აცრა

გრიპის ვაქცინის 25 ათასი დოზა თბილისსა და რეგიონებში უკვე განაწილდა

67
(განახლებულია 19:00 12.10.2020)
დაავადებათა კონტროლის ცენტრი ვაქცინის დამატებითი რაოდენობის შეძენაზეც მუშაობს და, სავარაუდოდ, ნოემბრის შუა რიცხვებამდე ქვეყანაში გრიპის საწინააღმდეგო ვაქცინის კიდევ 100 ათასი დოზა შემოვა.

თბილისი, 12 ოქტომბერი – Sputnik. გრიპის საწინააღმდეგო ვაქცინის პირველი 25 ათასი დოზა – ოთხკომპონენტიანი, ფრანგული წარმოების ვაქცინა უკვე განაწილდა თბილისსა და რეგიონებში, განაცხადა საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ უწყებათშორისი საკოორდინაციო საბჭოს სხდომის შემდეგ.

გამყრელიძის განცხადებით, სახელმწიფოს ჯამში გრიპის საწინააღმდეგო ვაქცინის 135 ათას დოზაზე აქვს კონტრაქტი და დანარჩენი 110 ათასი დოზა ქვეყანაში მომდევნო კვირაში შემოვა.

მისი თქმით, პირველ ეტაპზე ვაქცინის 25 ათას დოზას გამოიყენებენ ყველაზე უფრო მაღალი რისკ-ჯგუფებისთვის.

„პირველ რიგში პოლიკლინიკებში აიცრებიან ყველაზე უფრო მაღალი რისკ-ჯგუფები. ესენი არიან ორსულები, მოხუცთა სახლების ბინადრები, ბავშვთა სახლების ბინადრები, ბაღების პედაგოგები და მომვლელი პერსონალი, შიდსიანი ავადმყოფები, რომლებიც იმყოფებიან მკურნალობაზე, ასევე ჰეპატიტიანი ავადმყოფები, ვინც მკურნალობს და დიალიზზეა“, – განაცხადა დაავადებათა კონტროლის ეროვნული ცენტრის ხელმძღვანელმა.

გამყრელიძის განმარტებით, 23 ოქტომბრიდან აიცრებიან დანარჩენი დიდი რისკ-ჯგუფები, მათ შორის სამედიცინო პერსონალი, დიაბეტიანი ავადმყოფები, ასევე სხვა ქრონიკული დაავადებების მქონე პაციენტები და სხვ.

„ამასთან, ჩვენ აქტიურად ვმუშაობთ, რომ გარდა 135 ათასისა, სახელმწიფომ კიდევ დამატებით 100 ათასი დოზის მობილიზაცია მოახდინოს, რომლის შემოსვლის ალბათობა არის ოქტომბრის ბოლო და ნოემბრის შუა რიცხვები“, – განაცხადა გამყრელიძემ.

საქართველოს მოსახლეობაში გრიპის საწინააღმდეგო ვაქცინის პოპულარიზაცია 2014-2015 წლებში დაიწყო. 2018 წელს ქვეყანამ შეიძინა 40 ათასი დოზა, მაგრამ პრეპარატის დიდი ნაწილი აუთვისებელი დარჩა. გასულ წელს ქვეყანამ შეიძინა უკვე 100 ათასი დოზა, საიდანაც გამოუყენებელი ძალიან მცირე ნაწილი დარჩა.

ეპიდემიოლოგები მოსახლეობას აცრისკენ მოუწოდებენ, განსაკუთრებით ახლა, როდესაც კორონავირუსის თვალსაზრისით ქვეყანაში რთული ეპიდემიური ვითარებაა და ამას მალე სეზონური გრიპებიც დაერთვება თან.

67

საგანგებო სიტუაციების მართვის ცენტრში დეზინფექცია ჩატარდა - ვიდეო

103
საქართველოს შინაგან საქმეთა სამინისტროს საგანგებო სიტუაციების ოპერატიულ ცენტრში კორონავირუსის გავრცელების საფრთხესთან დაკავშირებით დეზინფექცია ჩატარდა. როგორ მიმდინარეობდა პროცედურა - იხილეთ ვიდეოში

ბოლო დღე-ღამეში კორონავირუსით დაინფიცირების შემთხვევებმა 1 731-მდე იმატა. გარდაიცვალა 15 პაციენტი.

ოფიციალური ვებგვერდის StopCov მონაცემებით, პანდემიის დაწყებიდან ქვეყანაში დღემდე 33 858 შემთხვევა გამოვლინდა.

ამასთან, ბოლო 24 საათის განმავლობაში კოვიდ-კლინიკები დატოვა 2 197-მა პაციენტმა, პანდემიის დაწყებიდან განიკურნა 14 829 პაციენტი, გარდაიცვალა 253.

103
არჩევნებზე - როგორც ომში!

არჩევნებზე როგორც ომში!

51
(განახლებულია 21:11 28.10.2020)
შაბათს საპარლამენტო არჩევნები კორონავირუსის პანდემიის ფონზე ჩატარდება. COVID-19-ის გავრცელების საფრთხესთან დაკავშირებით საარჩევნო უბნებზე უსაფრთხოების შესაბამის ზომებს მიიღებენ.
არჩევნებზე - როგორც ომში!

