ლევან რატიანი

რატიანი: ვართ ინფიცირებულები, მაგრამ არ ვართ დაავადებულები

92
(განახლებულია 14:39 07.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 508-ით გაიზარდა და 9753-ს მიაღწია.

თბილისი, 7 ოქტომბერი – Sputnik. აჭარაში ყველა კოვიდ-ცენტრი აღჭურვილია თანამედროვე მატერიალურ-ტექნიკური ბაზით და თავად მედიკოსები კვალიფიციურად ასრულებენ მოვალეობას, განაცხადა თბილისის საუნივერსიტეტო კლინიკის დირექტორმა ლევან რატიანმა.  

აჭარა კვლავ „წითელ ზონად“ რჩება – საქართველოში ბოლო 24 საათში გამოვლენილი 508 ახალი შემთხვევიდან 259 აჭარას უკავშირდება, ხოლო ლეტალური ოთხი შემთხვევიდან ორი ბათუმის რესპუბლიკურ საავადმყოფოში დაფიქსირდა. ეპიდემიოლოგების განცხადებით, მიზნობრივი ტესტირება აჩვენებს, რომ რეგიონში პრაქტიკულად ყოველი მეხუთე ტესტირებული ინფიცირებულია.

„მართალია, ვართ ინფიცირებულები, მაგრამ არ ვართ დაავადებულები. ამიტომ რაც შეიძლება მეტად უნდა დავიცვათ ჩვენი თავი და გარემო. ვინაიდან დღემდე არ არსებობს სამკურნალო საშუალება, მხოლოდ და მხოლოდ არსებობს ფიზიკური დისტანცია და პირბადე. კრიტერიუმები უნდა შევასრულოთ და აჭარა, იმედია, მალე გათავისუფლდება კოვიდ-ინფექციისგან“, – აღნიშნა რატიანმა.

მძიმე ეპიდსიტუაციის გამო, მთავრობის გადაწყვეტილებით, 26 სექტემბრიდან აჭარაში მუნიციპალური ტრანსპორტის მოძრაობა აიკრძალა, რესტორნები ღამის საათებში არ მუშაობენ. რაც შეეხება 1 ოქტომბრიდან სასწავლო პროცესის სკოლებში განახლებას, რეგიონი გამონაკლისი აღმოჩნდა – აქ სასწავლო პროცესი ყველა საფეხურზე დისტანციურად გაგრძელდა. ძალაში რჩება ქორწილებისა და ქელეხების აკრძალვაც.

ცერცვაძე: ინფიცირებულთა დღევანდელი რიცხვის გაორმაგებას კლინიკური სექტორი გაუძლებს>>>

კორონავირუსის გამო დაწესებული შეზღუდვების გაუქმების მოთხოვნით გუშინ ბათუმში აქცია გაიმართა. აქციის რამდენიმე მონაწილემ აჭარის მთავრობის შენობასთან შიმშილობაც დაიწყო. აჭარაში შეზღუდვების მოხსნის საკითხი ამ ეტაპზე არ განიხილება, რადგან დღევანდელი მონაცემები და ეპიდემიოლოგიური სიტუაცია ამის საშუალებას არ იძლევა, განაცხადა აჭარის ჯანდაცვის მინისტრმა ნინო ნიჟარაძემ ჟურნალისტებთან.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 508-ით გაიზარდა და და 9753-ს მიაღწია. ამ დროისათვის სულ გამოჯანმრთელდა 5235 ადამიანი, გარდაიცვალა – 62, კარანტინის რეჟიმში იმყოფება 5655, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1230 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

92
თემები:
COVID-19 საქართველოში (2230)
წვეთოვანი

პლუს 20: რამდენია კორონავირუსით გარდაცვლილთა საერთო რაოდენობა

2
(განახლებულია 10:54 29.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია.

თბილისი, 29 ოქტომბერი – Sputnik. ბოლო 24 საათში საქართველოში კორონავირუსით 20 პაციენტი გარდაიცვალა და მათი საერთო რაოდენობა 273-მდე გაიზარდა. შესაბამისი ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია.

