ეკატერინე ტიკარაძე

რა შემთხვევაში ამოქმედდება თბილისში დამატებითი რეგულაციები ტიკარაძის განმარტება

107
(განახლებულია 16:57 14.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 680-ით გაიზარდა და 13521-ს მიაღწია.

თბილისი, 14 ოქტომბერი – Sputnik. კორონავირუსით ინფიცირებულთა რაოდენობის მატება არ გამოიწვევს კლინიკებში საწოლების დეფიციტს, განაცხადა საქართველოს ჯანდაცვის მინისტრმა ეკატერინე ტიკარაძემ უწყებათშორისი საკოორდინაციო საბჭოს სხდომის შემდეგ გამართულ ბრიფინგზე. 

საქართველოში ახალი კორონავირუსით დაავადებულთა რაოდენობა ბოლო დღე-ღამეში 680-ით გაიზარდა, რაც  ქვეყნისთვის ინფიცირების რეკორდული მაჩვენებელია. ყველაზე მეტი შემთხვევა – 297 დედაქალაქში გამოვლინდა.

ტიკარაძის განცხადებით, ამ ეტაპზე კოვიდ–კლინიკებში არსებული საწოლფონდი საკმარისია, თუმცა, საჭიროების შემთხევაში, დამატებით 2 ათასამდე საწოლის მობილიზება მოხდება.

„ჯანდაცვის უწყება კოვიდ–ცენტრებში საწოლების მობილიზების კუთხით აქტიურად მუშაობს. ამ ეტაპისთვის მობილიზებული გვაქვს 3,5 ათასამდე საწოლი. გარდა ამისა, ეტაპობრივად ჩაერთვებიან დამატებითი კლინიკები და, საჭიროების შემთხვევაში, მობილიზებული იქნება 2 ათასამდე საწოლი. დღევანდელი მონაცემებით, კლინიკებში 2,2 ათასამდე ინფიცირებულია მოთავსებული“, – განაცხადა ტიკარაძემ.

თბილისში კორონავირუსის რეკორდული მაჩვენებელი დაფიქსირდა>>>

რაც შეეხება დედაქალაქში ინფიცირების შემთხვევების ზრდას და აქედან გამომდინარე შესაძლო შეზღუდვების დაწესებას, როგორც ტიკარაძემ აღნიშნა, საკოორდინაციო საბჭოს სხდომაზე თბილისში დამატებითი შეზღუდვების დაწესების თაობაზე მსჯელობა გაიმართა, თუმცა გადაწყვეტილება ჯერ მიღებული არ არის.

„აღნიშნულ საკითხზე მსჯელობა გაგრძელდება და, საჭიროების შემთხვევაში, დავაწესებთ იმ საჭირო რეგულაციას, რომელიც უზრუნველყოფს ინფექციის ჯაჭვის გაწყვეტას“, – განაცხადა ტიკარაძემ.

კითხვაზე, რა რაოდენობას უნდა მიაღწიოს თბილისში ინფიცირებულთა რიცხვმა, რომ შეზუდვები დაწესდეს, მინისტრმა აღნიშნა, რომ რეგულაციების დაწესების კუთხით ინფიცირებულთა რაოდენობა გადამწყვეტი არ არის.

„ამ შემთხვევაში ინფიცირების რაოდენობის ზრდა არ იქნება გადამწყვეტი. ჩვენ ვიხილავთ როგორც საწოლფონდს, ისე მძიმე პაციენტების, კოვიდ–სასტუმროების რაოდენობას და ყოველივე ამის ჯამური შედეგიდან გამომდინარე მივიღებთ დამატებით გადაწყვეტილებას“, – განაცხადა ტიკარაძემ.

ბოლო მონაცემებით, საქართველოში ინფიცირებულთა რაოდენობამ 13521-ს მიაღწია. გამოჯანმრთელდა 7159 ადამიანი, გარდაიცვალა – 109, კარანტინის რეჟიმში იმყოფება 5590, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1393 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

107
თემები:
COVID-19 საქართველოში (2144)
შორენა ბეგაშვილი

შორენა ბეგაშვილმა შეყვარებულის ინტიმური ფოტო გაასაჯაროვა - ნახეთ როგორ გამოიყურება კაცი

