ნასა

თბილისში ჰაკათონის NASA International Space Apps Challenge გამარჯვებულები დაასახელეს

63
სპეციალურმა ჟიურიმ ორი გამარჯვებული გუნდი გამოავლინა. ამასთან, თავისი ფავორიტი დაასახელა ილიას სახელმწიფო უნივერსიტეტმა.

თბილისი, 8 ოქტომბერი – Sputnik. ჰაკათონმა NASA International Space Apps Challenge თბილისში გამარჯვებულები გამოაცხადა.

NASA Space Apps Challenge თბილისში 2–4 ოქტომბერს, მთელ მსოფლიოში 200 ლოკაციის პარალელურად ჩატარდა. საქართველოში 17 გუნდად გაერთიანებული 70 მონაწილე 48 საათის განმავლობაში მუშაობდა გლობალურ გამოწვევებზე თავისი საქმის პროფესიონალების ლექციების მოსმენისას.

ონლაინ–ჰაკათონმა COVID-19-ის წინააღმდეგ საქართველოში გამარჯვებული გამოავლინა>>

სპეციალურმა ჟიურიმ ორი გამარჯვებული გუნდი გამოავლინა. თავისი ფავორიტი დაასახელა ილია ჭავჭავაძის სახელმწიფო უნივერსიტეტმა.

პირველი ადგილი დაიკავა გუნდმა FIre Detector – სწორედ მან მიიღო ჟიურის ყველაზე მაღალი შეფასება. ჯგუფის წევრები ილიას უნივერსიტეტის სტუდენტები არიან: გიორგი ტყებუჩავა, მარიამ შერეშაშვილი და კარლო თევზაძე.

სტუდენტებმა ერთგვარი ალგორითმი შექმნეს, რომელიც სხვადასხვა მონაცემის (ამინდის პროგნოზი, წელიწადის დრო, კვირის დღე, ტემპერტაურა და ა.შ) გათვალისწინებით ავლენს ადგილს, სადაც მაღალია ხანძრის გაჩენის რისკი, ამით ის ცეცხლის შესახებ გაფრთხილებას იძლევა და საგანგებო მდგომარეობის დროს შესაბამის მობილიზაციას უზრუნველყოფს

სპონსორებმა გამარჯვებულებს სასაჩუქრე სერტიფიკატი გადასცეს, ხოლო უნივერსიტეტმა თითოეულ 500 ლარის ოდენობის სტიპენდია დაუნიშნა.

გუნდმა The2Degrees მეორე ადგილი დაიკავა. გუნდში კომაროვის სახელობის სკოლის მე–11 კლასის მოსწავლეები შევიდნენ – დავით დომუზაშვილი, ალესანდრე ლაშქარავა, ნიკოლოზ სვანიძე და ნიკოლოზ გაფრინდაშვილი.

შეცვალე სამყარო: საქართველოში ინოვაციური იდეების კონკურსი გამოცხადდა>>

მათი პროექტის მიზანია დაეხმარონ რეგიონულ ხელისუფლებას რეგიონის დონეზე კლიმატის ცვლილების შედეგების შემსუბუქებაში. გუნდის წევრებმა ასევე მიიღეს სასაჩუქრე სერტიფიკატი და სტიპენდია, რომელიც მათ ილიას უნივერსიტეტში ჩარიცხვის შემდეგ დაენიშნებათ.

უნივერსიტეტის ფავორიტი გახდა გუნდი Carbonodetectors. მისი წევრები ილიას უნივერსიტეტის სტუდენტები ივანე კალატოზიშვილი და თუქაზბან ისკანდეროვა არიან. პროექტის ფარგლებში მათ ნახშიროჟანგის გამოყოფის ინდივიდუალური კალკულატორი შექმნეს.

63
ფეხბურთის ბურთი

„მერანის“ ფეხბურთელებს კორონავირუსი აღმოაჩნდათ 

10
საფეხბურთო კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

თბილისი, 29 ოქტომბერი – Sputnik. საფეხბურთო კლუბ „მერანის“ ფეხბურთელებს კორონავირუსი დაუდასტურდათ, წერია კლუბის ოფიციალურ გვერდზე.

კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

„5 ნოემბერს გასამართი მატჩი ეროვნულ ლიგა 2-ში, სადაც მარტვილის „მერანს“ ბოლნისის „სიონისთვის“ უნდა ემასპინძლა, გადადებულია. მიზეზი, კორონავირუსით გამოწვეული სიტუაციაა („მერანის“ რამდენიმე ფეხბურთელს COVID-19 დაუდასტურდა)“, – აღნიშნულია კლუბის Facebook-გვერდზე გავრცელებულ ინფორმაციაში.

