თბილისი, 15 ოქტომბერი – Sputnik. საქართველოში კორონავირუსის 919 ახალი შემთხვევიდან თბილისში ყველაზე მაღალი მაჩვენებელი დაფიქსირდა – დედაქალაქში ინფიცირებულებს 366 ადამიანი შეემატა, განაცხადა თბილისის ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ. 

ლაბორატორია - Sputnik საქართველო
COVID-19 საქართველოში: ამდენი ჯერ არ ყოფილა – ახალი მონაცემები

ბოლო პერიოდში თბილისში ინფიცირებულთა რაოდენობა მნიშვნელოვნად იზრდება – გუშინ 297 შემთხვევა იყო დადასტურებული.

რეგიონების მიხედვით დღის მაჩვენებელი ასეთია:

– აჭარა - 286

– იმერეთი - 104

– სამეგრელო-ზემო სვანეთი - 57

– ქვემო ქართლი - 44

– შიდა ქართლი - 21

– კახეთი და გურია - 13-13

– მცხეთა-მთიანეთი - 11

– სამცხე-ჯავახეთი - 3

– რაჭა-ლეჩხუმი - 1

რაც შეეხება უშუალოდ თბილისის ინფექციურ საავადმყოფოს, კლინიკაში ამჟამად 62 კოვიდ-ინფიცირებული მკურნალობს.

ამ დროისთვის საქართველოში კორონავირუსის 14440 შემთხვევაა დადასტურებული. გამოჯანმრთელების შემთხვევათა რიცხვი კი 7367-ს შეადგენს. გარდაიცვალა 113 პაციენტი. კარანტინის რეჟიმში საქართველოს 5721 მოქალაქე იმყოფება, ხოლო სტაციონარებში მეთვალყურეობას 836 ადამიანი გადის. უცხოეთიდან საქართველოში სამკურნალოდ 41 მოქალაქეა გადმოყვანილი.

ქვეყანაში კორონავირუსით ინფიცირების პირველი შემთხვევა 26 თებერვალს დაფიქსირდა.

ყველა ახალი ამბავი
0