არჩევნებზე ამომრჩევლები აუცილებლად უნდა მივიდნენ პირბადით. საარჩევნო ადმინისტრაციის წევრები და დამკვირვებლები ასევე გამოიყენებენ პირბადეებს.

51
შემოდგომის ფოთოლი

ზოდიაქოს ხუთი იღბლიანი ნიშანი ნოემბერში ვის გაუმართლებს ყველაზე მეტად

0
(განახლებულია 17:20 28.10.2020)
ასტროლოგების აზრით, ნოემბერი შემოდგომის ყველაზე ხელსაყრელი თვეა. იღბალი ყველას ეწვევა, მაგრამ ამ ხუთი ნიშნის წარმომადგენლებს – ყველაზე ხშირად

ასტროლოგებმა ნოემბრის რჩეული ნიშნები დაასახელეს, ზოდიაქოს ამ ხუთი ნიშნის წარმომადგენლებს ამ თვეში ყველაზე მეტად გაუმართლებს

2020 წლის სახუმარო ჰოროსკოპი ზოდიაქოს ნიშნებისთვის>>

ვერძი

ვერძებისთვის ნოემბერი ცხოვრების ყველა სფეროში წარმატებული თვე იქნბა. ვარსკვლავები და პლანეტები ძალზე ხელსაყრელ მდგომარეობაში იქნებიან, განსაკუთრებით თვის დასაწყისში. ვერძები შეძლებთ ადრე გაწეული მუშაობის პიველი ნაყოფის დანახვას. ის, რაც ოქტომბერში გააკეთეთ, ახლა უკვე სიხარულს, ფულსა და იღბალს მოგიტანთ. არ არის გამორიცხული, რომ წარმატება პირდაპირ „ხელში ჩაგივარდეთ“ – მხოლოდ მზად უნდა იყოთ ამისთვის.

ტყუპი

ყველა ტყუპს დიდი წარმატებები ელოდება ფინანსურ სფეროში. ძალიან გაგიმართლებთ. იდეალური დროა ძვირფასი შენაძენების, სახსრების ინვესტიციისთვის საკუთარ განვითარებაში. ბევრი თქვენგანი შეძლებს ახალი სამსახურის მოძებნას, შემოსვლების დამატებითი წყაროების პოვნას, ბევრს ეწვევა შთაგონება და ენთუზიაზმით აივსება. მოტივაციაც უამრავი იქნება, მთავარია საქმეების სწორად დაგეგმვა. დიდი წწარმატებები ელოდება შემოქმედებითი სფეროების წარმომადგენლებს.

როგორია თქვენი ბოსი? ხელმძღვანელის პლუსები და მინუსები ზოდიაქოს ნიშნის მიხედვით>>

ქალწული

ქალწულების ცხოვრება, ვარსკვლავებისა და პლანეტების დამსახურებით, უკეთესობისკენ შეიცვლება. ნოემბერში უამრავი კარგი ცვლილება გელოდებათ სასიყვარულო ფრონტზე – განსაკუთრებით, მარტოხელა ქალწულებს. შეიძლება შეხვდეთ დიდ სიყვარულს, იმ ერთადერთს, რომელთანაც მთელი ცხოვრების გატარების სურვილი გაგიჩნდებათ, ასევე ცხოვრებაში საუკეთესო მეგობარს. ზოგადად, ამ თვეში ბევრი სასარგებლო და საბედისწერო ნაცნობობა გელოდებათ. ასევე გაუმართლებს იმათაც, ვისაც უკვე ჰყავს პარტნიორი – საუკეთესო დრო იქნება საერთო პრობლემების მოგვარებისა და გადაჭრისთვის.

მშვილდოსანი

მშვილდოსნებს მრავალი საინტერესო მოვლენა გელოდებათ ნოემბერში. თვე დატვირთული იქნება ახალი შეხვედრებით, თავგადასავლებით, უეცარი აღმაფრენებით. დიდი ძალა და ენერგია დაგჭირდებათ, რომ ტონუსი შეინარჩუნოთ და არაფერი მნიშვნელოვანი არ გამოგრჩეთ. ნოემბრის ბოლოს, თვის მესამე დეკადაში თქვენი ენერგიის ფარული რეზერვები გააქტიურდება და რომ იტყვიან, „მეორე სუნთქვა“ გაგეხსნებათ. ვარსკვლავები მძლავრ პოზიტიურ იმპულსს გამოგიგზავნიან, რომლის წყალობითაც თქვენი ცხოვრებაუკეთესობისკენ შეიცვლება.

ზოდიაქოს ნიშნების ვენდეტა>>

მერწყული

სექტემბერსა და ოქტომბერში მერწყულებს არაერთი საქმე და საზრუნავი დაგიგროვდათ. ეს პრობლემები ნოემბერში უკვე მოგვარდება. ვარსკვლავები დაგეხმარებიან წარმატებების მიღწევაში. ასტროლოგები ამ თვეში ძვირადღირებული ნივთების ყიდვას გირჩევენ – საუბარია რამე აუცილებელსა და ძალზე მნიშვნელოვანზე. შესაძლებელი გახდება ასევე წარმატებული სამუშაო გარიგებების დადება.

0