სტიქია ხელვაჩაურში

გოგონა, რომელიც აჭარაში მეწყერს გადაურჩა, ფონდ „გურიის დღიურების“ სტიპენდიას მიიღებს

76
(განახლებულია 16:39 06.10.2020)
ხელვაჩაურის მუნიციპალიტეტში მეწყერი 2 ოქტომბრის ღამით ჩამოწვა. სტიქიის შედეგად ექვსი ადამიანი დაიღუპა, მათ შორის თიკა თედორაძის ოჯახის ყველა წევრი – მშობლები და 16 წლის ძმა.

თბილისი, 6 ოქტომბერი – Sputnik. 12 წლის თიკა თედორაძე, რომელიც ხელვაჩაურის მუნიციპალიტეტის სოფელ ჯოჭოში მეწყერს გადაურჩა, ყოველთვიურად ფონდ „გურიის დღიურების“ სტიპენდიას მიიღებს, ამის შესახებ ორგანიზაციის ხელმძღვანელმა, პარლამენტის ეროვნული ბიბლიოთეკის დირექტორმა, მწერალმა და ტელეწამყვანმა გიორგი კეკელიძემ საკუთარ Facebook-გვერდზე დაწერა. 

ხელვაჩაურის მუნიციპალიტეტში მეწყერი 2 ოქტომბრის ღამით ჩამოწვა. სტიქიის შედეგად ექვსი ადამიანი დაიღუპა, მათ შორის თიკა თედორაძის ოჯახის ყველა წევრი – მშობლები და 16 წლის ძმა.

იმ ღამეს მეექვსეკლასელი თიკა ბებიასთან იყო სტუმრად.

პირველად მაშველებმა გოგონას დედის ცხედარი იპოვეს, რამდენიმე საათის შემდეგ კი მამის ცხედარი. ძმის ცხედარი კი მაშველებმა მეორე დღეს აღმოაჩინეს.

„ხელვაჩაურში სტიქიას შეწირული ოჯახიდან ცოცხალი მხოლოდ 12 წლის თიკა თედორაძე დარჩა. გოგონას დეკემბრიდან „გურული დღიურების“ ფონდის სტიპენდიას დავუნიშნავთ და შემდეგაც სულ მივადევნებთ თვალყურს. თიკა საუკეთესო განათლებას მიიღებს“, – დაწერა კეკელიძემ.

გიორგი კეკელიძის მიერ დაფუძნებული ფონდი „გურული დღიურები“ ეხმარება შეჭირვებულ ბავშვებსა და ახალგაზრდებს, ასევე რთულ პირობებში აღმოჩენილ მოსწავლეებს.

მაგალითად, კეკელიძემ 2020 წელს დააწესა ყოველთვიური სტიპენდია ესპანეთში კორონავირუსის ინფექციით დაღუპული ქალის შვილისთვის. ფონდმა მეხუთეკლასელი ანანო ნაჭყებიასთვის შეიძინა სასკოლო ინვენტარი და სკოლის დამთავრებამდე გოგონას განათლებასთან დაკავშირებით დახმარებას გაუწევს.

76

საგანგებო სიტუაციების მართვის ცენტრში დეზინფექცია ჩატარდა - ვიდეო

72
საქართველოს შინაგან საქმეთა სამინისტროს საგანგებო სიტუაციების ოპერატიულ ცენტრში კორონავირუსის გავრცელების საფრთხესთან დაკავშირებით დეზინფექცია ჩატარდა. როგორ მიმდინარეობდა პროცედურა - იხილეთ ვიდეოში

ბოლო დღე-ღამეში კორონავირუსით დაინფიცირების შემთხვევებმა 1 731-მდე იმატა. გარდაიცვალა 15 პაციენტი.

ოფიციალური ვებგვერდის StopCov მონაცემებით, პანდემიის დაწყებიდან ქვეყანაში დღემდე 33 858 შემთხვევა გამოვლინდა.

ამასთან, ბოლო 24 საათის განმავლობაში კოვიდ-კლინიკები დატოვა 2 197-მა პაციენტმა, პანდემიის დაწყებიდან განიკურნა 14 829 პაციენტი, გარდაიცვალა 253.

72
არჩევნებზე - როგორც ომში!

არჩევნებზე როგორც ომში!

