ეკატერინე ტიკარაძე

ტიკარაძე: ამ ეტაპზე თბილისში შეზღუდვების დაწესების საფუძველი არ არსებობს

81
(განახლებულია 16:23 12.10.2020)
ჯანდაცვის მინისტრის განცხადებით, სასწრაფო დახმარების ექიმებს კორონავირუსზე ტესტი 72 საათში ერთხელ ჩაუტარდებათ ნაცვლად ორკვირიანი შუალედისა.

თბილისი, 12 სექტემბერი – Sputnik. თბილისში ამ ეტაპზე შეზღუდვების დაწესებისთვის კონკრეტული საფუძველი არ არსებობს, ამჟამად მიმდინარეობს დაკვირვება ეპიდემიურ ვითარებაზე, განაცხადა ჯანდაცვის მინისტრმა ეკატერინე ტიკარაძემ საკოორდინაციო საბჭოს სხდომის შემდეგ.

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ეპიცენტრი აჭარა გახდა, სადაც დამატებითი შეზღუდვები დაწესდა.

ბოლო დღეებში მაჩვენებლები თბილისშიც საგრძნობლად გაიზარდა. დღეს გამოვლენილი 478 ახალი შემთხვევიდან 178 სწორედ დედაქალაქს უკავშირდება. რამდენიმე დღის წინ გავრცელდა ინფორმაცია, რომ, ეპიდსიტუაციიდან გამომდინარე, თბილისში, შესაძლოა, ფართომასშტაბიანი შემზღუდველი ღონისძიებები დაწესებულიყო. ამავე დროს იყო საუბარი იმაზეც, რომ დამატებითი შეზღუდვები შეიძლება მოხსნილიყო აჭარაში. დღეს ცნობილი გახდა, რომ აჭარის რეგიონში შეზღუდვების მოხსნა ჯერ არ იგეგმება.

ჯანდაცვის მინისტრის განცხადებით, საკოორდინაციო საბჭო დედაქალაქში ვითარებას აკვირდება და შესაბამის გადაწვეტილებებს ეპიდსიტუაციიდან გამომდინარე მიიღებს.

„კვლავ უფრო დიდ მნიშვნელობას იძენს ნიღბების ინტენსიური გამოყენება, ასევე, რა თქმა უნდა, სოციალური დისტანცირება. დედაქალაქში უკვე გვაქვს საგრძნობლად მომატებული რიცხვი, რაც, რა თქმა უნდა, საყურადღებოა. ჩვენ ამ მიმართულებით გარკვეულ დაკვირვებებს ვაწარმოებთ, რომ მივიღოთ გადაწყვეტილება ინფექციის გავრცელების პრევენციისთვის“, – განაცხადა მინისტრმა.

საქართველოში კორონავირუსით კიდევ ექვსი ადამიანი გარდაიცვალა>>

როგორც ტიკარაძემ აღნიშნა, ამ დროისათვის ქვეყანაში საწოლების რაოდენობა საკმარისია, თუმცა, დედაქალაქში შემთხვევების მატების გამო, საბჭომ მიიღო გადაწყვეტილება, რომ მოხდეს დამატებითი საწოლების მობილიზება.

ასევე, მინისტრის თქმით, ის კლინიკები, რომლებიც კოვიდ-ინფექციის მართვაში ამ ეტაპზე ნაწილობრივ, ჰიბრიდული მეთოდით არიან ჩართული, დღის ბოლოსთვის სრულად ჩაერთვებიან ინფექციის მართვაში.

„რაც შეეხება სასუნთქ აპარატებს, ამ ეტაპისთვის ჩვენ 150-ზე მეტი სასუნთქი აპარატი გვაქვს თავისუფალი, თუმცა მოხდება მათი დამატებაც. სასუნთქი აპარატები ზაფხულში შევიძინეთ. კერძოდ, 100 სასუნთქი აპარატი შევიძინეთ იმ კლინიკებისთვის, სადაც კოვიდ-ინფიცირებულებს ინტენსიურად მკურნალობენ“, – განაცხადა ჯანდაცვის მინისტრმა.

