თორნიკე ოქრიაშვილი უკვე წლებია საქართველოს ეროვნული საფეხბურთო ნაკრების გამორჩეული წევრია და გუნდის ერთ-ერთ მთავარ მოთამაშედ ჩამოყალიბდა, რომელმაც ნაკრებს არაერთი გამარჯვება მოუტანა. თავისი თამაშისა და გოლების წყალობით თორნიკე ქართველი გულშემატკივრის განსაკუთრებული სიყვარულით სარგებლობს და ეს არცაა გასაკვირი.
თორნიკე წლებია დაქორწინებულია ლიკა მუზაშვილზე. წყვილს ორი შვილი ჰყავს – 8 წლის ალექსანდრე და 6 წლის დადი. თორნიკე ამჟამად კვიპროსული კლუბი „ანორთოსისის“ ფეხბურთელია. ლიკა ხშირად აქვეყნებს „ინსტაგრამზე“ ოჯახურ ფოტოებს. ის მეუღლის მთავარი მხარდამჭერი და გულშემატკივარია.
ერთ-ერთ ინტერვიუში ლიკა ამბობს, რომ ფეხბურთელის ცოლობა რთული არ არის. „სიმართლე გითხრათ, არ მესმის, რატომ მიაჩნიათ ფეხბურთელების ცოლობა სიძნელედ. ალბათ იმიტომ, რომ წყვილებს ცალ-ცალკე ყოფნა უწევთ, ერთმანეთისგან შორს. თუმცა ჩვენ ხშირად ვართ ერთად“, – ამბობს თორნიკე ოქრიაშვილის მეუღლე.
ლიკას თქმით, თორნიკე საოცრად მზრუნველი ადამიანია, ხშირად უკეთებს სიურპრიზებს და მუდმივად ინტერესდება შვილების დღის განგრიგით. თორნიკეს მეუღლემ ფეხბურთელის ცხოვრების რთული პერიოდიც გაიხსენა, როდესაც ის ტრავმების გამო თამაშს ვერ ახერხებდა.
წყვილის ურთიერთობაში იყო პერიოდი, როდესაც ისინი დაშორდნენ, თუმცა, როგორც ლიკა ამბობს, ერთმანეთის გარეშე მხოლოდ ორი თვე გაძლეს. შერიგების ინიციატორი თორნიკე იყო და მათი დაშორება იმ ადამიანების ბრალი იყო, ვისაც მათთვის ცუდი უნდოდა.