კანონისა და მართლმსაჯულების სიმბოლოები

იუსტიციის უმაღლესი საბჭო მოსამართლეების შერჩევას შეუდგა

38
(განახლებულია 20:17 09.10.2020)
საბჭოს წევრები ამ ეტაპზე პირველი და მეორე ინსტანციის მოსამართლეობის კანდიდატებს არჩევენ, პარალელურად იღებენ განაცხადებს უზენაესი სასამართლოს მოსამართლის ვაკანსიებზე.

თბილისი, 9 ოქტომბერი – Sputnik. იუსტიციის უმაღლესი საბჭო პირველი და მეორე სასამართლო ინსტანციების მოსამართლეობის კანდიდატებთან გასაუბრებას ატარებს, ნათქვამია საბჭოს განცხადებაში.

ამჟამად გასაუბრება 12 კანდიდატთან მიმდინარეობს. იუსტიციის საბჭოს მონაცემებით, მოსამართლეთა კონკურსის შემდეგ ეტაპზე 68 კანდიდატი გადავიდა.

იუსტიციის უმაღლესი საბჭო უზენაესი სასამართლოს მოსამართლეთა ახალი შერჩევისთვის მზადაა>>

„დღევანდელ სხდომაზე 12 კანდიდატია გამოძახებული და საბჭოს ყველა წევრს შესაძლებლობა ექნება, თითოეულ კანდიდატს თავისთვის სასურველი კითხვები დაუსვას. ძირითადი კრიტერიუმები არის კომპეტენტურობა და კეთილსინდისიერება, რომელიც ასევე ქვეკრიტერიუმებად არის კანონში ჩაშლილი. თითოეული კანდიდატის ირგვლივ შეგროვებულია ყველა სახის ინფორმაცია, რომლის მოძიებაც შესაძლებელი იყო შესაბამისი ორგანოებიდან, ასევე საჯარო სივრციდან და საბჭოს წევრები ფლობენ უკვე ამ ინფორმაციას“, – განუცხადა ჟურნალისტებს იუსტიციის უმაღლესი საბჭოს მდივანმა გიორგი მიქაუტაძემ.

კონკურსი პირველ და მეორე სასამართლო ინსტანციებში 99 ვაკანტურ ადგილზე ტარდება. დღეიდან ასევე დაიწყო ელექტრონული განაცხადების მიღება ცხრა ვაკანსიაზე უზენაეს სასამართლოში. განაცხადების მიღება 29 ოქტომბრამდეა შესაძლებელი.

მოსამართლეობის კანდიდატების შერჩევა ახალი რეგულაციებით მიმდინარეობს, რომლებიც შეტანილია საერთო სასამართლოების შესახებ ორგანულ კანონში.

მოსამართლეთა შერჩევის ეტაპები

შერჩევა ოთხ ეტაპად მიმდინარეობს, რის შემდეგაც იუსტიციის უმაღლესი საბჭო კანდიდატებს წარუდგენს პარლამენტს, რომელიც თითოეულ კანდიდატურას ცალკე უყრის კენჭს.

პირველ ეტაპზე იუსტიციის უმაღლესი საბჭო ჩაატარებს ფარულ კენჭისყრას კანდიდატების შესარჩევად. მათი რაოდენობა ვაკანსიების რაოდენობას სამჯერ უნდა აღემატებოდეს.

შემდეგ იუსტიციის უმაღლესი საბჭო თითოეულ კანდიდატს გაესაუბრება საჯაროდ და შეამოწმებს ინფორმაციას მათ შესახებ.

შემდეგ ეტაპზე, გასაუბრების შედეგად, მცირდება კანდიდატების რაოდენობა უზენაეს სასამართლოში ვაკანტური ადგილების შესაბამისად.

ბოლო ეტაპია კენჭისყა, რათა საბოლოოდ შერჩეული კანდიდატები პარლამენტს დასამტკიცებლად წარუდგინონ. სიაში ხვდება ის, რომელსაც იუსტიციის უმაღლესი საბჭოს წევრთა 2/3 მისცემს ხმას.