ტიკარაძემ სასწრაფო დახმარების ექიმებზეც ისაუბრა და აღნიშნა, რომ მათ კორონავირუსზე ტესტი 72 საათში ერთხელ ჩაუტარდებათ. აქამდე ტესტირებებს შორის შუალედი ორი კვირა იყო.

კორონავირუსი ტყიბულის სკოლაში: დაინფიცირდა 18 მოსწავლე და ოთხი მასწავლებელი>>

ამ დროისათვის საქართველოში კორონავირუსის 12 272 შემთხვევაა დადასტურებული, გამოჯანმრთელებულია 6 538 ადამიანი, 91 პაციენტი კი გარდაიცვალა.

კარანტინის რეჟიმში იმყოფება 5590, სტაციონარებში მეთვალყურეობის ქვეშ 836 პაციენტია, ხოლო კოვიდ-სასტუმროებში მყოფი პირების რაოდენობა 1393-ს შეადგენს.

81
თემები:
COVID-19 საქართველოში (2238)
ფეხბურთის ბურთი

„მერანის“ ფეხბურთელებს კორონავირუსი აღმოაჩნდათ 

28
საფეხბურთო კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

თბილისი, 29 ოქტომბერი – Sputnik. საფეხბურთო კლუბ „მერანის“ ფეხბურთელებს კორონავირუსი დაუდასტურდათ, წერია კლუბის ოფიციალურ გვერდზე.

კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

„5 ნოემბერს გასამართი მატჩი ეროვნულ ლიგა 2-ში, სადაც მარტვილის „მერანს“ ბოლნისის „სიონისთვის“ უნდა ემასპინძლა, გადადებულია. მიზეზი, კორონავირუსით გამოწვეული სიტუაციაა („მერანის“ რამდენიმე ფეხბურთელს COVID-19 დაუდასტურდა)“, – აღნიშნულია კლუბის Facebook-გვერდზე გავრცელებულ ინფორმაციაში.

ეროვნული ლიგის გვერდზე „მერანისა“ და „სიონის“ მატჩის ჩატარების ოფიციალურ თარიღად 25 ნოემბერია ჩანიშნული. ეს პირველი შემთხვევა არაა, როდესაც მატჩი გადაიდო. ანალოგიური მიზეზით თამაშები გადაუდეს „ლოკომოტივს“, ქუთაისის „ტორპედოს“ და ქობულეთის „შუქურას“.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია. გამოჯანმრთელდა 16904 ადამიანი, გარდაიცვალა 273 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

28
თემები:
COVID-19 საქართველოში (2238)
გია სურამელაშვილი

შორენა ბეგაშვილმა გია სურამელაშვილს სამკაულები მოხსნა ნახეთ რამდენს იწონის ოქროულობა

269
(განახლებულია 19:52 29.10.2020)
ექსტრავაგანტური მომღერალი გია სურამელაშვილი ცნობილია სამკაულების სიყვარულით. ნახეთ რამდენს იწონის ის სამკაულები, რასაც მომღერალი ყოველდღიურად ატარებს.

ცნობილი მოდელისა და მსახიობის შორენა ბეგაშვილის გადაცემაში „შორენას ეფექტი“ მომღერალ გია სურამელაშვილის ოქროს სამკაულები აწონეს. იდეა თავად წამყვანს ეკუთვნოდა, რომელიც დაინტერესდა, რამდენს იწონის სურამელაშვილის სამკაულები, რომლის გარეშეც მაყურებელს ალბათ ის არც ახსოვს.

თავიდან სურამელაშვილი წინააღმდეგი იყო, თუმცა შემდეგ დათანხმდა. შორენას დახმარებით სამკაულები მოიხსნა და ააწონინა. ძვირფასეულობის მასამ 600 გრამი შეადგინა, თანაც იმ დროს, როდესაც სამაჯური და საყურეები წამყვანმა ვერ მოხსნა. „ერთ კილოგრამამდე ოქროთი დადიხარ, გია?!“ – ჰკითხა მას შორენამ, რაზეც სურამელაშვილმა უპასუხა, რომ ეს იმ სამკაულების მხოლოდ ნახევარია, რომელიც ჩვეულებრივ უკეთია ხოლმე.

