სასწრაფო დახმარების მანქანა

COVID-19 და ლეტალური შემთხვევები: რა თანმდევი დავადებები აღენიშნებოდათ გარდაცვლილებს

90
(განახლებულია 16:30 12.10.2020)
ბოლო 24 საათში გარდაცვლილთა რაოდენობა შვიდით გაიზარდა. მათ თანმდევი დაავადებები აღენიშნებოდათ. ლეტალობის ფაქტები საქართველოს სხვადასხვა ქალაქში დაფიქსირდა.

თბილისი, 12 ოქტომბერი – Sputnik. საქართველოში ბოლო დღე-ღამეში კორონავირუსით შვიდი პაციენტი გარდაიცვალა და გარდაცვლილთა საერთო რიცხვმა 92 შეადგინა, შესაბამისი ინფორმაცია გავრცელდა ვებ-გვერდზე stopcov.ge.

დღეს ლეტალობის ფაქტები თბილისში, აჭარასა და იმერეთში დაფიქსირდა. ყველა გარდაცვლილ პაციენტს თანმდევი დაავადებები აღენიშნებოდა. თბილისში გარდაიცვალა სამი, აჭარაშიც – სამი, საჩხერეში კი ერთი პაციენტი.

თბილისში ბოლო 24 საათში გარდაცვლილი სამივე პაციენტი ტრავმატოლოგიურ ჰოსპიტალში მკურნალობდა. ჰოსპიტლის კლინიკური დირექტორის ბუბა შალამბერიძის ინფორმაციით, სამივე მათგანს ჰქონდა მრავლობითი ქრონიკული დაავადება და მათ ფონზე მოხდა დაავადების გამწვავება.

„ორი პაციენტი იყო დაახლოებით 70-72 წლის, ერთი მამაკაცი იყო 43 წლის. ქალბატონთან იყო სიმსუქნე, გულის იშემიური დაავადება, შაქრიანი დიაბეტი. დანარჩენ ორ პაციენტთან გადატანილი იყო თავის ტვინის ინფარქტი. ქალბატონი გადმოვიდა ქუთაისიდან, ორი პაციენტი კი თბილისის სხვადასხვა კლინიკიდან“, – განაცხადა შალამბერიძემ ჟურნალისტებთან.

რაც შეეხება აჭარაში გარდაცვლილ სამ პაციენტს, ბათუმის რესპუბლიკური საავადმყოფოს ექიმის გია კიკაბიძის განცხადებით, სამივე მათგანს მწვავე ქრონიკული დაავადებები აღენიშნებოდა. 

საქართველოში კორონავირუსით კიდევ ექვსი ადამიანი გარდაიცვალა>>

„სამწუხაროდ, გარდაიცვალა სამი პაციენტი – 69 წლის ქალბატონი, 81 და 68 წლის მამაკაცი. სამივე მათგანს აღენიშნებოდა სუნთქვის მწვავე უკმარისობა, ორმხრივი პნევმონია, იყვნენ მართვით სუნთქვაზე. გარდა ამისა, ჰქონდათ არტერიული ჰიპენტენზია, გულის ქრონიკული დაავადება, ერთ მათგანს – ალცჰაიმერის დაავადება, შაქრიანი დიაბეტი", – განაცხადა კიკაბაძემ.

რაც შეეხება ბოლო 24 საათში საქართველოში გარდაცვლილ მეშვიდე პაციენტს, ის საჩხერის სამედიცინო ცენტრში გალიდან იყო გადმოყვანილი. 62 წლის მამაკაცი კლინიკაში 11 სექტემბერს შეიყვანეს. მას რამდენიმე ქრონიკული დაავადება, მათ შორის რევმატოიდული პოლიართრიტი აღენიშნებოდა.

ამ დროისათვის საქართველოში კორონავირუსის 12 272 შემთხვევაა დადასტურებული, გამოჯანმრთელებულია 6 538 ადამიანი, 92 პაციენტი კი გარდაიცვალა.

კარანტინის რეჟიმში იმყოფება 5590, სტაციონარებში მეთვალყურეობის ქვეშ 836 პაციენტია, ხოლო კოვიდ-სასტუმროებში მყოფი პირების რაოდენობა 1393-ს შეადგენს.

90
თემები:
COVID-19 საქართველოში (2107)
თბილისის ინფექციური საავადმყოფო

თბილისის ინფექციურ საავადმყოფოსთან ყოველდღიური ბრიფინგები აღარ გაიმართება

19
როგორც საქართველოს მთავრობის ადმინისტრაციაში აცხადებენ, ინფიცირებულთა ბოლო მონაცემებთან დაკავშირებით, განმარტებები საკოორდინაციო საბჭოს სხდომის დასრულების შემდეგ გაკეთდება.

თბილისი, 20 ოქტომბერი – Sputnik. ქვეყანაში შექმნილ ეპიდვითარებასთან დაკავშირებით, თბილისის ინფექციურ საავადმყოფოსთან ყოველდღიური ბრიფინგები აღარ გაიმართება.

ინფიცირებულთა ბოლო მონაცემებთან დაკავშირებით, განმარტებები საკოორდინაციო საბჭოს სხდომის დასრულების შემდეგ გაკეთდება.

როგორც საქართველოს მთავრობის ადმინისტრაციაში აცხადებენ, პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭო შეხვედრებს დღეიდან ყოველდღიურ რეჟიმში გამართავს. 