ეროვნული ლიგის გვერდზე „მერანისა“ და „სიონის“ მატჩის ჩატარების ოფიციალურ თარიღად 25 ნოემბერია ჩანიშნული. ეს პირველი შემთხვევა არაა, როდესაც მატჩი გადაიდო. ანალოგიური მიზეზით თამაშები გადაუდეს „ლოკომოტივს“, ქუთაისის „ტორპედოს“ და ქობულეთის „შუქურას“.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია. გამოჯანმრთელდა 16904 ადამიანი, გარდაიცვალა 273 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

10
თემები:
COVID-19 საქართველოში
ნუკა კვალიაშვილი ეკა კვალიაშვილი

ეკა კვალიაშვილის გოგონა მეორედ გათხოვდა ნახეთ წყვილის რომანტიკული ფოტოები

194
(განახლებულია 20:17 29.10.2020)
ორიგინალური და ექსტრავაგანტული მომღერალი კვლავ შეყვარებულია. ნახეთ ვინ არის ნუკა კვალიაშვილის ახალი რჩეული.

მომღერალ ეკა კვალიაშვილის ერთადერთი ქალიშვილი – ნუკა კვალიაშვილი მეორედ დაქორწინდა. სოციალურ ქსელში გამოქვეყნებული ფოტოებიდან ირკვევა, რომ მისი მეუღლე 29 წლის მუსიკოსია და სოციალურ ქსელში ფსევდონიმად „ბენი“ აქვს მითითებული.

მომღერალი ნუკა კვალიაშვილი პირველ მეუღლეს ნიკუშა კობახიძეს 12-წლიანი ურთიერთობის შემდეგ დაშორდა. ამის შესახებ მან სოციალურ ქსელში თავად დაწერა. ინტერვიუებში მომღერალი ამბობდა, რომ წყვილი ერთმანეთს ვერ შეეწყო.

ნუკა კვალიაშვილი საზოგადოებამ რამდენიმე წლის წინ გაიცნო. ორიგინალური გარეგნობით კონკურსზეც გამოირჩეოდა, მაგრამ ახლა იმიჯი რადიკალურად შეიცვალა და ანიმაციის ულამაზეს გმირს დაემსგავსა. 

ნუკა გვალიას სახელითა და გვარით სცენაზე 2013 წელს გამოჩნდა. „რუსთავი 2“-ის რეიტინგულ პროექტში „საქართველოს ვარსკვლავი“ მის პირველ შესრულებას დიდი დაინტერესება და გამოხმაურება მოჰყვა.

გოგონას დიდ მომავალს უწინასწარმეტყველებდნენ. იმ პერიოდში ნუკა შეყვარებული იყო. მისი რჩეული ნიკუშა კობახიძე გახლდათ, რომელიც თინეიჯერობისას გაიცნო. თანატოლებს შორის წყვილი საკმაოდ დიდი პოპულარობით სარგებლობდა მაგრამ, ურთიერთობამ კონკურსის და ნუკას ცნობადობის შემდეგ გარდატეხა განიცადა. ნუკას და ნიკას თანაცხოვრებიდან ორი ვაჟი გაუჩნდათ – ლუკა და სანი.

ტაბლოიდებთან ნუკა აღნიშნავს, რომ არც ერთი ფსიქოლოგი ან ანტიდეპრესანტი არ შველის ისე, როგორც გარეგნობაში ცვლილება. ვარდისფერ თმას ლურჯი ცვლის, ლურჯს მწვანე ენაცვლება, მწვანეს ქერა, ქერას შავი და ასე დაუსრულებლად პირსინგებისა და ტატუების მომრავლებით.

ორიგინალური და ექსტრავაგანტული გარეგნობის მქონე მომღერალი ანიმაციებითაა გატაცებული. მის სოციალურ ქსელში მითოლოგიური გმირები ჭარბობენ, რომლებსაც ცდილობს დაემსგავსოს. გარდა ამისა, უყვარს სიგამხდრე და მაქსიმალურად ცდილობს წონა შეინარჩუნოს.

194
თემები:
სელებრითების ცხოვრება
სიტუაცია ნიცაში თავდასხმის შემდეგ

საქართველოს პრეზიდენტი საფრანგეთში დაღუპულთა ოჯახებს უსამძიმრებს

0
პრეზიდენტმა დაგმო სიძულვილით ჩადენილი თავდასხმა და განაცხადა, რომ ლოცულობს დაშავებულებისა და დაღუპულთა ოჯახებისათვის.

თბილისი, 29 ოქტომბერი — Sputnik. საქართველოს პრეზიდენტმა სალომე ზურაბიშვილმა ნიცაში მომხდარი თავდასხმის დროს დაღუპულთა ოჯახებს სამძიმარი გამოუცხადა.

„ჩემი ფიქრები ფრანგ ხალხთანაა. ვგმობ ამ სიძულვილით გამოწვეულ თავდასხმას. ვლოცულობ დაშავებულთა და დაღუპულთა ოჯახის წევრებისთვის“, – დაწერა ზურაბიშვილმა თავის Twitter-ში.

ხუთშაბათს დილით ნიცაში დანით შეიარაღებული უცნობი პირი თავს დაესხა ადამიანებს ნოტრ-დამის ეკლესიაში, დაიღუპა სამი ადამიანი, რამდენიმე დაიჭრა. რამდენიმე მედია იუწყება, რომ თავდამსხმელმა ორ ადამიანს თავები მოკვეთა.

საფრანგეთის პრეზიდენტმა ემანუელ მაკრონმა ნიცაში განაცხადა, რომ ქვეყანაზე „ისლამური ტერორისტული შეტევა“ განხორციელდა.

0
თემები:
საქართველოს პრეზიდენტი