47
(განახლებულია 21:11 28.10.2020)
შაბათს საპარლამენტო არჩევნები კორონავირუსის პანდემიის ფონზე ჩატარდება. COVID-19-ის გავრცელების საფრთხესთან დაკავშირებით საარჩევნო უბნებზე უსაფრთხოების შესაბამის ზომებს მიიღებენ.
არჩევნებზე - როგორც ომში!

არჩევნებზე ამომრჩევლები აუცილებლად უნდა მივიდნენ პირბადით. საარჩევნო ადმინისტრაციის წევრები და დამკვირვებლები ასევე გამოიყენებენ პირბადეებს.

47
დიდი ბორბალო

29 ოქტომბერს დაბადებულები ზოდიაქო, დახასიათება, რჩევები

0
(განახლებულია 10:35 28.10.2020)
გაეცანით 29 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

29 ოქტომბერს დაბადებულები

29 ოქტომბერს ძალზე მიმზიდველი ადამიანები იბადებიან. შეუძლებელია, მათ ხიბლსა და ქარიზმას გაუძლო - შეწინააღმდეგებას აზრი არა აქვს, თითოეული ახალი ნაცნობი მოჯადოებული და მოხიბლული რჩება.

ეს თავისთავად ხდება, მაგრამ ამ დღეს დაბადებულებისთვის ეს ძალიან დიდი სარგებლის მომტანია. ქარიზმას სხვაგვარად რბილი იარაღსაც უწოდებენ. 29 ოქტომბერს დაბადებულებს თავისუფლად შეუძლიათ შესანიშნავი მანიპულატორები გახდნენ თან ისე, რომ მათი თანამოსაუბრე ვერც კი იგრძნობს ამ ადამიანების გავლენას.

დიდი შესაძლებლობები ამ ადამიანებში თავდაჯერებულობას ბადებს, მაგრამ მათ უნდა გაითვალისწინონ, რომ ამ პლანეტაზე მძლეთამძლე არავინაა; ზედმეტია ექსპერიმენტების ჩატარება ახლობლებზე, ნაცნობებზე და მათი გამოყენება საკუთარი თავისთვის სარგებლის მიზნით.

29 ოქტომბერს დაბადებული მორიელები ძალაუფლებისმოყვარე, წარმატებაზე ორიენტირებული ადამიანები არიან. უყვართ ყურადღების ცენტრში ყოფნა, აღიარება. მათი მომხიბვლელობა მიზანსწრაფულობასა და სიჯიუტესთანაა შერწყმული. გარეგნულად ეს ადამიანები ნაზი და რბილი ჩანან, მაგრამ, შესაძლოა, ძალზე სასტიკი და მკაცრი იყვნენ. ისინი არ პატიობენ ღალატს. მოტყუებული მორიელი ძალზე საშიში მტერია.

სიმაღლის, სიბნელის, დახურული სივრცის თუ... ზოდიაქოს ნიშნების ფობიები>>

ამასთან, ეს ადამიანები მზად არიან თანამშრომლობისთვის, კარგად მუშაობენ გუნდთან, ამასთან, შესაძლოა, ლიდერობის პრეტენზია არც ჰქონდეთ, აკმაყოფილებთ ავტორიტეტული პროფესიონალის სახელი.

პროფესიული საქმიანობის მხრივ, 29 ოქტომბერს დაბადებულები ნოვატორები არიან. აქვთ ორიგინალური იდეები და სტრატეგიები, ყველაფერი უმნიშვნელო დეტალებამდე აქვთ გათვლილი.

აინტერესებთ მხოლოდ რეალური საქმეები. საქმიანობის სფეროდ, უმეტესად, საზოგადოებრივ საქმიანობას ირჩევენ. პოლიტიკოსებს შორის ბევრი მორიელია.

ჯანმრთელობა

29 ოქტომბერს დაბადებულები იშვიათად ავადდებიან სერიოზულად, მაგრამ ორგანიზმის თითოეულ მინიშნებას ყურადღებას აქცევენ. მათ არ უნდა მიმართონ მკურნალობის საეჭვო მეთოდებს, ამაზე დაეხარჯებათ უამრავი დრო და თანხა, ორგანიზმს კი შეიძლება ავნონ.

რჩევა:

თანამედროვე სამყაროში ძალიან ძნელია, სტრესს თავი აარიდო; მნიშვნელოვანია შედეგების აღკვეთის სწავლა. უნდა შეიმუშაოთ მოდუნების, დასვენების თქვენეული მეთოდიკა, რათა სამუშაოზე არ „გადაიწვათ“.

0