ნანიკო ხაზარაძე

ნანიკო ხაზარაძის ქალიშვილის უჩვეულო გადაწყვეტილება გოგონამ გრძელი თმა გადაიპარსა

85
(განახლებულია 17:45 14.10.2020)
ყველასათვის ცნობილი ჟურნალისტის ქალიშვილი დედას სულ უფრო და უფრო ემსგავსება. ამჯერად თინეიჯერმა ქერა თმა გადაიპარსა და იასამნისფრად შეიღება. ნახეთ როგორ გამოიყურება გოგონა ახალი იმიჯით.

საზოგადოებაში დამკვიდრებული სტერეოტიპების გამო ცნობილი სახეების შვილებს სოციუმში თავის დამკვიდრება უჭირთ. ეს სტერეოტიპი ნანიკო ხაზარაძეს და მის ლაღ ქალიშვილს არ ეხებათ. წარმატებული ტელეწამყვანის თქმით, ერთადერთ ქალიშვილს არასდროს არაფერს უკრძალავდა. მიუხედავად იმისა, რომ ნანიკო და ლილუს მამა ძალიან მალე დაშორდნენ, ნანიკომ ძალა მოიკრიბა და ცხოვრება შვილთან ერთად ახალი ფურცლიდან დაიწყო.

View this post on Instagram

😎

A post shared by ნანიკო (@naniko.khazaradze) on

ლილუ და ნანიკო, ფაქტობრივად, ერთად გაიზარდნენ. ტელეწამყვანსა და მის ქალიშვილს საოცარი მეგობრობა აკავშირებთ. ლილუ სკოლის მოსწავლეა, თუმცა დედა დამოუკიდებლობას არ უშლის. სულ რამდენიმე თვის წინ ნანიკომ ვარცხნილობის შეცვლა გადაწყვიტა, ახლა კი დედის მიერ დანერგილი ტრენდით ქალიშვილიც დაინტერესდა.

View this post on Instagram

ლილუ და დოდო

A post shared by ნანიკო (@naniko.khazaradze) on

აღსანიშნავია, რომ თინეიჯერი დიდი ხანია გადაწყვეტილებებს დედასთან რეკომენდაციის შემდეგ, თუმცა დამოუკიდებლად იღებს. ლილუ ნუცუბიძემ სამსახური 16 წლის ასაკში დაიწყო. ყვავილებით დაინტერესებულმა თავისუფალმა და დამოუკიდებელმა სკოლის მოსწავლემ სამსახური თბილისის ცენტრში იპოვა. ამის შესახებ ნანიკო ხაზარაძემ საკუთარ გვერდზე დაწერა. „ლილუ სამსახურში“ – ამ სათაურით გამოქვეყნებულმა ფოტომ დიდი გამოხმაურება გამოიწვია.

View this post on Instagram

Summer 21 @eeeelilu

A post shared by ნანიკო (@naniko.khazaradze) on

მიუხედავად იმისა, რომ ლილუს დედა უზრუნველყოფს, გოგონამ საკმაოდ თამამი გადაწყვეტილება მიიღო. უსაყვარლესი გოგონა გამყიდველად მუშაობს „ყვავილების ქარხანაში“, რომელიც პეტრიაშვილის ქუჩის დასაწყისში მდებარეობს. როგორც ჩანს, გოგონა მსგავსი ნაბიჯებით უფრო მეტად ძლიერდება და დამოუკიდებელი ხდება.

View this post on Instagram

@eeeelilu

A post shared by ნანიკო (@naniko.khazaradze) on

მორიგი შოკისმომგვრელი გადაწყვეტილება და ლილუს მოდური „ლუქი“. გოგონამ თმის გადაპარსვა გადაწყვიტა, რაშიც მას ხელი ნანიკომ არ შეუშალა. პირიქით, ახლა დედა-შვილი ტყუპი დებივით გამოიყურება და თავს მოკლე თმით იწონებს.

