თბილისის კლასიკური გიმნაზია

თბილისის კლასიკური გიმნაზიის პედაგოგს კორონავირუსი დაუდასტურდა

97
(განახლებულია 00:39 15.10.2020)
პედაგოგი სკოლაში ბოლოს პარასკევს დღის პირველ ნახევარში იმყოფებოდა, ხოლო კორონავირუსის სიმპტომები კვირას გამოუვლინდა.

თბილისი, 15 ოქტომბერი - Sputnik. თბილისის კლასიკური გიმნაზიის პედაგოგს კორონავირუსი დაუდასტურდა, რის გამოც სკოლა სწავლების დისტანციურ რეჟიმზე გადავიდა, იუწყება პირველი არხი.

საკლასო ოთახებში სწავლის განახლების შემდეგ კორონავირუსით ინფიცირების ფაქტი საქართველოს მასშტაბით უკვე არაერთ სკოლაში დაფიქსირდა.

როგორც თბილისის კლასიკური გიმნაზიის დირექტორი, თამუნა კაპანაძე Facebook-გვერდზე წერს, კორონავიურსი ქართული ენისა და ლიტერატურის მასწავლებელს დაუდასტურდა. ეპიდემიოლოგებმა მიიღეს გადაწყვეტილება, რომ სკოლა 21 ოქტომბრამდე სწავლების დისტანციურ რეჟიმზე გადავიდეს.

პედაგოგი სკოლაში ბოლოს პარასკევს დღის პირველ ნახევარში იმყოფებოდა, ხოლო კორონავირუსის სიმპტომები კვირას გამოუვლინდა.

„პარასკევს, დღის პირველ ნახევარში იგი იმყოფებოდა სკოლაში. სიმპტომები კვირას საღამოს გამოუვლინდა, ამიტომაც ნაკლებად სავარაუდოა, რომ პარასკევს დღის პირველ ნახევარში ის ინფექციის გადამდები ყოფილიყო. ასე რომ, პანიკის არავითარი საფუძველი არ გვაქვს! თუმცა ეპიდემიოლოგებთან კონსულტაციის შემდეგ, რისკის თავიდან აცილების მიზნით, მივიღე გადაწყვეტილება, რომ სკოლა 21 ოქტომბრამდე გადავიდეს სწავლების დისტანციურ ფორმაზე“, - წერს თბილისის კლასიკური გიმნაზიის დირექტორი.

სკოლის დირექტორი ასევე წერს, რომ თავად არ ჰქონია კონტაქტი ინფიცირებულ პედაგოგთან.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურად დაიწყო.

1 ოქტომბრიდან დიდ ქალაქებში პირველიდან მეექვსე კლასის ჩათვლით მოსწავლეების ნაწილი საკლასო ოთახებში სწავლას დაუბრუნდა, ხოლო VII–XII კლასების მოსწავლეებისთვის სწავლა დისტანციურ რეჟიმში გაგრძელდა.

შეზღუდვები უცვლელი დარჩა აჭარისა და სხვა რეგიონების იმ სკოლებში, სადაც კორონავირუსით ინფიცირების ფაქტები დადასტურდა.

სწავლების დისტანციურ რეჟიმზე თბილისის კიდევ ერთი საჯარო სკოლა გადავიდა >>

ამ დროისათვის საქართველოში კორონავირუსის 13521 შემთხვევაა დადასტურებული. გამოჯანმრთელების შემთხვევათა რიცხვი კი 7157-ს შეადგენს. გარდაიცვალა 109 პაციენტი. კარანტინის რეჟიმში საქართველოს 5590 მოქალაქე იმყოფება, ხოლო სტაციონარებში მეთვალყურეობას 836 ადამიანი გადის.

 

97
თემები:
COVID-19 საქართველოში (2106)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 20 ოქტომბერს

2
(განახლებულია 18:07 19.10.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 20 ოქტომბერი — Sputnik. სააქციო საზოგადოება „თელასი" იუწყება, რომ 20 ოქტომბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

გლდანის რაიონი

11:00 საათიდან 17:00 საათამდე შეზღუდვა შეეხება: ქერჩოს და იპოლიტოვ-ივანოვის ქუჩების მოსახლეობას.