154
(განახლებულია 14:25 21.10.2020)
ორი უიღბლო ქორწინების შემდეგ შორენა ბეგაშვილი კვლავ ურთიერთობაშია. ამჟამად მოდელი არც საყვარელ მამაკაცს და არც ურთიერთობას აღარ მალავს. უნდა ვივარაუდოთ, რომ მალე მოდელი ქორწილის ფოტოებსაც გამოფენს

ზუსტად ერთი წელია, რაც შორენა ბეგაშვილი ბიზნესმენ ირაკლი ნანაძეს ოფიციალურად დაშორდა, თუმცა საზოგადოებამ ვერც ის გაიგო, როდის დაქორწინდა წყვილი. ყველაფერი გასაიდუმლოებული იყო მანამ, სანამ შორენამ იუსტიციის სახლიდან განქორწინების მოწმობის ფოტო არ გამოაქვეყნა.

View this post on Instagram

A post shared by Shorena Begashvili (@shorenabegashviliofficial) on

საკუთარ გადაცემაში „შორენას ეფექტი“ ტელეწამყვანმა აღიარა, რომ ქმარს იმიტომ დაშორდა, რომ მძიმე წუთებში, როდესაც ის შვილთან ერთად თურქეთის ერთ-ერთ კლინიკაში თვეების განმავლობაში იმყოფებოდა, „ქმარი თბილისში ერთობოდა“.

View this post on Instagram

🖤

A post shared by Shorena Begashvili (@shorenabegashviliofficial) on

შორენამ ისიც აღნიშნა, რომ ამჟამად შეყვარებულია და თავს ძალიან ბედნიერად გრძნობს. სოციალურ ქსელში  სტატუსიც შეცვალა და ამჟამად ქალის შესახებ გამოქვეყნებულ პირად ინფორმაციაში მითითებულია, რომ ის ურთიერთობაში იმყოფება.

View this post on Instagram

🖤

A post shared by Shorena Begashvili (@shorenabegashviliofficial) on

მოდელი და ტელეწამყვანი არც შეყვარებულთან ერთად გადაღებულ ფოტოების გასაჯაროებას ერიდება და ცოტა ხნის წინ საყვარელი მამაკაცის ნახევრად შიშველი ფოტოც კი დადო. ფოტო, სავარაუდოდ, ესპანეთშია გადაღებული, სადაც ზაფხულში შორენა საყვარელ მამაკაცთან ერთად ისვენებდა.

View this post on Instagram

A post shared by Shorena Begashvili (@shorenabegashviliofficial) on

გამოცემა „პრაიმ კრაიმის“ მიერ 2018 წელს გამოქვეყნებულ „კანონიერი ქურდების“ რეიტინგში, მათი ამჟამინდელი გავლენების, წარსული გამოცდილების, სამომავლო პერსპექტივისა და პრესის დაინტერესების გათვალისწინებით, ათ ყველაზე რეიტინგულ „კანონიერ ქურდს“ შორის ერთ-ერთი სწორედ ლაშა ბარათელია.

View this post on Instagram

@nikolozi_ph 🌟 @shorenasefekti

A post shared by Shorena Begashvili (@shorenabegashviliofficial) on

არსებული ინფორმაციით, ლაშა ბარათელი, იგივე „ჭია" 1989 წლის 11 ივლისს სოხუმში დაიბადა. გავრცელებული ინფორმაციით, ამჟამად თურქეთში ცხოვრობს. ბარათელი, მიუხედავად მანძილისა, საყვარელი ქალისთვის ძვირადღირებული საჩუქრებისა და სიურპრიზების კეთებას არ წყვეტს.

154
თემები:
სელებრითების ცხოვრება
საპატრულო პოლიცია

„მძევლების დახოცვას დავიწყებ 2 საათის შემდეგ“- თავდამსხმელის ულტიმატუმი

221
(განახლებულია 16:57 21.10.2020)
ზუგდიდში ბანკზე თავდამსხმელი ულტიმატუმს აყენებს და შესაბამის ორგანოებს ორი საათის განმავლობაში მისი მოთხოვნების შესრულებისკენ მოუწოდებს

თბილისი, 21 ოქტომბერი  — Sputnik. ზუგდიდში „საქართველოს ბანკზე“ თავდამსხმელი სამართალდამცავი უწყებებისთვის მიცემული დროის - 2 საათის გასვლის შემდეგ, მძევლების დახოცვას აპირებს. შესაბამისი განცხადება „მთავარი არხის“ პირდაპირ ეთერში მძევლად აყვანილმა ირაკლი კვარაცხელიამ გაახმოვანა.