View this post on Instagram

@eeeelilu

A post shared by ნანიკო (@naniko.khazaradze) on

ლილუს თმის გადაპარსვის იდეა სპონტანურად მოუვიდა, თუმცა გოგონა ამაზე არ გაჩერდა. რამდენიმე დღის მერე ტელეწამყვანის ოფიციალურ გვერდზე ფოტო გამოჩნდა, რომელზეც ლილუმ თმა იასამნისფრად შეიღება. როგორც ჩანს, თამამი გადაწყვეტილება მარტივად მიიღო. როგორ მოგწონთ გოგონას ახალი იმიჯი?

85
თემები:
სელებრითების ცხოვრება (2223)
იუსტიციის სახლი

ქორწინება და განქორწინება ონლაინ: სამოქალაქო აქტების რეგისტრაციის წესები იცვლება

34
საკანონმდებლო ცვლილებების მიზანი თანამედროვე ტექნოლოგიების გამოყენებით მოქალაქეებისთვის სერვისებით სარგებლობის ხელმისაწვდომობის გაზრდაა.

თბილისი, 22 ოქტომბერი – Sputnik. სამოქალაქო აქტის რეგისტრაცია და შესაბამისი მოწმობის მიღება მომავალი წლიდან ელექტრონული ფორმით გახდება შესაძლებელი, იუწყება საქართველოს იუსტიციის სამინისტრო.

დღეს მთავრობამ დაამტკიცა იუსტიციის სამინისტროს მიერ მომზადებული საკანონმდებლო ცვლილებათა პაკეტი, რომლის თანახმად, 7 სახის სამოქალაქო აქტი ელექტრონული სახით დარეგისტრირდება და შესაბამისი სამოქალაქო აქტის რეგისტრაციის მოწმობები – დაბადების, მამობის დადგენის, ქორწინების, განქორწინების, შვილად აყვანის, სახელის/გვარის შეცვლის, გარდაცვალების – ელექტრონული სახით გაიცემა.

„მოქალაქემ სამოქალაქო აქტის რეგისტრაციის მოწმობები მისაღებად განაცხადი ელექტრონულად სახელმწიფო სერვისების განვითარების სააგენტოში უნდა გააკეთოს, რის შემდეგაც ის მიიღებს უნიკალურ სარეგისტრაციო ნომერს და შესაბამის საიდენტიფიკაციო კოდს, რომლის მეშვეობითაც უკვე პორტალ www.my.gov.ge-ზე გამოქვეყნებული სამოქალაქო აქტის რეგისტრაციის მოწმობის ჩამოტვირთვა ადგილიდან გაუსვლელად ნებისმიერ დროს შეეძლება“, - ნათქვამია იუსტიციის სამინისტროს გვერდზე გავრცელებულ ინფორმაციაში.

უწყების ცნობით, მოქალაქეებს ასევე მნიშვნელოვნად გაუადვილდებათ საზღვარგარეთ წარსადგენი ელექტრონული დოკუმენტების შესაბამისი წესით დამოწმებაც, რაც მათ დაუზოგავს დროსა და ფინანსებს. დაინტერესებულ პირი მსოფლიოს ნებისმიერი წერტილიდან ადგილიდან გაუსვლელად შეძლებს ელექტრონული მოწმობის სააგენტოსთვის წარდგენას, მისი ელექტრონული აპოსტილით დამოწმებას და დოკუმენტის მიღებას (ჩამოტვირთვას).

კანონპროექტით გათვალისწინებული ძირითადი რეგულაციების ამოქმედება 2021 წლის 1 თებერვლიდან არის გათვალისწინებული.

შესაბამისი სამოქალაქო აქტის რეგისტრაციის მოწმობა მატერიალური ფორმით მხოლოდ იმ შემთხვევაში გაიცემა, როდესაც ელექტრონული დოკუმენტის შექმნა ფორსმაჟორული გარემოებების ან/და ტექნიკური შეფერხების გამო იქნება შეუძლებელი, აღნიშნულია სამინისტროს ინფორმაციაში.

საკანონმდებლო ცვლილებების მიზანი თანამედროვე ტექნოლოგიების გამოყენებით მოქალაქეებისთვის სერვისებით სარგებლობის ხელმისაწვდომობის გაზრდაა.