თბილისის ინფექციური საავადმყოფოს მედიასთან და საზოგადოებასთან ურთიერთობის სამსახურის უფროსის გიორგი ბერიძის განცხადებით, საზოგადოება ინფიცირებულთა რაოდენობასთან დაკავშირებით ინფორმაციას მთავრობის დილის სხდომის შემდეგ მიიღებს.

„დღეიდან სტატისტიკის შესახებ განცხადებებს მთავრობა გააკეთებს. თემის აქტუალურობის შესაბამისად, ინფექციონისტები და კლინიკის ხელმძღვანელობა ბრიფინგებს პერიოდულად გამართავს", – განაცხადა ბერიძემ.

19 ოქტომბრის მონაცემებით, ქვეყანაში კორონავირუსით ინფიცირებულთა რაოდენობა 1186-ით გაიზარდა და 18 663-ს მიაღწია. სულ გამოჯანმრთელდა 8338 ადამიანი, გარდაიცვალა – 143.

19
თემები:
COVID-19 საქართველოში (2107)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 20 ოქტომბერს

13
(განახლებულია 18:07 19.10.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 20 ოქტომბერი — Sputnik. სააქციო საზოგადოება „თელასი" იუწყება, რომ 20 ოქტომბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

გლდანის რაიონი

11:00 საათიდან 17:00 საათამდე შეზღუდვა შეეხება: ქერჩოს და იპოლიტოვ-ივანოვის ქუჩების მოსახლეობას.

საბურთალოს რაიონი

11:00 საათიდან 18:00 საათამდე შეზღუდვა შეეხება: ვაშლიჯვრის დასახლების, გელოვანის გამზირის, გელოვანის, გოძიაშვილის, იასამნის და ბროწეულის ქუჩების მოსახლეობას.

ისნის რაიონი

11:00 საათიდან 18:00 საათამდე შეზღუდვა შეეხება: დიმიტრი გულიას, რიჩარდ ჰოლბრუკის, იორის და იუნკერთა ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

13
თემები:
თბილისი დღეს
ფრანგი პოლიციელები

უახლოეს საათებში: საფრანგეთი ქვეყნიდან ორასზე მეტ უცხოელს აძევებს

0
(განახლებულია 10:44 20.10.2020)
ამ დროისათვის გასაძევებელთაგან 180 კაცი ციხეებში იმყოფება, ხოლო კიდევ 51–ს უახლოეს საათებში დააპატიმრებენ

თბილისი, 20 ოქტომბერი — Sputnik. საფრანგეთის ხელისუფლება უახლოეს საათებში 200–ზე მეტი უცხოელის გაძევებას აპირებს ქვეყნიდან, რომლებიც რადიკალურ ისლამიზმში არიან ბრალდებულნი, იუწყება Europe 1.

გავრცელებული ინფორმაციით, შესაბამის განკარგულებას ქვეყნის შინაგან საქმეთა მინისტრმა ჯერალდ დერმანინიმ უკვე მოაწერა ხელი.

საფრანგეთის ხელისუფლების ეს ნაბიჯი პარიზის მახლობლად ისტორიის მასწავლებლის, სამუელ პატის მკვლელობას უკავშირდება, რომელსაც წარმოშობით ჩეჩენმა მამაკაცმა თავი მოჰკვეთა მას შემდეგ, რაც პედაგოგმა მოსწავლეებს გაკვეთილზე სიტყვის თავისუფლებაზე საუბრისას წინასწარმეტყველ მუჰამედის კარიკატურები წარუდგინა თვალსაჩინო მასალად. 

„მასწავლებლის მკვლელობის შემდეგ, შინაგან საქმეთა მინისტრმა ჯერალდ დერმანინიმ  კვირას საფრანგეთის პრეფექტები შეკრიბა. ჩვენი ინფორმაციით, მინისტრმა პრეფექტებს უახლოეს საათებში იმ 231 უცხოელის გაძევება მოსთხოვა, რომლებიც რადიკალურ ისლამიზმში არიან ბრალდეულნი“, — წერს გამოცემა.

არსებული ცნობით, ჯერჯერობით საუბარია მხოლოდ არალეგალებზე, რომელთაგან 180 კაცი ამ დროისათვის ციხეებში იმყოფება, ხოლო კიდევ 51–ს უახლოეს საათებში დააპატიმრებენ.

ამასთან მინისტრმა დერმანინიმ მეჩეთის დახურვა მოითხოვა კომუნა პანტენში, რომლის Facebook–გვერდზეც მანამდე სამუელ პატის წინააღმდეგ წამქეზებელი ვიდეო იყო განთავსებული. მეჩეთის იმამი დაკავებულია.  

შეგახსნებეთ: 16 ოქტომბერს, სამუელ პატის ცხედარი თავმოკვეთილი იპოვეს პარიზის მეზობლად მდებარე კომუნა კონფლან–სენტ–ონორინში, სკოლის მახლობლად. მოგვიანებით პოლიციამ დამნაშავე პარიზის მეზობელ კომუნაში მოკლა. 

შაბათს საფანგეთის ანტიტერორისტული პროკურატურის ხელმძღვანელმა ჟან-ფრანსუა რიკარმა განაცხადა, რომ თავდამსხმელი მოსკოვში 2002 წელს დაბადებული წარმოშობით ჩეჩენი მამაკაცი იყო, რომელსაც საფრანგეთში ლტოლვილის სტატუსი ჰქონდა.

პრეზიდენტმა მაკრონმა მასწავლებელზე თავდასხმა ტერორისტულ აქტად შეაფასა და განაცხადა, რომ „ისლამისტებს საფრანგეთში მშვიდი ძილი არ ეღირსებათ“.


 

0
თემები:
მსოფლიო დღეს