38
სპეცოპერაცია ზუგდიდში

„გამოდი შვილო, ჩაბარდი პოლიციას“: ბადრი ესებუას მამა შვილს მიმართავს

14
ამ დროისთვის სამართალდამცველები ესებუას ადგილსამყოფელის დადგენისა და დაკავების მიზნით, სპეციალურ ოპერატიულ, საგამოძიებო და სამძებრო მოქმედებებს განაგრძობენ

თბილისი, 29 ოქტომბერი - Sputnik. ზუგდიდში, „საქართველოს ბანკის“ ფილიალზე მომხდარ თავდასხმაში ბრალდებული პირის, ბადრი ესებუას მამა შვილს მიმართავს და სთხოვს, პოლიციას ჩაბარდეს. ვიდეომიმართვას საინფორმაციო სააგენტო „კვირა“ ავრცელებს.

„საქართველოს ბანკზე“ თავდამსხმელი ამ დროისათვის იდენტიფიცირებულია. პირი, რომელსაც ბანკის ზუგდიდის ფილიალში მძევლების აყვანა ედება ბრალად, 1988 წელს დაბადებული ბადრი ესებუაა. შსს-ს მიერ გავრცელებული ინფორმაციით, მისი ვინაობის დადგენა თავდასხმის ღამესვე მოხდა.

„შვილო, ბადრი, გელოდებოდით გუშინ, არ ჩამოხვედი, სად ხარ? არ ვიცით შენი ადგილსამყოფელი. გამოდი, შვილო, ჩაბარდი პოლიციას და გაირკვევა ყველაფერი ნორმალურად. ამას გთხოვთ, მეტი სათქმელი არაფერი მაქვს. გამოდი, დაგვიკავშირდი ან ჩაბარდი პოლიციას“, – მიმართავს ტარიელ ესებუა შვილს.

შსს-ს ცნობით, პოლიცია ბადრი ესებუას ადგილსამყოფელის დადგენისა და დაკავების მიზნით, სპეციალურ ოპერატიულ, საგამოძიებო და სამძებრო მოქმედებებს აქტიურ რეჟიმში განაგრძობს.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 43 ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. აღნიშნული მოთხოვნების დაკმაყოფილების შემდეგ მან ყველა მძევალი გაათავისუფლა და მიმალვა მოახერხა. მისი ადგილსამყოფელი ამ დრომდე უცნობია.

ბადრი ესებუას მამა ისევ პოლიციაში გამოკითხვაზე დაიბარეს>>

შინაგან საქმეთა სამინისტრომ ბანკზე თავდასხმის ფაქტს ტერორისტული აქტის კვალიფიკაცია მისცა.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

14
თემები:
ზუგდიდში შეიარაღებულმა პირმა მძევლები აიყვანა
თავისუფლების მოედანი

„ნაცმოძრაობის" აქცია: ცალკეულ უბნებში ავტოტრანსპორტის მოძრაობა იზღუდება

18
(განახლებულია 17:29 29.10.2020)
თბილისის ცენტრალურ უბანში სატრანსპორტო ნაკადის უსაფრთხო გადაადგილებას საპატრულო პოლიციის ეკიპაჟები უზრუნველყოფენ. მოძრაობა ჩვეულ რეჟიმში ღონისძიების დასრულების შემდეგ აღდგება.

თბილისი, 29 ოქტომბერი – Sputnik. თავისუფლების მოედანზე ყოფილი მმართველი პარტია „ერთიანი ნაციონალური მოძრაობის“ მიერ დაგეგმილ  წინასაარჩევნო შემაჯამებელ აქციასთან დაკავშირებით, დედაქალაქის ცალკეულ უბნებში ავტოტრანსპორტის მოძრაობა შეიზღუდება, ნათქვამია შსს–ს მიერ გავრცელებულ განცხადებაში.

„ერთიანი ნაციონალური მოძრაობისა“ და გაერთიანებული ოპოზიციის დასკვნითი შეკრება თავისუფლების მოედანზე დღეს, 18:00 საათზე გაიმართება.

