ეკატერინე ტიკარაძე

ტიკარაძე: საქართველოში PCR–ტესტების დეფიციტი არ არის

59
(განახლებულია 09:18 06.10.2020)
ქვეყნის კლინიკებში ჯერჯერობით ასევე არ არის ადგილების დეფიციტი – ჰოსპიტალურ სექტორში 3 ათასი საწოლია მობილიზებული.

თბილისი, 5 ოქტომბერი – Sputnik. საქართველომ საკმარისი რაოდენობის PCR–ტესტები შეიძინა, ქვეყანაში დეფიციტი არ არის, განაცხადა ბრიფინგზე ქვეყნის ჯანდაცვის მინისტრმა ეკატერინე ტიკარაძემ.

პირდაპირ თვითიზოლაციაში! - ინფიცირებულებთან კონტაქტში მყოფ პირებს PCR-ტესტს არ ჩაუტარებენ>>

მისი თქმით, უწყება მუდმივად აკონტროლებს მარაგებს და შესყიდვები პარალელურ რეჟიმში მიმდინარეობს.

ტიკარაძემ ისაუბრა ინფიცირებულ პაციენტებზე და აღნიშნა, რომ 23 მათგანი ხელოვნური სუნთქვის აპარატზე იმყოფება, ხოლო 115 ინფიცირებული – რეანიმაციურ განყოფილებებში. კრიტიკულ მდგომარეობაშია 36 ადამიანი.

რაც შეეხება საწოლების რაოდენობას, მინისტრის თქმით, სისტემაში მობილიზებულია 3 ათასი ადგილი.

ტიკარაძე ასევე შეეხო არჩევნევბის ჩატარების თემასაც. მისი თქმით, უწყება ყველაფერს გააკეთებს იმისთვის, რომ საარჩევნო პროცესი მოქალაქეებისთვის, საერთაშორისო დამკვირვებლებისთვის უსაფრთხოდ ჩატარდეს. ჯანდაცვის სამინისტრო აქტიურად თანამშრომლობს ცესკოსთან, აღნიშნა ტიკარაძემ.

„ყველანაირად ვეცდებით, რომ ყველა მოქალაქისთვის, საერთაშორისო დამკვირვებლებისთვის უსაფრთხოდ წარიმართოს საარჩევნო პროცესი, რადგან საქართველოს ისტორიაში ეს არის ერთ-ერთი ყველაზე მნიშვნელოვანი არჩევნები, რომელიც საქართველოს კიდევ ერთხელ დააყენებს იმ დემოკრატიული განვითარების გზაზე, რომელიც გვაქვს არჩეული“, – განაცხადა ტიკარაძემ.

საპარლამენტო არჩევნები საქართველოში 31 ოქტომბერს ჩატარდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და 8696-ს მიაღწია.

ამ დროისათვის სულ გამოჯანმრთელდა 4619 ადამიანი, გარდაიცვალა – 54, კარანტინის რეჟიმში იმყოფება 5392, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1100 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

59
თემები:
COVID-19 საქართველოში (2184)
თურქეთის დროშა

კორონავირუსუს გამო საქართველოში თურქეთის საკონსულო მუშაობას აჩერებს

46
დიპლომატიური მისია თავის მოქალაქეებს მოუწოდებს, საჭიროების შემთხვევაში საკონსულოს ცხელ ხაზს დაუკავშირდნენ.

თბილისი, 25 ოქტომბერი – Sputnik. საქართველოში ახალი კორონავირუსის გავრცელების მაჩვენებლის ზრდის გამო თურქეთის საკონსულო მუშაობას აჩერებს, აღნიშნულია თურქეთის საელჩოს Facebook-გვერდზე. 

საქართველოში ახალი კორონავირუსით ინფიცირების დღე-ღამური მაჩვენებელი ორი ათასს უახლოვდება. ეპიდემიოლოგების პროგნოზებით, ნოემბერში ახალი შემთხვევების რაოდენობა სამ-ოთხ და ხუთი ათასსაც კი მიაღწევს დღე-ღამეში.

თურქეთის დიპლომატიური მისია აცხადებს, რომ საკონსულოში ოპერაციები აღარ განხორციელდება მანამ, სანამ ამის შესახებ ხელალხალი განცხადება არ გაკეთდება. საელჩო მიმართავს თავის მოქალაწქეებს, შესაძლო გადაუდებელი საკონსულო ოპერაციების განხორციელების მიზნით დაუკავშირდნენ საკონსულოს ცხელ ხაზს. 

საქართველოში ახალი კორონავირუსით დაავადებულთა რაოდენობამ 28431-ს მიაღწია.