ამ დროისათვის სულ გამოჯანმრთელდა 16904 ადამიანი, კარანტინის რეჟიმშია 3324, სტაციონარებში ექიმების დაკვირვების ქვეშ 4209 პაციენტია, ხოლო კოვიდ–სასტუმროებში 2346 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

2
თემები:
COVID-19 საქართველოში (2230)
ბათუმი

ყველაფერი ახალგაზრდობის ინოვაციური განათლებისთვის ბათუმში ახალი ტექნოპარკი გაიხსნა

7
(განახლებულია 10:49 29.10.2020)
ტექნოპარკში წარმოდგენილია სამრეწველო ინოვაციების უნივერსალური, უახლესი დანადგარებით აღჭურვილი ლაბორატორია

თბილისი, 29 ოქტომბერი – Sputnik. ბათუმში საქართველოს ინოვაციებისა და ტექნოლოგიების სააგენტოს (GITA)  ახალი ტექნოპარკი გაიხსნა, ნათქვამია ეკონომიკისა და მდგრადი განვითარების სამინისტროს Facebook–გვერდზე გავრცელებულ განცხადებაში. 

ტექნოპარკში წარმოდგენილია სამრეწველო ინოვაციების უნივერსალური, უახლესი დანადგარებით აღჭურვილი ლაბორატორია (ფაბლაბი). უმაღლესი კვალიფიკაციის მქონე სპეციალისტებით დაკომპლექტებული ლაბორატორია დაინტერესებულ პირებს მოდელირებასა და პროტოტიპირებაში დაეხმარება.

 „მთელი საქართველოს მასშტაბით ასეთი ტექნოპარკების გახსნა ძალზე მნიშვნელოვანია, ეს არის ცოდნის ახალი კერა და ინოვაციური განათლების მიღების ადგილი ახალგაზრდებისთვის“, - აღნიშნა ნათია თურნავამ.

ტექნოპარკი აერთიანებს სასწავლო ცენტრს, საერთო სამუშაო სივრცეს სტარტაპებისა და ე.წ ,,ფრილანსერებისათვის“, სადაც შესაძლებელია გარკვეული პირობებით სამუშაო ადგილის მიღება, საკუთარი იდეის თუ სტარტაპის გასავითარებლად. სივრცე აღჭურვილია ყველა პირობით, რომელიც ხელს უწყობს სტარტაპის განვითარებას.

გარდა ამისა, ბათუმის ტექნოპარკი არა მხოლოდ ადგილობრივ, არამედ რეგიონიდან ჩამოსულ ახალგაზრდებსაც მოემსახურება, ვისაც ინოვაციებისა და ტექნოლოგიების განხრით ახალი ცოდნის შეძენა სურს და უნდა, რომ ამ სფეროში უფრო კონკურენტუნარიანი გახდეს.

პროექტი აჭარის ავტონომიური რესპუბლიკის მთავრობისა და მსოფლიო ბანკის ფინანსური მხარდაჭერით განხორციელდა.

ტექნოპარკის გახსნის ცერემონიაში ნათია თურნავას გარდა, მონაწილეობდნენ ინოვაციებისა და ტექნოლოგიების სააგენტოს ხელმძღვანელი ავთანდილ კასრაძე და ეკონომიკისა და მდგრადი განვითარების მინისტრის მოადგილე ირაკლი ნადარეიშვილი. 

 „ზოგადად ჩვენი ხელისუფლება, სამთავრობო გუნდი ძალიან დიდ ყურადღებას აქცევს განათლებას და დიდ რესურსს ხარჯავს განათლებაში. ცალკე სფერო, რომელსაც განსაკუთრებით ვეხმარებით, არის ინოვაციები და ტექნოლოგიები, IT–განვითარება, კომპიუტერული პროგრამირება, სტარტაპები“, – განაცხადა თურნავა.

მინისტრმა გაიხსენა მთავრობის მიერ ახლახან მიღებული გადაწყვეტილება საერთაშორისო კომპანიებისთვის საგადასახადო შეღავათების შემოღების შესახებ, რომლის მიზანიც ქვეყნის ეკონომიკის განვითარებისთვის ბიზნესის სულ უფრო მეტი წარმომადგენლის მოზიდვაა.

ასე რომ, საერთაშორისო კომპანიების სტატუსის მიღება შეუძლიათ IT–კომპანიებსაც. თურნავას თქმით, საქართველოში უკვე გადმოდიან მსხვილი IT–კომპანიები, რომლებიც ქვეყნის ნიჭიერ და კრეატიულ მოქალაქეებს დაასაქმებენ.

7