„კორონა დრაკულა ხომ არაა?!“ – რას აპროტესტებენ ბათუმში

© Sputnik / Alexander Imedashviliშეზღუდვები კორონავირუსის გამო
შეზღუდვები კორონავირუსის გამო - Sputnik საქართველო
გამოწერა
კორონავირუსის ყველაზე მეტი შემთხვევა ამ ეტაპზე ისევ აჭარაში ვლინდება. მიზნობრივი ტესტირება აჩვენებს, რომ რეგიონში პრაქტიკულად ყოველი მეხუთე ტესტირებული ინფიცირებულია.

თბილისი, 6 ოქტომბერი – Sputnik. ბათუმში მოქალაქეები ეპიდსიტუაციის გამო დაწესებული შეზღუდვების მოხსნას ან კომპენსაციის გაზრდას ითხოვენ, იუწყება „პირველი არხი“.

ბათუმში კლასიკური მუსიკის საერთაშორისო ფესტივალი გაიმართება >>

ტესტირება - Sputnik საქართველო
პირდაპირ თვითიზოლაციაში! - ინფიცირებულებთან კონტაქტში მყოფ პირებს PCR-ტესტს არ ჩაუტარებენ

დღეს ბათუმში საპროტესტო მსვლელობა მოეწყო. აქციის მონაწილეები სკოლებსა და ბაღებში სასწავლო პროცესის განახლებასა და საზოგადოებრივი ტრანსპორტის მუშაობის აღდგენას მოითხოვენ.

აქციის მონაწილეებს შორის არიან სამორინეებში, რესტორნებსა და სარიტუალო დარბაზებში დასაქმებულები, ასევე მიკროავტობუსების მძღოლები. მათი ნაწილი იღებს 200-ლარიან კომპენსაციას, თუმცა ისინი ამბობენ, რომ ეს ბანკის ვალების დასაფარადაც არ არის საკმარისი. ისინი პროცენტის შემცირებას და კვლავ საშეღავათო პერიოდს ითხოვენ.

„200-ლარიანი დახმარება რაში უნდა გვეყოს? რამდენიმე თვეა უკვე უმუშევრები ვართ, გვაქვს უამრავი საბანკო ვალდებულება და ეს თანხაც არაა საკმარისი. ვითხოვთ კომპენსაციის გაზრდას და ვადის გაგრძელებას. ასევე საბანკო სესხების გადავადებას. დაგვიბრუნონ სამუშაო ადგილები, დაგვაბრუნონ ჩვეულ რიტმში. სხვა ქალაქებში არაა შეზღუდვები და იგივე პირობებში ჩაგვაყენონ. შეუძლებელია ქალაქში გადაადგილება, ტრანსპორტიც გაჩერებულია“, – განაცხადა აქციის ერთ-ერთმა მონაწილემ ეკა მგელაძემ.

ტესტირება კორონავირუსზე - Sputnik საქართველო
ენდელაძე: კოვიდ-ინფიცირებულიდან 55 პაციენტის მდგომარეობა კრიტიკულია

მუსიკოსი ნანა კუხალაშვილიც აცხადებს, რომ უმუშევარი დარჩა.

„ვარ მუსიკოსი, ვმუშაობ რესტორანში. 20:00 საათის შემდეგ იკეტება რესტორანი და არანაირი აზრი არ აქვს მუშაობას. დავრჩი შემოსავლის გარეშე. ვითხოვ, დაგვაბრუნონ ჩვეულებრივ რეჟიმში, დააბრუნონ საზოგადოებრივი ტრანსპორტიც. რომც ვმუშაობდე, რით უნდა წავიდე, ტაქსის ფული სად გვაქვს. არ მესმის 20:00 საათის შემდეგ კორონავირუსი რატომ აქტიურდება, დრაკულა ხომ არაა?!“ – განაცხადა კუხალაშვილმა.

აქციის მონაწილეები მოთხოვნების დაუკმაყოფილებლობის შემთხვევაში პროტესტის გაგრძელებას გეგმავენ.

კორონავირუსის ყველაზე მეტი შემთხვევა ამ ეტაპზე ისევ აჭარაში ვლინდება. მიზნობრივი ტესტირება აჩვენებს, რომ რეგიონში პრაქტიკულად ყოველი მეხუთე ტესტირებული ინფიცირებულია. აჭარაში დიდი ხანია კლასტერებს აღარ ითვლიან.

გიორგი გახარია - Sputnik საქართველო
გახარია: თანამედროვე მსოფლიომ ვერაფერი ახალი ვერ შემოგვთავაზა ვირუსის წინააღმდეგ ბრძოლაში

მძიმე ეპიდსიტუაციის გამო, მთავრობის გადაწყვეტილებით, 26 სექტემბრიდან აჭარაში მუნიციპალური ტრანსპორტის მოძრაობა აიკრძალა, რესტორნები ღამის საათებში არ მუშაობენ. რაც შეეხება 1 ოქტომბრიდან სასწავლო პროცესის სკოლებში განახლებას, რეგიონი გამონაკლისი აღმოჩნდა – აქ სასწავლო პროცესი ყველა საფეხურზე დისტანციურად გაგრძელდა.

გასულ დღე-ღამეში კოვიდ-ინფიცირებულების ზრდამ 549 ადამიანი შეადგინა, აქედან 348 შემთხვევა აჭარაში დაფიქსირდა.

 

ყველა ახალი ამბავი
0