ნინო ნადირაძე

„სუპერ ბებო...“ - ნახეთ რა საყვარელი შვილიშვილი ჰყავს ნინო ნადირაძეს - ფოტო

19508
(განახლებულია 22:14 10.10.2020)
კუზანოვების ცნობილ ოჯახში მატებაა. ბაია კუზანოვს ბიჭუნა შეეძინა. სოციალურ ქსელში ახალშობილის ფოტოები ვრცელდება.

ცნობილმა ექიმმა შვილიშვილთან ერთად გადაღებული ფოტო „ინსტაგრამის“ საკუთარ გვერდზე განათავსა და უამრავი კომპლიმენტი მიიღო. „სუპერ ბებო“, „ჯერ კიდევ, ვერ აცნობიერებს რა ლამაზი ბებო ყავს უსაყვარლესს“, - უწერენ ნინო ნადირაძეს.

View this post on Instagram

A post shared by nino (@ninonadiradze) on

ექიმისა და ტელეწამყვანის ქალიშვილი ბაია კუზანოვა 1 აგვისტოს დედა გახდა. ახალგამომცხვარმა ბებიამ მშობიარობის შემდეგ ბაიას პირველი ფოტო „ინსტაგრამ სთორიზეც“ ატვირთა. გოგონამ გაგუას კლინიკაში იმშობიარა და ბიჭი გააჩინა.

View this post on Instagram

A post shared by nino (@ninonadiradze) on

ბაია კუზანოვის ორსულობის შესახებ ცნობილი დაახლოებით რამდენიმე თვის წინ ნინო ნადირაძის სოციალური ქსელიდან გახდა. გუგა და ნინო კუზანოვებმა ბაია ერთი წლის წინ დააოჯახეს. სოციალურ ქსელში წყვილის ფოტო-ვიდეოები აქტიურად ქვეყნდებოდა. ერთადერთი ქალიშვილის დაოჯახება და მასთან განშორება არც ისე ადვილი აღმოჩნდა გოგონას მშობლებისთვის.

View this post on Instagram

#granddaughter #grandpa

A post shared by nino (@ninonadiradze) on

ნინო ნადირაძემ შვილის ქორწილის დღეს ვიდეომიმართვა ჩაწერა და აღნიშნა, რომ ბაია და ყველა ქალი გათხოვებისთვის ენანება. როგორც აღმოჩნდა, დაქორწინებამდე წყვილს ხანგრძლივი სასიყვარულო ურთიერთობა აკავშირებდა, თუმცა ყოველთვის ცდილობდნენ მედიის ყურადღების ცენტრში არ მოხვედრილიყვნენ. ბაიას რჩეული საზოგადოებისთვის ნაკლებად ცნობილი გიორგი ბეჟაშვილია.

View this post on Instagram

A post shared by nino (@ninonadiradze) on

ნინო და გუგა კუზანოვებმა ოჯახი 27 წლის წინ შექმნეს. ექიმები 1993 წელს შეუღლდნენ. ურთიერთგაგებითა და ერთმანეთის მხარდაჭერით ბევრს მიაღწიეს, დღემდე ქართულ შოუბიზნესში ერთ-ერთ გამორჩეულ წყვილად ითვლებიან.

19508
თემები:
სელებრითების ცხოვრება (2220)
შორენა ბეგაშვილი

შორენა ბეგაშვილმა შეყვარებულის ინტიმური ფოტო გაასაჯაროვა ნახეთ როგორ გამოიყურება კაცი

650
(განახლებულია 19:51 21.10.2020)
ორი უიღბლო ქორწინების შემდეგ შორენა ბეგაშვილი კვლავ ურთიერთობაშია. ამჟამად მოდელი არც საყვარელ მამაკაცს და არც ურთიერთობას აღარ მალავს. უნდა ვივარაუდოთ, რომ მალე მოდელი ქორწილის ფოტოებსაც გამოფენს.

ზუსტად ერთი წელია, რაც შორენა ბეგაშვილი ბიზნესმენ ირაკლი ნანაძეს ოფიციალურად დაშორდა, თუმცა საზოგადოებამ ვერც ის გაიგო, როდის დაქორწინდა წყვილი. ყველაფერი გასაიდუმლოებული იყო მანამ, სანამ შორენამ იუსტიციის სახლიდან განქორწინების მოწმობის ფოტო არ გამოაქვეყნა.

View this post on Instagram

A post shared by Shorena Begashvili (@shorenabegashviliofficial) on

როგორც საკუთარ გადაცემაში „შორენას ეფექტი“ ტელეწამყვანმა აღიარა, ქმარს იმიტომ დაშორდა, რომ მძიმე წუთებში, როდესაც ის შვილთან ერთად თურქეთის ერთ-ერთ კლინიკაში თვეების განმავლობაში იმყოფებოდა, „ქმარი თბილისში ერთობოდა“.

View this post on Instagram

🖤

A post shared by Shorena Begashvili (@shorenabegashviliofficial) on

შორენამ ისიც აღნიშნა, რომ ამჟამად შეყვარებულია და თავს ძალიან ბედნიერად გრძნობს. სოციალურ ქსელში სტატუსიც შეცვალა და ამჟამად ქალის შესახებ გამოქვეყნებულ პირად ინფორმაციაში მითითებულია, რომ ის ურთიერთობაში იმყოფება.