ამ დროისათვის სულ გამოჯანმრთელდა 10767 ადამიანი, კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

46
თემები:
COVID-19 საქართველოში (2184)
დალი ჩიტალაძე

დალი ჩიტალაძის დედა 80 წლის გახდა - მოდის კრიტიკოსი მშობლების უსაყვარლეს ვიდეოს აქვეყნებს

37
(განახლებულია 19:13 23.10.2020)
საკუთარ თავს მოდის კრიტიკოსად არ აღიარებს, მაგრამ საქართველოში მას ყველა ასე წარადგენს. ნახეთ როგორი მშობლები ყავს დალი ჩიტალაძეს

გე­მოვ­ნე­ბი­ა­ნი და დახ­ვე­წი­ლი ქალბატონი - ამ ეპითეტებით ხშირად დალი ჩიტალაძეზე საუბრობენ. მოდის ექსპერტი ყურადღების ცენტრში დიდი ხანია მოექცა, მაგრამ მისი პოპულარობა განსაკუთრებით გადაცემა „მასტერშეფი“-ს შემდეგ გაიზარდა. მოდის ექსპერტი 57 წლის გახლავთ და არაჩვეულებრივად გამოიყურება.

როგორც დალი ინტერვიუებში ყვება, კონსერვატორია აქვს დამთავრებული. წერდა სიმღერებსაც, თუმცა მოდა ყოველთვის პირველი იყო მის ცხოვრებაში. მუდამ მომღიმარი და პოზიტიური დალი ჩიტალაძის ცხოვრება არც ისე მარტივად წარიმართა. მიუხედავად უდარდელი და ხალისიანი ბავშვობისა, მას მარტო, შვილთან ერთად, ემიგრაციაში მოუწია ყოფნა, სადაც „ვერსაჩეს“ სახლში მუშაობამდე რესტორანში მღეროდა.

ამერიკაში ყოფნის პერიოდში შეიტყო ძმის გარდაცვალება, შემდეგ და გარდაეცვალა და ამ ტკივილს წლების შემდეგ კიდევ უფრო მძაფრად გრძნობს, როდესაც მშობლები მოხუცდნენ და მათ ავადმყოფობასთან შეჭიდება მარტოს უწევს. ცოტა ხნის წინ „ინსტაგრამზე“ უსაყვარლესი ვიდეო გამოაქვეყნა, სადაც დედას ოჯახის წევრები 80 წლის იუბილეს ულოცავენ. მშობლები მათი ასაკის კვალობაზე არაჩვეულებრივად გამოიყურებიან.

37
თემები:
სელებრითების ცხოვრება
ბეჟან გუნავა

ქართული ოპოზიციური პარტიის Facebook-გვერდზე კიბერშეტევა განხორციელდა

0
პარტიაში ვარაუდობენ, რომ შეტევა ძალოვანი სტრუქტურების წარმომადგენლებმა Facebook-გვერდზე გამოქვეყნებული მასალების გამო განახორციელეს

თბილისი, 25 ოქტომბერი – Sputnik. ოპოზიცური პარტია „ქართული არჩევანი“ ავრცელებს ინფორმაციას, რომ პარტიის ოფიციალურ Facebook-გვერდზე კიბერშეტევა განხორციელდა.

პარტიის თავმჯდომარე ბეჟან გუნავა აცხადებს, რომ შეტევის მიზანს მათი საარჩევნო კამპანიის ჩაშლა წარმოადგენს.

„პარალიზებულია „ქართული არჩევანის" Facebook-ის ოფიციალური გვერდი. მიგვაჩნია, რომ ეს არის წინასაარჩევნო პროცესში ჩარევა და არის შეგნებულად გაკეთებული. ჩვენ ეჭვი გვაქვს, რომ ეს განხორციელდა ძალოვანი სტრუქტურების მხრიდან, ვინაიდან ჩვენ რამდენიმე დღის უკან ავტვირთეთ ვიდეო, სადაც ხდება სრული ლუსტრაცია პატრულის საქმიანობის. ამ ვიდეოს აქვს ნახევარ მილიონამდე ნახვა“, - განაცხადა ბეჟან გუნავამ ტელეკომპანია Rustavi2-ის ეთერში.

შსს-ში განაცხადეს, რომ ინციდენტის გამოძიება დაიწყეს.

საპარლამენტო არჩევნებზე ბიულეტენში ეს პარტია მე-14 ნომრად არის აღნიშნული.

საქართველოს მოქალაქეები დეპუტატებს 31 ოქტომბერს აირჩევენ. არჩევნებში მონაწილეობას 48 პარტია და ორი ბლოკი მიიღებს. ქვეყნის მოსახლეობა აირჩევს 150 დეპუტატს - 120-ს პარტიული სიებით, 30 მაჟორიტარს - ერთმანდატიან ოლქებში. პარტიებისთვის გამსვლელი ბარიერი 1%-ს შეადგენს, ბლოკებისთვის - იმდენს, რამდენი პარტიაც არის მის შემადგენლობაში.

ბოლო წლებში ბეჟან გუნავა იყო „პატრიოტთა ალიანსის“ აქტივისტი, მონაწილეობდა ბევრ საპროტესტო აქციაში. არაერთხელ არის დაკავებული ადმინისტრაციული სამართალდარღვევისთვის, პოლიციისადმი დაუმორჩილებლობისა და წვრილმანი ხულიგნობისთვის. ბეჟან გუნავამ 2020 წლის ივნისში ოპოზიციური პარტია „საქართველოს პატრიოტთა ალიანსი“ დატოვა და ახალი პოლიტიკური ორგანიზაცია შექმნა.

 

 

0
თემები:
კრიმინალი საქართველოში