ტესტირება კორონავირუსზე

ენდელაძე: ამ ეტაპზე ყველაზე საშიში თბილისია

79
(განახლებულია 16:37 09.10.2020)
ამ დროისათვის საქართველოში კორონავირუსის 10 752 შემთხვევაა დადასტურებული, გამოჯანმრთელებულია 5 866 ადამიანი, 72 პაციენტი კი გარდაიცვალა.

თბილისი, 9 ოქტომბერი — Sputnik. საქართველოში ბოლო 24 საათში გამოვლენილი კორონავირუსის 527 ახალი შემთხვევიდან უმეტესობა აჭარას და თბილისს უკავშირდება, განაცხადა თბილისის ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ. 

ენდელაძის თქმით, ახალი შემთხვევებიდან უმეტესობა ისევ აჭარაზე მოდის, თუმცა სტატისტიკა მცირდება. გუშინ აჭარაში 230 შემთხვევა გამოვლინდა, დღეს კი 190 დაფიქსირდა. სამაგიეროდ გაიზარდა თბილისში გამოვლენილი შემთხვევების რაოდენობა – გუშინ იყო 134, დღეს კი 179 შემთხვევა გამოვლინდა. 

ენდელაძის განცხადებით, თბილისში კორონავირუსის შემთხვევების რაოდენობის ზრდა ჯანდაცვის სამინისტროს მიერ დაწესებული რეგულაციების დაუცველობითაა გამოწვეული.

„თბილისში ინფიცირების რაოდენობის ზრდა გამოიწვია რეგულაციების დაუცველობამ და გაუფრთხილებლობამ. ჩვენ ყოველდღე ვამბობთ, რომ რეგულაციების დაცვა აუცილებელია. მოსახლეობის სიმჭიდროვის, რაოდენობის გათვალისწინებით ამჟამად ყველაზე საშიში თბილისია, ამიტომაც აუცილებელია, რომ მოსახლეობამ რეგულაციები სრულყოფილად დაიცვას“, – განაცხადა მარინა ენდელაძემ.

რაც შეეხება სხვა რეგიონებს, მაჩვენებლები ასეთია: 91 – იმერეთი, 28 – ქვემო ქართლი, 10 – შიდა ქართლი, 11 – კახეთი, 3–3 – მცხეთა-მთიანეთი და გურია და ერთი – სამცხე-ჯავახეთი.

ენდელაძის განცხადებით, დღევანდელი მონაცემებით, ინფიცირებული პაციენტებიდან 63 კრიტიკულად მძიმეა.

რაც შეეხება უშუალოდ თბილისის ინფექციურ საავადმყოფოს, კლინიკაში კორონავირუსით ინფიცირებული 40 პაციენტი მკურნალობს, მათგან ექვსი მძიმე, ერთი კი კრიტიკული პაციენტია.

ამ დროისათვის საქართველოში კორონავირუსის 10 752 შემთხვევაა დადასტურებული, გამოჯანმრთელებულია 5 866 ადამიანი, 72 პაციენტი კი გარდაიცვალა. კარანტინის რეჟიმში იმყოფება 5 971, სტაციონარებში მეთვალყურეობის ქვეშ 836 პაციენტია, ხოლო კოვიდ-სასტუმროებში მყოფი პირების რაოდენობა 1393-ს შეადგენს.

79
თემები:
COVID-19 საქართველოში (2189)
თბილისი

COVID-19 საქართველოში: რამდენი შემთხვევა გამოვლინდა ბოლო დღე-ღამეში

17
(განახლებულია 11:04 26.10.2020)
ამ დროისათვის სულ გამოჯანმრთელდა 11370 ადამიანი, გარდაიცვალა – 215, კარანტინის რეჟიმში იმყოფება 3769, სტაციონარებში ექიმების დაკვირვების ქვეშ 3832 პაციენტია, ხოლო კოვიდ–სასტუმროებში  2249 ადამიანი იმყოფება.

თბილისი, 26 ოქტომბერი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1872-ით გაიზარდა და საერთო რიცხვმა 30303-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 11370 ადამიანი, გარდაიცვალა – 215, კარანტინის რეჟიმში იმყოფება 3769, სტაციონარებში ექიმების დაკვირვების ქვეშ 3832 პაციენტია, ხოლო კოვიდ–სასტუმროებში  2249 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

17
თემები:
COVID-19 საქართველოში (2189)
სასწრაფო დახმარება

საქართველოში კორონავირუსით ექიმი გარდაიცვალა

29
ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431 -ს მიაღწია. სულ გამოჯანმრთელდა 10767 ადამიანი

 

თბილისი, 26 ოქტომბერი - Sputnik. თბილისში, კლინიკა „ჯერარსში"  კორონავირუსით ექიმი გარდაიცვალა, იუწყება ტელეკომპანია „რუსთავი“.

კლინიკის ინფორმაციით, მედპერსონალი მათი თანამშრომელი არ არის და ის ერთ-ერთი რეგიონიდან უმძიმეს მდგომარეობაში გადმოიყვანეს.

გავრცელებული ინფორმაციით, გარდაცვლილი „სასწრაფო დახმარების“ ექიმია. სხვა დეტალები ამ დროისთვის უცნობია.

ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431 -ს მიაღწია. სულ გამოჯანმრთელდა 10767 ადამიანი, გარდაიცვალა – 201, კარანტინის რეჟიმშია 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

29
თემები:
COVID-19 საქართველოში (2189)