ტრანსპორტის მოძრაობა სრულად აიკრძალა თავისუფლების მოედანზე. ავტომანქანები ალტერნატიული მარშრუტებით მოძრაობენ. კერძოდ:

„ბარათაშვილის ხიდიდან მომავალი სატრანსპორტო საშუალებების ნაკადი მოძრაობს იუსტიციის სახლის მიმართულებით. მსუბუქი ავტომანქანები მოძრაობენ კოტე აფხაზის ქუჩაზე და ვერცხლის ქუჩის გავლით ბარათაშვილის ქუჩაზე გადიან; ლადო ასათიანის ქუჩიდან მომავალი სატრანსპორტო ნაკადი ვერ მოხვდება შალვა დადიანის ქუჩაზე. შესაბამისად, ავტომანქანები მოძრაობენ ოვანეს თუმანიანის ქუჩის გავლით, ვახტანგ გორგასლის მოედნის მიმართულებით; მერაბ კოსტავას ქუჩაზე მოძრავი ავტომანქანები ყოფილი ფოსტის შენობასთან ბრუნდებიან და გადაადგილებას აგრძელებენ ელბაქიძის ქუჩის მიმართულებით“, – ნათქვამია განცხადებაში. 

ამასთან, 17:00 საათიდან მოძრაობა იკრძალება  რესპუბლიკის მოედანზე, შესაბამისად, პეტრე მელიქიშვილის ქუჩიდან მოძრაობა შესაძლებელი იქნება მერაბ კოსტავას ქუჩის და ელბაქიძის დაღმართის გავლით, მტკვრის ორივე სანაპიროსა და ჩუღურეთის მიმართულებით.

– რუსთაველის გამზირსა და მიმდებარე  ქუჩებზე: ალექსანდრე ჭავჭავაძის, მიტროფანე ლაღიძის, ბესიკის, 9 აპრილის, ზაქარია ჭიჭინაძის, ლესია უკრაინკას, მესხიას, რევაზ ლაღიძის, ვასო აბაშიძის, გია ჭანტურიას, არჩილ ჯორჯაძის და ანტონ ფურცელაძის ქუჩებზე.

აღნიშნული აკრძალვის პერიოდში, ავტომანქანებს თავისუფლად გადაადგილება შეეძლებათ მტკვრის ორივე სანაპიროზე, ვასილ პეტრიაშვილის, თამარ ჭოველიძის და დანიელ ჭონქაძის ქუჩებზე.

მოქალაქეების და სატრანსპორტო საშუალებების უსაფრთხო გადაადგილებას საპატრულო პოლიციის ეკიპაჟები უზრუნველყოფენ.

მოძრაობა ჩვეულ რეჟიმში ღონისძიების დასრულების შემდეგ აღდგება.

18
თემები:
საქართველოს პოლიტიკური ცხოვრება
მაჭახელას ეროვნული პარკი

მაჭახელას ხეობაში ეთნოსოფელი შენდება

0
(განახლებულია 16:47 29.10.2020)
ეთნოსოფელი მდინარე მაჭახელას ულამაზეს ხეობაში შენდება და ის ტურისტებისთვის კიდევ ერთი მიმზიდველი ადგილი გახდება

თბილისი, 29 ოქტომბერი – Sputnik. აჭარაში, მაჭახელას ხეობაში ეთნოსოფლის მშენებლობა დაიწყო, იუწყება პირველი არხი.

პროექტი მიმართულია ხეობის უნიკალური კულტურულ–ეთნოგრაფიული ფასეულობების, ისტორიისა და ტრადიციების მაქსიმალური დაცვისა და არსებული ლანდშაფტის შენარჩუნებისკენ.

ეთნოსოფელი განკუთვნილია ტურიზმის განვითარების, ეკონომიკური აქტივობის ზრდის, გარემოს დაცვისა და ასევე ადგილობრივი მოსახლეობის დასაქმებისთვის.

პროექტი თანამედროვე სტანდარტების საინფორმაციო ცენტრის მშენებლობით დაიწყო. ის სრულად 2021 წლის სექტემბერში დასრულდება.

მაჭახელას საინფორმაციო ცენტრში მოეწყობა სამუშაო და საგამოფენო სივრცეები, ასევე საკონფერენციო დარბაზი.

მაჭახელას ეროვნული პარკი ფინანსურ დახმარებას მიიღებს>>

ასევე გაეროს განვითარების პროგრამა მაჭახელას ხეობისთვის დაცული ლანდშაფტის სტატუსის მინიჭებაზე მუშაობს.

მაჭახელას ხეობა ბათუმიდან 20 კილომეტრში, ზღვის დონიდან 300–800 მეტრ სიმაღლეზეა და უნიკალური ბუნებით გამოირჩევა.

0
თემები:
ტურიზმი საქართველოში