ასაკოვანი ქალის ხელები

ვირუსთან გამკლავება ხანდაზმულებსაც შეუძლიათ: სათნოების სახლის 11 ბინადარი გამოჯანმრთელდა

59
(განახლებულია 20:29 09.10.2020)
აჭარის ჯანდაცვის სამინისტროს ინფორმაციით, თავშესაფრის 15-მდე კოვიდ-ინფიცრებული ბენეფიციარი ამ დრომდე ექიმების მეთვალყურეობის ქვეშ რჩება.

თბილისი, 9 ოქტომბერი – Sputnik. ბათუმის სათნოების სახლ „სავანეში“ მცხოვრებმა 11-მა ხანდაზმულმა კორონავირუსი დაამარცხა და კვლავ პანსიონატს დაუბრუნდა, იუწყება ტელეკომპანია Imedi.

ბოლო 24 საათის განმავლობაში აჭარის რეგიონში კორონავირუსის 190 ახალი შემთხვევა დადასტურდა, ხოლო 250 პაციენტი გამოჯანმრთელდა.

გამოჯანმრთელებულთა შორის მოხუცთა სახლისა და გერიატრიული თავშესაფრის 28 ბენეფიციარია. სამედიცინო დაწესებულებიდან და კოვიდ–სასტუმროდან სათნოების სახლში 11 ბინადარი, ხოლო გერიატრიულ თავშესაფარში 17 მოხუცი დაბრუნდა.

გამოჯანმრთელებულთაგან ყველაზე ასაკოვანი 80 წლის ქალი და 78 წლის მამაკაცი არიან.

აჭარის ჯანდაცვის სამინისტროს ინფორმაციით, თავშესაფრის 15-მდე კოვიდ-ინფიცრებული ბენეფიციარი ამ დრომდე ექიმების მეთვალყურეობის ქვეშ რჩება.

თავშესაფარში მცხოვრები სამი ადამიანი კორონავირუსისგან გარდაიცვალა. გარდაცვლილებს მძიმე თანმხლები დაავადებები აღენიშნებოდათ.

ბათუმის სათნოების სახლ „სავანეში" კორონავირუსი 25 ხანდაზმულსა და 10 თანამშრომელს  სექტემბრის ბოლოს დაუდასტურდა. ამ დროისთვის იქ კვლავ კარანტინი გრძელდება. თავშესაფარში ამჟამად 90 ბენეფიციარი ცხოვრობს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 527-ით გაიზარდა და 10752-ს მიაღწია.

ამ დროისათვის სულ გამოჯანმრთელდა 5866 ადამიანი, გარდაიცვალა 72. კარანტინის რეჟიმში იმყოფება 5971, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1393 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

59
თემები:
COVID-19 საქართველოში (2237)
ლაბორატორია

სამეგრელო–ზემო სვანეთში ინფიცირების 151 შემთხვევა გამოვლინდა

3
(განახლებულია 16:49 29.10.2020)
ბოლო 24 საათის განმავლობაში რეგიონის მასშტაბით გამოჯანმრთელდა 47 პაციენტი, საკარანტინო სივრცეში კი იმყოფება 146 ადამიანი.

თბილისი, 28 ოქტომბერი – Sputnik. სამეგრელო–ზემო სვანეთის რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 451 ნიმუშებიდან 151-ზე დადებითი პასუხია, იუწყება „Sputnik-საქართველოს" კორესპონდენტი. 

რეგიონში დღეს გამოვლენილი ინფიცირების ახალი შემთხვევებიდან 87 დაფიქსირდა ზუგდიდში. 11  შემთხვევა ფოთში, 9 – ხობში, 6 – წალენჯიხაში, 3 – სენაკში და 1 ჩხოროწყუში. ინფიცირებულთა უმეტესობა დადასტურებული შემთხვევების კონტაქტებია, დანარჩენი კი ცხელებით შესული პაციენტები არიან.  

რუხის კლინიკაში მკურნალობის კურსს გადის 127 კოვიდ-პაციენტი, აქედან 16-ის მდგომარეობა შედარებით მძიმეა. ფოთის ჰოსპიტალში 40 კოვიდ-პაციენტი მკურნალობს.

ბოლო 24 საათის განმავლობაში რეგიონის მასშტაბით გამოჯანმრთელდა 47 პაციენტი.

რეგიონის მასშტაბით სულ საკარანტინო სივრცეში იმყოფება 146 ადამიანი.

ბოლო მონაცემებით, საქართველოში კორონავირუსით ინფიცირებულთა საერთო რაოდენობამ 35567-ს მიაღწია. სულ გამოჯანმრთელდა 16904 ადამიანი, გარდაიცვალა – 273, კარანტინის რეჟიმშია 3324, სტაციონარებში ექიმების დაკვირვების ქვეშ 4209 პაციენტია, ხოლო კოვიდ–სასტუმროებში 2346 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

3
თემები:
COVID-19 საქართველოში (2237)
სპეცოპერაცია ზუგდიდში

„გამოდი შვილო, ჩაბარდი პოლიციას“: ბადრი ესებუას მამა შვილს მიმართავს

16
ამ დროისთვის სამართალდამცველები ესებუას ადგილსამყოფელის დადგენისა და დაკავების მიზნით, სპეციალურ ოპერატიულ, საგამოძიებო და სამძებრო მოქმედებებს განაგრძობენ

თბილისი, 29 ოქტომბერი - Sputnik. ზუგდიდში, „საქართველოს ბანკის“ ფილიალზე მომხდარ თავდასხმაში ბრალდებული პირის, ბადრი ესებუას მამა შვილს მიმართავს და სთხოვს, პოლიციას ჩაბარდეს. ვიდეომიმართვას საინფორმაციო სააგენტო „კვირა“ ავრცელებს.

„საქართველოს ბანკზე“ თავდამსხმელი ამ დროისათვის იდენტიფიცირებულია. პირი, რომელსაც ბანკის ზუგდიდის ფილიალში მძევლების აყვანა ედება ბრალად, 1988 წელს დაბადებული ბადრი ესებუაა. შსს-ს მიერ გავრცელებული ინფორმაციით, მისი ვინაობის დადგენა თავდასხმის ღამესვე მოხდა.

„შვილო, ბადრი, გელოდებოდით გუშინ, არ ჩამოხვედი, სად ხარ? არ ვიცით შენი ადგილსამყოფელი. გამოდი, შვილო, ჩაბარდი პოლიციას და გაირკვევა ყველაფერი ნორმალურად. ამას გთხოვთ, მეტი სათქმელი არაფერი მაქვს. გამოდი, დაგვიკავშირდი ან ჩაბარდი პოლიციას“, – მიმართავს ტარიელ ესებუა შვილს.

შსს-ს ცნობით, პოლიცია ბადრი ესებუას ადგილსამყოფელის დადგენისა და დაკავების მიზნით, სპეციალურ ოპერატიულ, საგამოძიებო და სამძებრო მოქმედებებს აქტიურ რეჟიმში განაგრძობს.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 43 ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. აღნიშნული მოთხოვნების დაკმაყოფილების შემდეგ მან ყველა მძევალი გაათავისუფლა და მიმალვა მოახერხა. მისი ადგილსამყოფელი ამ დრომდე უცნობია.

ბადრი ესებუას მამა ისევ პოლიციაში გამოკითხვაზე დაიბარეს>>

შინაგან საქმეთა სამინისტრომ ბანკზე თავდასხმის ფაქტს ტერორისტული აქტის კვალიფიკაცია მისცა.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

16
თემები:
ზუგდიდში შეიარაღებულმა პირმა მძევლები აიყვანა