34
საკლასო ოთახი

კორონავირუსის გამო დახურულ ზოგიერთ სკოლაში სასწავლო პროცესი უკვე განახლდა

101
(განახლებულია 21:00 22.10.2020)
მოქმედი რეგულაციების თანახმად, წერტილოვანი შეზღუდვები იმ სკოლებში წესდება, სადაც კორონავირუსით ინფიცირების ფაქტი დადასტურდება.

თბილისი, 22 ოქტომბერი – Sputnik. ორ სკოლაში, რომელიც კორონავირუსით ინფიცირების შემთხვევების გამო დაიკეტა, სასწავლო პროცესი უკვე განახლდა, განაცხადა საქართველოს განათლების მინისტრის მოადგილემ ეკატერინე დგებუაძემ მთავრობის სხდომის დასრულების შემდეგ.

საკლასო ოთახებში სწავლის განახლების შემდეგ კორონავირუსით ინფიცირების ფაქტი საქართველოს მასშტაბით უკვე არაერთ სკოლაში დაფიქსირდა.

მინისტრის მოადგილის განცხადებით, პროცესებზე დაკვირვება და სკოლების მონიტორინგი ყოველდღიურად მიმდინარეობს.

„სკოლები, რომლებიც დაიხურა ათი დღის განმავლობაში, დღეს უკვე დაუბრუნდა სასწავლო პროცესს. სკოლებში ვნახეთ აბსოლუტურად შერეული მოდელი, სადაც მოსწავლეები გაკვეთილებს ესწრებიან, თუმცა არიან მოსწავლეები, რომელთაც შეუძლიათ დისტანციური სწავლება და, შეიძლება ითქვას, რომ საგანმანათლებლო პროცესი სკოლებში შერეული ფორმატით მიმდინარეობს“, – განაცხადა დგებუაძემ.

კორონავირუსის გავრცელების პრევენციის მიზნით შემუშავებული რეგულაციების თანახმად, რომელიმე სკოლაში კორონავირუსით ინფიცირების ფაქტის დადასტურების შემთხვევაში, საჭიროებიდან გამომდინარე, პედაგოგები და მოსწავლეები (იქნება ეს კლასი, ესა თუ ის სართული, მთლიანად სკოლა და ა.შ.) თვითიზოლაციაში გადადიან, სწავლა კი დისტანციურ რეჟიმში გრძელდება. ასევე სკოლას უტარდება დეზინფექცია.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურად დაიწყო.

საქართველოს ოთხ ქალაქში – თბილისში, ზუგდიდში, რუსთავსა და ქუთაისში, სადაც სკოლებში სწავლა 1 ოქტომბრიდან განახლდა. განათლების სამინისტრომ დაწყებითი კლასების მოსწავლეების მშობლებს არჩევანის საშუალება მისცა – ბავშვები სკოლაში ივლიდნენ ან ონლაინ–რეჟიმში გააგრძელებდნენ სწავლას. მეშვიდე და უფროსი კლასების მოსწავლეები კი დისტანციურ რეჟიმში სწავლობენ.

კორონავირუსის პანდემიის პირობებში საქართველოში I-VI კლასების 130 ათასი მოსწავლიდან დაახლოებით 10 ათასმა მოსწავლემ სწავლის დისტანციური რეჟიმი აირჩია.

რაც შეეხება სკოლებში უსაფრთხოებას, ინფექციის გავრცელების პრევენციის მიზნით სასწავლო წლის დაწყებამდე ყველა სკოლა უზრუნველყოფილი იყო პირბადეებით, უკონტაქტო თერმომეტრებით, დეზობარიერებით და სადეზინფექციო ხსნარებით.

საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად – 1595-ით გაიზარდა და საერთო რიცხვმა 22803-ს მიაღწია, ამ დროისათვის სულ გამოჯანმრთელდა 9401 ადამიანი, გარდაიცვალა - 178 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

101
თემები:
COVID-19 საქართველოში