თავდამსხმელი ამ დროის განმავლობაში ითხოვს მასთან შეუიარაღებელმა პირმა მიიტანოს 500 ათასი დოლარი და მისცენ ვერტმფრენი, ან ავტომობილი, რომლითაც მძევლებთან ერთად უსაფრთხოდ დატოვებს შენობას.

მძევლის თქმით, ტელეკომპანიას თავდამსხმელის მითითებით ჩაერთო. კვარაცხელიას თქმით, ოთახში მძევლად 19 ადამიანია აყვანილი და შეიარაღებული თავდამსხმელი „კბილებამდე შეიარაღებულია“, ხელყუმბარა აქვს გახსნილი და ისე გადადგილდება, თუმცა მისი ინტერესი არაა ვინმეს დაშავება და უნდა, რომ ყველაფერი მოლაპარაკებით დასრულდეს.

მძევლის თქმით, თავდამსხმელი როდესაც თანხას მიიღებს, შენობიდან ან ვერტმფრენით წავა, ან მძევლებთან ერთად გავა. შესაბამის ორგანოებს მოთხოვნების შესასრულებლად თავდამსხმელი 2 საათს აძლევს.

დღეს ზუგდიდში, გამსახურდიას ქუჩაზე მდებარე „საქართველოს ბანკის" ფილიალზე შეიარაღებული თავდასხმა დაახლოებით 1,5 საათის წინ მოხდა.

გავრცელებული ინფორმაციით, შეიარაღებულ პირს მძევლად ჰყავს აყვანილი როგორც ბანკის თანამშრომლები, ისე ბანკში მყოფი რიგითი მოქალაქეები.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. უწყების ცნობით, ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში დაახლოებით 14:21 საათზე შევიდა. პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია.

221
სპეცოპერაცია ზუგდიდში

პოლიცია კითხავს ადამიანს, რომელმაც ტერორისტი ბანკამდე მანქანით მიიყვანა

0
ადგილზე მობილიზებულია ზუგდიდის პოლიცია და სპეცრაზმი. ზუგდიდში ჩავიდა შინაგან საქმეთა მინისტრი ვახტანგ გომელაური. მიმდინარეობს მძევალთა გათავისუფლების სპეცოპერაცია.

თბილისი, 21 ოქტომბერი - Sputnik პოლიციამ იპოვა მძღოლი, რომელმაც შეიარაღებული მძღოლი ზუგდიდში „საქართველოს ბანკის“ ფილიალამდე მიიყვანა, ამის შესახებ ჟურნალისტებს სამეგრელო-ზემო სვანეთის გუბერნატორის მოვალეობის შემსრულებელმა, მალხაზ თორიამ განუცხადა.

გათიშეთ ლაივსიგნალები: შსს მედიას და მობილურ ოპერატორებს მიმართავს >>

ავტომატით და ხელყუმბარით შეიარაღებულმა მამაკაცმა ოთხშაბათს ზუგდიდის ცენტრში „საქართველოს ბანკის“ ერთ-ერთ ფილიალში მძევლები აიყვანა. მძევლად აყვანილია 18 ადამიანი - ბანკის თანამშრომლები და კლიენტები.

„ვიცით, რომ ეს პიროვნება არის ჩაცმული სამხედრო ფორმაში. აღნიშნულიდან გამომდინარე, არსებობს მონაცემები, რომ უცნობმა პირმა იგი მიიყვანა დასახელებულ ბანკამდე, ხოლო ამ მოქალაქესთან სამართალდამცავი ორგანოები აწარმოებენ შესაბამის საგამოძიებო მოქმედებებს. ეს პიროვნება არის რიგითი მოქალაქე, რომელსაც სავარაუდოდ შემხებლობა არ ჰქონდა ამ თავდასხმასთან. შემდგომ გამოძიება დაადგენს ყველაფერს“, – განაცხადა მალხაზ თორიამ.

ადგილზე მობილიზებულია ზუგდიდის პოლიცია და სპეცრაზმი. ზუგდიდში ჩავიდა შინაგან საქმეთა მინისტრი ვახტანგ გომელაური. მიმდინარეობს მძევალთა გათავისუფლების სპეცოპერაცია. სამხედრო კამუფლაჟში გამოწყობილი ტერორისტი 500 ათას დოლარს და ვერტმფრენს მოითხოვს.

0
თემები:
კრიმინალი საქართველოში