საბურთალოს რაიონი

11:00 საათიდან 18:00 საათამდე შეზღუდვა შეეხება: ვაშლიჯვრის დასახლების, გელოვანის გამზირის, გელოვანის, გოძიაშვილის, იასამნის და ბროწეულის ქუჩების მოსახლეობას.

ისნის რაიონი

11:00 საათიდან 18:00 საათამდე შეზღუდვა შეეხება: დიმიტრი გულიას, რიჩარდ ჰოლბრუკის, იორის და იუნკერთა ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

2
თემები:
თბილისი დღეს
ფოტოლენტა

საქართველოში ახალი საგანმანათლებლო პროექტი „ისტორია–კინო–ისტორია“ ჩაეშვა

14
(განახლებულია 08:32 20.10.2020)
პლატფორმის პრაქტიკაში გამოყენება მოხდება პროექტის პარტნიორ ყველა ქვეყანაში, მათ შორის საქართველოშიც, პროექტ „კინოსკოლის“ ფარგლებში.

თბილისი, 20 ოქტომბერი – Sputnik.  საქართველოში ახალი საგანმანათლებლო პროექტი „ისტორია–კინო–ისტორია“ დაიწყო, რომელიც ხელს შეუწყობს ისტორიის კინოჩვენებების დახმარებით შესწავლას, იუწყება საქართველოს კინემატოგრაფის ეროვნული ცენტრი. 

წელს ეროვნული კინოცენტრის პროექტმა მედიაპროგრამის კონკურსში „შემოქმედებითი ევროპა“ გაიმარჯვა და გრანტის სახით  205 ათასი ევრო მოიპოვა.   ეს პირველი შემთხვევაა პროგრამასთან თანამშრომლობის მანძილზე, როდესაც საქართველომ, როგორც ლიდერმა ქვეყანამ გაიმარჯვა. კონკურსში სულ 23 პროექტი მონაწილეობდა, რომელთაგან მხოლოდ ხუთმა მიიღო უმაღლესი შეფასება და გამარჯვებულის სტატუსი.

 „ისტორია–კინო–ისტორია“ კინოხელოვნების საგანმანათლებლო პოტენციალის გამოყენების ახალ შესაძლებლობას იძლევა. პროექტის ფარგლებში მასალები შეიქმნება ორი მიმართულებით: მე-20 საუკუნის ევროპის ისტორიის სწავლება ფილმების გამოყენებით და კინოს, როგორც ხელოვნების ერთ-ერთი მიმართულების, ისტორიის სწავლება.

მოზარდებს შესაძლებლობა ექნებათ გაეცნონ ევროპის ისტორიისა და ევროპული კინოს განვითარების მნიშვნელოვან ეტაპებს. სწავლის პროცესში გამოყენებული ფილმები თუ სხვა ვიზუალური მასალა გაუადვილებთ მათ ეპოქის აღქმას. 

თანამედროვე ეპოქაში ონლაინ–სივრცე და თხრობის აუდიოვიზუალური ფორმა ყველაზე ხშირად გამოიყენება ინფორმაციის მიღებისა და გავრცელებისთვის. ამ ფაქტის გათვალისწინებით, პროექტის ფარგლებში შექმნილ სასწავლო მასალებს ექნებათ ვიდეოლექციების სახე (თეორიულ მასალასთან და სავარჯიშოებთან ერთად), რაც განასხვავებს ახალ პორტალს აქამდე არსებული ამ ტიპის სხვა საგანმანათლებლო რესურსებისგან.

პლატფორმის პრაქტიკაში გამოყენება მოხდება პროექტის პარტნიორ ყველა ქვეყანაში, მათ შორის საქართველოშიც, პროექტ „კინოსკოლის“ ფარგლებში.

ახალ კინოსაგანმანათლებლო პლატფორმაზე მუშაობა ნოემბერში დაიწყება და სამომავლოდ ხელმისაწვდომი იქნება ნებისმიერი მსურველისთვის.

პროექტი „ისტორია-კინო-ისტორია“ (History-Film-History) – ასე ჰქვია ახალ კინოსაგანმანათლებლო პლატფორმას, რომელიც ეროვნული კინოცენტრის ინიციატივითა და „შემოქმედებითი ევროპის“ მხარდაჭერით შეიქმნება.

14
თემები:
საქართველო და კულტურა