ერთ დროს ცნობილი და ყველასათვის საყვარელი მომღერალი გია სურამელაშვილი გულახდილობით გამოირჩევა. სხვა ვარსკვლავებთან შედარებით მედიასთან კომუნიკაცია ძალიან ხიბლავს და ნებისმიერ გადაცემაში საზეიმო განწყობას ქმნის.

გია სურამელაშვილის პოპულარობამ პიკს მაშინ მიაღწია, როცა საქართველოში სამოქალაქო ომი მიმდინარეობდა. თბილისის ქუჩებში ხალხი ერთმანეთს ესროდა, გია კი ფილარმონიის დარბაზს ავსებდა. მასზე შეყვარებული ქალბატონები ცრემლებს და ემოციურ შეძახილებს არ იშურებდნენ.

269
თემები:
სელებრითების ცხოვრება
ვლადიმირ პუტინი დამცავ კომბინეზონში

პუტინმა რუსეთში კორონავირუსზე მასობრივი ვაქცინაციის დაწყების ვადა დაასახელა

0
რუსეთი მზადაა უზრუნველყოს რუსულ ვაქცინებთან დაკავშირებული ინტელექტუალური საკუთრების გაყიდვა ან აწარმოოს ისინი უცხოელი პარტნიორების პლატფორმებზე

თბილისი, 29 ოქტომბერი — Sputnik. კორონავირუსის საწინააღმდეგო ორივე რუსული ვაქცინა უსაფრთხო და ეფექტურია, განაცხადა რუსეთის პრეზიდენტმა ვლადიმირ პუტინმა.

„რუსული ვაქცინის გამოცდები ხარვეზების გარეშე მიმდინარეობს, იმედი მაქვს, რომ მასობრივ ვაქცინაციაზე წლის ბოლოსთვის გადავალთ“, - განაცხადა სახელმწიფოს მეთაურმა.

მისი თქმით, პირველ რიგში კორონავირუსის საწინააღმდეგო რუსულ ვაქცინას რუსეთის მოქალაქეები მიიღებენ. თუმცა რუსეთი მზადაა უზრუნველყოს რუსულ ვაქცინებთან დაკავშირებული ინტელექტუალური საკუთრების გაყიდვა ან აწარმოოს ისინი უცხოელი პარტნიორების პლატფორმებზე.

პუტინმა ასევე განაცხადა, რომ რუსეთში კორონავირუსის საწინააღმდეგო ვაქცინების შექმნა მოწმობს, რომ ქვეყანაში მეცნიერება ვითარდება, საბჭოური სკოლა ცოცხალია.

ადრე ცნობილი გახდა, რომ რუსეთის მოქალაქეების მასობრივი ვაქცინაზე რუსული ვაქცინით „სპუტნიკ V" ნოემბრის ბოლოს შეიძლება დაიწყოს.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი კორონავირუსის საწინააღმდეგო ვაქცინა „სპუტნიკV",  რომელიც გამალეს ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა. ვაქცინა სამკვირიანი შუალედით პრეპარატის ორი კომპონენტის შეყვანას ითვალისწინებს. აგვისტოში იუწყებოდნენ, რომ „სპუტნიკ V“ მალე დამზადდება ასევე „რ-ფარმას“, „ბინოფარმისა“ და „ბიოკადის“ საწარმოებში.

რუსულ სამეცნიერო ცენტრ „ვექტორში“ დასრულდა SARS-CoV-2-ის საწინააღმდეგო ვაქცინის კლინიკური ცდები. როგორც „როსპოტრებნადზორის“ ხელმძღვანელმა ანა პოპოვამ განაცხადა, „ვექტორის“ ვაქცინა სახელწოდებით „ეპივაკკორონა“ კორონავირუსის საწინააღმდეგო მეორე რუსული ვაქცინა გახდება.

0
თემები:
COVID-19-ის პანდემია მსოფლიოში