View this post on Instagram

🖤

A post shared by Shorena Begashvili (@shorenabegashviliofficial) on

მოდელი და ტელეწამყვანი არც შეყვარებულთან ერთად გადაღებულ ფოტოების გასაჯაროებას ერიდება და ცოტა ხნის წინ საყვარელი მამაკაცის ნახევრად შიშველი ფოტოც კი გამოაქვეყნა. ფოტო, სავარაუდოდ, ესპანეთშია გადაღებული, სადაც ზაფხულში შორენა საყვარელ მამაკაცთან ლაშა ბარათელთან ერთად ისვენებდა.

View this post on Instagram

A post shared by Shorena Begashvili (@shorenabegashviliofficial) on

გამოცემა „პრაიმ კრაიმის“ მიერ 2018 წელს გამოქვეყნებულ „კანონიერი ქურდების“ რეიტინგში, მათი ამჟამინდელი გავლენების, წარსული გამოცდილების, სამომავლო პერსპექტივისა და პრესის დაინტერესების გათვალისწინებით, ათ ყველაზე რეიტინგულ „კანონიერ ქურდს“ შორის ერთ-ერთი სწორედ ლაშა ბარათელია.

View this post on Instagram

@nikolozi_ph 🌟 @shorenasefekti

A post shared by Shorena Begashvili (@shorenabegashviliofficial) on

არსებული ინფორმაციით, ლაშა ბარათელი, იგივე „ჭია" 1989 წლის 11 ივლისს სოხუმში დაიბადა. გავრცელებული ინფორმაციით, ამჟამად თურქეთში ცხოვრობს. ბარათელი, მიუხედავად მანძილისა, საყვარელი ქალისთვის ძვირადღირებული საჩუქრებისა და სიურპრიზების კეთებას არ წყვეტს.

650
თემები:
სელებრითების ცხოვრება (2220)
საპატრულო პოლიცია

„მძევლების დახოცვას დავიწყებ 2 საათის შემდეგ“ თავდამსხმელის ულტიმატუმი

244
(განახლებულია 19:39 21.10.2020)
ზუგდიდში ბანკზე თავდამსხმელი ულტიმატუმს აყენებს და შესაბამის ორგანოებს ორი საათის განმავლობაში მისი მოთხოვნების შესრულებისკენ მოუწოდებს.

თბილისი, 21 ოქტომბერი — Sputnik. ზუგდიდში „საქართველოს ბანკზე“ თავდამსხმელი სამართალდამცველი უწყებებისთვის მიცემული დროის – 2 საათის გასვლის შემდეგ მძევლების დახოცვას აპირებს. შესაბამისი განცხადება „მთავარი არხის“ პირდაპირ ეთერში მძევლად აყვანილმა ირაკლი კვარაცხელიამ გაახმოვანა.

თავდამსხმელი ითხოვს მასთან შეუიარაღებელმა პირმა მიიტანოს 500 ათასი დოლარი და მისცენ ვერტმფრენი, ან ავტომობილი, რომლითაც მძევლებთან ერთად უსაფრთხოდ დატოვებს შენობას.

მძევლის თქმით, ტელეკომპანიას თავდამსხმელის მითითებით ჩაერთო. კვარაცხელიას თქმით, ოთახში მძევლად 19 ადამიანია აყვანილი და შეიარაღებული თავდამსხმელი „კბილებამდე შეიარაღებულია, ხელყუმბარა აქვს გახსნილი და ისე გადადგილდება, თუმცა მისი ინტერესი არაა ვინმეს დაშავება და უნდა, რომ ყველაფერი მოლაპარაკებით დასრულდეს“.

მძევლის თქმით, როდესაც თავდამსხმელი თანხას მიიღებს, შენობიდან ან ვერტმფრენით წავა, ან მძევლებთან ერთად გავა. შესაბამის ორგანოებს მოთხოვნების შესასრულებლად თავდამსხმელი 2 საათს აძლევს.

დღეს ზუგდიდში, გამსახურდიას ქუჩაზე მდებარე „საქართველოს ბანკის" ფილიალზე შეიარაღებული თავდასხმა მოხდა.

გავრცელებული ინფორმაციით, შეიარაღებულ პირს მძევლად ჰყავს აყვანილი როგორც ბანკის თანამშრომლები, ისე ბანკში მყოფი რიგითი მოქალაქეები.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. უწყების ცნობით, ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში 14:21 საათზე შევიდა. პოლიციის თანამშრომლებმა მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია.

244
სპეცოპერაცია ზუგდიდში

ზუგდიდში „საქართველოს ბანკზე“ თავდამსხმელმა ერთი მძევალი გაათავისუფლა

0
ამ დროისთვის შემთხვევის ადგილზე მობილიზებული არიან სამართალდამცველები მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. ზუგდიდში „საქართველოს ბანკზე“ თავდამსხმელმა ერთ-ერთი მძევალი გაათავისუფლა.

გავრცელებული ინფორმაციით, 55 წლამდე ქალმა ბანკის შენობა ცოტა ხნის წინ, პოლიციის თანხლებით დატოვა. დანარჩენი 18 მძევლის გასათავისუფლებლად კი პოლიცია მუშაობას აგრძელებს.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

0
თემები:
კრიმინალი საქართველოში